Alii Talibab ~~

       البوم
عشان ناكل 
موسيقي و تنسيق : ديچيت

كلمات و أداء : علي طالباب 


انتاج زَنّة برودكشنز ٢٠١٤ 

٧- الخامس

٢- الرحلة رقم ٩٠

1- مقدمة ممذوقة

(لماذ يتابعنى اينما سرت صوت الكمال)
ان كنت عدما فالعدم غير معدوم
العدم هو مقابل الوجود
كالظلام فى مواجهه النور
وكالقابل فى مواجهه الفاعل
والمراه فى مواجهه الشمس
الكمال) ارفع صوتى)

انا الغضب اللى معرفتش احكم عليه
انا الجهل اللى بفتي وبتنطط بيه
انا الجيل متأمرك متفزلك متلعبك مربوط عنيه
انا اللى واقف واللى ماسك اللى قاعد
 واللى سايب
 انا المفكر الحيوان
 انا اللى كنت فى يوم فكل شىء كان
.انا حكومه رؤوس الاموال 
يابنى
انا المعوق انا اللى صوتى عالى
 انا اللى بطلب الديمقراطيه
 وحقى دايما اجيبه بدراعى
انا تزاوج السلطه والمال
انا الاستسهال بن عم الاستغفال
انا المشروع المزيف واهدار المال العام
انا العبد والأجير المالك الفقير 
انا الكلام الكبير للمعانى الواضحه
وانا اللى لما اترميت ضعفت
وافقت بالمصالحه
انا العالم الواحد انا العمار
انا ثروه البلد والبورصة طاوله القمار
طب انا العيل اللى شايل السلاح 
وانا الطلقه اللى بتحرم المباح
انا اكياس الدم الفاسده اللى بتعدى السليم 
ياعم انا الشهاده و التعليم
اللى مهما تعلى بيه ميأكلش عيش
انا النافوره اللى بتنقط انا السقف المخروم 
انا عنيهم على جيبك وانا جيبك المعدوم
انا العالم التالت خلاص اتعرى 
متسلط عليه أوسخ عيون

انا الدرج المفتوح العمله الصعبه والجنيه
انا ابن الابتذال الاعلامى والرقابه على الجنس والسماح بيه
انا التدين الشكلى وتكييف الشريعه لي
انا كره الغير لمجرد عدم العلم بيه

إفهم

انا السكر اللى مهما تزود فيه ميحليش
انا الحجر اللى مهما تبنى بيه ميكفيش
انا البحر اللى مهما تشرب منه ميرويش
انا هدوء الدوشه انا سكون الزحمه

انا ازدواج غير عقلانى 
انا كائن تافهه الشهوه اللي سيقانى
انا اول نقطه مطر واخر بق شاى
 انا جاهل نائب البرلمان قولى ازاي
انا نعل الجزمه اللى اتهرى من غباوه النظام
 انا الديك اللى باض وانا الطور اللى اتحلب
القانون اللى اتركن والدستور اللى اتكتب
 انا القاضى والمحامى المتهم والقتيل
انا الراجل اللى بشنب بالل نفسه على السرير 
يا رئيس الجمهوريه سلطتك منتهيه
انا كارتك اللى اتحرق وانا ريحتك اللى فاحت 
انا اللى كنت زيك فاسد لما كنت ساكت

انا الشحات العدمان الفقران الشمتان 
انا الزاهد الكادح العالم السارح
انا اللامبالاه ماده الدنيا والحياه
انا الاستبداد حب التملك والهوى
انا ماضيك المريض مستقبلك اللى اتهان
 انا المصطلح الجديد اللى اتعلمته عشان تبان
انا اللى قتلت عشان اعيش يوم ميتقالك مفيش
انا العامل اللى جاع انا الوقت اقوى سلاح
انا العبد اللي استحل واستغل بالتالي فل
انا الضمير انا العيون انا المقيد المغلول

انا الشعب انا حوارى النظام
انا الرأسماليه انا الشيوعى اللى جيوبه متدفيه
انا الاستقرار, يسقط الاستقرار انا الحوار والسلام
انا وهم الرأى الامثل انا منظومه الكبت والاعدام
انا الواو فى امن الدولهحرف الجيم فى التعتيم 
وانا الدال على النور بالرغم من جهلى بيه
انا العدم انا الفضاء

