يا آخر سفينه بإبتسامتها الحزينه كانت بتسقينى الدلع🖤

قل لمن ...
قل لمن يفهم ما اقول
 فصل القولَ فصل القول فذا شرحُ يَطول 
انت لا تعرفُ اياكَ ولا تدري من انتَ ولا كيفَ الوصول.. 
كيفَ تدري من علىَ العرشِ استوى؟ لا تقل كيف استوى
كيفَ النزول 
كيفَ تجلَ الله ام كيفَ يُري ؟ فلَعَمّري ليسَ ذا إلّا فَضول 
هو لا أينَ ولا كيفَ لهُ وهوَ في كلِ النواحي لا يزول 
هو لا أينَ ولا كيفَ لهُ وهوَ في كلِ النواحي لا يزول
جلّ ذاتً وصفاتٍ وسما وتعالى قدرةُ عما نقول 
.... 
سُبحانَه 
سبحانةُ كُلُ ما في الكونِ صنعُتهُ فإن أرادَ فلا تسأل عن السببِ 
سبحانةُ كُلُ ما في الكونِ صنعُتهُ فإن أرادَ فلا تسأل عن السببِ 

بَل سلمِ الأمر ..
 بَل سلمِ الأمرَ تِظفر بالُمراد وما فوقَ المُرادِ فبابُ الخيرِ
 في الأدبِ

إلىَ الملكْ .. إلىَ الملكِ القَويّ شًكوتُ ضًعفي 
إلى المُحصي لما اُبدي واُخفي ..
 إلى التواّبِ قد يمّمتُ وجهي وفي ندمٍ رفعتُ لهُ أكُفّي 

*****
إلهي قوي بالايمانِ قلبي .. الهي وامّحو بالغفرانِ ذَنبي 
إلهي قوي بالايمان قلبي .. الهي وامحو بالغفران ذنبي

إلهي قد دعوتُكَ يا كريما لتًهديَني صراطاَ مستقيماَ 
وتنزلني فسيح جِنانِ عدنِ وتجَعلًني..
 وتجَعلًني بروضَتِها مُقيماُ

