ترنيمة هعيش بالإيمان.. ريمون ملاك 
كلمات والحان وتوزيع ... ريمون ملاك


طول الوقت وفي كل الظروف محتاجين نعيش بالإيمان ... 
الإيمان هو العملة اللي نتعامل بيها مع الرب 
الإيمان هو اللغة اللي نتواصل بيها معاه 
الإيمان هو النضارة اللي نشوف بيها الحقيقة 
الإيمان هو الترس والسلاح 
الإيمان هو العقل الروحي اللي نفهم بيها أمور الرب السماوية الروحية
املأ حياتك بالإيمان وعيش بيه وده اكتر وقت محتاجين للإيمان ... 

ودي الكلمات
١ - وسط كومة احباطات 
غرقي في بحر الضيقات 
نفسي حايرة في صراعات 
هعيش بالإيمان
ايماني بيه يفتحلي باب
ايماني بيه هو الجواب 
ايماني من جوة الكتاب 
ايماني بيسوع رئيس الإيمان

٢- 
وسط ضلمة ومتاهات
 والتواصل بالشاشات 
تعليم كدب وتفسيرات
هعيش بالإيمان 
ايماني بالحق الاصيل 
ايماني نوري والدليل 
ايماني يحمي من كل ميل 
ايماني بيسوع رئيس الايمان
٣ - 
وسط عالم الغابات
حرب من كل الجهات 
والضمير والحس مات 
هعيش بالإيمان
ايماني أنه عنده حلول
ايماني أنه يقدر يقول
ايماني أنه فوق العقول
ايماني بيسوع رئيس الايمان
٤ -
وسط دنيا الشهوات 
شر في كل المسارات
والقيود والادمانات
هعيش بالإيمان
إيماني أنه يشفي اللي فات 
ايماني ينهي الأزمات
ايماني يضمن كل آت
ايماني بيسوع رئيس الإيمان 


ترنيمة هعيش بالإيمان .... ريمون ملاك .mp3

ترنيمة إحسانك يارب الكون.. ريمون ملاك
كلمات والحان وتوزيع.. ريمون ملاك


وسط واقع يكاد يكون مستحيل ( فقد احباء وخوف ومرض ... الخ.... )
 لسة في حاجات كتير نشكر عليها ... 
ولو دورت شوية في يومك مش كل حياتك ولا الوقت اللي فات هتلاقي كتير قوي تشكر عليه
ده غير الحاجات اللي متعرفش تشوفها ولا تفهمها دلوقتي لكن حصلت وحق الرب تشكر عليها 
وأرجع لا رميا في مراثي تلاقيه بيقول 
بعد واقع صعب.... ( أردد هذا في قلبي من أجل ذلك ارجو أنه من احسانات الرب أننا لم نفنا )
وان( مراحمه جديده في كل صباح )

اسمع الترنيمة واهتف معايا واشكر من قلبك 

ودي الكلمات

١- إحسانك يارب الكون  ..  ملهوش نظير 
ومراحمك يوم بعد يوم ..  مليانة خير
 
القرار
نفسي اقدم شكري ياربي .. بس انا محدود
وابقي ذبيحة حية بتعلن ..   حمد وسجود 

٢- إحسانك من اول عمري ومش بيزول 
ياحاملني من بطن امي ومكمل علي طول

٣- إحسانك في فداء م الحفرة  موت الصليب
ومعايا في أتون النار.       الهي الحبيب 

٤- إحسانك مرهون بالعهد.  ابدي ومضمون 
وعلامته دم جسد    يحيي ويصون 

٥- إحسانك في حلول تتدبر باله حكيم
بالقدرة وفي وقته يقرر تدخل عظيم 

٦- إحسانك بوعود وآيات دي معونة الروح
ده كلام فمك قبلات ... تشفي الجروح

٧- إحسانك لما اطلب تسمع باسم يسوع
برج حصين انا فيه بتمنع ودايما مسموع



ترنيمة إحسانك يارب الكون... ريمون ملاك.mp3

توكل علي الرب بكل قلبك وعلي فهمك لا تعتمد
ترنيمة ...لا مش مستحيل
كلمات والحان ... ريمون ملاك 
عزف وترنيم.... ريمون ملاك
ودي الكلمات
لا مش مستحيل حملي التقيل 
من فوق كتافي يترمي 
لا مش مستحيل قلبي العليل 
من كل همه يتشفي

