هفضل فاكر كل حاجه و كل رساله و ذكري

و كل صوره متصورينها كانت فين و أمتي

هفضل فاكره كل حاجه و كل رساله و ذكرى و كل صوره متصورينها كانت فين و امتى❤️

تلت سنين ولسة بنفس اللذاذة 🫶

Lyrics :

عمرك ما هتبقي كـ لحن موسيقتي مهما حاولت أعزِفِك
ومهما قلّل يأسي أملي .. هفضل برضه أوصِفِك
لفّي الكون على حد محتاجلِك في حياته قدّي
مهما مُت في كل مرّة في مرّة هتبقي بتاعتي
_____________________________________________

لأوّل مرّة أحلّل المشكلة و اختار حلول
إزّاي هتنبّت بذرة و أنا زارعها فـ أرض بور
سنة و ستّة شهور .. درست فيهم دور واكتَمَل
إزّاي هيعيش الحب لـ قلب في قلب بـ غيره اتقَتَل

ارتباط بذرة بـ زارعها و علاقة نبتة بـ ساقيها
لو تحتاجني بـكون جنبها و كل ما بـحتاجلها بلاقيها
زي ما ميزة اللمبة النور .. إنتي الميزة في أرض تدور
فترة تنوّر فترة تضلّم .. نفسي في نورها نعيش على طول

طول ما شايفِك جنبي حالتي دايمًا مُستَقِرّة
بـ رغم كل عيب .. علاقتنا لسّه مُستَمِرّة
مشكلة شكِّك إنّي بحبِّك صدّقيني مُضِرّة
هفضل مُصِرّ على ارتباطي بيكي لو مُصِرّة

فكّرتي في يوم أنا قد ايه في كل يوم بعاني
بحتاج أمل يساعدني أهزِم كل اللي اتحدّاني
عشاني .. فكّرتي تحُطّي نفسِك مكاني ؟
قِناع القوّة في وشّ الكل .. لوحدي الوشّ التاني

فيه أكتر من إنّي أبقى قادر في لحظة أبدّل قلبك
بـ قلب يضحّي بـ نبضه في سبيل إنّي أبقى جنبك
لكنّني رافض فكرة جمع قلوب الناس بـ إشارة
ايه فايدة إكسير الحياة و أنا محبوس في المغارة

كرهت كل حاجة كانت سبب في مقابلة بيننا
لو يرجع الزّمن تكرار محاولة مش هـيفيدنا
رغم إنّ القافية جامعة بيني و بينك إلّا إننا
مفيش حاجة واحدة قادرة تربط بيننا إلّا أيدنا
_____________________________________________

و فين وفين بـ تِسأل .. إنتَ فين ما تبقى تِسأل
و أتقلّ عليها أقول مصيرها يوم فـ يوم هـتعقَل
عارف مكاني عندِك .. اللي حجزته بـ مفتاح قلبِك
اللي اتصَنَع .. لمّا اتجَمَع .. كل تراك كتبته عنـِّك

بـ يزيد خيالي كل ما أفكّر فكرة و تعيشيها
و أشوف بلّورة في عينِك كنت زمان أنا عايش فيها
بس أنا مش هـكدب أنا مش بـ أرسم كل رسمة ليكي
بـ اسرح بـ اشخبط أركِّز في الخطوط .. أشوف عينيكي

بـ اقابل كل غلطة في حقي بـ حُسن في المُعاملَة
بـ احافظ على كرامتها مبتحافظش و لو مُجاملَة
رغم دفاعي عن قصّتنا وسط مشاكل شاملَة
شايفة نقصي في كل حاجة و أنا شايفها كاملَة

مش هـجبِرِك تقولي حاجة مش عايزة تقوليها
لو طلبتي كنت هـعمل أيّ حاجة تطلبيها
لكن أعمال العالم متساويش مُفرَد من اسمِك
دا العقل بـ يقنع قلبي حالاً إنّه جزء منـِّك

