Zajal

زجل جوقه الزغلول

بحياة روحي وحبّك لْفيها وعي
متل ما روحي معي انت معي
بليلة بسهرة برنّات القداح
بالعطر بالخمرة العم تقلّك تعي
انت بأحلى قصايدي لبريدها
المعصور منك عطرها ونبيدها
وكل ما بغنّيكي بقصيدة بعيدها
وبقول يا جروحي كلي تتشبعي
انت بحرارة مسمعي العابق خجول
ملوّن بلون خدودك وكارج نزول
من هيك لمّا يعطشو خدودي بقول
يا بتنزلي يمّا بنَزّل مدمعي
انت بيعينيّي لعَليْكي شايحة
وكل ما اقربت ليكي يا زهرة فايحة
منّي لعند حالك بشوفك رايحة
وبقول شمّي حالك وعودي ارجعي
انت بلمساتك كفوفي نمّلو
وبطّلت سلّم عقمر جولي حلو
صرت افزع افتكر إيدي قلوب
ويقول سارقها وعليي يدّعي
انت بهمساتك حفيف البيلسان
دقّات قلبي الدايبة حب وحنان
بغمزات أجفاني وبرجفاتي كمان
وبالكلمة الحلوة بحديقة مسمعي
بالأوف بالنهدة بخوفي من الفنا
بالوشوشة بالفلفشة بقَطْف الجنا
بخدّ المخدّة بشرشفي بنوم الهنا
بلطفة حبيبي بحبك انت وأنا
وشو بعد بدّك وين انت مش معي

Zajal

Muhammad Serhan