القرار
انا هتكل عليك   وهفكر دايما فيك 
مش هعتمد علي فهمي ... انا هنظر اليك
المنطق بين ايديك.  ولا يستحيل عليك 
ما هو اصل كل شيء ياربي ... منك وبيك 

لا مش مستحيل احيا بأمان 
وسط زمان الاضطراب 
لا مش مستحيل كل الكيان 
يتصلح رغم الخراب 

لا مش مستحيل وانا مش كبير 
اقدر اكمل خطوتي 
لا مش مستحيل مع القدير 
للعمق تدخل خدمتي 

لا مش مستحيل امسك في وعده
 وكل قصده في المسير
لا مش مستحيل اشبه لصورته 
وكل يوم جاري التغيير

لا مش مستحيل بكلامه الهج
واتروي في حر النهار 
لا مش مستحيل ليسوعي اشهد
وانا في لوعة الانتظار 

لا مش مستحيل ..    ريمون ملاك

طوبي للي يلهج في الكلمة 
ترنيمة كلها بتتكلم عن الكلمة 
ده وقت إشراقات الكلمة ... وقت فيض  مياه الكلمة 
وقت سيف الروح وترس الايمان 
كلمات والحان... ريمون ملاك 
عزف عود.. امجد مرقس
عزف وترنيم ... ريمون ملاك 
ودي الكلمات 

القرار
طوبي للي يلهج في الكلمة 
مغروس عند مجاري المياه 
زي شحرة نعمة وحكمة
جذور حياته حق وحياة

الكلمة عنده هي غذائه.
   يلهج فيها نهار وليل
وقت حزنه هي عزائه 
وفي سجنه هي أساس التهليل  

الكلمة للعطشان المية. 
  ترويه وبسببها يتنقي
مفعولها ده مضاد الخطية .. 
وعن شهواته يقدر يستغني
 
الكلمة عنده هي سلاحه. 
 في فمه وقت الحرب والضيق
هي دليله وسر نجاحه 
 يحفظها تصونه طول الطريق

الكلمة بيقراها وتقراه.  
وتكشف اللي جوه مش باين
دي مرايته لو اتلخبط أو تاه 
في سطورها مجد الله بيعاين
 
الكلمة لو تتجسد يسوع 
عن الله من قبل الدهور 
عيشها تعيش مثال للجموع 
وزيه تكون مصباح ونور 


طوبي للي يلهج في الكلمة

انا ميت يعني  . اسم غريب بس كل عدد بيشرح يعني ايه امانه وده شىء مفرح جدا ودرس الحياه كلها وطريق النصرة والقوة والرفعة دايما  لانك لما تعمل كده هتعيش حياة القيامة في المسيح يسوع 

كلمات والحان : ريمون ملاك 
عزف عود : أمجد مرقس 
عزف وترنيم : ريمون ملاك 

ده لينك الترنيمة نفسها علي اليوتيوب
https://youtu.be/rbcT3k69fo0
ودي الكلمات 
انا ميت يعني في كل يوم احمل صليبي
انا ميت يعني في كل أموري أتبع حبيبي
الانانية ماتت وخلاص الذات انزاحت 
من يوم ما بقالي يسوع نصيبي 

انا ميت يعني احيا بالروح مش بالجسد 
انا ميت يعني أحياها محبة مفيش حسد
ثمر الروح القدوس هو تتميم الناموس
ومثالي يسوع للابد
 
انا ميت يعني ولا اي خسارة تهمني 
انا ميت يعني ولا احتياجاتي تذلني
ده صليبه والفدا وحياتي المجددة 
في يسوع يكفيني ويسرني
 
انا ميت يعني غلبت في حربي مع الخطية 
انا ميت يعني بدأت حياتي الأبدية 
النصرة بقت في الايد والسر ياناس بسيط 
مش انا ( ده يسوعي حي فيا )

انا ميت يعني مثمر والحنطة دفنتها 
انا ميت يعني الكلمة في قلبي حفظتها 
العالم اتصلب ...وماليش ولا طلب ... 
واحدة بس طلبتها 

انا ميت يعني ... ريمون ملاك

وقت تسبيح وعبادة ... ريمون ملاك 
لو تحب تسمعه علي اليوتيوب من هنا 
https://youtu.be/92vm38MEwTw

