وصفولي عنك شال منك غيظ بستان الورد 🌹🌹🌹

كلمات كاظم السعدي 
الحان جعفر الخفاف

الكلمات
نحب لو ما نحب يا ابو كَلب الرحب
الهوى من يخطي لعيون يتلكَاه الكَلب

النخل وانتي والجبال الارض وعيون الاطفال
الوطن وآمال الاجيال حرت إلمن أحب

وصلنا لو بعد يا وفاي الوعد
ونصير بكَرب لعيون دربنا شما بعد

هوانا ياهوى نغني لك سوا
لشعبنا نصير له شموع ومحطات وضوا

سيتا هاكوبيان & سعدون جابر - نحب لو ما نحب Seta Hagobian & Saadon Jaber - Nheb lo ma nheb

ﺷﻜﺪ ﻧﺪﻩ ﻧﻜﻂ ﻋﺎﻟﻀﻠﻊ ﻭﻧﺴﻴﺖ
ﺍﻛﻠﻚ ﻳﻤﺘﻪ
ﻭﺷﻜﺜﺮ ﻫﺠﺮﻙ ﻋﺎﺷﺮ ﻟﻴﺎﻟﻲ
ﺍﻟﻬﻮﻯ ﻭﻣﺎ ﻟﻤﺘﻪ
ﻭﺍﻧﺖ ﺍﻟﺴﺤﻨﺖ ﺍﻟﺸﻮﻙ ﺑﻜﻠﻴﺒﻲ
ﻭﻛﻠﺖ ﻣﻮﺵ ﺍﻧﺘﻪ
ﺗﺪﺭﻱ ﺗﻨﻴﺖ ﺍﻟﺪﻓﻮ ﺑﻠﻬﻔﻪ ﻭﻣﻮﺩﻩ
ﻭﻣﺎﺟﻴﺖ ﻧﻴﻤﻨﻲ ﺍﻟﺜﻠﺞ ﻭﺍﻟﺸﺘﻪ ﻛﻠﻪ
ﺍﺗﻌﺪﻩ
ﻻ ﺑﺎﻟﻤﺤﻄﺔ ﺭﻑ ﺿﻮﻩ
ﻻ ﺧﻂ ﺍﺟﺎﻧﻪ ﻣﻦ ﺍﻟﺒﻌﺪ ﻻ ﺭﻳﻞ
ﻋﺎﻟﺴﺪﻩ
ﻭﺍﻟﺸﺘﻪ ﻛﻠﻪ ﺍﺗﻌﺪﻩ ﻛﻠﻪ ﺍﺗﻌﺪﻩ
ﻭﺍﻋﻠﻜﻨﻪ ﺭﻭﺍﺯﻳﻨﻪ ﻟﻠﺴﻤﺮﺓ ﺷﻤﻊ
ﻣﻦ ﻳﻨﺰﻝ ﺍﻭﻝ ﺩﻓﻮ ﺑﻨﻴﺴﺎﻥ ﻳﻬﺘﺰ
ﻧﺒﻊ
ﻳﻤﻜﻦ ﻳﺨﻀﺮ ﺩﻣﻊ
