MTL
Life & dreams
The multi talented legend 
Faez from Aleppo city

You must know that

Chorus
لما أحلامنا بتتكسر 
ممكن أنفسنا بتتغير
بس لازم ما نضعف
 لازم نقوى وما نتغير

ممكن الدنيا في بعض الأحيان
بتصير بتوجع 
والصح إنا نبقى 
نتقدم وما نرجع 

Verse 
Aha yeah إيه
Holding up my pen 
لأكتب عن حياتي فين
stressed again 
المشاكل عبتجي من وين
down on me like rain
طلع بعيني بتعرف
I'm Holding too much pain
عبشيل هموم كتير عكتافي
It's driving me insane
عبعمل كل شي لازم 
I tried hard but no gain
رضيت فيو أنا بس ما رضي فيي البين
But you can hear me sayin

Chorus
لما أحلامنا بتتكسر 
ممكن أنفسنا بتتغير
بس لازم ما نضعف
 لازم نقوى وما نتغير

ممكن الدنيا في بعض الأحيان
بتصير بتوجع 
والصح إنا نبقى 
نتقدم وما نرجع 

Verse
Aha .. it's my life I guess

Many obstacles and bad circumstances 
Problems and the extinction of the chances
Glances at me, like it's some kinda bet
But you should realize from the words that I've sent
The fact that I'll always penetrate and vent
Even if it takes me ten trillion attempts
Prefer to admit that I lost, than sit down and regret. 

هي هي بالمختصر

كل يوم عن يوم من عمرك عبتخسر يوم
كوابيس دمرت أحلامك بدون ولا لحظة نوم
بتجي ساعات بنضعف تأكد دايم دوم
شي من جواك بيقلك يلا حرك قوم
هالفكرة مسكا
وبعمرك ما تتركا
طريق صعبة سلكا
ومن أوهامك فيق
اّمن اأنو نجاحك عدربك صار رفيق

Chorus x 2
لما أحلامنا بتتكسر 
ممكن أنفسنا بتتغير
بس لازم ما نضعف
 لازم نقوى وما نتغير

ممكن الدنيا في بعض الأحيان بتصير بتوجع 
والصح إنا نبقى 
نتقدم وما نرجع 

Outro:

Yeah, it's Faez
You know people, I guess life is just like a piano
The white keys are happy moments
The black keys are bad & sad moments
But we should never ever forget that both keys are played together to give a nice tune which called Life
I know sometimes these piano's keys are all black 
then you know what 
You should color it yourself.

It's the multi talented legend from Aleppo
Syria
yeah
yeah


2008

Life & Dreams ft. Jessy


ليــــــــــــــــــــــه

لك ما عبتفرج وما عبتوسع عني 
مع أني لو تعرف ٌقديه صرلي مستني
أكبر أني ما حدن عبيسمعني 
حتى أقرب الناس اللي إلي لك عيلتي ما بتفهمني
هالشي غلط أكيد بس مو منن أو مو مني 
لما انت قاعد تستفسر أو عبتسئلني 
يا ريت تدقق انت لما عبتسمع فني 
هادا واقع حقيقي مو بس انسان عبيغني
لا تسأل عني بالمرة لا قتلي وين حتروح 
ما ببقى طول ما بعرف انو بعد الجرح جروح
والقصة ما عبتظبط حتى بطلوع الروح 
مسكر كل في وجهي وما في شي مفتوح
بتعرفني مجروح فلا تدقق علي 
أنا قلبي راح يطق وأخر علاجو الكي
قاعد مبسوط بتقلي شيلني من هالسيرة هي 
ما لما تحت الشمس بحترق انت بتقعد تحت الفي

اللازمة:
سماع صوت القلب 
سماع صوت الناس

أحلام عبتتدمر 
قلوب عبتتكسر
كلو بالزمن عبيتأثر
وما في شي بيتفسر

كان يا ما كان بأواخر الزمان 
كان في انسان هلأ رح احكيلك عنو
تعب عحالو كتير بس طق عقلو لأنو 
صار واحد غشيم بمصرياتو أحسن منو
الله يرزق العالم, مو فارقة عند حدا
بس يا ريت انو كل واحد يتقدر على علمو وفهمو
خفت ما أوقع بهالشي جربت التغيير 
حرف بحرف رح قلك هلأ شو اللي عبيصير
كل ما بحاول اتقدم عبرجع برجوع
صرت خاف من الحياة وكيف صار الموضوع
عالم قرفانة الأكل وعالم ملت من الجوع
ناس بتشحد إجرة باص, قلي شو رأيك بالجربوع !
صار محط الأنظار راكب سيارة سبور
أحلى الشي لما هالطنط بيقلك يا حبيبي (سبور)
العيشة صارت صعبة بس أخرتا رح تنفك 
عفواً مو بس هلأ حتى القطنة تنشك


اللازمة:
سماع صوت القلب 
سماع صوت الناس

أحلام عبتتدمر 
قلوب عبتتكسر
كلو بالزمن عبيتأثر
وما في شي بيتفسر

برجع بدعيلك يا رب, حياتي انقلبت قلب
متلي في كتير عالم من الوجع أحلاما عبتنكب 
ناس مفزلكة بتعلك, وحزروا مين بيعلق  
حيوان, غبي, بهيم كل مين هب و دب
بلوز, جاكيت, كندرة وحتى بطلون 
بيت سيارة ديكور إي وأجدد موبايل فون 
حاطط راسك بالتفاهات يلا حرك من هون 
كل نهار عما عيشو عما ادفع حقو دم
وانت يلي عبتحكي ما دقت نقطة هم
صعوبات, عقبات عبتقتل محاولاتي لأنجح 
مية أبرة وفيا جرعة سم,
 لو كنت غشيم اي كنت صدقني ما بهتم
صرت اترحم على ايام الحال الداقر
لهيك هلأ بتلاقيني على حالتي ثائر 
بس عبحاول بادر, أغامر أو أسافر
إذا بسب هالحياة يا ريت ما تقولو عني كافر


اللازمة 2x:
سماع صوت القلب 
سماع صوت الناس

أحلام عبتتدمر 
قلوب عبتتكسر
كلو بالزمن عبيتأثر
وما في شي بيتفسر

MTL Faez Sultan

Popular tracks