وقت عبادة ١ ... ريمون ملاك

كلمات والحان... ريمون ملاك 
عزف عود ... الممسوح .. امجد مرقس
عزف وترنيم ... ريمون ملاك 

بوابة عينيك مفتوحة للرب ولا لمين 
قرر مع داود ... جعلت الرب امامي في كل حين 
ده سر ...  هتشوف جمال الرب وجلاله  لو عينيك عليه 

ودي الكلمات 
لو عايز تعرف يسوع ... افتح عينيك عليه
انت ليك حق مشروع.... افتح عينيك عليه
خد قرار من قلبك .. يارب عرفني اسمك 
ده سمع لموسي قبلك ... لما قاله وريني مجدك

مهما كان اللي بيحاوطك..  افتح عينيك عليه 
يسوع طول الوقت شايفك افتح عينيك عليه
داود قالها له بكل وضوح هشوفك كل حين
صمم تبقي متاح للروح هيقولك...  هو مين؟

عاين حبه وجماله ... افتح عينيك عليه
حس بهيبته وجلاله ... افتح عينيك عليه 
حاجة واحدة بطلبها منك .. افتح عينيك عليه
تتمتع وتنول حلمك ..لما تفتح عينيك عليه  

افتح عينيك عليه ... ريمون ملاك  ... ده قرار هحط عينيا عليك

ترنيمة يا بابا الاب.... ريمون ملاك
كلمات والحان.. ريمون ملاك
عزف عود وترنيم .. امجد مرقس
عزف بيانو وترنيم .. ريمون ملاك 
دي الصرخة اللي علمهالنا يسوع المسيح بنفسه خليها أملاك وقولها طول الوقت (يا بابا الاب) 
اعلان لازم تاخدي بالروح القدس أنه بابا اللي فيه كل الكفاية والحماية والأمان والتغيير والشفاء وكل شىء 
ودي الكلمات
يابابا الاب انا جاي ليك 
 في اسم يسوع بروحك 
املاني ..غيرني .. 
دخلني تاني الشركة معاك 

يابابا الاب بالإيمان انا جايلك 
انا عايزك ..... صارخ اليك 
انا بين ايديك ..ومتاح لشخصك ..
وعينيا عليك ..كلي ملكك 

يابابا الاب .... ريمون ملاك  ..

وقت عبادة وتسبيح ... ريمون ملاك
اخترت الوقوف على العتبة في بيت إلهي علي السكن في خيام الاشرار 
خليني في حضورك طول الوقت 

عبادة ٣ ... ريمون ملاك ... حضورك هو مكاني

ترنيمة (يارب) 
كلمات والحان... ريمون ملاك
توزيع موسيقي وترنيم... ريمون ملاك
تسجيل ومكساج... امجد مرقس

(يارب )... كلمة كل الناس بتقولها بالفطرة لأننا علي صورته وهو خالقنا واصل وجودنا 
احيانا تقولها صلاة أو تنهيده أو صرخة أو استغاثة أو  شكر ... مهما كان هو سامع لأن دي احلي كلمة ممكن تقولها (يارب) 

ودي الكلمات
                    يارب...  
 ياللي بدمك انا صرت ليك 
 واصلي من صنع ايديك 
انا التراب وقيمتي فيك 
 ووجودي مترتب عليك ....   يارب 

محتاج وداني تسمع كلامك 
محتاج عينيا تشوف بعينيك 
محتاج قلبي يحس بيك 
ولساني دايما يهتف ليك ....   يارب
 
انا جاي خاضع لترتيبك 
لو حتي صعبة أداة تشكيلك
انا هاشهد عنك وهاعليك
وتفرح بيا وافرح بيك ....      يارب 

ترنيمة (يارب )... ريمون ملاك

ميدلي ترانيم فيلم نسر البرية ابونا فلتاؤس السرياني... ريمون ملاك
عزف بيانو وترنيم... ريمون ملاك
عزف عود... امجد مرقس
تسجيل ومكساج... امجد مرقس

من اكتر الحاجات اللي ميزت ابونا فلتاؤس السرياني هي علاقته بالهه والقعده معاه أوقات طويلة 
ده تحدي رهيب لينا كلنا ازاي نقعد معاه اكتر واكتر عشان نبقي شبهه اكتر واكتر وكمان نرتاح اكتر واكتر مهما كانت الظروف
وده بسندة منه يقدرنا علي الصلاة بلا انقطاع ونكون صلاة زي ما قال داود 

