Mstdfr Show 2023

كلنا اليومين اللي راحت سمعنا عن توقيع كريستيانو رونالدو مع نادي النصر السعودي… ومع إنه فوائد هذه الصفقة على البلد له فوائد كثيرة… بعض الناس يشوفوا انه الموضوع ما يسوى الهيلمان هذا كله بالذات انه رونالدو معد صار زي أول. لكن هل احنا فعلاً نحتاج منه اليوم قدراته الرياضية؟ أو نحتاج منه خبرته العالمية أكثر؟

وهذا الكلام ينطبق بشكل كبير على كل الناس اللي وصلوا سن التقاعد في عملهم… هل تشوفوا انه خبرتهم في هذا السن أهم من قدراتهم الإنتاجية؟

#289: ما نحتاج قدراته ترا نحتاج خبرته

بمشاركة [ فايز مليباري ]

مع السنة الجديدة كثير من الناس يحاولوا يبدأوا حياة جديدة… ومو لازم تغيير كلي، يحاولوا يتغيروا حتى ولو بجزء بسيط. لكن ليش هذه التغييرات ما تجي غير مع بداية السنة؟ جانا هذا التسائل وقررنا نناقشه مع صديق البرنامج الدافور القديم فايز مليباري اللي حكانا عن بعض التغييرات اللي هو قرر يطبقها في حياته مع بداية سنة ٢٠٢٣.

#290: عادات جديدة بس مستدامة

بمشاركة [ فيصل عسيري و ياسر ناصف ]

اليوم طلعنا الرياض وقعدنا مع مستدفرنا القديم… ولدنا الضايع فيصل عسيري وشاركنا صديقنا العزيز ياسر ناصف. وفي نهار ممطر في الرياض جلسنا ندردش على مواضيع مختلفة بدأت بكروية الأرض وانتقلت لبعض ألعابنا المفضلة على البلايسيشن إلى ما وصلنا لحقوق حفظ القصص والشخصيات.

وللأسف كان في مشكلة في التسجيل وبالتالي الصوت ما كان بالجودة المطلوبة، بس ما حبينا نترككم اليوم من غير حلقة… فقررنا ننشرها ونعتذر مقدماً على الجودة.

#291: الأرض وميكي ودوري مافي

بمشاركة [ أميرة شيخ و مرام العيسائي ]

إنتاج المحتوى من فن أو برامج أو غيره يحتاج خبرة، ومو دايماً تكون متوفرة عندنا الموارد الرسمية أو الفرص المناسبة اللي تعطينا هذه الخبرة. في هذه الحالة عندنا واحد من خيارين… يا نستسلم ونقعد نحلم بحياة تمنينا نعيشها لسنوات… أو نلاقي طريقة نعلم نفسنا ونشتغل بالطول وبالعرض. والخيار الثاني هو المفهوم اللي ضيوفنا اليوم بيطبقوه في حياتهم كل يوم وبه قرروا يعيشوا الحياية الفنية اللي حلموا فيها وهم صغار.

صديقة البرنامج الفنانة أميرة شيخ وصديقتنا الجديدة الفنانة مرام العيسائي شاركونا اليوم الحديث وأتكلمنا عن ”الكود سويتشيج“ اللغوي والفن والتعليم وكمان صناعة البودكاست.

#292: فنانة رسمت شيكين ناجت

بمشاركة [ فيصل عسيري ]

مؤخراً صرنا نلاحظ إنه كثير من المشاهير حول العالم بدأوا يحطوا نفسهم في مواقف بايخة تخرب عليهم شغلهم وحياتهم بشكل كبير… هل المشكلة في الناس؟ أو المشكلة كانت دائماً موجودة… ولكن الآن صار الوصول للمعلومات المخفية أسهل؟

صديقنا الدافور القديم فيصل عسيري شارك معانا النقاش اليوم واتكلمنا عن مواضيع مختلفة من ضمنها سباقات الفورميلا ون وناقشنا كمان مدى تأثيرها على حياتنا اليومية.