انا اهم واصغر فصل فى الروايه انا بدايه النهايه
انا الشباك اللى اتقفل انا نكته بايخه بيضحك عليها بملل
انا قانون الطوارىء وثوانى حظر التجوال
 انا واقع عالم انفتاح الانحلال
انا السياسه الشرعيه انا تقى الدين احمد بن تيميه انا الفراغ وتعدد الهويه
انا .. كلب من كلاب الحزب الحاكم المغلوب
افهم
انا مش فرن العيش انا الدقيق المضروب 
انا ساعه التسليه انا الالهاء
انا القبر اللى بيتحرق لما يعلن اكتفاء
 انا العالم الجديد انا الدهب الارخص من الحديد
انا اللى بيقولك الفقير فقير بضعفه 
وانا اللى مفهمك إن القوي يستحيل تستغنه عنه
انا ابتسامتك ابتسامه خوف بدون صوت 
انا احساسك بالامان لحظه قبل الموت

انا السر انا العاده انا مش فنجان القهوه الساده
انا السكر اللى مهما تزود فيه ميحليش
 انا الحجر اللى مهما تبنى بيه ميكفيش
انا الثوب اللى مهما تشدي وتنزلى فيه ميغطيش
انا صفحات العاصى فى كتابه اللى مخبيه
انا ابن الشيطان اللى مقويه
انا الحبر اللى خلص وانا الريق اللى نشف
انا الصبر اللى زال وانا البدن اللى ضعف
انا اضواء شوارع القاهره
 جذابه ساهره ساحره كاذبه
افهم
أصل انا الليل اللى مفنجل
 مش عيون الناس اللى بتنام زى ضميرك
انا مش موجود بس وجودى ليه مكان انا العدم ..
انا الفضاء
انا العزل والاحتواء
انا مش فكره حلوه انا الكابوس
انا الابتلاء
بكره بكدب بظلم بعبد باخد بعدم بندم واسجد
انا الموت

(فجأه لا ارى فجأه تتلاشى الصفوف امامى وينسرب الصوت مبتعدا ورويدا رويدا)
ولكن فى اعماق التراب كان يسمع ويرى
 وهذه المره لم ينزلق الى قبر الغرور الذى انزلق اليه 
لم يخرج بتفسير مألوف بانه حبيب الله المختار 
انما اعترف بينه وبين نفسه بجهله بجهلي
من هذه الدنيا لا ادرى شيئا 
روايات العاصي علي طالباب
عرض حيطان الجراج
5/4/2013

The Garage

الكمال - علي طالباب في الجراج

شفت النور فالضلمه قلت أجريله يمكن ألحق
لقيت عيون فالضلمه عليّ تبحلق
ف إتستدت علي أحلامي قدرت أكمل لأخر الطريق
إحساس بخوف بيبعد وإيمان بيقوي بيك
لو كان طريقك حق يبقي الجحيم لأي حد
لأني الملك
لو متكبل فقوضه متر ف متر والسقف عليّ محمل الحديد هسخّره والموقف هركبه بس أكمل
أصلي إتمنيت أكون أسطوره
زي كل طفل فأخر الكشكول راسمله صوره
فيّ إلي قطعها داس عليها و إتعصب
وفيّ الي فرش سجاده الصلا فإفتكر إنه قرب
و فيّ الي لما تيجي سيرتها يتكهرب
وفيّ الي دخل نام و ساب حياته محكومه بالأحلام
كلامي مجرد محاوله مني إني أفهم الإنسان
صغير فلا ألاُم , قليل الفعل كتير الكلام
بإختصار كائن مغفل ,كرمه الإله فكسر
هدم و دلوقتي إتعسر , وبقوه الإراده لفعل الخير بقيت مستهتر
يا إبن أدم , مالك ؟
إزاي مش واخد بالك إن حياتك من قدامك بتطير !
يا إبن أدم , مالك ؟
إزاي مش واخد بالك إن حياتك من قدامك بتطير !
قالو محبوسين جوه جهنم والسور طويل
عايشين ف ضلمه و نور الشمس دايما بعيد
بس من شروخ فالحيطه قدرت أشوف
ورود وبحر والسما زرقا , ومحدش واخد باله
ما بقيتش فارقه !
حكيت لناسي قالو الغيب عنك مكشوف ؟!
قلت , إفتحو عينيكو وبصو كويس
دانتو الي عاميكو الخوف .
الخوف من أنك تطلق العنان
مش عارف أن ذره أمل كفايه إنها توديك قدام
لمكان الإندماج الواقع والخيال , خيط رفيع
عليه الي يعدي , عليه الي يقع
عليه الي مايكملش وإنجازاته يضيع
عليه مشي الي إتنسي , وعليه مشي الي غار
وقدامه وقف كل شخص سقط من صعوبه إختبار
خاف يتحرك , إتمسمر ورجله إتجمدت
مع إنه كان شايف إن السيل جاي وراه
بس لو ماعرفتش , هيّ دي الحياه
ناس تموت عشان يعيش الي حلمه بيتمناه .
العالم مات مقتول وزاهر رزاي فعقلي هو الغول .
فرحله البحث عن قدوه مع قلبه كل صفحه وشي بيتملي بالذهول
وإزاي مش لاقي قدوه وإنت قدامك الرسول ؟
يا إبن أدم , مالك ؟
إزاي مش واخد بالك إن حياتك من قدامك بتطير !
وكلامي دايما ليّ , قبل مايتوجه ليك
بفكر , فنفسي و نفسي و نفسي
قبل حتي ما أفكر فيك
يا إبن أدم ...

