Name: الحلقة (4) عم فوزي.mp3 by Muhammad Elsayed
Duration: 17 min 21 s
Description: حلقة اجتماعية بسيطة بندردش يا جدعان يعني عادي.

اوه تخلص على خير يا برو اتمني المرة الجاية تقولنا عملت ايه في الجيش وكده 😂😂

كلمة ايد واستخدماتها في العامية المصرية (منقول مش اما اللي كتباها يعني 😂🙃 بس شابو للي كاتبها)

maidew ( hand ايد ) my first trial #voice-over  #colloquial_arabic #عامية_مصرية #فويس_اوفر

PO6BA - 4.5 | ٤,٥  ( PROD.TIKATONE )

قصيدة السيناريو ٢ للشاعر عمر هلال

السيناريو ٢

 زمان جداً ومش فاكر معاد بالظبط
زمان والوصف لو منصف
فكنت في سن تمهيدي
في سن ماكنت بتعلم
أحط التسعة في دماغي
واعد الخمسة علي إيدي

دخلت القهوة وانا قلقان
وبتعرف على الدخان
زفير من خلق متعلقة
هدومهم مش على الموضة
وباين فوق جبينهم شقا

لمحني عجوز بيتأمل 
فنادى عليا وضحكلي
فزادت رجفتي وخوفي
وبانت حيرة على شكلي
وخدت الخطوة والتانية
لحد وصلت قدامه
فقالي تعالى هحكيلك 
حكاوي بعتبرها كنوز
ومش هضغط عليك تسمع
فممكن تمشي لما تعوز
عجوز لكن وانا قدك
ماكنتش بعتبرني عجوز
فقالي كلام ومافهمتوش
عن الأيام وإحساسي
وعن ناسي 
وقالي إنه كان ناسي 
كتير من ذكريات عاشها
وعن قعدة صحاب حلوة
ماعادش في مرة يوحشها
وعن نسيانه طعم العيد
وشال الحزن في دماغه
وعد الذكريات على إيد
بيهدي سنينه زهرة عمره
وتهديه السنين تجاعيد

بيشكر علبة الدخان
على التصبيرة من خوفه
كإن حاجات كتير أسوأ
بتطلع برضو من جوفه

حكالي عن الشباب والطيش
وحب اتساب وسنة في الجيش
لحرب مابين جميع الناس
وبيسموها أكل العيش

وقالي إن الحياة حواديت
وكل حكاية هتفيدني
وقالي القعدة عالقهوة 
هتيجي في مرة هتعيدني
هكون قاعد عجوز سرحان
وحابس دمعي بتخيل
وهلمح نفسي على سهوة
وحيد قدامي في القهوة
والاقي المشهد اتكرر
عجوز بينادي على عيل

#عمريات 

السيناريو ٢_الشاعر عمر هلال

Khamsa Ft.

حلقة اجتماعية بسيطة بندردش يا جدعان يعني عادي.

الحلقة (4) عم فوزي.mp3

الأكل روايح أو مزاجات
و مزاجي أحب إيمان بالذات
استغني قصادها عن الدنيا 
و عن الماية و كمان الزاد
و امشي لها بلاد لو تؤمرني
و افرح لو وسط كلامها بتذكرني
و تقول عني أحلي الكلمات
و ادعيلها بأحلي الامنيات
و تنام تصحي في تبات و نبات
نسلنا يبقالنا عيال و بنات
نتفشخر بيهم وسط الخلق
و نعجز يبقوا العكاز
فيه ناس مزاجاتها في ريحة الورد
أو شكل الأرض .. طريقة سرد
و فيه ناس تعشق شكل البساتين
و مزاجي أشوفها و علي عودها أحلي الفساتين
الفرصة بنت جميلة .. و النظرة إليكي بميت فرصة
شعرك ليلة كحيلة .. و الكحل في عينك ما اتوصي
بأنا الغلبان 
و مشيت وسط الليل بتلفت
و بطمن عقلي الحيران
و بهدي ف قلب عليكي غيران
سكران و ف سكره بيتطوح و الخمر عتيق
و لقيتك وسط الضلمة طريق
و لقيتك بين ضلعيني رفيق
و لقيت للقلب في حزنه شقيق
أنا عندي إيمان إن السكران علي طول سكران 
و إن السَرْحان ما بيفلت عمره من السَرَحان
و إن الإنسان من غير الحب ماهوش إنسان
و إن اللي مزاجه في شيء علي وشه يبان 
و اتمني تكوني جواري و انا تعبان 
انا أصل دوايا ده شيء محسوس
شيء زي المتعة في أكل غموس
زي الفقران ما بيمسك أول مرة فلوس
زي الأيام ما بتدي دروس 
زي شعوري و انا ماسك كف ايديكي ببوس
كلها مزاجات و مزاجي انتي
يا حبيبة عمري و صديقتي 
و تحويشة كل الأيام 
أتمني أشوفك و اتدفي 
و اتغطي و أنام 

كتابة و إلقاء: أدهم أمين
تصميم الغلاف و الميكس: بحر أفندينا
موسيقي: Sovereign by Kevin MacLeod

الحلقة (4) عم فوزي.mp3

Muhammad Elsayed

Recent comments

M'amen Hasib

M'amen Hasib

Related tracks