 دنجوان لسا متوفي إمبارح ي جماعه ....  ربنا يرحمك يا رامي  

والمزيكا مبتنتهيش والمستمعين مبيخلصوش

ياما ناس موجوده علي الساحه لكن مبيتسمعوش

A7aaaaaaaaaa ya BOSS I’m still listing to ur TRACKS YA KBEEEER … P.S / I’m abig fan to u 15 years ago when my age is 19 years old 😉👍👍👍👍🫵💪

لو كنا في عالم عاقل مش مجنون مكانك الملك في مجالك يا هيذام .. الله يرحمه الدنجوان

My Acc : www.facebook.com/OnlyForZamalek1

ميجالومانيا - محمد أسامة


قافل علي نفسه بابه قاعد لوحده حزين 
قاعد في بيته منعزل فاقد الثقه بالبني ادمين
وحده .. ما هو طول حياته كان لوحده
حتي مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش اد اللي مخبيه
اللي مقالوش لسانه فضحته وقالته عنيه
كل يوم بيسأل نفسه هو انا عايش ليه؟
كل الناس اتقدمت وانا  وحدي واقف في مكاني
كل صحابي اتجوزوا وانا وحدي وحيد وبعاني
عاطل ، ايماني بالامل كان ايمان باطل
وصلت لمستوي من الاحباط والاكتئاب واليأس القاتل
احلام ، مسئوليات ، فشل ، حب ،اخفاقات ، تعب بدون انجازات
فجأة كمل 30 ، من بعد ما كنا شباب القلب الابيض فجأة اهو شاب
 لو كانت الدنيا عذاب في عذاب يبقي انا من ضمن الميتين


الدنيا حظوظ مش بنبص لحد في ماله
الدنيا فلوس مش موهوب والحظ اداله
الدنيا تدوس علي اللي ماشي غلبان وفي حاله
الدنيا لبوص انا مش عايزها خلهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلدي والبلدي محبتنيش
والحاجه اللي بتسيبني بسيبها متلزمنيش


كنت شخص مبتسم لإني جاهل باللي جي 
بدون ما توقع إن القمر ممكن ينطفي له ضي 
كنت بسقي زرعي وردي في البلكونة كل يوم 
كنت بأذاكر و اجتهد و بصحى بدري من النوم 
كان تفاؤل اللي حواليا شيء ايجابي 
كان جرابي ممتليء بكل حلم آتي من كتابي
انا بحكي بدايتي في السذاجة يمكن تتعظ 
تعرف إن أملك في الوطن بقى شيء مستفز 
اليأس مش خيانة اليأس ضعف محترم 
حقيقة مؤلمة إني أشوف تضخم الورم 
استمر في المكان ده يعني أفرط في انسانيتي
 هافتقد صحابي أهلي ناسي كل ركن في بيتي 
مفيش وطن .. مش عايز غير إني اكون إنسان 
يوم ما أحس إني و الجماد سيان هاسيب المكان 
الحقيقة كالكابوس .. السعادة في الفلوس 
الشر منبعه البشر منبعه النفوس 
سايبهالكو مخضرة لإني شخص واقعي 
فقدت كل عاطفة زالت ما بين أصابعي 
حتى الحب طار لانعدام وجود المادة 
و الحرية انتهت بفضل الثورة المضادة
الوطن بيجبرك تدريجيا تبقى فاسد 
ع الأقل لو شريف هتبقى حاقد تبقى  حاسد 
الوطن بدل ما يدي ناسه  طلع حرامي 
سرق عمري و عمر جيلي و مش هزود بعد رامي 
أنا لازم الحق نفسي اشوف وطن بيحترمني 
أي مكان ماليش كرامة فيه يبقى مش لازمني 
مكان خطر على حياتي الخلفة فيه جريمة 
مجتمع خطر على دماغي بافكاره القديمة 
الهروب ضرورة للتخلص من كل الشرور 
كل معاني الانتماء ربطتوهالي بالباسبور 
يا كل دولة حرة أتمنى يكون زعيقي واصل 
لاجيء بلا وطن رافض حدود أو فواصل 