عرض إصدار كتاب الجدران تهتف , أول عمل توثيقي للثوره المصريه .
ميدان طلعت حرب .
22/9/2012

Talaat Harb Square

المذنبون - علي طالباب في طلعت حرب

حادثه
 عبد الله المنياوي -كن كما كانو
ديجيت - طالباب -محمد عادل
بلكون هليوبوليس
2013/12/27

Balcon

كما كنا - علي طالباب في بلكون

بروفه عرض حادثه في بلكون مع عبد الله المنياوي وديجيت وعادل في بيت ديجيت 
تسجيل مدرار تي في .

بروفه حادثه  -  علي طالباب في بلكون

وصله إرتجاليه مع عبد الله المنياوي .
معرض حريه
لوكانده الفينواز
30/12/2013
من التسجيل :
https://soundcloud.com/talibab3/mudhouses
بيوت الطين لعبد الله المنياوي .

Horria Gallery

إرتجال بدون موسيقي - علي طالباب في معرض حريه

سقط القناع.. عن القناع.
حاصر حصارك .. .لا مفرُّ !
سقطت ذراعك فالتقطها !
واضرِبْ عدوك..لا مفر ..
وسَقَطْتُ قربك،فالتقطني !
واضرب عدوك بي،فأنت الآن :
حرٌّ 
حرٌّ 
وحرُّ 
قتلاك .. أو جرحاك فيك ذخيرة !
فاضرب بها ! اضرب عدوك..لا مفرُّ !
أشلاؤنا أسماؤنا..أسماؤنا أشلاؤنا
حاصر حصارك بالجنون !
وبالجنون 
وبالجنون !
ذهب الذين تحبهم،ذهبوا..
فإما أن  تكون
أو  لا تكون 
كلمات محمود درويش .
إلقاء علي طالباب في الذكري الاولي لمحمد محمود .
الحقوق ل
The Mosireen Collective on Youtube
22/11/2012

أن تكون أو لا تكون - علي طالباب

نادي شهرزاد
مهرجان الدي كاف 2014
3/4/2014

D-caf

في أمل - علي طالباب في الدي كاف

ها قد ساد السواد
بين الغيوم ما عدت أري الشمس فى السماء
أسمع لحن تعزفه الأمواج
بدأت أتسائل إن كان غضب من إله الرياح
من حولى تسير الاموات حيه ميتة الأجساد
فإن كانت تلك الحياه
فأرفض ان احيا بقانون الأموات
إصمت , إنصع ، مت كالأموات 
فلا تريدك الحياه 
و ها قد ساد السواد
اليوم اكتب إليك كما أحببت
اكتب الفصحي كما ألهمت
بداخلي الألوف مقيد الحروف و قد منعت 
إن كنت إبنا لروحك إمتدادا لنورك فلما قلبي اثقلت 
فلم منعت اوحيت وكلي شردت
من انت
من انت لتقرر ولادتي وموتي 
هل تري الابتسامة في بؤسي وصمتي
اليوم انا الملقى وأنت تنصت 
هل فاتتك الأخبار كما قرأتها أخر مرة
نستخرج المعادن لنبنى الهياكل لنقتل الأنسان
لا اسياد ولا عبيد 
فكلنا سواء 
نعلق الدم لآلة المزيد 
لا اسياد ولا عبيد
نادي شهرزاد
مهرجان الدي كاف 2014
3/4/2014