ﻭﻳﻤﻜﻦ ﺑﻌﺪ ﺑﺎﻟﺮﻭﺡ ﺭﻳﺤﺎﻥ ﻭﺻﻠﺔ
ﺗﻨﺰﺭﻉ
ﻭﺍﻟﻜﻴﻆ ﺍﺟﺎﻧﻪ ﻭﺍﻧﻜﻀﻪ ﻭﺭﺩ
ﺍﻧﻜﻀﻪ ﻭﺭﺩ ﻛﻴﻆ ﺍﺟﻪ
ﻭﺍﻟﺰﻟﻒ ﻫﺠﺮﻙ ﻓﻀﻀﻪ ﻭﻣﺎ ﻣﺶ
ﺭﺟﻪ
ﻭﻟﺴﺎﻉ ﻣﻦ ﻫﻤﺴﻪ ﺗﺠﻲ ﻣﻦ ﺑﻌﻴﺪ
ﻳﺨﻀﺮ ﺍﻟﻀﻠﻊ
ﻛﻞ ﻧﺴﻤﻪ ﺗﺮﻓﻪ ﻣﻦ ﺗﻔﻚ ﺍﻟﺒﺎﺏ
ﺗﺨﻨﻜﻨﻲ ﺑﺪﻣﻊ
ﻟﺴﺎﻉ ﻭﻟﺬﺗﻨﻪ ﺍﻧﻜﻀﺖ ﺍﻫﺠﺲ
ﻋﻠﻜﺼﺎﻳﺐ ﺷﻤﻊ
ﻭﺍﺭﺩﻭﺩ ﺍﻛﻠﻚ ﺍﻧﺘﻪ ﺷﻜﺪ ﺭﺍﺯﻗﻲ
ﻭﻧﻴﻤﺘﻪ
ﺍﻣﻨﻲ ﻳﺎﺳﻤﺮ ﺑﻴﻚ ﻛﻞ ﻋﻤﺮﻱ
ﺍﻧﻜﻀﻪ ﻭﺍﻣﻠﺘﻪ
ﺣﺘﻰ ﺧﻴﺎﻟﻚ ﺑﺎﻟﺤﻠﻢ ﺧﺎﻳﻒ ﺍﺟﻪ
ﻭﺍﻣﻨﺘﻪ
ﻛﻞ ﻟﺤﻈﻪ ﻣﻦ ﻫﺬﺍ ﺍﻟﻌﻤﺮ ﻭﻋﺖ
ﺣﺴﺎﻓﻪ ﺑﻘﻠﺒﻲ
ﻳﺎﺍﻭﻝ ﺍﻟﺮﻳﺤﺎﻥ ﻳﺎﻟﻌﻄﻴﺖ ﻧﻮﺑﻪ
ﺑﺪﺭﺑﻲ
ﻳﺎﺍﺧﺮ ﺳﻮﺍﺟﻲ ﺣﻨﻴﻨﻲ ﻭﺣﺒﻲ
ﻣﻦ ﻳﻮﻡ ﻃﻴﻔﻚ ﻫﺠﺮ ﻧﻮﻣﻲ
ﻣﺎﻧﻤﺖ
ﺣﻨﻴﻪ ﻳﺎﺟﺬﺍﺏ ﻣﻨﻚ ﻣﺎﺷﻔﺖ
ﻣﻦ ﺩﻣﻲ ﻛﻄﺮ ﺑﺎﻟﺤﻠﻢ ﻋﻨﺒﺮ ﻓﺤﺖ
ﻣﻦ ﺭﺩﺕ ﺍﺟﻴﺴﻚ ﺟﺴﺖ ﺭﻭﺣﻲ
ﻭﻓﺮﻓﺤﺖ
ﺍﺗﺮﻑ ﻣﻦ ﺟﻔﺎﻓﻲ ﺍﻟﻤﻬﺮ
ﻗﻨﺪﻭﻝ ﻣﺎﺿﺎﻳﻚ ﺷﻜﺮ
ﻳﺎﺣﻠﻮ ﻳﺎﺟﺮﺓ ﻛﺤﻞ
ﻳﺎﺣﻠﻮ ﻳﺎﺑﻮﺳﻪ ﺳﻬﺮ
ﻳﺎﺣﻠﻮ ﻳﺎ ﻳﺰﻱ ﻗﻬﺮ
ﺷﻴﻀﺮﻙ ﺑﻜﻞ ﺍﻟﺸﺘﺎ ﺍﻟﻮﻟﻬﺎﻥ ﻟﻮ
ﺻﺤﻮﺯ ﻣﻄﺮ
ﻭﺍﻟﺸﺘﺎ ﻛﻠﻪ ﺗﻌﺪﻩ
ﻭﺍﻟﻜﻴﺾ ﻫﻢ ﺗﻌﺪﻩ
ﺷﺠﺎﺏ ﺍﻟﻌﺸﻚ ﻭﺷﻮﺩﻩ
ﻻﺑﺎﻟﻤﺤﻄﻪ ﺭﺩ ﺿﻮﺍ
ﻻﺧﻂ ﺍﺟﺎﻧﺎ ﻣﻦ ﺍﻟﺒﻌﺪ
ﻻﺭﻳﻞ ﻣﺮ ﻋﺎﻟﺴﺪﻩ
ﻭﺍﻟﺸﺘﻪ ﻛﻠﻪ ﺗﻌﺪﻩ ...ﻛﻠﻪ
ﺗﻌﺪﻩ...ﻛﻠﻪ ﺗﻌﺪﻩ