فكراني مبسوط بـ المَكسَب لأ بـ العكس أنا مش عايزهم
عايزينِك تفضلي رفضاني عشان يفضل كلامي لامسهم
بـ يزيدوا في آلامي و رغم القدرة رفضت اؤذيهم
حجّتهم .. غير كلامي في مِحنتهم مين هـيواسيهم ؟

لو إنتي الروح في كل حاجة و أنا اللي مُمتَلِكهم
فـ لا عُزت في يوم أكون مَملوك و لا عُزت أكون مَلِكهم
انتقلنا من اختيار غلط .. لـ بلا اختيار أساسًا
زهقت من رِضاك بـ لبس عمره ما كان مقاسَك
_____________________________________________

لازم نحدّد حَبكَة .. قبل ما يوصل آخر الفيلم
يا إنتي فعلاً هيَّ .. يا إمّا بـ نحلم نفس الحلم 

بـ أجمع قلوب العالم اللي حبّي ساكِن فيها
و أعمل من أجسادهم سِلِّم و أطلع يمكن أوصل ليها
 
و كأنّي كنت بـ أبني أحلى عِشّ لأحلى طير و طار
فـ عِشت أحلم لوحدي فيه و وقفت في نُصّ المشوار
_____________________________________________

Three Stories III
Mfesh Amal ?! II
Isabelle

Sad Romance Imagination Track.

Isabelle

Recored By : A-R Studio
Mix.Mastring : Mahmoud Afifi ♥
Lyrics : 
عارف لما تبقى بارد و تموت جواك المشاعر
وتكره كل حاجة بتربطك بأى كائن
تخاف انك تجازف وتسمع كلمة اسف
كاخر كلمة اتقالت ليك فتاخد العزلة ساتر
عارف لما تبقي حاسس باللى جوا كل واحد
وتشوف اسمك بعينك اصغر خط تحت فى هامش
بتكبر بس فى حالة هوامش المصالح
فتلعن كل عيش و ملح بينكوا زمان اتاكل
عارف لما تبقي حاضر بس كأنك كنت غايب
وتشوف الضلمة نور لان  القمر نوره باهت
وحبيبتك مهما كانت بتضحى او بتساعد
حبك ليها نهايته فرقه برغم عدم وجود مشاكل
عارف لما تبقي تايه لما تبقي مانتش عارف
مين اللى فيهم صادق مين بتقابله و هو طبعه خاين
لما تكره التجارب لما تلقى العشرة هانت
لما تعدى وانت خايف لا ينوبك من الغدر جانب
----------------------------------------
عارف انت لما تكون وسط كل دول و دول
وتلاقى فى وشك السواد محدد الجفون
وتشوف اللى فى القواب امراض على كل لون
بتحس الكل عادى وانت لوحدك المجنون
----------------------------------------
عارف يعنى ايه تخون متأمنش حتى لضلك
مش مستوعب فكرة ان حد بيفضل جمبك 
وتشوف الفرقة جنه تحب تكون لوحدك
وليه تعيش معاهم طب ماكله هيبعد عنك
عارف لما تبقي جماد ساعتها مبتعرفش تقرق
بين طعم المايه العذبه و طعم المايه المالحة
وتقول اصلا مش فارقة ومين مهتم بحالتك
ياعينى دة انت شوفت كتير لما القلب استكفى
عارف انت لما تدور ع السعاده فى خرم ابره
وفجأة تكتشف ان السعادة مجرد  كدبه
وتلقى العيشة اصعب من شوكة واقفه فى حلقك
ويبقي الموت اهونلك من انك تطلب مساعدة
عارف لما تحس بجلدك رافض نور الشمس مرة
مش عاوز تخرج بره حتى لو عملولك ثورة
عرفت انت مخير وخدت قرار فى لحظة
انك ما تفارق اوضتك الا لما تكون فى قبرك
----------------------------------------
عارف انت لما تكون وسط كل دول و دول
وتلاقى فى وشك السواد محدد الجفون
وتشوف اللى فى القواب امراض على كل لون
بتحس الكل عادى وانت لوحدك المجنون
----------------------------------------

