09 - عيار ثقيل

Muammar D.O.A Ft El Bad - Rapna Ra9i

Muammar D.O.A - Jail

Muammar D.O.A Ft Lil Gun Ft Mc Zofree - Rap Tripoli Is Tha Best

مش كان مطلبكم الحرية توا مطلبكم الميه
مطلبكم بانقت بنزينة و تتلم المطوية
ولا مطلبكم الامان و الضي معاش يهرب
جيت نفيقك و نصحيك و بالامثال نضرب
مستغرب في شعب كان عايش في خير خياره
مايبيش يفيق يندم ع الشي اللي داره
شعب لبز يديه بدم احسب كم جار قتل جاره
واقع شفته و عشته و كتبت على ايطاره
عيشوكم دور البطولة و مدوكم بالسلاح
خلو ليبي يقتل ليبي و خسرنا ارواح
islam is not like that islam is محبة و تفاهم
جيت نصلحلك بصوتي لما ريتك ف الغلط مساهم
هذي بلادي و بلادك و بلاد كل ليبي
و قبل ماتصلح فيها صلح عيبك و عيبي
كبرو زيدو كبرو ربي كبير من غير تكبير
مدامني عايش برحمته مانظنش ف يوم نحير

(chorus)
ما تجادلني ف الماضي أغلب ماضينا ألام
كل اللي بتقوله فاضي ما ينفعنا الكلام
مهما تدوي مش راضي حل بلادي السلام
يدي في يدك عادي بينا ود و احترام

(verse)2
قلتو طحلب وهمي و يلعب بالعقول
مانيش طحلب راني ليبي  و نفهم ف الاصول
اعوذ بالله م التنابز بالألقاب
كلنا بشر و من حقي نعيش زي باقي الشباب
كل كلمة حق أولتوها و قلتو كشر الانياب 
بعض الظن اثم هذا الواقع و ظنكم خاب
ماضيا معروف لكن شقيت بعمري و فقت
تعلمت نفيق و نفييق قبل ما يخدنا الوقت
يا ناس فيقو كرهنا بعض ف بعض معاش نطيقو
وليتو في بعض تعيقو نبيكم تهدو و تريقو
خيره مابعتوش قوات حفظ السلام و يموتو هما
بدل ما تموتو انتم راكم ماعشتوش في غمة
وقت مدوكم بالسلاح المفروض رفضتوا
بعد ما فات الفوت ان شاء الله غير صحيتو و فقتو
اللي فات فات و اللي مات ف دار الحق
و اللي سمعته م القلب مش مجرد كلام ف ورق

(chorus)
ما تجادلني ف الماضي أغلب ماضينا ألام
كل اللي بتقوله فاضي ما ينفعنا الكلام
مهما تدوي مش راضي حل بلادي السلام
يدي في يدك عادي بينا ود و احترام

(verse)3
ليبيا مرا عفيفة حاطة صبعها ع الزناد
وقت حست بالغدر و الخونة من انظف العباد
فتحت جبها بسببها ماعرفتوش منين مهربها
مش عيب تختار طريق ماتعرفهاش و تبي تجربها
العيب انك تكمل و عارف نهايتها
عارف انك ممكن توصل و تذلك بنكايتها
شن خلا هيلاري كلينتون تقول عليكم همج
شن ذنب باقي الشعب ف حروب الطمع ينزج
بقدركم تسافرو و شن ماتبو تديرو
توا لا حرية ولا امان و ف خبزتكم تحيرو
ندوي معاك توا بإسم ليبي زي اي ليبي
ما ترضاش بالواقع و تسلم و تقول هدا نصيبي
الواقع أحلى زي الواقع اللي عايش فيه
مادسيتش شي اهو جبته نشاركه و نوريه
ان شاء الله وصلك كلامي خاطر طالع م القلب
و ان شاء الله تتهني يا بلادي و ربي ينورلك الدرب

Muammar D.O.A Ft 3zzo Ft Mr.Roof - 7all Bladi El Sallam

Muammar D.O.A Final Chapter Ft Black Tiger Ft Crazy Black

Muammar D.O.A - Yes I'ma Og

Muammar D.O.A Ft El 3allem - Nfrk W Nsabs

we came back m f po po po listen
underground round round in tha grave missing
so bitch pleas we ain't dissing
underground round round take it as a lesson

