اسكندرية و هي فاضية 
1Aug 2020 | About 18 months Corona since | Alexandria | El-Raml station
.
https://www.facebook.com/kaaba.ebnmohsen
.
 #كابيات


اسكندرية و هي فاضية - كورونا - ١ أغسطس ٢٠٢٠ | محمد عبد المحسن "كآبة"

 اللي جاله الاكتآب

شعره ساب

من فوق جدايل شعرها

مَدِّت ايديه على خصرها

اداها ضهره فوشها

و فضهرها

كان قال حكاوي عنها

مابتتحكيش

ورا ضهر شيش - من شعره شاب

يصبح شباب

ان قَامَ حَدُّ الأنتَخَه

في فرق بيه المُبتغَى

و فرق بين اللي ابتغَى

و فرق بين اللي انتعش

و اللي ارتوى

و فرق بين اللي ابتسم

و اللي التوى

و اللي اشتهى

و اللي اغتوى

و اللي غلط بين الدوا

فرق الغلاف مالمحتوى

و اللي بيغرق فالمحيط

و اللي بيصرخ فالهوا

في فرق بين حَب النوا

و ان حتى كان يشبه اوي

لحاجات كبيره جت سوا

و الحب مش بالمبتغَى

الحب قبل ما ينتَعِش 

كان ارتوى 

الحب بعد ما اشتهى

دَبّ اغتوَى

قبل اما تغرق جتته

كات ضحكته - ماليه الهوا

جَمْع الغلاف بالمحتوى

فنكون سوا

شعرك جدايل تُختَصَر

و طولك الشبرين قَصَر

لجلٍ يزوّد رقتك

و فضحكتك

كات نشوتي

اجيها مالي سلطتي

اصبح ضعيف المُبتَصَر

و دراع قَصَر

عن مد عين اعمى النظر

لكن نظر

لجمالك البيِّن سَوِي

شافك في عتمة ضلمته

باينه اوي

ساب شعره على شعرك لكنّ-

-الشعر برضه اللي انتصر

فجاه جاله اكتئاب

شعره ساب

فَتَّح بَصَر

.......................

#عين_الشعر

#شعاع_ضلمه

#كابيات



محمد عبد المحسن "كآبة"-عين الشعر

نهاية اليوم 
بداية
بس يوم تاني
لشخص 
وحداني
عزول
قادر يشوف
و مش قادر
يشوف النور ومايطفيهوش
يقدر يحس
حاجات مفيش انسان يحسها
قادر يفكر في المشاكل
زي ما تكون لعبة
 بيفككها
و يركبها تاني
يقدر يكون اناني
بس مش عايز
عنده اللي يخليه
 اكيد
لكنه قال : 
"جايز..!"
ملهوش -دلوقتي عالاقل-
حد يعرف هو فين بجد
و لو سألت أي حد 
هيقولك هنا
من ييجي اكتر من سنة
شفته مرة بجد
كل حد كان بيشوفه
كان بيقول جميل
كان حر
رغم بغضه للقاهرة 
حب النيل
كان قادر انه يبني الجسر دايما
و يخطيك عليه
و يتسرسب 
على قد مانت تستوعب
لحد ما تآلف عليه
قادر يعرف اني باتكلم عليه
و مش قادر يقول انا
 تايه
 زي نجمة فالسما 
في مكانها،
 بس مش عارفة المكان
يقسم مع الحيطان أحزان 
-ولو معاه فلوس- دخان
لحد الشمس
الوحدة خير من علمك نفسك
و مش سهل افتعال الحضن
غير باللمس

#اليوم_التاني
#كابيات

محمد عبد المحسن "كآبة" - اليوم التاني

الحزن يوم
بس الفرَح أيام

هتنام / تقوم
تشوف دنيا متعرفهاش
و تضحكلك 
فيضحك وشك الكِشَري
و يظهر منك الشخص الجرئ
المجدع .. العِشَري
ترد عالافيه باخوه .. يا ترد تضحك
اي حاجة .. المهم ترد
و هتحلى فعينك كل الدنيا
تحَلِّي فعينك كل الممكن يحلى، فَ عينَك-
-تحلى كمان
انت كمان نَفسك تحلى
و ترد روحك فيك
في لحظة بس ..
تنام تقوم
ماتبقاش عارف تعمل ايه

"ما أشبه اليوم بالبارحة"
فَرْح أنا ماعرفوش و ماعشتهوش
و مفيش معايا ما يؤهلني
اني أخوض التجربة من غير مابوظها-
-و جبان
فمش هاجازف بالتحرك من هنا
لو مش اكيد كان فيه هناك

العشرة مش بالشوف كتير
ولا عمر الفرجة عالفرسان تديك فَرَس
كل الحكاية يادوب فرص
طرق .. متشابكة للغاية
و الغاية ماللقا .. عشرة

فلما تقابل الفَرَح
هتقوم -اوام- تنام
لان الحزن عادةً بييجي يوم
بس الفَرَح أيام

محمد عبد المحسن " كآبة " - العِشرة

مابحبكيش
و مابحبش كلامي يعيش
و مابحبش حد يبقى ليه فيه معايا
عشان بحس اني مليش
و مابحبش سؤال مالك
عشان مابحبش اللي فيا يبان مفيش
و مابحبش
عشان مابحبش اللي فيا يبات مفيش

و ماعييش
و مش ف إيدي اقول ماعييش
و مابحبش اتسال على حاجة واقول مفيش
فمبحبش سؤال الناس
ولا الحاجة
و مابحبش احس نفس محتاجة
و ماتقوليش
و مابحبش اللي يقولي على حاجة
ماتعجبنيش

و مابحبش اني بقيت مابحبنيش
و مابحبش سكوتي في عز مانا ساكت
و مابحبش الكلام لما مايسيبنيش
بحب بس مزيكا فوداني دايما
يمكن لو حد يسمعها
مايحبنيش

#مابحبنيش
#كابيات

Muhammad Abdul-Mohsen