أغاني الانتفاضة الاولى

انت الصوت

الشهيد من شَ.هِـ.دَ. شاهِدٌ. ومشهود. وحاضر ما بيغيب. 
شاهد على الظلم بنضاله. 
ومشهود من تاريخ علّم فيه فعله.
وحاضر في ملامح بلاده. 
في بودكاست "وجوه فلسطين" رح نسمع حكايات الشهداء والمناضلين، رح نتذكر قصص بنعرفها، وانّبّش عن قصص تانية تفاصيلها مش معروفة.. وجوه بأسماء، وصلتنا قصصها بالتفصيل.. ووجوه تانية ضاعت أسماءها بس ضلّ نضالها حيّ..

نص وصوت: آية العوبلي
مونتاج محمود أبو ندى

وجوه فلسطين.. قريباً

⁩ أنا بصبرش على هيك حياة، يا بنسجن يا بستشهد  - الشهيد ساجي درويش

"رحلت ريم جسدًا و لكن صوتها حيٌ فينا لا يموت"

ولدت ريم البنا في مدينة الناصرة الفلسطينية المحتلة واندرجت في الحياة الفنية منذ صغرها فأخذت الفن من والدتها الشاعرة الراحلة "زهيرة صباغ"، درست الموسيقى و الغناء في المعهد العالي في موسكو، و عرفت بأغانيها الوطنية التي دمجت فيها بين الطابع الوطني في معظمها و الموسيقى الحديثة، يوافق اليوم الذكرى الرابعة لرحيلها بعد عناءٍ طويل مع مرض السرطان. 

نترككم مع "بودكاست" أعده إطار أبناء المخيمات في ذكرى وفاتها يروي فيها تفاصيل حياتها و مسيرتها في الأغنية الوطنية ✌🏻

•المكتب الإعلامي || أبناء المخيمات الجامعات الأردنية•

بودكاست ريم بنا - كتلة العهد الطلابي

"ليس سهلاً ربما أن اغير الواقع، لكنني على الاقل كنت قادرةً على إيصال ذلك الصوت الى العالم" 

لم تكن شيرين مجرد صحفية في إحدى القنوات، لكنها كانت صوت فلسطين الذي ينقل للعالم معاناة ونضال هذا الشعب الصامد ويكشف جرائم الاحتلال الصهيوني وقبحه، شيرين ابو عاقلة التي كانت من أبرز الصحافيات في العالم العربي اغتيلت برصاصة محرمة لانها كانت تمارس عملها المشروع.

بودكاست شيرين أبو عاقلة - كتلة العهد الطلابي

المفخرة يابو وطن

من أغاني الانتفاضة الفلسطينية - ياجماهير الأرض المُحتلة

موال الغربة - ضيعة ضايعة

طار اليعسوب بجناحو 
يا يما طار
وتعالى على جراحو 
بعزم وإصرار
طار اليعسوب يا يما
ورجع عالدار
ونزل على "ترشيحا" في المعسكر
بطائرة شراعية بالعالي طار
وعلى دروبك يا بلادي نزرع نوّار

طار اليعسوب يا يما 
عبر الحدود
عبر ع أرض آبائو
أرض الجدود
قال نضحي بالغالي.. بالروح نجود
وعلى دروب الحرية لآخر المشوار

طار اليعسوب يا يما
وضع اللقاح
في جيب الشراعية وحمل السلاح
قالوا تبقى الخلية رغم الجراح|
والنتيجة حتمية بالإنتصار

طار اليعسوب يا يما 
سلاحو باليدّ
يا جماهيرنا الشعبية: المدّ المد
بالوحدة الوطنية بنوضع الحد
للآلة الصهيونية والاستعمار


طار اليعسوب

فرقة الفنون الشعبية الفلسطينية
El-Funoun Palestinian Popular Dance Troupe 
Zajel - زاجل

عالبيدر السهرة - Harvest Celebrations

مرحى مرحى
للشهدا وللجرحى
مرحى مرحى للصبية
اللي ما اكتفت بالصرخة

حملت حجارتها وشالت
على الصهيونية انهالت
أعلت صوت وصرخت قالت:
أرض بلادي عرس وطرحة

مرحى لكل الجماهير
بتناضل حتى التحرير
دولة وتقرير المصير
يا خيي بتكمل الفرحة

إمي أطلقت زغرودة
وسع الوطن وسع حدوده
قالتلي إحمل بارودة
وهز ركاب المهرة الصبحة

قالت لي الأم الثكلى
عن الواجب ما بتخلى
بدكوا ولادي، أهلا وسهلا
بدكوا دمي، هذي رجحة