رابكم مكسد و اللي كارهني ايفسد
سوس زيده حسد فيكم يا كلاب تجسد
قاعد تترصد غلة و تتمسد
حياتك كلها مخنس و تبي تولي اسد
هيا صكرولي افومكم فروخ طلعت و نكرو
شوية منكم ياللي شافو للي درته و شكرو
تغولو ما تغولو بين الاستوديوات تتسولو
الراب العربي ولا غابة و كل مرة تتحولو
حواجب و عشرة غير شن تخرف
مفرخ و صحبتهم لا ما تشرف
قيل و قال ما ناقص غير تلبسلي روب
زادو كثرو الديبة و ما نعرف الا المجدوب
قروب سوس حسد خنس و نحيلي القيلوشي
ما تبو الا المعكوك و الطيب ما تبوشي
لا من غير ما نقولك افهم سطوري عليك
افهم بروحك يا عيل مداما اني اللي مقريك
اي مريتو عليا و عارف تفكيركم
اني نحدد مصيركم سوا انتو ولا غيركم
الاسم نفسه ما تبدل ع السوس لا عمري ما نعدل
مشواري مرسوم و معدل لا مزال ماتصندل
الحبل رخفت بش عرفت من منكم يا صحابي شد
طلعتو كلكم تشدو و تقدو سو دور و عد
خاطر ما تقدو ولا تردو و نجيبك من عقر دارك
talk behind ma back تلقاني عليك بارك
Punch Rhyme it's Lunch Time
i'm anshtine It's dutch signe
so i spet e'm and i get e'm like a ak74
mutha fucka tryna get it tryna get into ma heaven
اصلا صار معاكم و مانبيش نعري
جيت نعلمك الرجلة اني اللي نقري و نوري

Muammar D.O.A Ft  Ice Wolf - We Ain't Dissing

Muammar D.O.A Ft Mestry Eagle Ft T-Bad - Ttoz

قولي اما احسن وقت توا ولا قبل
الناس يموتو بالدبل كله من حكم الربل
قولي شن بتحصلو القدام و شن حصلتو و توا
حكموك بالقوة نسو الجيرة و نسو حتى الاخوة
أني ؟ الجنيه ف جيبي قاعد نفسه ما تبدلش
مسلم عمري و امري لربي و ربي ما يقصرش
ان شاء الله ربي يفرجها ازمة و تزول
مدامني قاعد عايش مزال نقول

الله يرحم ايامته وين ما الطريق جاباته
و يرحم حتى عباته و نذكر الناس اللي نساته
الله يرحم المراكز و البحث و البوليس
و ايام الفيزقات شيتات سيوف و اباخيص
اترحم ع النعمة اللي رفستها برجليك
و اترحم ع الديمقراطية كيف كانت مابين يديك
ترحم ع الساعة 12 اللي تدهور فيها و متطمن
و اترحم حتى ع الصحبة ياللي كنت فيها مأمن
توا خوك يبيعك بصحابك و بمواضيعك
و كان حتى يلحق يصورك متكلبش و يذيعك
ياشينك وقت امزرط فروخ ف تريس تخزرط
وقت تقربع و ازرط وقت الكل ولا يزبط
و شعب راقد ع حقه هدا علاش اللي يجي ايطق
يغرف غرفة و ينتق و الشعب مزال مصدق
شن صاير مش فاهم شي شعب ميت ولا حي
ولا طالع زردة بشكبة و يلعب حصلة ف الري

مرات معكس في الساحة و يتفرج ع البلاد
و مرات معكس في قهوة برقيلة مكسد و فاد
ولا يدير في دورة يفرك و يكمي ف سيوره
و مخالط مفرخ مش من طوره خاطر معادش في ذكورة
ولا شادها سفر و في اللي حرق م البحر
خاطر بيه الوقت غدر و الدولة مزال تصدر 
ف الحشيش و الحبوب
و خلت الشباب منكوب ولا مايورق للملعوب