Follow me on Facebook :
https://www.facebook.com/SuBZiR0

Sub-Zero | عارف

Vocals: Dinho & Black Ak
Record, mix nd master: Rakan
Poster: Abdelrahman 
Special Thanks: May Mourad 

الكلمات
انتى مش هى اللى فى خيالى , هى نصى التانى
انتى بتاخدى منى بس هى مكملانى
هى حد تانى ليا باقى للى باقى من حياتى
شفتك هى فى وقت كنتى فيه عميانى
بس عادى كل ده بيبين الحقيقة
تعرف الرخيص عشان الغالية تشتريها
قلتى مش بفرحك فقلت أفاجئك بهدية
إفرحى أخيراً انا كتبتلك أغنية
كنت الحلو اللى فيكى , كنتى العيب اللى فيا ها
حاولت أنضفك حاولتى توسخى ايديا
مش ندمان على خسارتك خسارتك دى مكسب ليا
الكداب ملوش مكان فيا الكداب مفهوش أمان ليا
بس هى هتحافظ على الوعود اللى بِنا
كلامهما مش هيتبدل مهما الزمان هيغفلنا
طبيعى حابة اللى بيئذيكى فهتشوفينى بمثل
شوفينى أسوء شخص فى العالم هى هتتغزل
دورى على محمود فى وشوش الناس اللى تعرفيهم
جايز هتلاقى شوية تفاصيل بس الباقى مش فيهم
لأ مش هتلاقى منى تانى حتى اللى فى خيالك مش زيىِ
عكسك انا هلاقى هى جمبى انا ذنبك وانتى مش ذنبى
مين يسمعنى مين
هى مش انتى
أيوة هى حد لسة جى بعد ما مشيتى
مش عايز غيرها
هى بيا أقوى
هى بيا أولى
انا بيها أحلى

مش بفكر فيك قلبى رجع بعد آلمى
مش راجع تانى ليك حتى لو جيت و غيرتك السنين
مش مهتم انى أعرف ليه
كل وعودك راحت فين
مش مهتم بيكى طالما مشيتى
فى غيرك بيا أولى انى أبقى ليه

اه بكرهِك - لو الحياة شريط ف حرجعه وانا بخسرك
نفسى أكسرِك بنفس القصه تتأثرى
مفيش رجوع بمسح الدموع بطلوع الروح
ف يغور اليوم الى قلبى فيه قدرك (قلبى فيه قدرك اه)
إنتى من طريق - و أنا من طريق
شكلِك جوا العتمه حلو الضلمه تليق بيكى
لا وراجع تانى اكنى كنت مستنيك
ايوا كنت مستنيك بس عشان أهد فيك
شايفِك بتدارى عينك ليه
شايف الندم جوا عنيك
مش راجع تانى ليك - قلبى معدش يحب فيك (اه)
قالك النور مكانه فى القلوب
بس دور فى القلوب مش حتلاقى غير ذنوب
دور جوا النور مش حتلاقى غير جروح
عشت أدور جوا الضلمة على حد مش موجود
عارف انك جاى نادم جوا عقلك انا ساكن عالى صوتك يلا قوول
مش لاقى زايى ف الكون
عالى صوتك يلا قول
قد كلامى انا (أووو)
نش راجع (أووو)
من غير كلام على طول
أرواح من نور و من نار و من مين بنختار محتار جوا العقل جدار بس القلب ملوش حطان
ابعدنى عن العالم - غمض عينك حالاً
ابعدنى عن الألآم عايز أكون وحيد أكون وحيد
عايز أعيش ف سلام
ابعدنى عن الألآم عايز أكون وحيد أكون وحيد
عايز أعيش ف سلام

Single

مش بفكر فيك

Black ak ft Dinho - Msh Bfkr Feek | مش بفكر فيك

Or2osy - ارقصي - Marawan ClicksCrew (rec by: Fidro Microscope)

2ابريل

Written and performed by MT3.
Produced by EDOBY.