مرحى مرحى

The 22 sessions - On a path

حجر بلادي مقدس
حجر بلادي أسطورة
على الإرادة بنتأسس
واحنا بنفخر بهالصورة

لحجر بلادي صدى، والشباب لبوا الندا
يا خيي بدم الفدا، بنروّي تراب الحاكورة

يالله يا ختيارية، لا تقولوا القامة محنية
بدنا منكو المعنوية، كل واحد يعطينا الشورة

يالله معي يا حلوين، إنتوا النواة والتكوين
فيكم تفخر فلسطين، من رفح حتى الناقورة

بحجر ونار الكاوشوك، بنقاوم رابع شيلوك
بنثأر للدم المسفوك، بالحجر والقسطورة

حجر بلادي كبريت، من جباليا لبيرزيت
ما بينفع "لو" و "يا ريت" وما تعيد حقوقي المهدورة

أضرب حجر بالمقلاع، ولا تقول لي الوطن ضاع
الحاجة أم الاختراع، أكيد السواعد منصورة


حجر بلادي مقدس

ما احلى البيدر والدريس
في أيام الصيفية
إيد بتخلع جواسيس
وإيد بتزرع حرية

تتحرك كل القوى
مدينة ومخيم سوى
يا خيي الشعب نوى:
الإنتفاضة يومية

شعبي هب وما في خوف
الحجر صار كلاشنكوف
بنقيفة ومولتوف الكل يقاوم سوية

قالوا بإسم القدر
إنها القيادة تنأسر
المنشور الثاني عشر 
كذب زعم الصهيونية

بالقيادة وثقانين
وحواليها ملتفين
بكل المواقع ماشيين
مع اللجان الشعبية

اللي اغتال ابو جهاد
بوقع بشباك الصياد
اغتالت شخص، الموساد،
وما اغتالتش القضية

ما احلى البيدر والدريس
في أيام الصيفية
إيد بتخلع جواسيس
وإيد بتزرع حرية


Ma7la

من حياتي شرفي أغلى، ومن دمي اللي سال
صوت الإنتفاضة أعلى من الإحتلال

صوت الإنتفاضة عالي، وما بيخرس هالصوت
غير لأجل الحق الغالي، مين بيهوى الموت
مش هدف موت الإنسان، الغاية حب الأوطان
شعب يناضل من زمان، بدو الإستقلال

نزلنا على الشوارع، وبأيدينا حجار
هبينا مثل الزوابع، لهلبنا كالنار
بالصدر نصد الرصاص، صممنا على الخلاص
لازم ينول القصاص المجرم والمحتل

شعبنا حقوقه مهضومة، وعن حقه ما ينام
مبادئ خصمه معدومة، عنصره ما دام
يا كل الدنيا شوفيني، مخيم قرية ومدينة
شوفي الجيش الفلسطيني، زهرات وأشبال


بدهم يقتحموا قريتنا،  سهرنا طول الليل
ت ندافع عن كرامتنا، مهما الليل طويل
أقبل الجيش الجرّار، جبل مسلح بالنار
ملّينا الطريق حجار، وولعنا العجال

من سمّاعات الجوامع نادينا عالناس
والغافي نبهه السامع، قللو إحمل فاس
وتوزعنا عالمحاور، ثوار بنعرف نناور
والصهيوني إله خاطر، يركع للأطفال


من حياتي شرفي اغلى ومن دمي الي سال

اغنية فلسطينية توصف الحالة الشعبية والوطنية  في مخيم الدهيشة إبان الهبة الشعبية عامي 2015 و 2016
The Palestinian song describes the domestic condition of the society in Palestine during 2015 and 2016.
يا دهيشة منبع ثوار
والمخيم بلد العز
وإن صاح بدرب الأحرار
يوم إستشهد فيه معتز
...
يا دروب الثورة وتنمد
ع الغاصب تعلى وتهتز
ومن دم الشهدا بنغني 
هي القيمة وهي الرمز
...
يا دهيشة منبع أحرار
صامد ع دروب فلسطين
والأرض الحرة برهان
لو تسأل مالك شاهين
...
يا دهيشة فيكي أطفال
ما تهاب الوجع والنار
مصطفى عليان 
يرمي هالعدى بالحجار

حجر بلادي مقدس

Muhannad Abu Ghosh

Related tracks