کرن خان .mp3

لکه منصور می د خپل جرم نه توبه او نه کړه
لکه سقراط می د وخت جبر ته سجده او نه کړه

لکه خليل می د چا رحم ته اسره او نه کړه
لکه حُسين می د يزيد نه لاس نيوه او نه کړه

لکه د باز می په وزرو کښې راټول کړل غرونه
لکه بلبل می د ګل سيورې ته دمه او نه کړه

لکه د واوری می صفا صفا خبری اوکړی
لکه زاهد می د اسلام سره دوکه او نه کړه

لکه د نر زمری می غوڅی کړی پری د ستم
لکه ګيدړ می د کنډو نه تماشه او نه کړه

موسم ته څه ګرمه که زړونه ﺉ او نه لمسوول
تا يه قربان او نه وی ما ورته ټپه او نه کړه

چه قران يو دی حکم يو دی نو بيا ولی مولا
چه ما ﺉ کړی وه تا هغه ترجمه او نه کړه

ځما مړانه د پردﺉ دلاسی اوږی نه وه
ځما تاريخ د بزدلۍ مظاهره او نه کړه

تاسو ﺉ مرګ باندی يقين وو تاسو ځکه اوکړه
ځما اميد وو ما د امن جنازه او نه کړه

د اورکو خبره مه کوه چه نه پيژنم
د ورځی نه ښکاری د شپی وی او تا شپه او نه کړه

د ليدو شوق دی  منظر کښې هغه نه دی پاتی
وريَځو درز او نه کړو شنو بوټو لمبه او نه کړه
منظر
#ReleaseAliWazir

Anwar Salar