الكلمات:

لسه فاكر أول مرة فيها شوفتك،
و الطرحة البيضة اللي كنتي لافة بيها شعرك،
و قد إيه مبسوطة إم تي واقف قدام وشك،
بس كان لي أسباب خليتني مبسوط أكتر منك،

زي إني.. عمري ما حسيت الإحساس ده أصلاً،
أكون بضحك من قلبي عشان واحدة جاية تتصور!،
طول طريقي بفكر.. مش ف الحفلة ف الوقفة،
مين دي أوصلها إزاي أنا معرفش إسمها حتى،

و كإني عارفك من سنة حفظت شكلك وقتها،
شوفتك ملاك من غير جناحين و أحلف "دي نازلة من السما،
دي.. دي فالتة ف الزمن" .. شوفتك كاملة فاهمة؟،
و الطريقة اللي لقيتك بيها كانت صايعة فاكرة؟،

أنا لسه فاكر.. و فاكر حاجات تانية،
زي إزاي مشاعري زادت بدون تفكير بعقلانية،
زي إزاي أنا كنت بسامح و أعدي حاجات مش عادية،
زي إزاي مكنش باين إنك بتضحكي عليا،

مكونتش.. متوقع.. عادي مشوفتش كويس،
صحابي قالو "إنت بدماغك إزاي مقدرتش تميز"،
بس الفكرة طول الفترة أنا مقصرتش لمرة،
فمجاش ف بالي لو لحظة إنك ف يوم هتطلعي بره،

فأنا.. مش مستوعب ده إنتي وعدتيني و قولتي،
"أنا مش هسيبك طول عمري".. أنا مش لاقيكي دلوقتي،
معرفش لإمتى هقرا الشات أصمه و أفضل فاتحه،
أو ده الريكورد الكام اللي برضو.. مش باعته،

جوايا كتير و لو مطلعش هتجنن،
بسمع صوتك ف أي واحدة بتتكلم،
مفتقد برودك اللي غلب ديسمبر،
شايفك جميلة مهما عملتي مش هنكر،

و برضو.. رغم إن فراقك كسر فيا،
إتأكدي إني بدعيلك عادي ف كل صلاة ليا،
إتأكدي إن مهما قابلتي محدش هيشوفك بعنيا،
هيحبوكي عشان حورية.. فصعب يتقارنو بيا،

و أنا هبقى كويس بدأت أزيف إبتسامتي،
طول مانا قاعد وسط الناس عشان محدش يسألني،
و لو حصل بقول "تمام" و أقلع القناع ده ف أوضتي،
تضاد أصوات عقلي و قلبي و ذكرياتنا اللي ف مخي،

بقيت أروح نفس الأماكن عشان بس كنتي،
فيها ف يوم من الأيام و أقعد هناك لوحدي،
و أحس روحك ف المكان و قولنا إيه هنا زمان،
و كمان.. دموعي تهرب لما باجي أمشي،

ده حتى النوم نسيت طعمه ده حتى اليوم مبيخلصش،
أو.. بيخلص و أيامي شبه بعض معرفش،
طول الوقت أنا جوا أوضتي قاعد لوحدي مبنطقش،
بحاول ألاقي غلطة ليا و صعب عليا مفكرش،

هل خذلتك مثلاً؟ هل قصرت ف حقك؟،
يمكن مكونتش مهتم و طول الوقت سايبك،
أسف سرحت غصب عني بقول عمايلك،
هيداوي الوقت و من دلوقت أنا مسامحك،

فبتمنالك السعادة مبعرفش أكره.. حتى،
لو دي النهاية فكانت أحلى فترة،
هفضل فاكر كل حاجة كل رسالة و ذكرى،
و كل صورة.. متصورينها كانت فين و إمتى.