القصيدة بصوت فاضل عواد :
https://soundcloud.com/balrashed555/qyvr4sif4aab

مظفر النواب - يا ريحان

زرازير البراري

حن وأنا حن
و انحبس ونّة ونمتحن
مرخوص بس كت الدّمع
شرط الدّمع حد الجفن
جفنك جنح فراشة غض
و حجاره جفني و ما غمض
يا التمشي بيّه ويّه النبض
روحي على روحك تنسحن
حن بوية حن
حن عمي حن

عيونك زرازير البراري
بكل مرحها 
بكل نشاط جناحها بعالي السّحر

و الرّوح منّي عوسجة بَر
ما وصل ليها النّدى
و لا جاسها بقطرة المطر
وصفولي عنّك بالنباع تفيض
و تعلّيت ليلة ويا القمر
وصفولي عنك كل مسامة تفيض منّك عطر
يا الحسنك نهر
تنزل بصدري ويّا النّفس
و بدمي غصبًا تنعجن
و أشهق و أصعدك للسما
بحسرات و بعنّة حزن
حن.. حن بويا حن

شفافك ولا گولن ورد
عنّابه معقودة عقد
تمتلي بقد ما تنمرد
لا هي دفو ولا هي برد
أنا بوصفها راح أجن
حن بويا حن

سكتاتك تشكّل خواطر بالقلب
مالي عرف بيهم قبل
مبروم برم الخيّاط يا ريان
و الخاصر خصر لف العقل
كل كلمة منك .
نبعة البردين .. بالدلّال
ما تحمل ثقل
وصفولي عنّك
وردة من قدّاح
 ريش جناح
زاهي بالسّحر
وصفولي عنّك
شال منك غيظ بستان الورد
والنّرجس الرّايج سكر
حنّوا طواريز ولحن 
و حنّت حمامات السجن
حنّة إلي 
و حنّة إلك 
واللي يعجبه خلّيه يحن
حن بويا حن


أنا من أشوفك
يمتلي الماضي الكذبب
زهرات بيض من الوفا
وروحي سواجي من الحنين تصير
وأتنبّه وقت بيها غفا
يا محجل إن مرّيت بيّا ردود
أرد أردود بالعشرين 
من عمر الجفى
وأنصف عمر منّك
فما أنصفت إلّا بالهجر ...
والهجر منّك ما كفى
حتى الهجر يا روحي
منّك ما كفى
وقلبي على هجرك دوم يحن
حِن ...
وأنا أحن .. حِن
وأنحبس ونّة
ونمتحن
مجبور أرخصك على الدمع
شرط الدمع حد الجفن

زرازير البراري (حِن وأنا أحن) - مظفر النواب

سامـي كمال - صويـحـب

من اشعار مظفر النواب الرائعه و غناها الفنان ياس خضر وصاغ الحانها 
المرحوم طالب القره غولي 
__________________________
روحي ولا تكَلها : شبيج
وانت الماي
مكَطوعة مثل خيط السمج روحي
حلاوة ليل محروكَة حرك روحي
حمرية كَصب مهزومة بالفالة ولك روحي
وعتبها هواي ....
لا مرّيت ... لانشديت .... لا حنيت
وكَالولي عليك هواي
وعودان العمر كلهن كَضن ويّاك
يا ثلج الي ماوجيت
تعال بحلم ... أحسبها إلك جيّه واكَولن جيت
يلي شوفتك شبّاج للقاسم ... ودخول السنة من الكَاك
يا فيّ النبع واطعم .... عطش صبّير ولا فركاك
يلرهميت ... يا مفتاح فضة ولا رهم غيرك عليّ مفتاح
أجرت لك مخدتي وانطر الشبّاج اليجيبك
وانت عرس الليل والقدّاح
يا هلبت تجي وترتاح ؟؟
طركَــ المسج والنوم ...... طركَــ المسج والنوم
عمر واتعده التلاثين ... لا يفلان
عمر واتعدّه واتعديت
ولا نوبة عذر ودّيت
وانه والمسج والنوم ... واغمّض عود اجيسك يا ترف تاخذني زخة لوم
واكَلك : ليش وازيت العمر يفلان
يفلان العمر ... يشكَر ولك يفلان
وهجرك دم ... كل ليلة اشوفك بالحلم عريس
اكَول اليوم يجيبه .... خلص كَلبي واكَول اليوم
ولا التفتيت ... ولا وعديت ... ولا استخطيت
ولا طارش جذب ودّيت
ولا مرّة شلت عينك تعرف البيت
وكَالولي عليك هواي .... ورحت ابراي وجيت ابراي
حسبالي سنة وسنتين وتلاثة
واشوفك ذاك البكَلبي .... واضوكَــ الماي .. واضوكَك ماي
حسبالي اشوفك ابن اوادم .... يا شكَلك ... موش اشوفك هاي
ولا حسّيت ....... ولا استخطيت
ولا جيت اعله ماي
تبيع بيّه وتشتري بالسوكَــ
لا ما جيت
وكَالولي عليك هواي ....... كَالولي ......
كَالولي ........
كَالولي ....


بصوت مظفر النواب وياس خضر - روحي

سلملي عليهم - تراث عراقي بصوت مظفر النواب

قصيدة مظفر النواب يعنيها فؤاد سالم في جلسه خاصه في الكويت أوائل القرن الحالي...

زرازير البراري (حِن وأنا أحن) - مظفر النواب

Muntaser Abu Kheiran

Recent comments

ازهر

ازهر

Abbas Mohammed

دلاليّ

Related tracks