ابتهال قل لمن يفهم عني - علي الهلباوى

رسايل حراجي القط العامل بـ السد العالي

حراجي القط

زجزاج.. ولا خير في خل يخون خليله

قصدت باب الرجا

أفضل تسجيل لقصيدة علي راسها بطحة في برنامج الصحفي الرائع تامر أبو عرب

كلمات القصيدة
على راسْهَا بَطْحَةْ !
يا دولة من قبل الزمن والخريطةْ ...
ممنوعة ع العاقلين ومقفولة على ولاد العبيط والعبيطةْ ...
يا قاهرة أولاد البلد وبتنبهر بالشقر والبرنيطةْ ... 
ياما اندهس فيكي الشريف في الزيطةْ ...
ياما اندهش فيكي الحكيم ورَزَعْ دماغه من العجب في الحيطةْ ...
* * *
يا دولة يا قِلَّةْ ...
محجوزة للنياشين وللشِّلَّةْ ...
ياللي لدمانا مستحلة، ولعرقنا مستغلةْ ...
الشريف مرمي في كوخ
والمفتري عايش في فيلا ...!
يا دولة يا جبلةْ ...
يا مستقلة في وش أولادك
وقدام العدا محتلةْ ...
يا دولة لا بتعزق ولا بتزرع ولا بتروي وتلهف في المعاد الغلَّةْ ... 
يا دولة ماسكة لشعبها ذِلَّةْ ...
* * *
اكمنَّها لقيَّةْ ...
لا هي طايلة إسلامية أو شيوعية أو شرقية أو غربية أو ملكية أوثورية ...!
واكمنها تكِيَّةْ ...
المحترم فيها مالوش ديةْ ...!
مين اللي جاب الفقر من ستين سنة غيركْ؟
مين اللي كرشه حاينفجر م الهبر من خيركْ؟
مين اللي سَمِّمْ مَيِّتِكْ في الترعة وف زيركْ؟
مين اللي بيطَوِّلْ طوابيركْ ... 
وبيعَمَّرْ مَوَاخيركْ ...
يا دولة يا حشاشة لكن عاملة مكسوفة
باقول لك شدي من مناخيركْ ...!
* * *
يا شعب ما اتذلش في أفكاره ولكن ذلته اللقمةْ ...!
يا شعب صابر كالجمل وفي نكتته حكمةْ ...!
وبتشتكي جوعك وغيرك يشتكي التخمةْ ...!
وإن قلت ليه أشحت واجوع؟
حيصدرولك كرش لابس عمةْ ...
وشه العكر يشبه دخول غُمَّةْ ...
علشان يقول لك بالنيابة عن إلهك ترضى بالقسمةْ ...!
وكإن ربك خد قرار ينسانا في الزحمةْ ...
ويكون نصيبنا من الوطن حبة فتات والشيخ نصيبه اللحمةْ ...
مع إن ربك وزع الأرزاق ووزع قبل منها الرحمةْ ...!
ونغني في المَوَّالْ على لحْنُهْ ...
مكتوب علينا نخاف من الباشا الفكيك ونْعَلِّي مِنْ شأنهْ ...
ونقَدِّسْ الجاهل عشان طَوِّلْ لنا دَقْنُهْ ...
يا منتهى الآمالْ ...
حَنْكَسَّرِ الأغْلالْ ...
يا دولة مرعوبة من الأطفالْ ...!
* * *
يا دولة من حكامها منكوبةْ
وراكبانا ومركوبةْ
يا دولةْ أمنا الغولةْ يا كركوبةْ يا مخروبةْ
يا دولة ملك المفتري ...
يا دولة يا مين يشتري ...
يا دولة فول نابت على سد الحنك على جمبري ...
تقدر تعارض ربنا وتشتم جميع الأنبيا فيها وتبقى عبقري ...
لكن يا ويل ويلك إذا عارضت حتة عسكري ...!
يا اللي انت في عرض الطريق متسابَةْ ...
يا مغلوبة يا غلابَةْ
يا منهوبَةْ يا نَهَّابَةْ
يا سَبُّوبَةْ يا سَبَّابَةْ
رافع فيكي سَبَّابَةْ
وحَسْبِنْت بدُموع عيني
يا محلوبة لبن طازة يربي كلاب على ديابَةْ ...
يا مَعْيُوبَةْ وعَيَّابَةْ ...
يا كاملة في عيون اللي بيكرهنا وجَذَّابَةْ ...
ونَاقْصَةْ في عيون ناسك وغَدَّارَةْ وقَلابَةْ ...
يا صادقة في الوعيد دايما وساعة الوعد كذابة ...
يا دولة تفرد العضلات على الستِّات بدبابة ...!
* * *
يا دولة يا مجبورة يا مضطرة ...
لا فالحة لا ف كورة ولا في الذرة ...
عمرك ما تفتكرينا في الحلوة
وتملي مجرعانا المرة ... 
يا شاطرة في التعذيب وفي التعتيمْ ...
ولا يوم فلحتي في صحة أو تعليمْ ...
يا دولة ماشية بالوَدَعْ والغش والتنجيمْ ... 
ياللي الذكي فيكي يروح للأجنبي
وكأنه شرط إن اللي راكب عرشها يبقى قفا وبهيمْ ...!
يا دولة من أولادها منبوذةْ ...
تدي تملي للابس الخوذةْ ...
عمرك ما تفتكرينا في الحلوةْ ... 
وبرضه بتلاقينا في العوزةْ ...!
ساكتة وبتبلمْ ...
ولا راضية من أخطائها تتعلمْ ...
ولا راضية مع أوجاعنا تتألمْ ...
تضرب ولا تسَلِّمْ ...
كرباجها نسر ومخلبه على ضهرنا معلمْ ...!
* * *
يا دولة منفوخة على الفاضي ...
عايشة على التاريخ والماضي ...
الكل فيها بيتشرى ويتباع
من الباشا إلى الفراش
وم الوالي إلى الكناس
وم الريس إلى الأراجوز
وم المحضر إلى القاضي ...