هي هكي من اساسها خاطر خربوها ناسها
زاد البراني داسها فسدت خربت بنحاسها
الوضع معاش يتصلح و الشعب هو المتملح
و شكون يفتن و يسلح ماتعرف لو حتى تجنح
غصة ف القلب و طلعت و طلعت بعد ما نبلعت
خلي تتقلع ماهو تقلعت مدامه امي دمعت
مدامه نارهم ولعت خلي نولع ناري اني
خاطر مش عارف روحي ميت ولا حي
هما هكي يبوها يا عن بوك و يا عنبوها
كانت طير يغرد و جيتو انتو قصبتوها
و عروس بلادي اغتصبوها دارو ثورة و صدقوها
من كل مكان بدو يجوها حلوة بلادي و دمروها
قصة و ما يبو ينسوها ولو كان القدافي حي
كل مرة زحمة بنزينة و زادوها بأزمة ها الضي
شن بعد هكي غلبة يا شينك عيشة كلبة
تعبت هلبا ثيران و داروك يا بلادي حلبة

و ديما خاشة بعضها ديما احوالها متدعدعة
م الشبع لين مبعبعة و دارتلنا معمعة
كانت مقيومة بيها و رب العيلة حاميها
هي هكي و حني فيها نفري معاك كيف ماتبيها
الغلط من بدايته واضح و كلنا نغلطو
ليبين و معروفين حشيشتنا ع بعض نبلعطو
يا شينك قيسطو ف قيسطو تقول ف ديسكو
من غير قومة دارت بينا و يقولك الشعب عبيس او
قتلوه و مشو ف جنازته فرحان ب حزازته
و استمتع ب إيجازته و يشوي حتى ف دجاجته
الشعب ما يبي شي غير معاش و راحة و ضي
تريته صاحبنا دلع الشعب احسن حتى م البي

Muammar D.O.A - Allah Yar7m Ayamata

(Intro)
حكومة مقزنة حكمك ماليشي داعي
حكومة مرونة و الاسم ديما رباعي
عودتونا ع الكذب و من ما يكذبش
بالسان الشعب نقولك حكمك مايشرفش

(Verse)1
خاطر م الشعب لشعب و طيشك لا ما يرعب
ماهما الأمور تصعب مهما كل شي بدي يتشعب
ركح اللعب خاطر الكره ف القلب قاعد
خير ما يزيد يبعد و وضعك يزيد يتصاعد
الفلوس و السلطة أكبر غلطة
خنبتو نهبتو البلاد و الشعب قعد ف ورطة
حكومتكم يلعن بوها البلاد حرقتوها و بعتوها
ثورة عورة سترتوها زريبة درتوها سودة تبوها
زرعتو الفتنة خليتوا الأخت تفرمط في خوها
أنتم هكي حسبتوها مقسمة بلادي تبوها
حقوقكم ع الطاولة إنحطت و حقوقنا حني نسيتوها
نحكي ع فلوس النفط ياللي لهفتوها
م المسؤول عليها كلها و قولي كيف تبي تحلها
أهو نسهلها من غير ما تحللها
ساهلة و ما تبي تفكير تفكر هلبا الدماغ يطير
من غير ما تسرح و تحير تو يجاوبك قعر البير

(Chorus)
هو شعب زي بيه زي قلته شعب يعيش بعلته
مش معروفة ملته عايش في ناره و جنته
هما واحد م الزوز الشعب ينوض ولا يستحمل
خاطر عفسو ع رقابينا و كل واحد شنو بيستعمل
الأول ضي و التاني يطب سوا تكرهني ولا تحب
ثالثهم بي و ما ينحب و رابعهم ياكل ف عنب
و حني وين ناسينا شايفين و مش شايفينا
توا الوقت ليهم و سيوره الوقت يجينا