#293: هنا فورميلا ون والفنان أتجنن

كل واحد فينا عنده اللي يعجبه واللي ما يعجبه… بي في نفس الوقت في الأشياء اللي يجتمع على حبها أو كرهها الأغلبية. وهذا يخلي هذه الأشياء تعتبر المقياس، وهذا لكثير مننا للأسف ما يكون منصف! لأنه مهو بس عشان أغلبكم يحب شيء معناته اللي أنا أحبه يعتبر غلط… وحتى لو الأغلبية ما قدروا قيمة الشيء اللي أنا أحبه… هل هذا يعطيهم الحق في الإستنقاص منه؟

#294: سيبه في حاله الهرجة تحلا له

بمشاركة [ فيصل عسيري و حسين عطار و عمير طيبة ]

حلقة اليوم مختلفة شوية… جاتنا دعوة خلال الأسابيع اللي راحت اننا نشارك في مؤتمر ليب في نسخته الثانية واللي أقيمت سنة 2023، المؤتمر جمع أكثر من مية ألف مبتكر تقني وخبير من جميع انحاء العالم لاكتشاف الأفكار الخلّاقة والرائدة وبناء شراكات جديدة، إلى جانب التواصل مع المستثمرين والملهمين. ومع إننا للأسف كنا مشغولين وما قدرنا نحضر المؤتمر ما حبينا نضيع الفرصة واتواصلنا مع أحد الدوافير الأصليين عشان يفزع لنا… صديقنا فيصل عسيري مسك زمام الأمور وسجل لنا حلقتين مع بعض رواد الأعمال اللي حضروا المؤتمر. في حلقة اليوم أستضفنا رائد الأعمال وأحد خريجي الدفعة الأولى من برنامج مسك لقادة ٢٠٣٠ الأستاذ حسين عطار وشارك معاه في الحلقة الدافور الأصلي والمهندس العبقري عمير طيبة.

#295: تجمع مبتكرين وليب مبدعين

بمشاركة [ عبدالله غازي ]

وأخيراً بعد طول غياب… ولدنا الضايع الدكتور والدافور عبدالله غازي رجع لنا بعد طول غياب. وعشان ما نعرف متى حيرجع لنا ثاني، استغلينا الوضع وقعدنا ندردش تقريباً ساعتين تكلمنا فيها عن يوم الحب وإذا كان له أي جوانب سلبية أو إيجابية. وكمان تكلمنا عن إذا ما كنا نفضل الطاقة والحماس اللي نمتلكهم واحنا صغار أو الخبرة والحكمة اللي نكتسبهم واحنا كبار.

وفي الآخر تطرقنا لمقومات تقييم أي محترف كأفضل مؤدي في تاريخ مجاله، واللي في نقاشنا استخدمنا لاعب كرة السلة الأمريكية البطل ليبرون جيمز كمثال في مقارنته مع أسطورة اللعبة مايكل جوردان. وتجادلنا في موضوع مين فيهم يستحق اللقب أكثر من الثاني.

#296: طاقة عشريني أو خبرة أربعيني

بمشاركة [ فيصل عسيري و عمر شبعان و كريم سماقي ]

حلقة اليوم مختلفة شوية… جاتنا دعوة خلال الأسابيع اللي راحت اننا نشارك في مؤتمر ليب في نسخته الثانية واللي أقيمت سنة 2023، المؤتمر جمع أكثر من مية ألف مبتكر تقني وخبير من جميع انحاء العالم لاكتشاف الأفكار الخلّاقة والرائدة وبناء شراكات جديدة، إلى جانب التواصل مع المستثمرين والملهمين. ومع إننا للأسف كنا مشغولين وما قدرنا نحضر المؤتمر ما حبينا نضيع الفرصة واتواصلنا مع أحد الدوافير الأصليين عشان يفزع لنا… صديقنا فيصل عسيري مسك زمام الأمور وسجل لنا حلقتين مع بعض رواد الأعمال اللي حضروا المؤتمر. في حلقة اليوم أستضفنا رائد الأعمال المبدع وصديق البرنامج الأستاذ عمر شبعان  وشارك معاه في الحلقة صديقنا الأستاذ كريم سماقي.

#297: لما نطيت ثاني جي بي تي جاني

بمشاركة [ عمير طيبة ]

في حلقة اليوم رجع لنا الدافور الأصلي وأول ضيف في تاريخ البرنامج المهندس العبقري عمير طيبة واللي جلس وأتكلم معانا في مواضيع فلسفية وعلمية مختلفة، واللي تضمنت كلام عن الدرونز وطريقة عملها إلى الفروقات ما بين استخدام التقنيات الإلكترونية والتقليدية وعن طريقة عمل الراديو والأجهزة اللاسلكية. المواضيع أتشعبت واتشكلت وبإذن الله تعجبكم.