قصيدة " علي راسها بطحة " للشاعر عبد الرحمن يوسف

"شعر حلمنتيشى للدكتور مصطفى رجب "قالت وقد بصت علىّ عوافى

اركان الاسلام - علي الهلباوي

الجزءالثاني من قصيدة احمد اسماعيل للشاعر الخال عبد الرحمن الابنودي الاكثر من رائعة

عبد الرحمن الأبنودى - أحمد اسماعيل - الجزء الثاني

من روائع الأبنودي .. مشهد من جوابات حراجي القط لزوجته فاطمة:

بقى أول ما دلقنا يا فاطنه بابور السد على محطة أسوان
أنا والجدعان
حسيت بالدوخه
أول مره باسيب جبلاية الفار .. 

رحنا المكتب
طلعنا البطاقات ..
ومضينا على الورقات

أه يا (( فطاني )) لو شوفتي الرجاله هْنِهْ
قولي .. ميات .. أولوفات ..
بحر من ولاد الناس ..
إللي من "درجا" واللي م "البتانون"
واللي من "أصفون" و "التل"

جدعان .. زي عيدان الزان .. سايبن الأهل .

وتطلي في عين الواحد يااا ولداااه ع الغربه ..

عارفه يا مرتي الراجل في الغربه يشبه إيه .. ؟
عود دره وحداني .. في غيط كمون ..

حسيت بالخوف ناشع في عروقي زي البرد .
قضينا الليله الأولانيه في أي مكان .

العين مشقوقه..
والبال ..
زي الغله اللي بتسرسب من يد الكيال

وندهت عليكم قلت يا فاطنة : أنا بنده
سمعاني ؟

سامعيني يا عيال ؟

النبي لولا الخوف واللومه من الرجاله ..
لاركبت القطر وعدت

قبل ما أروح لموظف
قبل ما أرد سؤال.

وقعدت أعقل نفسي وأقول : يا حراجي يا بوي
أمال جيت ليه ؟

الخايف من الغربهة ما يجيش
اتحمل علشان كسوة عيد .. ورغيف العيش

لكإنك ياخي رحت "الديش"

7eragy ElGot

حراجي القط - عارفة يا مرتي الراجل في الغربه بيشبه ايه

اللي ماقالتهوش أمي ليا

و اللي عاشت عُمرها تخبيه عليا

أمي مش محتاجة حاجة

لا لكلامي ولا لهدية

علمتني حاجات كتيرة بالسنين مش بالدراسة

بالوراثة اللي علّم فيها علّم برضه فيا

اللي ماقالتهوش أمي ليا شئ تاعبني

ليها رب و عن رضاها هايحاسبني

و دة حسابه مش شويّة

هي كانت عاملة حساب اللحظة ديّا

أما انا ياللأسف

كنت من الناس اللي امنت صدقت

في البتاعة اللي عايشين فيها بيسموها دنيا

من لا شئ خليتني واحد و الزمان اهو عدّى فيا

طفل كنت بعودي ساند على اللي عُمره ما مال عليّا

الزمن خلّاني جاحد و السنين غمّت عينايّا

هي صدرها كان مخدّة

و طرح قلبها كان مودة

و طرح قلبي كان قسيّة

اللي ماقالتهوش أمي ليّا

انها صِبرت عليا لما عيشت سنين في خيرها

كبرت ساويتها بغيرها

كان لا بُد اعمل حسابي

شوفتها في طلعة شبابي قيد و خنقة

ماكانتش فارقة

انزل امشي اخرج اسرح

لما بتأنبني اشوّح

كنت ادوّر وشّي " أُف "

هي ناقصة كمان تقوللي كنت فين ريحتك سجاير

ولّا صليت النهاردة

خٌش نام الساعة واحدة

شوفت حنيتها ضعف

هي شارية بقلب راضي

و دنيا دايرة و كاسها فاضي

كنت باشرب فيه سكِرت

ليه مُصرّة تخنقيني

يامّا مش وقتك سيبيني

انتهينا خلاص كِبرت

اتاخدت في سكّة تانية

زهقت من لعبك معايا

زهقت من خوفك عليا

من عينين عبّت خُطايا في جري حوالين الجنينة

و خوفها لمّا الليل يليل

كانت تبُص بعين حزينة و كانت تقوللي

" لسة يرضه في عيني عيّل "كنت انام عامل حسابي

بكرة هاصحى الاقيها جانبي

يعني هاتروح منّي فين

بكرة هاصالحها و هاترضى

بكرة انا هاطيّب خاطرها

بكرة اقوللها كلمتين

بكرة جاب بكرة و بكرة

و القسى في القلب راكز

أمي ماسمعتش مني طول حياتها إلا " عايز "