30 سنه بالتمام عيشتهم في البلدي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي 1000 باب من الطفول للشباب
بحلم بالبلد اللي تودي ، مش لاقي نفسي هنا غصب عني لازم امشي
كل الاحلام ادفنت وحلمي وقع ما قامشي كل اللي عيشته هنا سنين
عذاب ولما همشي انا هنسي كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه 
اله معبود ، الكل فيها شقيان لكن الا المسنود في بلاد العالم التالت
فساد ملوش حدود ، في العالم التالت نبيهم اكل العيش في العالم التالت
يؤمنوا بالله ويسجدوا للجيش في العالم التالت قوة عظمي اسمها حشيش
بلاد العالم التالت بتاخد مبتديش ، انا ماشي قبل ما اموت قبل ما الوقت
يفوت ، ماشي بعيد عن البلدي و عن الحدود ماشي ومعنديش اي
نية اعود ،  ماشي مانا استنيت الحق لكنه مجاشي
ملايين من الدوافع عماله تقولي قعادك هنا مش نافع ضيعت سنينك
مجهودك ضحيت مش شافع عليت الصوت فهتفولك طالبت بحق 
فقتلولك القلب اليافع 

اتولدنا في الحلال اتعلمنا ودخلنا جيش قعدنا علي القهاوي لا كسبنا ولا كالنا عيش
اشتغلنا كل حاجه والشهاده منفعتناش تعبنا واتبهدلنا بعنا نفسنا ببلاش 
كل ثانية عيشتها فيكي من حياتي مش محسوبة وسنين امالي واحلامي
كانت اكذوبة ضيعت سنين في اوهامك كنت في غيبوبه والنهايه من البدايه للاسف كانت مكتوبة


عالم تالت


ادينى كاسي ونسينى كل اللى فات من ايامى وسنينى لفيت اللفه  من تانى وادينى ببص لنفسي مش شايف اى طموح في عينى
ادينى فيزا ومشينى من ام البلد اللى بتقتل اجمل ايام فى سنينى
وجودي في البلدي بيقتلني مش بيحييني حاكمني بذنب معملتوش احكم عليا انفيني ابعد مكان عن هنا وديني

وقبل ما امشي مسيلى على الناس اللى استنونى ياما لكنى مجيتش الناس اللى استنوا  اغنية ولا سمعتش الناس اللى فى غيابى حسوا بحاجه مكملتش Yeah
مشكلتى مبغنيش الا لما ببقى عايز اغنى ومتنسوش اللى انتوا بتسمعوه دلواتى ده فنى فالما اعوز اقول اقول فـ متفضلش مستنى مفيش حد فاهم مصلحتى افضل منى 
                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

                                                               ***   


ضيعت وقت وفلوس وكمان مجهود على الفاضي حلمت بالمستقبل مخلصتش من الماضي عاندت ونجحت ولعبت اللعبه بفن اهملت لعبتى فا ضعفت وخيبت الظن
اللي ضاع ضاع مبحبش ابكى علي الاطلال في حياتى انا طولت نجوم كانت صعبه تنطال واللي عملته واللي بنيته كويس مش بطال حبت عناد وايا اجتهاد ونصلح الاعطال


ادينى امل وصحه و انا اعيش في اي حتا وانا اكمل حلمى اللي ادغدغ قدامى مية حتا وانا اصول واجول بالمزيكا اللي انا حبيتها وهفضل صالب عودي  لحد ما نسلم الجته
وميشغلنيش لو كل العالم مفهمنيش دي مشكلتهم هما انا بالنسبالي ميشغلنيش مبيشغلنيش كلام الناس عليا سواء مدحوا او ذموا سواء حبوني محبونيش