وكمان حابين نقول لكم انه حلقتنا اليوم برعاية الجيل الجديد من جهاز كيندل. والجماعة في آمازون حابين يعرفوكم على الجيل الجديد من جهاز كيندل واللي فيه مميزات جديدة عشان تساعدكم على القراءة بمتعة أكبر وبسعر مناسب… يحتوي أحدث جهاز Kindle على شاشة عالية الدقة حجم 6 بوصة، مع ميزة وضعية الإضاءة الداكنة، ببوصات ودقة 300 بكسل. وتتضمن أجهزة Kindle الجديدة كليا،ً الأخف والأصغر في فئتها، بطارية تدوم لفترة تصل إلى ستة أسابيع، بالإضافة إلى سعة تخزين 16 جيجابايت - ضعف سعة تخزين الجيل السابق – وهي تكفي لاستيعاب الآلاف من العناوين والكتب، وهذا الشيء حيتمكنكم من اصطحاب مكتبتهم الشخصية لأي مكان. الجهاز متوفر الآن بسعر 449 ريال سعودي بسعة 16 جيجابايت وباللون الأسود أو اللون الأزرق. وتتوفر كمان أغطية قماشية جديدة لجهاز Kindle بسعر 129 ريال سعودي بالألوان الأسود والوردي والأزرق والزمردي .

ممكن تعرفوا أكثر عن الجهاز عن طريق حسابهم في إنستجرام أو موقعهم الرسمي:

https://www.instagram.com/amazonksa/

https://www.amazon.sa/-/en/kindle-%D8%A5%D8%B5%D8%AF%D8%A7%D8%B1-2022/dp/B09SWV1FSS/ref=sr_1_6?crid=VN7WMTSXCMPK&keywords=kindle&qid=1677366858&sprefix=kindl%2Caps%2C243&sr=8-6&th=1

#298: موجة تذبذبية ولا للإلكترونية

بمشاركة [ هاشم الزين ]

أي مجتمع له قوانينه وطرق التعامل العاصة به واللي تتحول لعادات متصرفات متعارف عليها اللي تضطر كثير من الناس انهم ما يتصرفوا على طبيعتهم. ودائماً ما نلاقي أنفسنا بنلبس أقنعة أحياناً تكون سلوكية وأحياناً تكون إجتماعية عشان تحمينا من كلام غيرنا، وفي نفس الوقت تعطي الناس إنطباع متقبل مجتمعياً عننا. وهذا الشيء اللي ضيفنا اليوم وصديقنا الصدوق الدافور والمهندس د. هاشم الزين اللي كتب مقالة عن الموضوع سرد فيها عشرة سلوكيات تتكون منها هذه الأقنعة.

ولو حابين تقرأوا المقالة بالإنجليزي ممكن تلاقوها على موقع د. هاشم: https://medium.com/@hashim.alzain/behind-the-mask-7bd2ae51913c

#299: قناع إجتماعي وقناع سلوكي

بمشاركة [ عمير طيبة و فيصل عسيري و هاشم الزين ]

وبالسلامة وصلنا حلقة رقم ٣٠٠ من بودكاست مستدفر! صراحة ما أتخيلنا إننا نوصل للي وصلنا له خلال السبعة سنوات اللي راحت، بس الفضل بعد الله يعود لكم يا مستمعيننا الدوافير اللي صمدتوا معانا عبر السنوات ودعمتونا وصبرتوا علينا :)

وقفتكم جنبنا وحماسكم المتواصل هو اللي يدفعنا لأننا نقدم أكثر وأكثر… وعشانكم قررنا نسوي حلقة اليوم بصيغة حلقاتنا الأولى واستضفنا الدوافير الأصليين إللي بدأوا معانا المشوار في أول حلقة من البرنامج عمير طيبة و فيصل عسيري وزي الحلقة الأولى صديقنا هاشم الزين دخل علينا في وسط الحلقة وشاركنا التسجيل… الحلقة كانت عفوية واتكلمنا فيها على الأفلام والسينما في السعودية وعلى الذكاء الاصطناعي و شات جي بي تي وغيرها من المواضيع المختلفة اللي إن شاء الله تعجبكم.

