أغنية هانى عادل  حرف وحيد  من فيلم لامؤاخذة

حلقة عن كيف يفهم الرجل والمرأة بعضهم بشكل مختلف وما يدور داخل عقل الرجل والمرأة خلال العلاقه.

الحلقة من تقديم
عنان أبو ميرة - محمد عبد الغنى 

برنامج عبده ، الحلقة الثانية ، الموسم الثالث، الدارك سايد فى الحب.mp3

النقشبندى - أغيب

النقشبندى - أيها الناس

ارسملهم طريق السعاده - نجيب الريحانى

شركة المرعبين - قطتك ها يروح خلاص

قدام السور قدام اللي بانيه
قدام السور قدام اللي معلّيه
قدام السور قدام اللي بانيه
قدام السور قدام اللي معلّيه
وكمان قدام اللي واقف يحميه
وكمان قدام اللي واقف يحميه
وقف راجل غلبان وعمل.. پيپي
وقف راجل غلبان وعمل.. پيپي
عالسور واللي بانيه واللي معليه واللي بيحميه
عالسور واللي بانيه الراجل عمل پیپی

يسرا الهواري - الســــور

اصل افرض ما سمعتش كلام الحكومه ها يحصل ايه .. ولا حاجه ها شرب من البحر 

 أنا مش طالب غير انسانيتى , مش عايز اتهان مش عايز اتهان فى البيت ولا فى شغلى ولا الشارع و متهيألى دى مطالب مش ممكن اتعاقب عليها ولا اتوبخ ولا ادان !!!

عادل امام من فيلم الارهاب و الكباب - أنا مش طالب غير انسانيتى

عماد حمدى -
من فيلم ثرثة فوق النيل
 الحشيش حرام والخمرة حرام ليه القانون متحيز للخمرة

عماد حمدى - الحشيش حرام والخمرة حرام ليه القانون متحيز للخمرة

دينا الوديدى - يعنى ايه كلمة وطن



يعني ايه كلمة وطن
يعني ناس ملهاش سكن
يعني ايه كلمة وطن
يعني ناس ملهاش سكن
ولا يعني عيون ساكنها
حلم معجون بالشجن
يااهل المغنى دماغنا وجعنا
دقيقة سكوت لله
ده احنا شبعنا كلام مالو معنى
ياليل وياعين وياااه
يااهل المغنى دماغنا وجعنا
دقيقة سكوت لله
المجتمع زي الرصيف وسخ محتاج يتكنس
.. في ناس بتعرق ع الرغيف وناس بتعرق من التنس
ده احنا شبعنا كلام مالوا معنى
ياليل وياعين وياااه



دينا الوديدى - يعنى ايه كلمة وطن

نفسى أعرف يا ابا انت عايز تبنى جامع ليه - عادل ادهم و صلاح السعدنى

حسن الأسمر - مظلوم -أغنية فيلم رشة جريئة

مفترق الطرق - ماجده الرومى - من فيلم عودة الابن الضال 

يا طير يا طاير في السما طز فيك..ما تفتكرش ربنا مصطفيك..برضك بتاكل دود وللطين بتعود.. بتمص فيه يا حلو، ويمص فيك.. .و عجبى "صلاح جاهين"

أنا قلت كلمة و كان لها معنييـــــــــن. كما بطن واحده و توأمين زي وشين. لو دنيا شر.. التوأم الخير يمـــــــوت. لو دنيا خير .. الشر ح يعيش مــنين. عجبي !