                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

هتكلم عن شخص مات 
من عشر سنين كان هاري نفسه اعلانات 
سطحي تافه مبتسم فاكر نفسه بوص
قال يعني هيتشهر و يبقى نجم لما يرص 
مع الوقت شغله بقى نص نص 
نص يرضي نفسه نص يرضي البهايم 
على عوم جمهوره عايم 
المهم إنه طول الوقت حضوره دايم 
فنه منتشر و عامل اسم في المجال 
حط نفسه في الطريق بغصب و احتلال 
كل همه ياخد كل شيء لا يرضى بالفتات 
علاقته حلوة بالجميع فزادت الفيتات 
و الحفلات بدأ يظهر ميت دليل دامغ 
إن الفن بدون مقابل ده كلام فارغ 
السبوبة تحكم الوسط كمادة أو علاقة 
تصاحب القديم و التمن فشخ طاقة 
النضج نعمة الفن خد و هات التزامات 
مش هدس نفسي كفاية جلد ذات 

فني عايش للأبد برغم كل يأسي 
و اللي مغطي على نقط ضعفي هو بأسي 
فني عايش للأبد برغم كل يأسي 
و اللي مغطي على نقط ضعفي هو بأسي 

مؤدو الراب القدام بيكرهوني 
مش بيطيقوني لو يطولو يكتفوني يشنقوني 
مش مهم السبب لإنه مبهم 
بس نبذهم لذاتي لسه شيء ملهم 
أحب أكون مضطهد بدون قيود علاقة 
حر في الكلام في نقدي للسفة و للإعاقة
بحكي سهل ممتنع كلامي للجميع 
بدون ما أرص تركيبات و عمق يلا راب وديع 
هتموتوا كلكو و هيموت معاكو فنكوا الوسخ 
مش مميز حد فيكو منتو كلكم نسخ 
المنطق اتفشخ مظاهر بذخ التون اتمسخ 
بين الكلمة و الحقيقة فاكس العقد اتفسخ 
فنيا كنت حشرة شكرا 2010
حددت مكاني في الخريطة فوق القشرة 
كل عبيد المستمع و الشهرة و الفلوس 
مش مهم تقول حقيقي جد المهم تبوس 
تحية لكل مستمع مبتاكلوش يسجل 
زحمة في كل حتة رابر له جمهور مبجل 
و الصراحة المطلقة بإني لا أبالي 
تقولي ليه بترص عننا أقولك دي تسالي 
هبقى أحكي لكو وحدتي الرابية فيما بعد 
أنا لوحدي و انتو لسه كتفكم في كتف بعض 
العيال بتقيم كلامي سايب البلاعة 
سايب اللي عمره في الفنون لسه ربع ساعه 


المزيكا مبتنتهيش و المستمعين مبيخلصوش 
بنبطل سنة و اتنين و تلاتة لكن ما بننتهوش 
أنا و المزيكا اصحاب لكن ساعات ما بنتفقوش
ياما ناس موجودة ع الساحة لكن ما بيتسمعوش 

كنت باسعى كانت أحلامي واسعة 
اسمي ينتشر و صورتي لكل شاشة خاضعة 
شكرا للظروف اللي لبستني في الحيط 
فوقت من خلال الدم و لولا الخبطة ما كنت صحيت 
أنا بخلق حرب النفس و بكسب لما أتعمد أسوق بالعكس 
بشوف كزا صورة لوشي في عالم وهمي عليها علامة اكس 
أحب أقول إن اختلافي مش تعمد 
هما اللي شبه بعض و التكرار شيء مؤبد 
المزيكا مبتخلصش أنا اللي أسوق المستمع 
عقلي بس اللي سايقني رغم زعيق المجتمع 
مغمورين للأبد و هنفضل خارج الوسط 
أسماء هتتعرف بعنف بعد ما يموت الجسد 
هنعيش حياتنا مجهولين ده في مصلحة الكارير 
بيتهوفن عزل نفسه عن غباء الناس سنين كتير 
هاغني للحيطان و الرمل و الهوا 
تجاهل البشر طريق زيادة المستوى 



مغمورين

Beat Composed By : Hesham Watany 
Mixed By :  Hesham Watany 
Recorded At : Kawkab El Art Studios
#Verses 
-El 3abkarii Vs El 3aFreeT 
#Voice Over " Chourus " 
-Omar Boflot 
-lyrics by Mohamed hussam(el3afreet)