ها قد ساد السواد - علي طالباب في الدي كاف

مد ايدك ياصديق انتشلنى من الوحل عنيك تراقب موت جسمى الكهل ببطئ زى السم فى الوريد يشلك ويتمكن كان لينا اراء دلوقتى مش فارق السواد م البياض مش احباط اتهلكنا فى البحث عن هوية الطرق محكومة بالدواير والبداية ف الاصل منتهية اتغرينا بخبلنا قولنا نقدر نصبح عرايا م البحر للمحيط انت مش الوحش دا انت اقل من الوحش دا زئيرك بسيط ميوشش على صخب المدينة بنحارب الحيطان والحيطان مش لينا بنحارب للتحرر والقيود تقيلة بنحارب الفاشية والفاشية فينا بنحارب زى ماقالو وال قالو هربو وغرقت بينا فى كام متر مربع نصبنا العدة واكتفينا معدتش تكفينا اهرب السؤال بقى هل هنقدر ولا القدر لعب بينا هل هنقدر نندمج والعشرة تداوينا ولا المستقبل معملش حساب لينا ما احنا لسه بنتنفس ياحبيبى وعالمنا الموازى اكتشفنا انه هش ياحبيبى معدش يساع خيالنا بدون دراع يومنا افتراضى هل هنقدر ندوق التفاصيل ولا مخزون الشغف معدش كافى انصاف احياء انصاف اموات والواحد عروقه جفت يوم ما اطرح طرح احتقار للذات معدش يساع طب اية بعد البؤس دا ؟ هنعيش باية جوه الفخ دا ؟ بعد ما اكتشفت انى انا مش الوحش دا انا اقل من الوحش دا هتواسينى باية حكاوى الامل قولت ليها راوى مش لطيف بؤسك مش لطيف طب ايه بعد البؤس دا؟ ايه الى باقى ؟ كفى نفسك عطفك ملوش داعى قدمنا الكل قبل النفس ف إية الى باقى؟ لاشئ.. لاشئ. إنت مش الوحش دا إنت اقل من الوحش دا..

نادي شهرزاد
مهرجان الدي كاف 2014
3/4/2014

إيه بعد البؤس ده ؟ - علي طالباب في الدي كاف

بحلّق , بره حدود إستيعابك هتلاقيني بغرق , وزي ما إتخلقت اديني بخلق , الجسد عاري والكفن إتمزق , الإيد مابتترفعش العضل مابيطيعش , الفاعل واعي لكن الفعل فقد ثقته فيك , كان أو ماكانش مايفرقش , ومين تكون بدون مبادئك , مبادئي بتجربتي بنيتها عشان تتكسر , ويوم ما أبني غيرها ههرب مستحيل أتأسر , بنيت حوائط صد أمتار وأمتار تمنع عني الرد , أمطار وسيول تدفعني أغوص جوا الشرنق ف بحلّق , بحلّق , بره حدود إستيعابك هتلاقيني بغرق , وزي ما إتخلقت اديني بخلق , بحلّق , بره حدود إستيعابك هتلاقيني بغرق , وزي ما إتخلقت آديني بخلق , الجسد عاري والكفن إتمزق , والصوت فالسواد بيتبدد الجسد عاري والكفن إتمزق , والصوت فالسواد بيتبدد , الإيد مابتترفعش العضل مابيطيعش , الفاعل واعي لكن الفعل فقد ثقته فيك , كان أو ماكانش مايفرقش , ومين تكون بدون مبادئك , مبادئي بتجربتي بنيتها عشان تتكسر , ويوم ما أبني غيرها ههرب مستحيل أتأسر , بنيت حوائط صد أمتار وأمتار تمنع عني الرد , أمطار وسيول تدفعني أغوص جوا الشرنق ,لكن هدوقك , شفايفي لامسه كل ثانيه من وجودك , داويني بالمجهول , مصيري معلول , هعوزك
إفتحيلي جناحك , وزي ما أتخلقت آديني بخلق , بحلّق , بره حدود إستيعابك هتلاقيني بغرق , وزي ما إتخلقت , الجسد مردوم ,العلم عاجز واللسان بينطق , فبالرغم من الا فعل حالي مستقر مع المد والجزر ظرفي بينفعل واحلّق , فوق اشلاء المعدمين , بدون ما اعلق فوق اصوات المنكوبين ,بدون ما افرق , فوق اعناق الرضع المنحوره بترمي تماثيل حكام ومحكومين , بحلّق فوق قصور الراكعين , والولهانين هايمانين ف سيل من المزيد غريب والوباء المستفشي مني قريب , فالبرغم من رئه متسرطنه والتكوين هزيل بنيت حوائط صد أمتار وأمتار تمنع عني الرد أمطار وسيول تدفعني أغوص جوا الشرنق , بحلّق , بره حدود إستيعابك هتلاقيني بغرق , وزي ما إتخلقت اديني بخلق بحلّق , بره حدود إستيعابك هتلاقيني بغرق , وزي ما إتخلقت اديني بخلق , الجسد شاخ واترهل , العقل شارد والعجز اتمكن , كتله مالدهون طبقات مالجلد بتشدك للمكان الطبيعي للمسموم ,