#300: هل أحد عارف إيش بنسوي؟

بمشاركة [ فواز برناوي ]

في حلقة اليوم زارنا ضيف كان لنا فترة بنحاول نستضيفه وأخيراً ضبطت مواعيدنا اللي كانت مخططة لبرنامج ثاني لكن بسبب الظروف لقينا نفسنا بنسجل حلقة لمستدفر ما خططنا لها! ضيفنا اليوم كان الدافور الخلوق الأستاذ فواز برناوي إللي اتكلمنا معاه عن مواضيع مختلفة تضمنت الأكل والأصناف المختلفة منه زي السيريه والبفتيك والمنتو والفرموزه وكيف حساسية التذوق عندنا ممكن تحدد نوع الأكل اللي ممكن نحبه وناكله، وكمان تبحرنا في حب التعلم وزيادة الفضول ومصادر المعرفة المختلفة زي الكتب والأفلام والبودكاست.

#301: شبيك ولبيك سيريه وبفتيك

بمشاركة [ خالد الحصيّن و بسام تركستاني و نوف النجيمي ]

طلب العلم هو من أهم الأعمال اللي ممكن نسويها في حياتنا… ومع إن زمان كانوا كثير من الطلبة وبالذات في مراحل التعليم المدرسي ما كانوا يحبوا الدراسة بشكل كبير… طلبة اليوم وبإستخدام التكنلوجيا قدروا يخللوا التعليم والتدريس شيء محبب إلى قلوبهم. وهذا الشيء اللي ضيوفنا اليوم قدروا يحققوه خلال السنوات الماضية! ومع إنهم مجرد طلبة مرحلة ثانوية ومازالوا في سن المراهقة… قدروا انهم يستثمروا وقت فراغهم في نشر العلم عن طريق منصة ”نغرس“.

ضيوفنا اليوم هم إثنين من مؤسسي المنصة… الطالب خالد الحصيّن نائب رئيس المنصة… والطالب بسام تركستاني الرئيس التنفيذي للمنصة… وشاركت معانا كمان اليوم دافورتنا المتميزية الأستاذة نوف النجيمي. منصة نغرس هي مبادرة تطوعية تساعد الطلاب أكاديميًا وتهدف لدعم وبناء مستقبل وجيل افضل. تطور الطلاب علميًا وتساعدهم في مسابقات متعددة بادراجهم في برامج خاصة من صنع مؤسسي المبادرة وتجهيزها لمساعدتهم وتوجيههم في الجامعة ومستقبلهم المهني. واللي يميز المنصه انها من الطلاب وإلى الطلاب… فكلهم في فريق العمل طلاب بيحاولوا مساعدة زملائهم الاخرين… ونشر الوعي والعلم والمعرفة هو هدفنا.

وممكن تتعرفوا على المبادرة بشكل أكبر عنطريق موقع نغرس: naghris.com

وممكن تتابعوهم على صفحتهم في الانستجرام: @naghris_sa

#302: نغرس الفكرة ونجني الفائدة

بمشاركة [ هاشم الزين ]

أكيد أغلبنا سمع ببرامج الذكاء الإصتناعي اللي كثير صاروا بيستخدموها زي شات جي بي تي وميد جيرني وغيرها… وكثير من الناس خايفين من هذه البرامج وتأثيرها السلبي على حياة البشرية. لكن هل فعلاً هذه التقنيات بتشكل خطر علينا؟ إي نعم في وظائف غالباً حتنقرض مع تطور هذه البرامج… بس هذا حالنا على مر التاريخ… نفقد وظائف بسبب التقنية ونكسب وظائف جديدة. وأهم عامل في هذه المعادلة اللي ممكن ينقذنا هو عامل الإبداع! وهذا الشيء اللي صديقنا المبدع د. هاشم الزين حب يناقشه معانا في حلقة اليوم.

#303: ذكاء إصتناعي غير لي عالمي

بمشاركة [ عبدالرحمن السفياني و فيصل عسيري ]

مع تقدم التقنية في عالم البرمجة والتطور اللي صرنا نشوفه في أنواع التسهيلات الحياتية… صار كل يوم والثاني تطلع لنا مصطلحات جديدة تغير العالم وثلاثة أرباعنا مو فاهمين إيش معناتها. وأحد هذه المصطلحات هي مصطلح ”فينتيك“ واللي هو إختصار لكلمتي ”التقنية المالية“. والسؤال الأهم… إيش هي أبعاد التقنية المالية وتأثيرها على معاملاتنا اليومية؟ ولحسن الحظ صديقنا الدافور وخبير الفينتيك الأستاذ عبدالرحمن السفياني شارك معانا في حلقة اليوم وشرح لنا عن عالم وتاريخ التقنية لمالية وكل التفاصيل اللي ممكن تفيدنا اليوم. عبدالرحمن هو أحد مؤسسي شركة سبليفايد وهي أول منصة إلكترونية لخدمة قطاع الفندقة.