رباعيات صلاح جاهين - صوت صلاح جاهين - غناء على الحجار - يا طير يا عالى فى السما

لا تجبر الإنسان ولا تخيّره يكفيه ما فيه من عقل بيحيّره اللي النهارده بيطلبه ويشتهيه هو اللي بكره ح يشتهي يغيّره عجبي!” #صلاح_جاهين

صلاح جاهين - لا تجبر الانسان ولا تخيره

فرقة الطنبورة البورسعيدية ، فرقة مستقلة، أسسها زكريا إبراهيم سنة 1989 في بورسعيد وهي فرقة غنائية موسيقية راقصة تتفاعل مع المسرح الارتجالي الشعبي.هدفها جمع وحفظ واحياء التراث الموسيقي الشعبي المنفرد وربطه بالحياة القومية من مصر 

شفت الفمر - كل شئ له نظر
اه يا لدان يالدان يالدان
كل شئ له نظر
يا حمام
كل شئ له نظر

شفت القمر على صدر الجميل
ياكل حلاوة ثم يشرب خمير

ياطالعين القصر لفوق يانازلين سلمولي
على غزال وعيونه السود هو السبب فى سقم حالي

ليه يا حمام بتنوح ليه فكرتني بالحبايب
ياهل تري نرجع ع الاوطان ولا نعيشواغرايب

خش المسا وظلام الليل واللي يجاور يجاور
جاورت انا كحيلة العين أم الحلق والأساور

يا بت ياللي تبيعي الخوخ بكام رطله يا صبيه
قالت بعشرة وبعشرين ولك بلاش يا دوا عنيه

يا بت ياللي حمامك طار قومي اعملي له بنيه
قالت عملتها سبعة ادوار شبابيكها كلها بحرية



شفت القمر- فرقة الطنبوره

زحام و أبواق سيارات مزعجـــــة للي يطول له رصيف.. يبقي نجـــا لو كنت جنبي يا حبيبي أنــــــــــــا مش كنت أشوف إن الحياة مبهجة عجبي!! 

لو كنت جمبى يا حبيبى انا

عالمدينة - محمد منير


لفوا بينا قالو لينا قالوا بينا ع المدينة لما جينا التقينا كل شىء فيها ناسينا
القلق جوة العيون وشها له ألف لون حزنها غير حزننا منها واحنا لوحدنا
فى المدينة هناك
لفوا بينا وجينا هنا لفوا بينا وتهنا هنا
يا مدينة فيكى ماشى قلبى قمراية بشواشى مهما تعصرى فى قلبنا مش هيكدب صدقنا
فى المدينة هناك
لفوا بينا وجينا هنا لفوا بينا وتهنا هنا
الفصول فى كل عام فيكى تتغير اوام روح يا قمر الليل ونام ده السكوت زى الكلام
فى المدينة هناك لفوا بينا وجينا هنا لفوا بينا وتهنا هناك

عالمدينة - محمد منير


    إخراج:
        حسن بشير (مخرج )
    تأليف:
        أحمد بهجت (مؤلف)
    تاريخ الإصدار: 28 مارس 1990


محمود ياسين  - تتر مسلسل مذكرا ت زوج

كلمات عم سيد حجاب - أغنية "حبيبتى من ضفايرها طل القمر"
********************************************
حبيبتى من ضفايرها طل القمر
وبين شفافيها ندى الورد بات
ضحكتها بتهز الشجر والحجر
وحنانها بيصحى الحياة فى النبات
حبيبتى بتعلمنى أحب الحياة
من حبى فيها حياتى شمس وربيع
والحب فى الدنيا دى طوق النجاة
لولاه يضيع قلبي المحب الوديع
يا حلوة يا بلدنا يا نيل سلسبيل
بحبك انت رفعنا راسنا لفوق
لو الزمن ليِّل ما يرهبنا ليل
شوقنا فى عروقنا يصحى شمس الشروق
للحلوة قلب كبير يضم الولاد
وزاد وزوادة وضلة وسبيل
الموت والاستشهاد عشانها ميلاد
وكلنا عشاق ترابها النبيل
***********
حبيبتى من تنهدها حن الوتر
غنت سحر صوتها الشجر والنخيل
واتعلم النجم البعيد السهر
وساب سماه وسرح فى موجك يا نيل
حبيبتى غنوتها غيطان الحنان
شموسة صافية نورها ما ينطفيش
فى حضنها بنرتاح ونلقى الأمان
نعيشه حتى ان متنا ليها نعيش
يا حلوة يا بلدنا يا نيل سلسبيل
بحبك انت رفعنا راسنا لفوق
لو الزمن ليِّل ما يرهبنا ليل
شوقنا فى عروقنا يصحى شمس الشروق
للحلوة قلب كبير يضم الولاد
وزاد وزوادة وضلة وسبيل
الموت والاستشهاد عشانها ميلاد
وكلنا عشاق ترابها النبيل