نادي شهرزاد
مهرجان الدي كاف 2014
3/4/2014

حوائط صد - علي طالباب في الدي كاف

واحد إتنين -  علي طالباب في الدي كاف

يمكن - علي طالباب في الدي كاف

أطياف الضوء - علي طالباب في الدي كاف

 نصوص إصدارات : ميه , يمكن , إستعيذ مالشيطان , جلد البقر من التسجيل ده 
هنكتب اكتر هنا قريب .
العالم بيقول.
مسرح الفلكي .
3/5/2014.

Spoken World

غابه الإسود و بركه المجرد - علي طالباب في مسرح الفلكي

الحقيقة ملك الوجود...مش ملك دراع طويل فعقلك ممدود
نفس التفكير المحدود...اعتقال الجسد..ده العقل كاسر للقيود

بجناحك طير ما تهمدش...اكتب عن عالم ميعلمش
حاكم مايرحمش...قاضي مايعدلش
واكتب...عن راجل دين ميأمنش
دون سطورك عن الضلمة نقي نفسك مالسموم
وايه تكون السجون لو مأمن ان وجودك مش بجسد مرهون 
سعتها يدوم سجانك اذل مسجون
فازاي نساوي...بين اللي مالك البنادق واللي فكره هو سلاحه ماسك قلمه بي بيحارب...يعيش
لو الروح تقدر تتجسد كانت هربت من صنم ميت عن الحقيقة شارد و ميناديش
فنيتُ في رداءِ الحقْ فكيفَ تفني المعدوم؟
لاترى ماترى سرابٌ للعيون..وان شققتَْ قلبي فقد قتلت نفسك
حي بالسلام...بندعي للسلام
ياضعيف الجسد كون النور....انت أقوى

الفكرة أصلب مالقيود ..أشمل من السقف مهما احمرت الخطوط
فوق كل قانون ..بتعاند الحدود
أكفر بدين العبيد..أدين بدين بدون سدود
دمي حبر أسود يكتب عن جموع خضعت للسكون
فاكتب عن ولي امرنا نطفي نور الشموع
حرر العقول يا ضعيف الجسد كون النور...انت أقوى

الحقيقة ملك الوجود...مش ملك دراع طويل فعقلك ممدود
نفس التفكير المحدود...اعتقال الجسد..ده العقل كاسر للقيود
الجريك كامبس .
27/12/2014.