أمي في المطبخ كلامها تاه في تخبيطة الأزايز

كنت سامع صوت جرسنا

و لما تليفوننا يرن

رد يا ابني مين اللي طالب

عمري ما اهتميت بسِن

كنت اعلّي  صوت الأغاني

كنت ليه دايما أناني

كانت تعانبني بحُزن

يا ابني محتاجة لسَندة

بص شوف الشعر شايب

ايوة بيتي كان لوكاندة

عيشت فيها واكل و شارب

عمري ما اهتميت بحاجة

أمي تفتح أمي تقفل

أمي تمسح أمي تغسل

أمي تطبخ أمي تغزل

أمي تعمل كل حاجة

من رضاعة لحد وقتي

كنت باكير سانتي سانتي

و هي احساس الشَبَع

أمي يا اخر سفينة

بابتسامتها الحزينة كانت بتسقيني الدلع

السنين طلبت باقيتها

يا اللي مش عارقين قيمتها

أمي حصّالة الوَجع

أمي قبل النوم بتدعي

مش علشانها كان علشاني

اللي على التسريحة دة مش دواها

دي حاجات ضايعة و لاقيتها

زي سبحتها و حاجتها

نضارتها كل شئ واخد ريحتها

و فيا حاجة مخوفاني

ابتدى احساسي يصحى

السنين على الوش واضحة

رعشة الإيد اللي شالت و الكلام ممزوج بكُحّة

زي شجرة علشان تظلل الغصون لازم تميل

اللي ياما قالتلي " همّ "

اتملت علشاني هَمّ

الأساس هي و لولاها كان زماني زرعة مايلة

أُمي اهي بتاخد الدوا بالغَصب بمُحايلة

يامّا ليه ظهرك كدة في الهمّ ليه شايلة

رُدي يا بيت الدُعا

ابنك الأصغر عروقه اتودّكت

فاكرة لما كان بيحبي بأربعة !

فاكرة ضحكُه و أغنياتُه

فاكرة دعواتك علشانه

النهاردة العُمر خانه

ذكرياته أمنياته

حلمه ألَمه سنين حياته

اتخلّى عنهم فاق لأول مرة يفهم معنى " أم "

يعني ايه التضحية

ياخدوا عُمري منّي بس اخر أُمنية

يا ملاك الموت تمهّل

لسة انا في عينيها عيّل

سيبها بكرة

سيبها بعده

سيبها اسبوع

سيبها شهر

سيبها عُمر

سيبها لسة

سيبها أرجوك

سيبلي فُرصة

نفسي اسمع تاني " يا ابني "

اللي ماقالتهوش أمي ليا هو اكتر شئ تاعبني

انها كانت عارفة اني في يوم هاسيبها

أو هايجي في يوم تسيبني

قصيده اللى مقلتوش امى ليا

جوابات الأسطي حراجي القط العامل فى السد العالي لزوجته فاطمة أحمد عبد الغفار فى جبلاية الفار.
دائما يتلاعب الابنودي بقلوبنا ولا أعلم كيف يتعلق قلبي بكل ما يكتب وكل ما يقول ،غاص بنا فى هذه الخطابات الرائعة وأدخلنا لمخيلته نتخيل معه  تلك الغربة الخانقة التي تحيط بالعاشقين فتفرقهم وبين العائلات فتشتتها والمحزن أنها من أجل لقمة العيش
و اعلم يا بنى أن الأبنودي يُسمع ثم يُسمع
ثم يُسمع و نذكر اسمه من ضمن الأحباب
وربنا ما يورى حد غياب..

قصيده اللى مقلتوش امى ليا

صلاح جاهين فاروق جويدة نزار قباني

Recent comments

sma7

قبَس

Amr Elgazar4781

Related tracks