ااا

مصطفي سيد احمد ..وضاحة

مصطفى سيد أحمد - نورا

الشاعر أحمد فلاح والكروان بادي محمد الطيب

بادي - عيونك علمن عيني بكا الخنساء

مصطفى سيد أحمد - أرحل - عود

عمنا الحاج ود عجبنا-مصطفى سيد احمد


شليل 
لحن اداء مصطفي سيد احمد
كلمات: القدال
بقول غنوات وأقول غنوات
فى البلد ا لبسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال ختفة ريد وفرحة عيد
وريدة روح وحمرة عين وايدية
* * *
ويالولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
* * *
وقبال حول تغّيم غيمة قِبلية
ترش الدارة والحدبه الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
رحيح جنياتنا فى الحدبة الصعيد الحلة
* * *
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
* * *
سألتك بى كبيداتن ودعواتنا
شليل وين راح؟؟
يكون ضل الخريف فاتنا
شليل وين راح؟؟
وزى برق السماك الجابها دغشية
وزى زغرودة البطن الكبارية
مرق من شامة القمره
ومقدم بالعديل يبرا
تعالوا أبشروا آجنيات
شليل ماراح شليل ما فات
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية 
ـــــــــــــــــــــــــــــــــــــــــــــ


مصطفي سيد احمد -- شليل

عبداللطيف عبدالغني (وردي الصغير) - يا سلام منك

مبارك حسن بركات - عشقت شــادن / عود و رق

الاهيف، محمود عبد العزيز

زنق نيجيري صوله - الكلاب الضالة

الشاغلين فؤادي - مصطفى سيد احمد

مودة الحنينة و نيجيري:واقفين قنا

Ya Mawlai Live..
من حفل خيمة سلمى كزام الرمضانية
Drums: Shibly
Bass: Sebawaih Abo Araki
Piano: Tariq Brazeely
Oud: Zuhair Elbaqir

Ya Mawlai Live - Mazin Hamid | يا مولاي - مازن حامد

النور الجيلاني مرت الأيام حبيبي لسه ظالمنا الزمن ❤️

مبارك حسن بركات - عشقت شــادن / عود و رق

Muhanned Alkhatieb

Recent comments

Awad Naeem

Related tracks