The Upload

عارف..
اول ماسبتني حسيت ان قلبي واجعني اوي..
كان اول مره احس الاحساس ده..
احساس انك خلاص مبئتش موجود ف حياتي..
مبئتش بتشاركني اهتماماتي والحاجات اللي بحبها وحتى الحاجات اللي بتزعلني..
كانت اول مره احس اني ضعيفه بالشكل ده..
بس لا لا انا قويه ..
قويه ف اكتر وقت ضعيفه فيه..
قويه رغم كل الوجع اللي مالي قلبي ده..
رغم ان وجودك سايب ف قلبي علامه..
بس انت ليه مشيت؟! 
انت قلت مش هتسيبني!!
معقوله يكون كل اللي عشناه كدب..
معقوله اكون كنت كل ده ف حلم!!
حلم جمييييل خدني لسابع سما ولما صحيت منه رماني لسااابع ارض..
تفتكر هعرف اكمل؟!هعرف اعيش عادي كده!!
اه هعرف..
هعرف عشان انا قويه ومفيش حاجه بتهزمني..
عشان انت علمتني ده..
علمتني مبينش ضعفي قدام حد!!
كنت دايما تقولي انتي قويه اوعي تضعفي لاي حد!!
دايما كنت باخد كلامك كأنه دروس بتعلم منها!!
بس تخيل يوم ما التلميذ حفظ الدرس وحب ينفذه نفذه مع استاذه!!
بس عارف انا بدعيلك
بدعيلك من قلبي عارف ليه؟! 
عشان مش عاوزه قلبك يوجعك..
مش عاوزاك تحس اللي انا حساه..
مش عاوزاك تتكسر..
مش عاوزاك تحس انك قصرت او ان ناقصك حاجه..
انا قويه بس خايفه ييجي يوم اشوفك مع غيري!!
(مقطع اغنية)
لا لا لا..
مش هعرف اتقبل فكرة انك تعيش نفس الذكريات اللي عشتها معايا مع غيري!!
مش هسمحلك تشارك الاغاني والروايات والافلام اللي بتحبها مع حد غيري!!
مش هقدر اشوفك بتقول لغيري الكلام اللي كنت بتقولهولي!!
طيب هتصالحها زي ماكنت بتصالحني؟!
طب انا دلوقتي زعلانه منك مين هيصالحني؟!
هتقولها تهون الدنيا كلها قصاد ضحكه منك!!
هتقفل بالليل على صوتها وتقولها تصبحيلي على خير فترد عليك وانت كل أهلي؟!
هتوجع اوي انا عارفه 
بس هفوق بسرعه..
عشان انا وجعي ايام بس انت ندمك هيستمر سنين..
هتندم مش عشان انا احسن واحده ف الدنيا..
 لا بس عشان مش هتلاقي واحده تحبك زيي!!
انا اه قويه بس مبعرفش اضعف غير معاك..
انت علمتني مضعفش غير ليك..
 هضعف لمين دلوقتي؟!
مين هيقاسمني وجعي وتعبي ويشاركني اوقات هزيمتي؟!
احساس انك تخبي اللي جواك عن اكتر حد كان حافظك وفاهمك..
او خليني اقول عن اكتر حد بترتاحله!!
ده بيوجع اوي..
بس لا لا انا مش هبين كل ده عشان انا قويه..
او قررت ابئا قويه..
 حتى لو هكدب بس خلاص مبئاش ينفع ابان ضعيفه حتى لو...حتى لو قدامك

أنا قويه🖤

ماذا لو لاقيت آلة زمنية وقدرت ترجع بالزمن لموقف معين وتغيره، هتعمل كدا؟
إيه اللي يخلينا أصلا نحب نرجع بالزمن وهل تحب ترجع للماضي ولا تحب تكمل في الحاضر ؟

Radio 18.9 First Episode

Bella ciao بيلا تشاو (cover by Rowaida Ibrahim)

♥️قصة حب

في استبيان عملته سألت فيه الناس "عمركوا ظلمتوا أو اتظلمتوا" 
كان رد 97% منهم شايفين نفسهم مظلومين
و 2% شايفين إنهم ظلموا و اتظلموا 
و 1% بس إللي شايفين نفسهم ظلموا 
النتيجة كانت متوقعة ، لكنها غير صحيحة و دا إللي ناقشناه في الحلقة الأولى من برنامج #قهوة_سادة على #Radio_Space 

مستنية رأيكوا عن الموضوع وايه اللي استفادتوه منه 💕 
البرنامج بيتذاع لايف كل يوم سبت الساعه 17:30 على جروب #Radio_Space لو حد عاوزني اضيفه يعرفني بردو 💚 
_____________ 
#عيش_الحلم_حقيقة 💕
#رحاب_سمري 🎧🍃

The Upload

Muhamed Hassan 10