حبيبتى من ضفايرها طل القمر - فرقة الأصدقاء

و احنا فايتين ع الحدود 

مستمرين في الصعود

اختفى النيل الجميل من تحتنا

والمدن

والريف

و أول عمرنا

 

وابتدا شىء ينجرح جوه الوجود

وابتدينا أسئلة مالهاش ردود

ملنا ع الشباك نخبى دمعة فرت مننا

 

باصة من الشباك على البحر البعيد

واحنا رايحين بالامل عالم جديد

 

كنت فاكرة يا مصر انى تعبت منك

واكتشفت انى محال استغنى عنك

 

حتى دوشة صوت جيرانى

والزحام وحشونى تانى

بسمة حلوة لطفلة لسه صغيرة

لما كنت اديها حتة سكرة

 

قبل مانسيبك وحشتينا يا مصر يا امنا 

 

وابتدا شىء ينجرح جوه الوجود

وابتدينا اسئلة مالهاش ردود

 

واحنا فايتين عالحدود - فرقة الأصدقاء

 ارمضان : الا اما انت يا شيخ حسنى محكيتلناش .. انت عميت ازاى ؟

الشيخ حسنى : انا اعمى يا غبى .

ضحكات بعد انتهاء الاغنية

مشهد (2 )
ليل/ داخلى
داخل دكانة قديمة وفارغة الخاصة بالشيخ حسنى

29
يبدأ المشهد بلقطة قريبة ( close-up ) للشيخ حسنى ثم يرجع (zoom - out ) بسيط

CUT

ا

الشيخ حسنى : ده انا اشوف احسن منك فى النور

30
لقطة عامة ( long ) للشيخ حسنى يرتدى جلبابه وعليه جاكيته الاسود ممسكا بالعود ويجس حوله خمس اشخاص فى شكل دائرى على الارض
نرى الشيخ حسنى يضرب الرجل الذى يجلس بجانبه وهو يكمل كلامه ويقول

CUT

الشيخ حسنى : وفى الضلمة كمان .... يا سلاااام .. ده انت راجل عجيب يا رمضان

رمضان : انت تشوف فى الضلمة بس .. سيبك بقى من الهلفطة بتاعتك دى .. وقولى انت عميت ازاى

الشيخ حسنى : كان ييجى عندى عشر سنين .. وكنا ساكنين فى البيت ده قبل ما مرات ابويا الله يرحمها تطردنا من الشقة .. فاكره اليوم ده كويس .. صحيت من النوم قبل الفجرية .. كنا فى بؤنة .. تقولش الشيطان صحانى .. لقيت نفسى ماشى ناحية البحر وكنت سخن .. سخن اوى .

ضحكات مرتفعة

31
لقطة قريبة ( close ) على يد الشيخ حسنى وهو يضع العود بجانبه ثم ( tilt-up) على وجه الشيخ حسنى حتى نصل الى حجم قريب ( close )
CUT

الشيخ حسنى : سخن اوى .. نار كانت طالعة من جوايا .. والترمسة طالعة فى صدرى وجعانى .. قعدت عالشط .. الهوا كان واقف زى ما يكون غضب ربنا حل عالدنيا .