(Verse)2
و شعب ربي يعينه و ربي ينصر دينه
مازلنا صامدين مهما زادت ضاقت بينا
ربي مش ناسينا و سيوره نعيشو ياللي لينا
و كان مالحقناش مانوصيكمش ع الدفينة
خاطر شكلي بنديرها و بنقول كلام الحق
و اللي يقول كلام الحق يتشنقل و ينطق
خاطر ليكم يفيق و ليهم ع الصدر يضيق
ليكم عسل يريق و ليهم عفس و سيق
زيد فوق هدا كله كلو الغلة و سبو الملة
و الشعب حب المذلة حاشا هدوكا القلة
طب عدب أقتل إدفن و نزيدك شوي
ما شبحنا شي يا وخي لحم الشعب إتاكل ني
تي كيف تبينا نعيشو قريب نطلعلك ليشو
و قريب نولي ميشو في فلوس و فلوس مافيش و
هالشعب من شنو خايف رغم إنه عايش و عايف
حاس بالجو ما مشاش معاه وع القديم مرايف

(Chorus)
شعب زي بيه زي قلته شعب يعيش بعلته
مش معروفة ملته عايش في ناره و جنته
هما واحد م الزوز الشعب ينوض ولا يستحمل
خاطر عفسو ع رقابينا و كل واحد شنو بيستعمل
الأول ضي و التاني يطب سوا تكرهني ولا تحب
ثالثهم بي و ما ينحب و رابعهم ياكل ف عنب
و حني وين ناسينا شايفين و مش شايفينا
توا الوقت ليهم و سيوره الوقت يجينا

(Verse)3
نحلف بالعالي ف سماه خراب بلادي هما وراه
مافيش حل و صدقني الشعب هو دواه
و من الأخير كان يبي يلحق ع اللي فاضله
شعب إتكالي يعيش بهمه يعيش بسمه
تي الطيبة محيتوها م القلب لغيتوها
بنات خطفتوها ناس ظلمتوها مرجتوها
و بلادي خطفتوها من بوها نهبتوها نهشتوها
زدتو ظلمتوها عناد حرقتوها و بعتوها
هادي هي المصيبة كل مرة قصة غريبة
ليبيين وهميين حتى الحرية طلعت عيبة
(طلقة طلقة طلقة) مش هكي تعامل الفنان
كسبت تريس ف الحبس ميسا للي ورا القظبان
ماتستغربش سيورك عالق ف الحبس يا شفش
نعرف شن قاعد نقول و مانخرفش
مانتفتفش و مانضركش لكن خود الفقش
مدامه فينا ماتفكرش سامحني حكمك ما يشرفش

(Chorus)
تشاو عليك يا حبيبي هيا هوينا
البلاد ولت رووينة و كل واحد عايش بدينه
ماتحقرش الشعب بش ما نحقركش
تبعت دورية تقصقص صدقني لا ماتملكش
غدار ما نأمنلكش خاطر ماعندكش ف الفرش
مانبصرش حكمك ما يوكلش و مايطمنش
هي هكي و من الأخير نبكها من قصيرها
البلاد ولت زريبة تي ترررررر يا حميرها

Muammar D.O.A - 7okmk Maisharfsh

Lyrics:

رانا شايفينكم في البال و مش ناسينكم
توا الوقت يجينا و السر تو يطلع من بيركم
كل مرة تطلع حاجة بلحاج و فرحان بنعاجه
دارلهم حظيرة و حط فيها كم دجاجة
(ها) إيه هكي إنتم قولولي أين كنتم
أين كان أبائكم و أجدادكم
خيركم تغسورتو ماتصيرو مدام حقرتو
أين كنتم لما العدو إجتاحكم
أبسط مثال أهو سرت و مصراتة و درنة
مش قادر تحمي بلادك و فوق منها تبي تحكمنا
فك فيك و فك في حكمك و فك ف المكبوتين
و فك في اللي هارب لتونس و يتعشا في كوتين
مانبيش أم الهجرة قاعد عافس ع قلوبكم
ماشفتش خير واحد بش نغطي بيه على عيوبكم
الشعب مش عارف خننكم و شن إتديرو
أني اللي عارفكم حافظكم من قبل حتى ماتصيرو


سو فك يال و مايريحني غير الموت
مدامه شفت ولد بلادي مزفوف في تابوت
سو فك يال مدامه خسرنا منها خوت
مدامه شباب طاح للدوخة بوخة حشيش و زروط
سو فك يال مدامه فات علينا الفوت
يقعد إسمك يا بلادي في صدر كل ليبي منحوت
سو فك يال و قاعد واقف مع الطاغوت
مدامه يا رئيس بلادي حطوك بشروط


و قتلي أهدافك سامية تي أهدافك سميرة
لا ماعندك غيرة لا ع الشعب ولا علي غيره
لوقانا تبقبيق و هدرة شن تبو فددتونا
في يدين مفرخ حطيتونا شكالات ملعونة
فرخ تفسية من صغره مدوله أغراض عامة
حسب روحه راجل ب9 مللي في سرواله ضامه
و فوق منها تبي تعكس في مجمع تريس
عيل ماضيك تفقعيص و تبي تشدها تفنيص
نوض إقلب وجهك هيا تكركب من قدامنا
بنات شباب ف عمر الورد حطمتو أحلامنا
شوهتو إسلامنا بلادنا معاش أمنة
و العمر و مش ضامنه و صكرتو أفامنا
و نص الشباب مات و النص التاني إنطبو
معاش عرفنا شن يبو فلوس الحرام حبو
نهبو و عبو في حسابات البرا نصبو
هما هكي تربو كلاب سلطة و ينسبو


سو فك يال ياللي خنبتو نهبتو البلاد
ظلمتو الشعب معاكم و مشيتوها عناد
سو فك يال و فك في اللي ولائه لأمريكا
كفنك بيدي بنحيكه حتى لو خشيت بلجيكا
سو فك يال و للي تتمرجل بسلاحك فضحك ماضيك
مستغرب كيف الزمان يخون و يعطيك
و فك يال يا مؤتمر و يا برلمان
و في حكومتك يا كوبلر و حكومة الأمريكان


و حكومة الوفاق أولها كذب و نفاق
ياسراج و بوسهمين يا شذاذ الأفاق
كيف ننساكم بالكره اللي ف قلبي متراكم
عارف بلاكم و دواكم و مني اللي وراكم
الوضع تفاقم وضع و مفروض علينا بالقوة
منعتو علينا الدوة كل واحد يحكم بجوه
يا ربي الرحمة من عندك رانا خلاص فدينا
عايشين بالبركة ف البلاد و دعوة ولدينا
شباب تصفينا تمينا و لعبتو حتى بالعرض
دولتكم مانبوها مفروضة علينا فرض
و المصيبة اللي يكسد فينا يخش لكتيبة
محينا الطيبة و ريحت الموت نشم فيها قريبة
و ماعنديش ما نخسر شوية دموع و ينسوني
و أهو قلت الحق كان بيصفو خلي يصفوني
خاطر وضع و فرضتوه يا تقتل يا تنقتل
مدامه هي هكي إمالا خليها تدقل


و فك يال بنبداها بتصكير شوارع
خليتو الماضي مضارع و م الغل اللي ف قلبي والع
سو فك يال و ذرة رحمة ليكم مافيش
شباب طاحو للحشيش و باقي أيامه بالتشنكيش
سو فك يال مدامه ولد بلادي متهجر
حاجة تقهر يا دولة و من حقي إني نتفجر
و فك يال ماينحي اللثام و الإجرام و الحرام
و الأوهام و الأصنام كان سيف الاسلام

Muammar D.O.A - Fuck Yall

01 - الله أكبر

02 - قادمون

06 - هذي بلادي

(Verse) 1
مافي شي خونا الأمور طيبة
غير راجي المنحة تنزل أهو نشوف فيها قريبة
و أهو نشوف كيف عايشين أيامنا
و كيف كرهونا ف بلادنا و زادو حطمو حياتنا
يبونا نتحضرو و هما شدو خلصو و تسقدو
من برا بدو يتعذرو و ف الكذب بدو يصدرو
يحسابونا نسينا حقوقنا و اللي يجي يضوقنا
عرفوه حامض عنقودنا و مش من كان يقودنا
مزال تبي تعرف ف شنو نفكر؟
نفكر ف اللي نزل المعاشات و الشعب يتشكر
شي يحرق الدم حتى اللي تاب معاش سلم
قلوب تقطر سم يصفيك و عادي ما يهم
نفكر ف اللي يفكر كيف ربا صغاره
كبرو غدرو و باعوه و داروه عزارة
ندوي بجد مش نبصر ع بلادي راني متحسر
غصة ولو طلعت بالغلط صدقني غلط بتتفسر