 ‫#‏اول_مرة‬ فكرته مقتبسة من تراك:
"Guilty Conscious" - Eminem and Dr.Dre

Awel Mara | اول مره Ft. Shahin El 3abkary Prod.By Hesham Watany

special thanks for >> 
Rakan 
Ozii 
3afreet 
Meeer 

اراجوز | Aragoz

Morstaan | مورستان

Performed by El3afreet - Rooney Hoodstar
Produced by MA Productions 
Recorded , mixed, mastered at Revolution Records Studio
Art Work by Abd El-Rahman Hafez 

Rooney Hoodstar Ft. El3afreet - Morostaan | مورستان

تحليل شخصية
-----------------
بيتولد إنسان عادي 
هو بطبيعته مش كده 
لكن هما اللي بيخلوه 
إله مؤله ...
كل أمله تكتمل جريمته باسم 
كل شيء قانوني ينسى قيمته 
بطل و إلا ...
هاتتسحل لإنك إتخلقت يوم 
ما قرر إنه يمارس رجولته 
سيجارة تتحرق تغور معاها ألف روح 
نضارة شمس تختصر معاني للطموح 
بتختلف مباديء الشرف عن الجميع 
لإنه إتولد في بحر من ثقافة القطيع 
ده كان عايز يشوف خضوع و ذل 
و امتهان كرامة هي دي الوسيلة عنده
هو ده اللي اتعلمه ..
لكن مفيش طريق رجوع خلاص 
مفيش طريق ندامة يلا شد أي حد 
ماشي يلا سلّمه ... 
مفيش سبب حقيقي لامتثاله للوظيفة
دايماً القانون في صفه 
مهما شك مهما عك
مهما لف القضايا شد ناس كتير شريفة 
مهما كل نفس بشرية طاهرة انتهك 
كافر بالإنسانية و العدالة و القانون
كافر بكل فكرة تدي حق للزبون 
ضحكته بتملا وشه ألف نكته تتخلق 
وقت امتلاكه للفريسة كانت بريئة أو شلأ 
ابتسامته رد عادي وش سادي و التغاضي 
مش وسيلته مش مهم مين غلط مين الي بادي 
و الضمير دي كلمة تتنقش في جدران المعابد 
الحقارة قيمة عظمة عنده هو ليها عابد 
المباديء الأصيلة نكتة حلوة تستحق 
ساعة كاملة من التهكم الكرامة تتحرق 
مزيد عبيد و رق كل حق يتسرق 
تعترض بتتشنق تكح بس تتزنق 
فين الفريسة نداء طبيعي جدا اتنده
بلمسة اشتياق بوهيمي للدماء مش الندى
ماتيجي نستنج فكرة جديدة لانج للتعذيب 
عن بعد أنا بقدر أخلق الإبداع في كمجالي 
بلاش نقطع على بعض كانت كلماته
تشق جدار الأمن الوهمي للمواطن
مالي بكلامه دماع مليون ضحية 
تقول آمين للظلم ! 
احترامه ليك ده حلم أزلي بين حروب و سلم 	
تبتدي المعاملة تختلف بدون ما يدي علم 
اقتناعك الطبيعي بالخضوع أساس حقير 
يفتخر بكل جرح سببه لألاف كتير 
أكل عيشه من كرامته جلالتك فخامتك
الشرف توفى مع بداية وقت صمتك 
تحب تتقتل تتسحل تكتمل 
سعادته لما يكسرك ولا جرح يندمل 
مفيش عقيدة عنده أو إيمان بشيء إلهي 
كافر بكل شيء بيمنعه من التلاهي 
لا تداخل بين مبادئه أو شبح شرارة 
ما بين إيمانه بالنظام و بين سجوده للوزارة 
انتماءه للسادية بيعتبرها أوسمه 
بسبب إيمانه بانعدام حسابه في أرض أو سما 
بيعيش مش مستني الموت
لإنه فاهم إنه سيد الكون