MT3 - ديسمبر (Prod. EDOBY)

في قلبي أنثى عبرية - عمر أحمد الجنايني _Omar Ahmed.mp3

Keen - matla'esh  | كين - متلاقيش
#Keen #matla2esh  #كين #متلاقيش 

music : taylor king
الكلمات : 
بيحبوك لا متلاقيش ساندوك لا متلاقيش 
في حل لا مفيش حبل يكفي البير غويط 
 في اصول ياه ايوه في بتعدي ايوه اكيد 
 ازاي    قلبك كبير   عديت حاجات متتنسيش

انا اللي قايل سلام مش قصدي اني اودع انا عايز نبقي
كل اللي شايف تمام  كل اللي سمع مفهمش الكلام
يادنيا مهما اكون شاريكي قوليلي عليا ليه بتيجي 
قوليلي و فمرة صارحيني  احكيلي عالزايف مالناس

ياه ياه مين اللي ابتدي مين اللي بايع وقتها  
مين اللي سايب ومين اللي فاضل للاخر لو نرجع للسبب
     كنتي سبتيني فالاخر بردو ما كسبتيني
هعاتبك ولو تسمحيلي قوليلي  طب ايه انتي سبتيلي 

انا فالدنيا دي جريت علشانها ياما ياما شئيت 
علشانها ياماياما بس الابتسامة منها بتنسيني البيت 
ياااا اتقلبت بخسارة ايوه للاسف يا خسارة
علي حالي واللي جاري اتبعت لما كنت رهن لاشارة 
 
ايوا رهن لإشارة للمزيكا مش انتي اطلاقا 
 للمزيكا مش انتي اطلاقا وصوتي واصل مش محتاج انطلاقة
ايام باللي فيها بتعدي وسط الكل بس لوحدي 
ايام باللي فيها بتعدي وسط الكل بس لوحدي


عنيك كشفاك  والغل بيبان  
ماسك شفاف الي ورا بيتشاف 
و مش عاوزك فالنور  بينا اختلاف مش فاكر اني من الضل بخاف
مش جنب الحيط و مش بدوس علي الناس 
اكتفيت من الثقة و نسيت طعم الكاس 
الي منه اتعلمت  مفيش مرة ندمت 
لو رميت حجارة مليش بيت ازاز

وقتك معايا  انتهي السلامة طريق مش بينادي 
اديت الامان  مش بعادي طعنة من الضهر بيها ليك يهادي 
مش بقول نفسي نفسي  كان عندي طاقة  اتبخرت دلوقتي مش لاقي الباقي 
 مواقف كتير لمين شاكي
يا تدور العجلة تمشيها  او يكسرك موج بعيد اتي

الشكوي لغير الله مذله  امتي هيتغير حالنا 
فوشوش الخلق علي نفس بدور تعبت و التوهه اجلنا
خيال مأته ملوش اي فايده بس بيخوف  الطير
و الناس دي موجودة وبالنسبالي غايبة فمعدتش بعتمد غالغير
انعدم الخير من قلوبكو الابيض انطفي واتبدل سواد 
اتسنت سيوفكو المغروسة بسمومكو مسجون بيترجي جلاد 
في سبيل البعاد بتتبني الحجج تتهد احلامك تتقفل سكك 
هكمل معاك لنهاية الطريق مجرد كلام والمشهد  يتعاد

soundcloud : http://soundcloud.com/mckeenmusic
facebook : http://facebook.com/mckeenmusic
instagram : http://instagram.com/mckeenmusic
twitter   :  http://twitter.com/mckeenmusic


A1 connection : 
https://soundcloud.com/a1connection1

Keen - Matla'esh | كين - متلاقيش

Lyrics
سفينتي متبنيتش عشان جماهير عريضة
لو شىء بغنوة إتهد يتبني بقصيدة
لا اختارت جاري ، ولا قُطر فتحة غاري
مصمم ع اللي اختارته ، ومش حزين مع اختياري

لا شىء لا يمكن استبداله .. عالج التعلق
ناس كتير ع القمة لا تفقه التسلق
أغلى من حاجات ، وكافرة بالتدرج
تيجان ملوك دابت نتيجة التملق

غير العامة .. بنطارد الفراشات بشغف
ع المشانق أطفال إذا فرعون ارتجف
جيوشنا لفت من غير ما تضرب سهم
من قصاد حصون ورق كانت مدهونة وهم

أرواح فرادى اتطفت لما قلدت الإجواز
بوظت اللوحة لما حاوطتها ببرواز
تجار إصلاح لكن من يوم ما فهموا الناس
تاجروا في الغضب والطوب .. وسط بيوت إزاز

عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني

فينا حته أغمق من أغمق مكان في الكون
أقدم حتة غسيل لسه بتطفح لون
في ناس مكان ما تشوط ينصبولها جون
احنا اللي حاربنا ده في عز ما كننا دول

بغير الأسامي وأحكي نفس القصة
كل شىء بيغلى ، وانتي رخيصة لسه
بغطس في الوجع بدون أنفاس حابسها
ريحتك في كل حاجه كنت بتنفسها

تعالي قبل النوم وانا احكيلك حكاية
عالم سلبي طول ما الأكسجين محايد
في فرق بين كويسين وبين بطلنا
الناس مبيبانوش بجد غير في الضلمة

كان بيننا خيوط لكن مش باقي غير أرفعهم
بينطوا من عماير والهوا بيرفعهم
قالتلي مبتعرفش تحب ليه ترتبط؟
انا بحب انا .. حتى لو اتشقلبت

عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني

مش عارف .. انا الحقيقي ولا غش
بقطع وش ألاقي تحته وش
أشك في اللي بنى ، وأشك في اللي اتبنى
أصعب اكتشاف في العالم اكتشاف ال انا

عصاه تبلع عصيانهم ؛ فبيصبح مكروه
يقولوا عليه من ضهره ، ويخافوا يناظروه
لا دينه دينهم ، ولا عايز رضا التمثال
يبص على معبدهم يضحك من عدد الإقفال

ده بسبب كشافات الليل بقى النهار مليل
مادام بياخدوا اكتر منك .. الكتير قليل
في ركن في الفضاء ، وجنبك اكسجين متسيل
لا حمل إنك تشيل ، ولا إنك تشيل

إسأل فحم المكن عن معنى رأسمالي
بفضل اخواتنا في فلسطين بقى للطوب معاني
لو مش عارف ابن آدم كنت لومتك
جرب تكونني ساعة .. تنفجر جمجمتك

غبي لدرجة ان الرد اللي انت قولته
بكتب قصايد ، وده شرف عمرك ما نولته
الجامد الروش ده أعلى لقب طولته
فيلمكوا رخيص ، وانا انسحبت من بطولته

عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني

El Joker - Qasida l الجوكر - قصيدة

ويجز دموعنا مالحه (مافتكركش غير بلخير لما اقلب في الدفاتر/ارمي ع قبرك ورود ادعي يا اجيلك يتعوود)

غناء: مصطفى ممتاز.
كلمات: محمود طارق (MT3).
الأغنيه الأصليه: نتشد - محمود طارق (MT3).

Prod.Raspo.

Facebook Account: https://www.facebook.com/Mostafa.Momtaz69
Facebook Page: https://www.facebook.com/Momtazation

#Momtazation.
#Mostafa_Momtaz.

MT3 - ديسمبر (Prod. EDOBY)

MT3

Recent comments

آلاء🦋

Ahmed Ibrahem

Mohammad Eteifa 🪶

Ziad Abd Alshafy

Related tracks