Greek Campus I

الحقيقه ملك للوجود - المنظومه في الجريك كامبس

استعيذ من الشيطان"
استعيذ من الشيطان
وكل جمعة اقف في اول صف
دق خشب الخلاص
ماتتحركش
ماتقربش 
ماتجريش
ماتقفش
ماترجعش
مصيرك مقدر
بلاش تدور
بلاش تسمع 
بلاش تشوف 
بلاش تحس
الشمس بتشرق من الشرق
ماتفكرش
ماتستفناش عن المادة
ماتخترش 
ترددات ثابتة 
الخلف عزوة
ماتحكيش ماتبتكرش
افتخر بالهوية
وخليك عاليمين
ماتختلفش
كسّر
غلط 
ماتكسرش
ماتقدرش
نام بدري
ماتستهرش
المخدرات ماتشربش
ماترفعش 
ماتتخنش
ولو اكلت
ماتزروطش
النظافة من الايمان
احتقر المؤكد
وجلل الامام
تأدب
كون جميل
ولو مضطهد 
مكمم 
مشلول 
مغلل
تأدب
ولو منعدم
منعذل 
مطحون 
مشتت
تأدب
ولو فاقد الهوية 
من السلطة مستعبد
تأدب
صوتك للامة والاعلى للامام
(ماتعشّرش)
وبرة نقط الاجتماع 
ماتتنازلش
حن عالغلبان
وخلي طمعك ينتشي
من قلة حيلة العدمان
ولو معكش 
ماتطلبش
ابواب الجنة للي ذلك
ماتتفتحش
اشرب
ملكت الانهار والنعيم
استعيذ من الشيطان
استعيذ من الشيطان
استعيذ من الشيطان
استعيذ من الشيطان
انت راجل
ماتعيطش
احم ناقصات العقل والدين
اتخلقنا كلاب
بتنهش لحم ميتين
نضف ترسبات
اصنام تفتت الهة تناقضات
كسّر
كسّر
غلط
ماتكسرش
المدرس رسولك
منه ماتقللش
ذاكر ماتسقطتش
ساعة لقيودك
وساعة لجلادك
ماتدمردش
ادفن العزيز
ولو احتجت 
احفر القبور
بنتروي بالبترول
الارض والهوا ليكو
صخر
وانت المكرم
الاغتصاب
كل حبة تراب 
من خصل شعر الوهاب
وبدون تجميل
انت بنت
كسّك مسبة
للحرية حدود
تقف عند عبد اشتكى للمجتمع
ومش ملعون 
المجتمع
ومش ملعون 
المجتمع
اصلح 
ماتفسدش
انت واص
عن المغضوب عليهم والضالين
اهديهم للصراط المستقيم
احنا جيش التابعين
ولو لزم
وزاد الهم
حلل دم
لكن ماتكرهش 
لكن ماتعشقش
خليك في الوسط
بلاش تميل
بلاش تسرح
بلاش تتخيل
ملكنا الحقيقة
ماتسمعش
استعيذ من الشيطان
ماتسمعش
استعيذ من الشيطان
والايمان مسلّم
ماتسمعش
“استعيذ من الشيطان
الجريك كامبس .
27/12/2014.

إستعيذ مالشيطان - المنظومه في الجريك كامبس

صحح المنظومة إن فسدت تلد الفاسد وإن صلحت تلد السوي
.. اهلا بيك اسمي محمد عبد الهادي العمر 17 سنة زائد سنة سجن عسكر انفرادي
وأبويا ميت فحمل اخواتي فوق كتافي
ساكنين في أوضة جوه حارة جوه حارة تحت الأرض شوفة العفن بنسبالنا فر
ض لولا وجود القرآن كنت كل يوم اثبتلك عدم وجود لينا رب
كون مكاني كنت كفرت كنت عرضت جسم أختك للبيع عشان تحافظ على أمك
تحت سقف واحد الجوع وامتى يضمك بنرحب بيك من وسط اعفن حواري مصر هتلاقينا دايما جنبك
احنا الوباء والعفن واكل عقلك سلاح اعلامي وسخ بتهدد بينا امنك
ولو في يوم ضليت ياللي ساكن القصور مستنيك في الضلمة وهكلك
المسرحية كوميدية والدعوة مجانية وإنت كومبارس سلبي دورك زي ماهو جملتك هي هي
الفرق بيني وبينك الفلوس والعجيب إن المادة لسة بتسند في عالم خيالي ومنحوس
تاكل تملى بطنك تشرب تسكر عقلك شهوتك موجها وحالك ميئوس
اعتبرني منتج عادم منظومة متدهورة إنت فلت وانا خرجت من خط خارج عن السيطرة
والمنظومة تولد النظام إنسان ألي كال عادة يلف يدور في ساقية لخمسة جنيه زيادة
فاكرينا هم واحنا ابعد مايكون عنهم بس اللي زيك ساكن الغيوم دايما شيفنا منهم
..من حقي أتظاهر وانادي بأعلى صوت للحرية
أسترجلت بنت في عز الضلمة بتهتف لا للدولة الصهيونية
فنزلت كتفي في كتفها احمي ضهرها وهي بتهتف والطلق قدام عنينا والغاز يمطر علينا وهي بتهتف
رد ظابط مصري قال لي لباسك يقع قبل علم يا صعلوك ممكن نوقع 100 نظام بس الصهاينه لظباطنا ملوك
يومها وقع أخ كان حلمه القدس يحرر ومهما شرحت يا خنزير القتل غير مبرر
اخويا مات شهيد للحرية يولع كلامك يا وزير تطهير جهازك ملوش معنى الا باعدام الخنازير
والقصاص بالقانون هيتم أو بـايديا فنزلت ثائر اتابع المحاكمة استخفاف وهزلية
وسخرية القدر اتحاكمت من العسكر ..عسكرية عسكرية
دلوقتي مرمي في اعفن السجون كلب خاين أو بلطجي مش ملموم
والمنظومة ساكتة على الكنبة قاعدة تتلقي تعليماتها من جهاز التلفزيون
الثورة كدبة كبيرة الثورة ملهاش وجود وادي نفر من الغلابة بيلفظ الانفاس