كافر

تقدروا تسمعوا دلوقتى كل التراكات على اليوتيوب من هنا
Subscribe now : bit.ly/Youtube_AhmedFouadOfficial1

Follow Ahmed Fouad On :
Official Facebook : bit.ly/Facebook_AhmedFouadOfficial1
Official Instagram : bit.ly/Instagram_AhmedFouadOfficial1
Official Youtube : bit.ly/Youtube_AhmedFouadOfficial1
Official Twitter : bit.ly/Twitter_AhmedFouadOfcl1
---------------------------------------------------------------------
#AhmedFouad - Lamobalah (Official Promo)
---------------------------------------------------------------------
Written & Performed By : Ahmed Fouad
Music Arrangement : Rakan Sherif
Recorded at : Rakan Studio
Lead Guitar : Sherif Mourad
Sound Engineering : Rakan Sherif
© Claw Production 2016
---------------------------------------------------------------------
Listen More @ahmedfouadofficial1

CLAW - Lamobalah l كلاو - لامبالاه

(verse 1)
Momen ibrahim
https://www.facebook.com/momen.ibrahim.906
..
(Verse 2 )
Lou El-Shreef
https://www.facebook.com/bigloukarantina
..
Sound engineer / Nader Hamdy
https://www.facebook.com/mcstar4rap
..
V 1 
لو عنك شك فإن عندى شك فإن عندك شك
 فإن عندى شك يبقى الشك من سوء التفاهم
و الحق إن جيت للحق على اللى معاه الحق 
و عرف الحق منين يتجاب قام ساب الحق كا نوع من التفاهم 
و الزق من اللى إتزق على اللى إبتدى بالزق أحق 
أما اللى إبتدى بالزق إن زق هيبقى بمنع التفاهم
بين فاهم عامل مش فاهم أو عامل فاهم مش فاهم 
مش فاهم إزاى أتفاهم فا بتدعى التفاهم
..
تصور 
رغم إنك مش بتحور .. بتدور 
على تبريرات تبرر إنك مش مضطر تبرر
تصور لما تكون متزرزر لازم تتكدر و تكركر 
تضحك أسهل ما يفكر حد إنه يقرر ي
ستفسر أكتر
عن سبب الصمت الذى سيطر على هذا الوجه المتعكر
فا تقعد تتكلم و تعبر إنك مش مضطر تعبر 
فا يقول الناس إنك بتتكبر
..
chorus 
فاهم ؟
مش فاهم
طب أقولك إسمع للآخر
منا عارف 
آسف مش لازم 
آسف على إيه طب مش آسف
فاهم ؟
..
آسف مش فاهم
طب أقولك إسمع للآخر
منا عارف 
فاهم 
مش فاهم
آسف على إيه 
طب مش لازم
..
مؤمن ؟
مش وائل ؟
وائل
مش ممكن 
مش مؤمن 
مؤمن مش عاقل
ولا وائل
إسمع طب أقولك للآخر
إسأل على مؤمن 
مش سائل
طب إسأل وائل 
مش سائل 
سائل مش ناشف ؟
مش عارف 
آسف أنا أصلا مش فاهم
..
V 2
الوضع الحالى اثبت ان الوضع الحالى اثبت 
الوضع الحالى اوحالى ان فى حالى لحالى اثبت
من جالَك مجانا كان ماجِن فنجالَك حالك
فنجالِك ايضا اوحالِك بطريقه ما ان القادم احسن
ادائهم كان سخيف بجد لما شافونى فقعر النيل
منا برضو اتوترت لما قالولى العلبه دى فيها فيل
ده دليل يمكن او جايز نوع من انواع التضليل
تمثيل اكتر مش بثبت اننا تماثيل ولاد تماثيل 
فالواضح ان الواضح بين الكم ده منكم بائس
فبوافق عل واقف وانزل اهرامكم بشكل معاكس
بينكم او بينهم كان ناقص حاله وقولتلهم 
يمكن كان واقف اولهم بيدور على نيله تشيلهم 
فنا حابب اسأل مين فى الى طب اتقل 
وعرفتوا دخول الحمام ولا خروجه اسهل 
طب مين الى اهمل؟
طب وايه الى يخلينى اخوض نقاش مابين جاهل واجهل؟
"فى الصف ياهبل يبن الاهبل"