(chours)
تبي تعرف في شنو نفكر؟ في الفرحة اللي علينا مغيبة
كدبو علينا و صدقناهم لما قالو قريبة
تبي تعرف فشنو نفكر؟ في الوضع لا امتى يدوم
قاعد نفكر في الناس اللي يموتو كل يوم
تبي تعرف فشنو نفكر؟ في الشايب قدام المصرف
بايت جيعان بصغاره و مش لاقي ما يصرف
تبي تعرف في شنو نفكر؟ في اللي مقتنعين
ما في شي تبدل كل يوم في نفس الروتين

(Verse) 2
مافي شي غير خايف ع خواتنا ينخطفو
و يتكتفو خاطر هلبا بنات أغتصبو
نفكر ف اللي مشطو سيارته ف عقاب الليل
عاند ال (طلقة) خلو دمعة الأم تسيل
نزيدك ولا ياسر ماهو شي يهد جبال
عارف دوام الحال محال لكن الوضع طال
نفكر ف اللي مداير تاكسي بش يوكل عويلة
ركب كرية لوسط حوايز كانتله أخر ليلة
نفكر ف اللي خش جمعية متمني يشري شقة
لعبو عليه و ضحكو عليه و طقوه في حقه
نفكر ف اللي تقاعد و ما خلصش مزال ف فلوسه
ناض كرّط ضروسه عزوزته ف الحبس مزال محبوسة
شي يخليك تبكي دم عارف يا خوي هذا هو الهم
إحسب كم شاب إنظلم تعاطى السم بعد ما التزم
نفكر في اللي خافو و ماتحشمو و في اللي يوشمو
و في اللي ركبو تيوتا هايلوكس و بدو يفشكو

(Chorus)
تبي تعرف فشنو نفكر؟ في شعب حياته غشة
غارق في دوامة الوهم و مكبش في قشة
تبي تعرف فشنو نفكر؟ في اللي كثرو ديونه
يشوف في مستقبل صغاره كيف يضيع قدام عيونه
تبي تعرف فشنو نفكر؟ في اللي يسكر بش ينسى
كل يوم قروبات تخرميد و نفس العكسة
تبي تعرف فشنو نفكر؟ في الشاب المحبوس ع الحشيش
امه مريضة خوته يقرو كيف تبيه يعيش

(Verse) 3
نفكر ف اللي تربي في يتاما و قدام الجامع تتسول
قصو معاشات الضمان و شكله الوضع مطول
نفكر في اللي كسرو ظهره وقتلوله ولده 
كان يشوف فيه بالدنيا كان أغلى ما عنده
نفكر في اللي خش ع الدوخة و في السم اللي ف دمه
ورقة دينار و سير عشرة و البوخة همه
فايت صلاته وينهر في اللي جاباته و مشقي خواته
لن سكرت الموت جاته يتحسر ع اللي فاته
نفكر ف الشباب اللي يبي يحرق
زعما يوصل للطليان ولا زعما يغرق
نفكر في اللي شاقي بالناس و باسط يديه
ما عمره قصر في يوم و الله يرحم والديه
نفكر في اللي م الصبح عكسة ف الشارع و يقود
كل واحد كيف ربوه و على شن متعود
نفكر ف اللي دارو رقب و لربي ما حسبوش
نفكر في ناس عزاز علينا ماتو و ما يولوش

(Chorus)
تبي تعرف فشنو نفكر؟ في الطيبة اللي فينا ماتت
نفكر في شعب طقوه في حقه و ساكت
تبي تعرف فشنو نفكر؟ في اللي هاجرو تغربو
نفكر في باقي الناس أمتى يجيهم يوم و يجربو
تبي تعرف فشنو نفكر؟ في اللي إنطب على هويته
نفكر في البنت اللي نخطفت و لقوها ميته
تبي تعرف فشنو نفكر؟ في الراجل كيف إنذل
نفكر في هموم الناس يا خوي و مالقيتش حل

Muammardoa

Popular tracks