32
لقطة قريبة ( close) لوجه رجل سمين يرتدى نضارة وينظر للشيخ حسنى
CUT

الشيخ حسنى مسترطدا : غفلت .. يعنى ..عينى راحت فى النوم

33
لقطة متوسطة لشخصين ( medium 2 shot ) لرجلين ينظرا للشيخ حسنى وسمعا ما يقول فى تركيز .. واحدا منهم يضبط حجر الشيشة الموضوعة امامه
CUT

الشيخ حسنى : مادريتشى دقيقة كانت ولا ساعة

34
لقطة قريبة ( close up ) للشيخ حسنى
CUT

الشيخ حسنى : لغاية ما صحيت .. بردو الشيطان صحانى .. لقت ادامى احلى منظر شوفته فى حياتى كلها .. تفتكروا شفت ايه ؟

35
لقطة قريبة ( close-up ) ( side angle ) لرجل ينظر للشيخ حسنى ويسأله .. ثم تقوم الكاميرا بعمل ( track out ) مع ( pan left ) حيث يظهر الشيخ حسنى وذلك الرجل فى كادر واحد بحجم متوسط ( medium )
CUT

الرجل : القمر ...!

الشيخ حسنى : لا القمر ده انا شوفته كتير قبل كده يا روح امك .. هههههههه ( يضحك الشيخ حسنى ومن معه )

36
لقطة متوسطة لشخصين ( medium 2 shot ) لرجلين ينظرا للشيخ حسنى وسمعا ما يقول فى تركيز .. واحدا منهم يقول
CUT

معلم الوظ : الفجر ... ؟!

37
لقطة متوسطة ( medium ) للشيخ حسنى وهو يرد على اجابتهم
CUT

الشيخ حسنى : الشيطان ..مابيطلعش فى الفجر يا معلم الوظ

38
لقطة متوسطة قريبة ( medium close ) لرجل ينظر للشيخ حسنى ويعطيه اجابة
CUT

الرجل : جنية ...؟!

39
لقطة متوسطة ( medium ) للشيخ حسنى مع دخل الكاميرا ( Track -in ) بطئ عليه حتى تصل الى حجم قريب (Close -up )
CUT

الشيخ حسنى : ياريت .. شفت انسية .. بنت مش عارف يمكن ولية بتقلع هدومها وبطرطش ميه على روحها وبتنزل البحر .. قلبى انخطف

40
لقطة عامة ( long shot ) للمجلس كله حيث نرى الشيخ رجلا من الجالسين يسأله


CUT

الرجل : ومعرفتش كانت مين ...!

الشيخ حسنى : لا عرفت طبعا

الرجل : مين

الشيخ حسنى : امك ..! ( تعلو ضحكاته مع الاخرين ) ثم يستطرد كلامه : بحلقت .. بحلقت .. كانت غلطتى انى بحلقت

الرجل : وبعدين

الشيخ حسنى : ولا قبلين .. قعدت متاخد زى المسحور .. لغاية ما طلعت .. وبس

رجلا اخر : بس ايه وبعدين ..؟

41
لقطة قريبة ( close -up ) للشيخ حسنى
CUT

الشيخ حسنى : بعد اسبوع .. عشر تيام .......... راح النور

42
لقطة قريبة ( close -up ) للمعلم رمضان وهو يأخذ نفس من الشيشة ثم يطلع دخانه , ثم ينظر للشيخ حسنى ويقول
CUT

المعلم رمضان : عميت ...؟!

43
لقطة ( close -up ) للشيخ حسنى
CUT

الشيخ حسنى : راح النور يا حمار.. مش عميت خلى عند اهلك نظر ( ثم يضحك مع الجالسين بصوت مرتفع )

يستطرد كلامه قائلا : يلا بينا ياخوانا بقى الفجر قرب يدن .. يلا .. بينا .

44
لقطة عامة ( long shot ) عكسية من خلف الشيخ حسنى وهى يقوم من جلسته هو واصدقائه
CUT

الشيخ حسنى : عارف السكة ولا اوصلك يا رمضان ...