Momen Ibrahim Ft Big Lou Panda - سوء تفاهم - sou2 tafahom

Rec . Mix . Mastring : Mahmoud Afif ( Ar - Studio ) ♥
Lyrics
أرجوك متعايرنيش بأصلى اصل انا مصرى وانت مصرى
كل واحد فينا فى طبقه فمستحيل تعرف مشاكلى
انت متوفرلك فيزا انا متعود اخد فيها
انت مشاكلك كتر فلوس انا مشكلتى بحاول احميها
عندك بدل الفيلا اتنين عندك عربيتين غاليين
انا عندى الضغط وعندى مرارة اتفقعت عدى عليها سنين
انت تعليمك لغات قادر انك تلف بلاد
انا بتذل طول اليوم عشان امشى ب 30 جنية
لا متقولش مصر حلوة او توصفها ف يوم بجنة
هى حلوة للى زيك انما احنا ياعم مالنا
سيبنا فى حالنا وفى عالمنا شربنا من كيعانا
انت قادر تبنى عيلة وانا مصاحب المخدة
الصورة اللى انت شايفها غير اللى انا شايفها
اللى حاكمنى و حاكمك ظالم عمره فيوم ما عدل بينا
معاك فلوس هيئلك طريق خيرك تكون
غرقنى فى هموم بعد نجوم المغربية
-------------------------------------------
ارجوك متعايرنيييييييييش فيوم بحالتى
دة احنا مصريييييييييييييين يابن بلدى
اه مش نفس الطبقة ولا نفس المستوى المادى
بس دة بأيدى وفقرى مكانش ذنبي
____________________________
انت معاك فلوس انا معييش انت دايخ من الحشيش
انا دايخ بلف وادور على شغل تانى مبلاقيش
انت وسايط وعلاقات علشان كدة مدخلتش جيش
اصل بابا رافض انك تتساوى بابن الغفير
كل واحد فينا فى وادى كل واحد له اهداف
انت هدفك تشقط سالى انا بتمنى العيش الحاف
احنا بشر اه بنخاف كل واحد فينا خواف
انت خايف انك تتساب وانا بخاف انام جعان
مستحيل نتساوى فى مصر احنا طريقين عكس بعض
انت دايما المظلوم وانا مكانك فى طابور العرض
مش حرية لا ده غصب علشان عندك اللى يحميك
واانا اللى حامينى يمهل ولا يهمل دايما بقول يارب
فهمت يابن الباشا ليه بتشوف الصورة اجمل ؟
مش كلام أغانى لآ علشان انت فى طبقة اعلى
عمرك يوم ما وقفت فى لجنة واتشمت بكل لهجة
انت تهزق وتعدى وانا باخد الطريحة بدلك