اهلا بيك اسمي السيد اسماعيل علي بيقولوا عمري 45 بس سني 100 سنة
في ذل حاكمين وعفن عايش فيه ساخط على حالي وحالك مش فارق عني كتير
المهنة عامل مصنع والمصنع ماصص دمي والمرتب نص رغيف تأمين صحي متلاقيش
18 ساعة عمل والعائد مايساويش وفي ال آخر نستهلك نتعدم نتكلم نتكتم مجرد عبء زايد تتمرد تتردم
اشتراكي من صلب الشارع ل دوشة نخبة سامع ممكن أكون معدوم بس فاهم
فكرة استقالة وكان مزيف فاقع دبلوم صنايع أول دفعة دلوقتي سايق ميكروباص
والبلطجي كان خنزير بنجم عالكتاف
شفت جهنم قبل ما القيامة تيجي من ضوافري اتعلقت اتسحلت وأغتصبت
لمجرد إن الجامع كان ملجأ ليا وقت ضعف اتخطفت
يا عبد يا مستهلك عايزني أكون سوي وانا مولود مكبوت ودراعي متلوي
لكل فعل ليكم خلقتوا التطرف رد فعل والتطرف طول عمره بيخدم سلطة
عايزك دايما خايف ولو في يوم امنت يزود ليك الجرعة
السلطة الحاكمة وانت عمركوا ماتكونوا واحد مصلحتك بس تعيش
مصلحته إنه يفضل حاكم فيك و ليه تفضل عابد
ومستحيل تغير النظام من جوه فارفع راسك للعفن كون معارض
افتخر إن أكون خارج عن قانون لو كان بيحمي فاسد
والليلة النار قامت ضربنا وكسرنا والقلعة ولعنا حراسها اعدمنا
فخاف ياللي بتحكم أصل غضب الشارع لما يقوم هياكل فيك الظالم والمظلوم
وإنت يا مواطن يا شريف قمنا للحرية مش للعادلي وكام رغيف
اشتروك بشنط السحور سكتوك لما اكلوك وبال محاكمة الزايفة خدروك
والسيناريو بيتعاد بنخلق الملوك
النظام مصلحته إنك تكون غرقان في استهلاكك الطبقية سلاحه يقوي بيها انعدامك
إيه هي السعادة؟
تشرب فودافون تكلم كوكاكولا وتصاحب بنت حلوة دماغها فاهمة في الكورة
الطبقية سلاحه يقوي بيها انعدامك مصلحته إنك تدوم غرقان في استهلاكك
اسف لو مزاجك كان اتعكر 800 شاب مقتولين في سجن عسكر

والمنظومة ساكتة على الكنبة قاعدة تتلقي تعليماتها من جهاز التلفزيون ..

اوامر عسكرية عسكرية ..دولة عسكرية عسكرية ..الة عسكرية عسكرية
الجريك كامبس .
27/12/2014.

Alii Talibab ~~

king Munsh