المعلم رمضان : تصبحوا على خير

الشيخ حسنى : وانت من اهله يا سيدى ... اوعى ايدك يا حبيبى

خطوات رجل
وكحة الشيخ حسنى

عصافير

باب الدكان وهو يغلق

الا اما انت يا شيخ حسنى محكيتلناش .. انت عميت ازاى !؟

لو كنت غريب عن دي المدينة
كنت حاشوفها أكتر جمال!!
كنت هاحس الزحمة.. طاقة
مغرّقة المجاميع
تحكي الخرافة.. تصير

يا ترى في العودة لمدينتي
سعادة ... و اطمئنان
حواري حافظها بالخطوة
و عارف ناسها بالإنسان

عطري اللي محسوب ع الألوف منهم
و ف وسطهم نوع الأمان غير نوع أمان
و البعد عنهم فيه أمان غير الأمان

ان كنت غريب عن دي المدينة
غريب عن دي المدينة
انا غريب عن دي المدينة
انا غريب

دي المدينه - يسرا الهوارى

 مـاشية السنيورة
كـدة كـدة اهـو
عاوزالها صورة
كـده كـده اهـو
بصت في العدسة
كـده كـده اهـو
راحت مكسورة
اهـو كـده اهـو
بيقروا عليا وبيحسدوا فيا
***
اكمن عيوني عسليّـة وبتلمع في الضي شوية
ابقي خلاص .. خلاص بقيت جنيّـة
ويقولوا علي شعري السايح
قال ايه ناعم وكمان فاتح
وانا مهما اسامح واصالح
بيقروا عليا وبيحسدوا فيا
***
يشوفوني بانشر بياضاتي
والهوا طاير بين دراعاتي
يـقـومــوا ايــه
يـفـتـكـروا ايـه
يفتكروا دول جناحاتي
ويقولوا علي وسطي رفيّع
امشي بة يبقي بيتخلّع
واسمعهم وانا كده باتدلع
بيقروا عليا وبيحسدوا فيا
***
اشتري فستان يطلع منظر
واشتري فاكهة تطلع سكر
ابقي كده .. مشعوذة
قال ايه وباعرف اسحر
ويقولوا مالها كده سرحة
وفراندة بيتهم كده برحة
وانا مهما حاولت اكون مرحة
بيقروا عليا .. وبيحسدوا فيا
***
انا شفت منام قمت حكيتة
واتحقق زي انا ما رويتة
بعدوا عني .. كشّوا مني
عشان اللي قريتة
ويقولوا علي خدي وردي
وشفايفي فراولة من البلدي
طب ليه ودة شئ مش بيدي
بيقروا عليا .. وبيحسدوا فيا
***
يا حبيبي تعالي قوام خدني
م الناس اللي بتعاندني
هاتلي بصحيح .. بساط الريح
خلي البلد تشاهدني
ويقولوا دي بنت غنية
وشقية وحلوة وذكية
والعالم كلة حواليا
يقر عليا .. وبيحسد فيا

فرقة المصريين- ماشية السنيور

 رايح أجيب الديب من ديله
وأقلق نومه في نص الليل
بس يارب يكون له ديل
وان ما قدرتش اجيبه ها اسيبه وارجع اقول ما لقتولوش ديل 

فؤاد المهندس - رايح أجيب الديب من ديله

البيانولا 
- كلمات صلاح جاهين
 -ألحان سيد مكاوي 
- غناء اسعاد يونس

أنا دبت و جزمتي نعلها داب .. من كتر التدوير ع الأحباب .. يا سلملم لو أعتر في حبيب .. كنت أرقص من كتر الأعجاب .. كده هو .. كده هو .. كده هو ..!

أنا قلبي مزيكا بمفاتيح .. من  لمسة يغني لك تفاريح .. مع إني ما فطرتش و جعان .. ومعذب و متيم و جريح .. بتنطط و أتعفرت و أترقص .. كده هو .. كده هو .. كده هو ..!

بيانولا و ألابنضه و حركات .. إطلعي بقى يا نصاص يا فرنكات .. أنا عازمك يا حبيبي لما ألاقيك .. على فسحة في جميع الطرقات .. نتنطط .. نتعفرت .. نترقص .. كده هو .. كده هو .. كده هو ..!

البيانولا - كلمات صلاح جاهين -ألحان سيد مكاوي - غناء اسعاد يونس

مقطع من برنامج الاذاعى عبده الحلقة الاولى الموسم الاول


انت علي الأرض لا علاج لذلك لبست يا معلم

الغلط هو اللي ها يعملك بني أدم

- ما هو لو كنت انسان جاهل كنا صدقنا انك مدعى و دجال لكن انتا انسان مثقف و معاك دكتوراه فى العلوم السياسيه .
- ما هو ده من خبتى برده .
- واضح انك شديد التواضع يا صاحب الكرامه .
- يا محترم انا مش صاحب كرامه .
- استغفر الله دا انتا اللى بتوزع الامل الحلو على الناس كل يوم الصبح هو فى حد فى البلد كلها مبيقراش حظك هذا اليوم المنور ببصمتك فى كل الجرايد .
- كولو فى الهجايص صدقنى .
- اصدقك و اكدب نفسى , اذا كنت انا شخصيا مقدرش اتحرك من بيتى الصبح قبل ما اطمن على حظى فى الجرنان .
- تبقى غلطان.
- يا دكتور التحريات بتقول ان كل الناس اللى اتعاملو معاك بيأكدو انك صاحب كرامه و ليك وزنك .
- انا زى اللى لابس بدله حديد كل ما يزيد وزنه جواها بتخنقه.
- يعنى انتا مصمم انك دجال ؟ .
- كل شئ اصبح مزيف المبادئ الافكار الناس, حتى نظريات العلم بيفتتها الشك و بتهدمها البحوث الجديده مع كل يوم.
- بصراحه انتا اجهدت زهنى .
- الناس فى حاجه ليقين لحقيقه واحده تكون ثابته ده اللى بيخليهم يؤمنو بحجاب و تعويزه و درويش اهبل يضحك عليهم
-افهم من كدا انك بتجهل المجتمع و تتهمه بالجهل .
- لا , بالضعف , الضعف مبيفرقش بين جاهل و متعلم هما اللى بيخلقو الدجال و يصنعوه بأرادتهم , زى ما صنعو من الحجر تمثال و عبدوه .

مشهد التحقيق من فيلم البيضة والحجر - انت بتجهل المجتمع ؟

تتر مسلسل انت عامل ايه 
علاء ولى الدين / محمد هنيدى / صلاح عبدالله

تتر مسلسل وانت عامل ايه

المدينه
المدينة قلبها زحمة بالهموم
والعيون تايهه بتدارى في الغيوم
مين يهمه الا همه مين بيصرخ غير لالمه
غابت كل يوم غربت كل يوم
المطر باعت معاه دموع الندم
بكرة تشتي على الزحام
الزحام يبقى فضا
والدموع ساعتها نشحت كل ندم
عل الحكايات اللي ضاعت
اللي ضاعت في المدى
حبيبتي المدينة متاهة بشر
شوارع حزينة بقايا صور
حبيبتي المدينة في رياح القدر
وحيدة مسكينة بداري الخطر


كلمات: عصام عبدالله
ألحان: عزمي الكيلاني
 توزيع موسيقى : هاني شنودة و عزيز الناصر. التسجيل و الميكساج : زكريا عامر , عبد الحليم عبد الحليم , عمرو فوده , هاني كوته
البوم : يا طريق
تاريخ: 1983

Muhamad Abdulghany

Popular tracks