SubZero / ارجوك متعايرنيش

شششش ، كفاية نقد أرجوكي نملوا بحرارة
خدي المدينة باكيدج بدون تغيير تصميم الحارة
متخلينيش اعاقبك لو كمانجا هرفض أعزفك
و لو بقيتي جزء مني زي دمي هانزفك 
الوحدة خلت الهيذوم مكتفي ذاتي أصيل 
بيراب و يعرص في الباكات لنفسه بالتهليل
بنلعن الفيميلز بس عشان نرجع نحبهم 
مسألة وقت قبل ما نرجع تاني  نسبهم 
عقليتك كلاسيكية من زمن التلفون القرص
مقتنعة في كل مشكلة إني أنا اللي عرص
و الحقيقة اني انجذبت ليكي لكونك وتكة
شكلك راقي نفس رقي تصميم ازازة الفودكا
أنا الوحش ، هي الملكة الملاك و انا اللي تحت 
مفيش علاقة واحدة زعلت فيها و اتصالحت 
كان لما يزعل من اكساته يقاطعوه كعقوبة 
الزبون يزيد في زعله يهددوه بفسخ الخطوبة 
و في احلامي ، قاتل اكل ضارب وابل 
شامم غاز خامل زول كامل خالط الحابل بالنابل 
لكل مقام مقال عمرك من التاريخ يتشال 
معدتش بستغرب الواقع جاب من الخيال عيال 
ساعات أبص في المراية ألاقي نفسي رسمة 
كنت ساعات أشوف حبيبتي جمجمة مبتسمة 
سامعك قلتي لعشيقك إن الإكس كان بضان 
حاسبي لا زلة لسانك تعترف إنه كان حصان 
احنا بنعمل الخير و نرميه في الخرا 
و لما اموت هيقارنو كلماتي بشعر عنترة
دمرت صورتي في عقل ناس كتير بلا اكتراث
و لما يواري جسدي الثرى هاكون تراث
مرحا مرحا ، نزلي قصة من الطرحة
تكوينك وقت الرقصة ، بيصحي في اعماقي الفرحة 
بحب رد فعلك وقت حدوث انتكاسات 
زي هدوءك وقت غضبي لما بكسر في الكاسات 
شيشة خوخ بيرة هنيكن عقل حاير 
أحضان كتير لمقاومة البرد في يناير 
بنولع الكلام و نهوي عليه عشان يلتهب 
اشرب كتير يا غالي عشان تضحك و انت مكتئب 
اصرار غباوتي مع حبايبي كان كابتهم
اقنعت ناس كتير يلغوني من حساباتهم 
لسه المزيكا طوق حريتي لما أولف رايم 
كنت البس هدفون النجاة من سماع شتايم 
بفكر اكلم ناسا و احجز طلعة للمريخ 
كون الحقيقة وسخة مش سبب تزوير تاريخ 
انا بتاع الانا الكتير مهما زاد الملل
انا اللسان المبرد اللي مخربش العلل 
دلوقت بقيت وحش يا بيبي بعد ما كنت شمسك 
عملالي بلوك ، عشان مش قادرة تقاومي نفسك 
بقول كلام سخيف بشدة لما اكون مطبق 
لايدهشني شيء في توقعاتي بكون مسبق 
بكرهك .عشان حبيتك فلعبتي بضعفي بلاي ستاشن 
وقبلت أكون كلب الست كـفاينال ديستاشن 
انت السر العظيم اللغز اللي مبيتفهمش
ببص لك كأني بشوف فيلم لديفيد لينش
طظ فيكي و فيا قبلك ، عشان قابلتك 
فشلت اعاملك كشخص في تقرير استاتستيك
و لما عوزتك مكانش الأمر فيه تساهل
مجنون بكل تفاصيلك حتى التجاهل 
كونك عايشة في كوكب تاني من دواعي سروري
و لو حبيتي تيجي و تمشي تاني اشطة غوري
مهما كنتي في حياتي برضه مش مكانه اولى
مزيكتي رابي فروتي لوبسي واخدين البطولة 
فكرت مرة ارجع كل شيء باك تو ذا فيوتشر
لكني برضه مش هكون بوسامة اشتون كتشر
.كلكن عظيمات ، ع الاقل في عيوني 
عمري ما فرطت في عشيقة ، كلهم سابوني 

ببعت سلامات لارواح زايلة 
لسه المزيكا 
طوق حريتي للنجاة 
بهري في كلمات ، لنفوس شايله 

لو هيرد صوت من العدم فانا 
هاعتبره صوت صدى صوتي انا

https://youtu.be/CeCVln3FIJI

Music By:
Jiem EB Music
https://www.youtube.com/channel/UClIGtfLtGVThvU308i4qcsw

ششش

Egyptian Oldschool Rapper
1999- Present
Rapper , Vocalist , Lyrical "Arabic-Egyptian Dialect"
More than 20 Years experience since 1999 in Arabic rap tracks and beats production

مغمورين

Muhammad Osama

Recent comments

Hany Esssam

3mad Tamer

AL-زOز

hossammamdo7

Related tracks