#304: فلوس مفزلكة تفنتك الفنتكة

بمشاركة [ عمر ملائكة و مصطفى أحمد ]

اليوم التطور في التقنية أعطانا تطور كبير جداً في عالم البيانات.. ووفرة البيانات هذه إذا استخدمت بشكل صحيح ممكن تدر فوائد كبيرة للمستخدمين أصحاب البيانات… وكمان مقدمي الخدمات اللي عرفوا كيف يوظفوا هذه البيانات لمصلحة الطرفين. 

وعشان نفهم الموضوع بشكل أكبر زارنا اليوم الشريك المؤسس والرئيس التنفيذي لشركة كوانتم صديقنا والدافور بزنسي الكبير عمر ملائكة… وكمان في وسط الحلقة انضم إلينا صديق جديد ودافور في عالم التقنية المالية والبرمجة الأستاذ مصطفى أحمد وهو مؤسس شركة ”بيبر“ اللي تقدم خدمات جديدة في عالم التقنية المالية.

#305: كوانتم كالبرق دافعين بالورق

Featuring [ Jessica Beck & Aubrey Carter ]

For us as not native English speakers when we study the language we don’t necessarily learn it and use it properly, so a few educators came together and created a better way to learn English to help us move from stuck to fearless to fluent.

So get rid of that dull old textbook! When you learn English, you should feel motivated and our friends at All Ears English think that communicating with others is the main benefit of learning English. By concentrating on your errors, do not become mired in perfection. Through their platform you can join Lindsay, Michelle, Jessica, and Aubrey for some socializing! They are all here to make learning English enjoyable, stress-free, and real.

Today we sat with the "Examiner of Excellence” Jessica Beck the Director of IELTS Training and the "IELTS Wiz"  Aubrey Carter the 3 Keys IELTS Certified Teacher and they told us about their amazing podcast and the wonderful work they are doing to teach english to millions of people around the world.

All Ears English site: allearsenglish.com
IELTS course: allearsenglish.com/keys
All Ears Podcast: https://podfollow.com/all-ears-english-podcast
IELTS Podcast: https://podfollow.com/ielts

#306: All Ears English Granting a Wish

بمشاركة [ خالد موس ]

اليوم كانت جلستنا شوية رايقة وفلسفية… ومن العنوان يمكن واضح نوع المواضيع اللي دخلنا فيها. وكالعادة كل ما زارنا الكوميديان المبدع والفيلسوف الدافور خالد موس… طبيعي يكون عيار الفلسفة في النقاش عالي جداً.

#307: كلنا مسيرين وكمان مخيرين

بمشاركة [ عبدالله غازي ]

الارتباط بأي شخص آخر عمره ما كان حاجة سهلة… بغض النظر إذا كانت علاقة صحوبية أفلاطونية بين أصدقاء في المدرسة أو علاقة إرتباط عاطفي بين شاب وشابة مخطوبين ومقبلين على الزواج… في أول الفترة نكون متحمسين ومبسوطين بالعالم الجديد اللي انفتح لنا. لكن بعد فترة تبدأ الكلاكيع تطلع… واذا ما كنا مستعدين لها ممكن العلاقة تنتهي فجأة. ولأنه دكتورنا الرهيب الضايع عبدالله غازي زارنا في الاستديو اليوم قررنا نفتح معاه الموضوع ونشوف رأيه فيه… وكالعادة ما خيب ظننا!

وحابين كمان نقول لكم انه برنامجنا اليوم برعاية مكاتب ڤايبز… الحل الأمثل لمساحات العمل المشتركة… وكمان بيت مستدفر من ٢٠١٩ إلى اليوم. واذا انتم من رواد الأعمال أو حتى من أصحاب الشركات الناشئة وبتدوروا عن مجتمع يمكنكم ومساحة عمل تلهمكم وتزيد من انتاجيتكم…  فڤايبز عندها مكان لكم… وإيش في أحسن من انكم تكونوا جيراننا؟

أتفضلوا بزيارة موقعهم www.vibesoffices.com عشان تعرفوا أكثر… أو تقدروا تتابعوهم على وسائل التواصل الاجتماعي @Vibesoffices

#308: إرتباط عفوي بحب أفلاطوني

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم