حتي لو دي النهاية ف كانت احلي فترة

معرفش لامتي اقرا الشات اصمه وافضل فاتحه

ف مش مستوعب، دا انتي وعدتيني وقولتي، مش هسيبك طول عمري، انا مش لاقيكي دلوقتي. *

واحس بروحك ف المكان، وكنا بنقول اي زمان. "

بسمع صوتك في اي واحده بتتكلم

هفضل فاكر كل حاجة كل رسالة و ذكرى

اغاني راب _ احمد عفروتو_ يارا والحرافيش

2ابريل

مبلش ريقنا غير لبن مسكوب دموعنا عكرته
انا الطفل كان في عينه بريق ، بس الحياة طفته
ربع قرن اتخطف مني ، والمقابل غنا
بتوه في علامة استفهام "لماذا نحن هنا؟"

وحد الله ولا بعمل شيخ ، ولا بمسك سبحة
شيطاني ينام شبعان ، ويجوع أول ما نصحى
بجيبها كل ما أسيبها والبر يكون قدامي
بحاول أعوم في خط ، بس موج الرغبة عالي

مش متكسر أنا متفتت ، يعني مفيش قطع تتلزق
قولتلك الأوفة بتاعتي اللي يشيلها معايا بيتمزق
كدبوا علينا واحنا عيال .. انا لسه فاكر أول مره
حلفت كدب ، واستنيت ، ومتسخطتش للنهاردة

بشكر اللي إداني ضهره أما الدراما إبتدت
واللي كان عـ الباب ، ورجع لما الحفلة إتملت
جايز أنسى مين طبول النجاح ، ومين سكاكين الفشل
بس انتي منساكيش علشان مسكت فيكي بعشم

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح

جت تشوف متحفي ، فأصبحت تمثال
معظم اللي عملته .. عملته عشان اللي بيتقال
معرفش غير الكره ، عشان مبشوفش غير أعداء
لو بتحبيني سيبيني أموت في حلبة السباق

احتاجنا في ليلنا لناس كانوا محتاجيننا
فضلنا عليهم ناس رخاص .. لحد ما زهقوا مننا
وجعنا إتدارى في إبتسامة قالت لناس تغور
الأيام وريتنا شيطان في الضلمه ، كان ملاك في النور

نفسي أقولك بكره أحلى ، لكن بكره زفت
انت محاط بكم من الصعوبات مجتش جنبه صفر
اللي انت فاكره قاع .. ده قمة قاعك اللي جاي
هتسقط مرة أخرى ، وللأسف هتفضل حي

بدأ يحصل بيني وبيني مشاكل مبتتحلش
مش قادرين نكمل سوا ، ومش عارفين نفركش
عايزين نكون نضاف ، وكتير عايزين نبان نضاف
بحيي كل شخص مدرك أحنا أد إيه ضعاف

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح
_______________________________________________

2 April

Written by: El Joker
Music: Mostafa Ebrahim
Vocals: El Joker
Master and mix by: El Joker
© 2017 El Joker

الجوكر-2 ابريل

اغنية بكتبلك .. اهداءً لأمي

كلمات : عمر أحمد الجنايني
موسيقى: وهبي
تسجيل وهندسة صوتية: علي أجنبي

اهدوا الاغنية لمُحبينكم !!

كنتي شمس في عز النور وأنا إللي كنت معمي عنك
ولأنّ الشمس حقيقة ، مافيش نهار يقدر يداري
ولا ليل يثبت بنجومه إنه أكثر قيمة منك 
يمكن دلوقتي عرفت إنك مهمة بالنسبة لي
لما الدايرة أتفرغت ، كل أما أقرب كنت برجع 
والف مالقاش غيرك.. كنتي مركز وأنا البرجل 
لما نزلت لـ حوت ، ولما يونس كان لوحده
كنتي آنتي ليا بشكل حصري كل حد احتجته
ولما عقارب ساعتي حكمت بـ إن الوقت خلاص أتأخر
حاربتي الزمن قولتي: إني طفلك مهما هكبر 
كنتي ألبوم صوري ، كنت كتير وكنتي آكتر 
كنتي تآني أكبر حاجة ليا بعد الله أكبر
رسالة من الجنايني.. شكرا ليكي لأنك كنتي
أوسع مساحة خضراء بزرع فوق أرضها رجولتي
أنا مش آكتر من خيالك و انعكاس معانيكي لأنك
جميلة فلما بشوف جمال ، تلقائي بشوفه منك
في عز ما كنت لوحدي ، والعرب خذلوني، وسابوا
علم "إسرائيل" على أرضي ، جيتي آنتي ومشيتي بؤسي
فكرتيني بتاريخي ، واني كنت و هم كانوا
فاكتشفت إني فلسطين ، وده لأنك آنتي قدسي
أضلاعك بتحاوطني ، بتوازيني ، بتكملني 
هندسيًا صعب ، بس بيولوجيًا آنتي مني 
اشهدلك بانك كنتي بدايتي في وقت ما جت نهايتي
انتي التوازن.. يعني لو قمتي هتقوم قيامتي
آنتي سدرة المنتهى.. اعلى جنة أنا عرفتها 
من غير بُراق ولا معجزات لقيتك فـ دخلتها 
نصيبك في كتاباتي كان قليل ، دي مشكلتي 
أنا اه رومانسي كبير بس أصغر من وصفك انتي
بس هذا لم و لن يعني إني مش مهتم 
زي ما ترجمتيها آكتر من مرة بأني معنديش دم 
بس اديني بكتبلك كعبة ندر عليا تطوف حواليها
كل حواء هتقرا فـ تتمنى أن كلامي يبقى ليها
آنتي فرض فلازم ، شخبطة طالب في ملازم 
هو نسيكي ، بيعتذرلك إنه كان حافظ مش فاهم 
اسألي البيبان عن خبطي.. والورق عن كلمة بـ خطي 
شكرا لأنك دايماً هنا.. و عمرك ما اتأخرتي ❤️
أنا يمكن ساكت دايما؛ بس ده لأني إنطوائي
بكتبلك وأنا بغير عليكي حتى من قُرائي 
يديكي طولة العمر و تبقي وردة جوا جنينتي 
وأفضل أتوه في وصف ولما أعطل أقول حبيبتي

Omar Ahmed - El Ganainy | بكتبلك -  الجنايني

! الكون فج
Music Produced By : L-5ive And Amr Ali
Empire Studios

Lou Panda - ( ! الكون فج ) Ft. L-5ive

The first joint of the album #Camouflage | #كاموفلاچ
Name : GREY GOOSE | الوزة الرمادي 
Performed by: ADHAM A.K.A GORILLA | الغوريلا  of GorillaClan | عشيرة غوريلات & SHAHIN A.K.A العبقري شاهين  of Y-CREW | فريق الواي 
Beat by : OSKAR MIKE of ANNO DOMINI NATION 
MIx & master & sound engineer: Amr Ali
Art Work: Angel Vergara A.K.A Tha Soloist

Lyrics:

Verse 1 : written & performed by SHAHIN

ادق المسامير أنا ف الخشب الزان 
مليش ف الأشف و الرمرمه أنا انف ف النسوان 
رابكم مكعبل زي أندومي بنكهه روبيان 
رابي classy موسيقة تصويريه ف مهرجان كان
فوق الأرض ساقعه تحت الأرض أنت دفيان 
دا بالية بحيره البجع تفتح رجلك و بضانك تبان 
سر كشف الحمامه مغامرات تان/تان 
الراب موسيقي سودا و رابك ابيض خدلك تان 
الشباب دي قوم لوط love winz 
كنت بسهر اسمع biggy و انتو بتلعبو simz
عملنا فلوس من الراب دفعنا منها الbillz 
وقت ما أنت كنت بتسرتن عالجنس يا برنس 
ده ضرب عشاري من بتاعي بيتبعتر
افتح دماغك عالبحري زي ما اتفتح المعبر
مصري بس بتساوي بالعمله الصعبه 
الفرق بيني و بينك كوره شعر مش شعره
بضرب بوازيك 
و ف احزانك بواسيك
بشوط ف الممنوع برفعلك البواسير 
بهنيك عالفشل مفيش فايده فيك
طلعت حرب يا بنك مصر انا اللي بدعك و بنيك 
اغنيك مخدرات شاهين مش بيسكورها 
مزيكتك فيها عطل ف شاهين هنا بيقطرها 
لو فاكرين ان انا مت لا ده انا لابد ف الدره
متعييش فيها الدور شاهيين بزئ هيشخرلك .

Hook : written by Adham , performed by ADHAM & SHAHIN

صاحبي الهيب هوب رافع الوسطاني مالتربة
دول 
١٦ ل san,  ١٦ للكربة .. 
yo
٨ للفان , ٨ مالغربة 
٢٤ في ودان اللي راضعين خرا

Verse 2 : written & performed by ADHAM
	
صاحبي الشباب دي مش فاهمين و كدا ، مستر بيين و كدا 
*حضرت شاهين و محرزين قمبلاا، عالتفعيل و كدا
BLAW 
مكنتش نايم ، انا ظابطها عال timer 
السن عال vyinl “scratch”
صاحبي الرك عال writer 
ADHAM

و دا احتلال منظم ابدا تفعيل ALERT 
*البس البارات .. تيشيرت 
*شواذ ري UZI VERT 

ادهم مناوب علي ال BOOMBAP و ال GREY GOOSE
*كيك بيس و سنير شوط ، مفيش نوم مفيش snooz
YO
*صاحبي التراك دا عاي retro .. نغير 
EYO
ياخد بالالم علي ودنو .. fire 
*ادهم جوني بلايز .. يبعتك بيتكو .. biker 
بنسمع عنو بس مش بنفتكرو .. زهايمر 

*مبيتشفش زي cena , كاموفلاچ حربي 
ادهم حديث المدينة زي مفيد فوزي 
*الغوريلات اهلي الدوري و التنفيذ فوري 
يبقا مين الهرم فينا لو التمثيل دولي 
ADHAM
اخركم كومنت عالصور 
دول بوكيمونات 
و كل تراك نحبسهم في الكور 
تلفزيونات "تشششش" 
تشويش بس ، قافشين وصلة
CUT 
ادهم يوسف شاهين ، مفيش حركة
WHAT 

اقلع ال Gloves واظبط وشك زي كريستي ماك 
ادهم بيكلم الproducer عايز ساند باج 
صاحبي الشباب دي علي tomberlake و sexy back
ادهم علي شون بريس و ڤيني بي و كريج ماك

ADHAM | الغوريلا  - GREY GOOSE | الوزة الرمادي Ft. SHAHIN | العبقري شاهين (Prod by OskarMike) 18+

الــــكــــلــــمــــات
______________

كانت بتمص مني كل مللي طاقه ، وانا على أمل
أصحى يوم ألاقيها حست ... ألاقى حالها اتعدل
بالتدريج فقدت الأمل ... كل اللي هيتعمل إتعمل
معادش عندي غير انتي صح ... علشان معدتش حمل جدل

كان سهل أسيبك بدري ، لولا قلت سهل أسيبك
لو حالك متعدلش ... ومتعدلش ... وخايف أسيبك
لأحسن أتوجع في البعد وجع مستحملوش
فبقول وجع عارفينه أضمن من اللي منعرفوش

مش يمكن أسيبك أتعب .. أضعف .. أرجع .. ترفضيني
أو تقبليني وانتي عارفه إن انتي إمتلكتيني
فأخسر حتى صرخة جبت اخري ، وهى يادوب
بتخليكي بعد سنين عجاف تروي عطشي يوم

ياريتني كارهك انتي ... انا كاره نفسي وانا معاكي
كاره نفسي عشان حباكي ... رافض نفسي عشان قبلاكي
ونفسي ييجي يوم وأكتفي ، ييجي يوم وأختفي
نفسي أحط راسي على المخدة راضي عن موقفي

كنتي أول نمرة أحفظها ... أول صوره في المحفظه
أول خوف هستيري لسبب زي إنك موبايلك فصل
أدمنت حضورك .. حتى لو هتنامي على السماعة
اكتشفت معاكي إن المكالمة بتفصل بعد ساعة

معادش فيا مكان لطعن ... معادش لحاجه طعم
مجرد رفس الغطا ، والقوم من على السرير بقى صعب
عدت سنه من يوم ما بعدنا ، ولأجل ما أكون صريح
سنه تقلها ميتوصفش .. مهما أكون فصيح

تدريجيا كان بيموت إحساسي .. لما عيني فضيت
عشت معاها بصفتي لوح إزاز .. وكتر خيرها رضيت
ولسه بحكي عنك للحيطان ، وللطريق
ولسه العمر بيجري ، ولسه كل يوم بطيء

وكل ما ائن .. أفقد الأمل في كون الجرح يلم
فـاقول مسيرها تزهق ... هي تقول مسيري أحن
انا في وضع ببذل فيه مجهود يسوء .. ميتحسنش
مانا بتواجه إني مزيف .. بنفجر مش عاجبك إمشي

أحلامنا كان مبالغ فيها ولا الواقع خاننا
العيب كان في إجاباتنا ، ولا العيب كان إمتحاننا
عزفنا على أوتار اللوم ، وعلى أوتار الأسف
نكره كل شيء مش كامل ، واحنا مش كاملين للأسف

كنتي أول نمرة أحفظها ... أول صوره في المحفظه
أول خوف هستيري لسبب زي إنك موبايلك فصل
أدمنت حضورك .. حتى لو هتنامي على السماعة
اكتشفت معاكي إن المكالمة بتفصل بعد ساعة

كنتي آخر نمرة أحفظها ... آخر صوره في المحفظه
آخر خوف هستيري لسبب زي إنك موبايلك فصل
أدمنت حضورك .. حتى لو هتنامي على السماعة
اكتشفت معاكي إن المكالمة بتفصل بعد ساعة
________________________________________________

Konti l الجوكر - كنتي

Written & performed by MT3.
Produced by RaKan.

 الكلمات:

من ع القهوة للمطار أيوة بظبط مسافر،
بالعافية عرفت أهاجر.. سجدة للرب أنا شاكر،
و بدعي يكون الأسوء عدى الأحسن داخل،
شايل شنطي على ضهري.. فهمومي بتتاخر،

دمعتين ع الخد تنزل ف حضن أمي هتوحشيني،
و نظرة أخيرة على بلد مش هزعل طلعت ميتيني،
ملعون اللي ممشيني سايب أهلي سنيني،
سايب رسالة لحبيبتي بترجاها "إستنيني"،

ملقتش فرصة ف مرة فرج من الله لقيتها بره،
شكلتي تفاصيل ملامحي قعدتي بره مش هتغيرها،
مش حباً فيكي أبداً كارهك من وقت الثورة،
أرواح كتير شموع تنور و إنتي حالفة تعيشي ف ضلمة،

حكومتنا الناصحة.. لعبت لعبة حلوة،
بس المرة دي كات أحلى من لعبة يوسف بتاع الفريسكا،
جابو شاب ف مؤتمر قال للرئيس منتخبتكش،
بعدها بفترة على نفس القهوة سوا صدفة بيشوفوا الماتش،

بس.. تغور السياسة الحاج قاطعني إبعد عنها،
دلوقتي بتكون نفسك تولع البلد مالكش دعوة،
خليك ف حالك عيش إتجوز ربي عيالك،
كده هخون أخويا بس حاضر هسمع كلامك،

ماشي.. تذكرتي ف إيدي و ماشي،
بيجري ف وريدي كاشي،
مش هعمل زي أخويا ف بحر الغربة راح مجاشي،
لأ هرجع تاني بس أأمن المستقبل،
الناس هيقولو مغفل م الكفار مختار جهنم،

فاكرين إني هكون راجع حباً ليها،
بس ناسيين إني مش ناسي ناسي اللي فيها،
الناس دي شاربة كاس كاسي عنيهم عاميها،
سهل عليك جداً تقنعهم إن كل الشباب عميلة،

فهات ذخيرة إتسلح بيها كع فيها و دب فينا،
دب علينا و قطة برة فشل يأمن أي كنيسة،
ولسه.. بيعرب عن قلقه،
بان كي مون ف نفسه،
ده حتى البنكنوت ف بلده،
في شبان تموت لأجله،
و في اللي فرصهم أحسن حبة من قاصرها يهجو يسافرو،

أسف يا والدي وعدي كان محكيش ف سياسة بلدي،
بس غصب عني عندي كلام يتكتم أنفجر دلوقتي،
فسيبني براحتي أشكي على ما ييجي معاد طيارتي،
إعتبرني بهري خدني على قد عقلي.. مرضي؟،

راتبك الشهري.. هل قد تعبك؟ لأ،
لو على كتفك نسر في فرق،
أو لو قاضي و بتحكم بالحق،
ماما اللي إختارت موظف ف بنك،
بهزر معاك أنا أسف يا حج،
نرجع للجد.. هل إقتنعت دلوقت؟

يمكن كان بالإمكان يكون لينا فيها مكان،
و إحكي لإبني "كان يا ما كان سبب قومة المكان ميدان"،
بس حصل عكس المنتظر بعد ما الدم سال سلسال،
موجود الظلم لا يزال فا ياريت اللي جري ما كان،

فمتطلبش.. مني أحب كيان ناكر حقوقي،
القاتل متمسكش الممسوك ناشط حقوقي،
الحق ميزعلش للأسف عمرك ما تفوقي،
حالتك راكدة زي نيلك معدش بيجري ف عروقي،

ميعاد هروبي أسف جداً خد بالك من نفسك إنت،
أنا حتى محققتش حلمي مش روبي على بسكليتة،
أنا مبكسل حتة.. عامل نفسي مش شايفها،
و هي إزاي هعيش و مفيش حيطة الأهل تسندنا،

بس.. مسيرنا نتعود قدرنا و نصيبنا،
ف بلاد تانية نروح و نتمسّك بلدنا بتسيبنا،
رغم الغربة و القهرة و الدمعة اللي مش هنّزلها،
لسه بلدنا الجميلة أهاليها برضو شايفنّا،

مجرد شباب كسلى.. مأنتخين ع الكنبة،
زي كده إعلان فاشل لبنك شايل إسم الدولة،
فرخصونا و غلو السلعة باعوا الأرض عادي بحجة،
"محدش فيكو كان عارفها" لا حقك تبيعها،
ماشي

فهمتو؟ ليه كارهينها نسبياً،
ليه بنسعى للغربة الفكرة مش بس مادياً،
بس ع الأقل تعيش ف دولة بتعاملك بأدمية،
"البيادة هي سبب الكبوة" تحتقرك حتى فكرياً،

إدن ف مالطة.. مفيش ودان سامعة،
و الناس دي جاهلة عاملة فاهمة عيونها صاحية عقولها نايمة،
فعادي قشطة قلت أخدها من قاصرها،
لإن مفيش خير ف بلد الكاكي بيحدد مصيرها،

ف أول كام شهر عرفت إن إتكتب كتابها،
مقدرتش تستنى بتمنى ربنا يوفقها،
عادي.. بس المصائب لا تأتي فرادا،
راحو الأهل فمبقاش في سبب لرجوعي إطلاقاً،

و سنين تمر.. ربنا كرمني و إتجوزت،
و ف مرة قاعد مع نفسي سرحت ف أيام ما كنت،
فجأة فوقت.. لما بنتي جت هزتني،
ركزت شوية.. بصيت لقيتني،

قاعد ع القهوة.. خريج جامعة،
16 سنة تعليم و مستقبلي مبهم،
معنديش أدنى فكرة إيه اللي ممكن يحصل بكره،
بشهادتي أياً كان تقديري أخري أشتغل ف كول سنتر..

MT3 - ما قبل الكابوس (Prod. RaKan)

Written and performed by MT3.
Produced by EDOBY.

الكلمات:

لسه فاكر أول مرة فيها شوفتك،
و الطرحة البيضة اللي كنتي لافة بيها شعرك،
و قد إيه مبسوطة إم تي واقف قدام وشك،
بس كان لي أسباب خليتني مبسوط أكتر منك،

زي إني.. عمري ما حسيت الإحساس ده أصلاً،
أكون بضحك من قلبي عشان واحدة جاية تتصور!،
طول طريقي بفكر.. مش ف الحفلة ف الوقفة،
مين دي أوصلها إزاي أنا معرفش إسمها حتى،

و كإني عارفك من سنة حفظت شكلك وقتها،
شوفتك ملاك من غير جناحين و أحلف "دي نازلة من السما،
دي.. دي فالتة ف الزمن" .. شوفتك كاملة فاهمة؟،
و الطريقة اللي لقيتك بيها كانت صايعة فاكرة؟،

أنا لسه فاكر.. و فاكر حاجات تانية،
زي إزاي مشاعري زادت بدون تفكير بعقلانية،
زي إزاي أنا كنت بسامح و أعدي حاجات مش عادية،
زي إزاي مكنش باين إنك بتضحكي عليا،

مكونتش.. متوقع.. عادي مشوفتش كويس،
صحابي قالو "إنت بدماغك إزاي مقدرتش تميز"،
بس الفكرة طول الفترة أنا مقصرتش لمرة،
فمجاش ف بالي لو لحظة إنك ف يوم هتطلعي بره،

فأنا.. مش مستوعب ده إنتي وعدتيني و قولتي،
"أنا مش هسيبك طول عمري".. أنا مش لاقيكي دلوقتي،
معرفش لإمتى هقرا الشات أصمه و أفضل فاتحه،
أو ده الريكورد الكام اللي برضو.. مش باعته،

جوايا كتير و لو مطلعش هتجنن،
بسمع صوتك ف أي واحدة بتتكلم،
مفتقد برودك اللي غلب ديسمبر،
شايفك جميلة مهما عملتي مش هنكر،

و برضو.. رغم إن فراقك كسر فيا،
إتأكدي إني بدعيلك عادي ف كل صلاة ليا،
إتأكدي إن مهما قابلتي محدش هيشوفك بعنيا،
هيحبوكي عشان حورية.. فصعب يتقارنو بيا،

و أنا هبقى كويس بدأت أزيف إبتسامتي،
طول مانا قاعد وسط الناس عشان محدش يسألني،
و لو حصل بقول "تمام" و أقلع القناع ده ف أوضتي،
تضاد أصوات عقلي و قلبي و ذكرياتنا اللي ف مخي،

بقيت أروح نفس الأماكن عشان بس كنتي،
فيها ف يوم من الأيام و أقعد هناك لوحدي،
و أحس روحك ف المكان و قولنا إيه هنا زمان،
و كمان.. دموعي تهرب لما باجي أمشي،

ده حتى النوم نسيت طعمه ده حتى اليوم مبيخلصش،
أو.. بيخلص و أيامي شبه بعض معرفش،
طول الوقت أنا جوا أوضتي قاعد لوحدي مبنطقش،
بحاول ألاقي غلطة ليا و صعب عليا مفكرش،

هل خذلتك مثلاً؟ هل قصرت ف حقك؟،
يمكن مكونتش مهتم و طول الوقت سايبك،
أسف سرحت غصب عني بقول عمايلك،
هيداوي الوقت و من دلوقت أنا مسامحك،

فبتمنالك السعادة مبعرفش أكره.. حتى،
لو دي النهاية فكانت أحلى فترة،
هفضل فاكر كل حاجة كل رسالة و ذكرى،
و كل صورة.. متصورينها كانت فين و إمتى.

MT3 - ديسمبر (Prod. EDOBY)

الجوكر - العُقد

MT3  أنا شاب

عالماضي بنده، Abdelazeez Ahmed ft Amir Osama / 3Lmady bandah

Wegz Dmoana Malha 2 ft. sahar elzoghbi |  ويجز دمو

Wegz Dmoana Malha 2 ft. sahar elzoghbi |  ويجز دموعنا مالحه 2

الكلمات :
دوس  عالوجع لساك بخير بتداري حزنك عالورق
كل السطور عارفاك سكير مفضوح يا سارى عالعلم
بتشوف الناس بعين ضعيف وعنيك ياقوت مطلى بدهب
اغلاك رخيص فعيون صحابك سهمك هزيل نخ ووقع 
..
دور على اللى يحتويك هتلاقي ركن وفيه قلم 
اكتب بخط المجروحين عبى السموم حبرك زهد
واستنى بكرة بروح جريح عنده الحياة شق الامل
بكفاية ترسم عالحيطان ايدك دى لوحة امسك فرش

..
عبيلي من نوايا لقاك اللى ما شافت عيني منها يوم 
و اخفيني بين ثنايا الناس اللى عنيك بتزورها وقت النوم 
و لو كان اللقا تفاريح متقللش فى منابي 
عيوني بتشتي طول الليل وتبكي سمايا فى منامي..!
وانا سواح سواح.. فى بلادك
ومش مرتاح مرتاح.. فى بعادك

..

Elsayed agamy

يا صاحبى طال فراقنا و طال حكاوينا 
لا كان فى طبعى هسيب ولا احنا فاض بينا 
اسامينا على ده الحال بتشبهنا 
و نتقابل فى ١٠٠ موال يحكينا

لليل 
موعود يا ليل 
للغير 
بنتوه يا ليل


..
عبيلي من نوايا لقاك اللى ما شافت عيني منها يوم 
و اخفيني بين ثنايا الناس اللى عنيك بتزورها وقت النوم 
و لو كان اللقا تفاريح متقللش فى منابي 
عيوني بتشتي طول الليل وتبكي سمايا فى منامي..!
وانا سواح سواح.. فى بلادك
ومش مرتاح مرتاح.. فى بعادك

..
Black Ak
بنتلجلج و نتلغبط 
لو نتعاتب بنتستغرب 
ننسي مين غلطان و نسرح في حكاوينا 
لية نتباعد مين قصدك ؟ 
كنت فاهم من النظرة 
قلت أأجل الفراق لو دقيقة 
الدنيا بتواسيني يا ليلي يا ليل 
البعد دا أذيني انا فيني و فينك 
شفت مين كان أصدق
صحبي بتاكلك الضلمة 
الي كسرني مش الوحدة 
بس إن كانت منك الضربة 
تبعد ليه تقصد إيه ليه رحت بعيد 
إيدى وقفت من المراسيل 
هوا انت نسيت ولا جه غيري ينسيك
والله مهما تبعد مش هسيب
كنت فاكر إنا واحد لو وقعت تشيل
أسف لو لمرة كنت تقيل 
بقيت اقصد أنا أفكر فيك 
عشان لما أنام الاقيك 
انا سواح سواح
و مش مرتاح مرتاح
وانا سواح
في بلادى

Follow Black AK
https://www.instagram.com/blackakoffi...

Follow Kassar
https://www.instagram.com/kareem_awad_66
https://www.youtube.com/channel/UCHbS...

Follow Elsayed Agamy
https://www.instagram.com/elsayedagam...
https://www.youtube.com/channel/UCL_p...

Beat Prod by : Reddy
https://www.facebook.com/Redonemusic112

Art work : Hamdy Destination
https://www.facebook.com/Hamdy.Destin...

Rec,mix,master : Elsayed Agamy

MT3 - ديسمبر (Prod. EDOBY)

MT3

Recent comments

Ahmed Farouk

#ar2oOor

Abdelrahman Amr'

Mohamed Bedear

Related tracks