ودي الكلمات
يارب قلبى مين سواك عالم بحاله
 انا سيبت كل الدنيا والعالم بحاله
 وجيت عشان اسكن معاك جوه المكان
 اللى بحن اليه وروحى مرتحاله
انا وانت بس وحدنا لآخر الطريق
ومادمت انت معايا مش محتاج لشىء
الدنيا توسع أو تضيق أفراح وضيق
قلبي باصصلك يا حبيبي طول ترحاله

قصاد عرشك هناك سيبني 
شعور ممتع وعاجبني 
ومايعبرشي عنه كلام 
ومن فرحي إني ليك عابد
تعدي ساعات وأنا ساجد 
وآقول ده الوقت عدى قوام

ازاى يعنى الصلاة تبقى بلا انقطاع
و ازاى فى حد يقول حاضر و صلى و طاع
 مش راجع لبرنا دى نعمتك لينا
 ما انت قدرتنا على اللى غير مستطاع
 محتاج لنعمة و ساندة جامدة يا الله
 خلينى اقول فى يوم اما انا فا صلاة
 ادينى اعيش وياك و احب القاعدة معاك
 و قبل اى حاجة ادينى اتضاع







ميدلي ترانيم فيلم نسر البرية.. ريمون ملاك

ترنيمة زي النسر هعيش... ريمون ملاك
كلمات والحان... ريمون ملاك
توزيع وعزف وترنيم... ريمون ملاك
تسجيل ومكساج... امجد مرقس


ياتري ايه الحوار اللي بيدور بينك وبين نفسك بتقولها الدنيا صعبة .. الحزن شديد ... الالم بيعصرني دي مشاعر طبيعية.... 
لكن الحوار ليقود بنوايا وقرارات لازم يبقي زي داود ما عمل لماذا انتي منحنية يانفسي قومي وده هيقود القيامة ونصرة 
وتبقي شخص رغم الالم عارف زي النسر يعيش فوق في الارتفاع فقط 


ودي الكلمات

هصالح أوجاعي مش هاخدها بدراعي
أيوة عندي الآم  بس هرضي واعيش 

القرار
واقول لنفسي 
متنحنيش ومترفضيش
 رغم تقل الريش زي النسر هعيش

ولما ييجي الضيق هقبله كصديق 
ما كل شىء لخيري ومع ربي هعيش 

وهصلي نهار وليل مش خفة حمل تقيل
لكن أكتاف تعرف تشيل ولحد ما تيجي هعيش





ترنيمة زي النسر هعيش ... ريمون ملاك

كل سنه وانتم طيبين ومليانين قوة ونصرة 
 الواقع صعب حواليك 😥البحر قدامك وفرعون وراك😱 ... مش دي النهاية 💥💥... النهاية البحر اتشق والعدو تم خرابه للابد💪💪
إبداع الأحباء 
توزيع موسيقي المبدع .. بترو عماد 
تسجيل ومكساج .. امجد مرقس
فويس اوفر .. جون منير صابر 
مونتاج ... توماس عطا 
 شكرا ليكم يا ابطال  ربنا يبارككم جدا سعيد بالعمل معاكم 
💪💪💪🔥🔥🔥⁦♥️⁩⁦♥️⁩⁦♥️⁩
Petro Emad 
Amgad Markous 
John Dramzo Peter 
Thomas Ata


دي كلمات الترنيمة
حينئذ رنم موسي وشعب الله 
عبر الشعب وعبروا معاه 
الفرس وراكبه طرحهما .... 
في البحر ... 
هللويا٢ ...الرب قوتي ونشيدي 
هللويا ٢... رجل الحرب اسمه 
هللويا ٢... الرب قوتي ونشيدي 
هللويا٢...  قد صار خلاصي

من مثل يهوه رب القدرة 
معتزا في القداسة له القوة 
يرشد شعبه يهديه بالرأفة ... 
لمسكنه ... 
هللويا٢ ...  هو يهوه امجده 
هللويا ٢ ... هو يهوه فارفعه 
هللويا ٢... هو يهوه امجده
هللويا٢ ....  يهوه اسم

ترنيمة موسي.. ريمون ملاك

ترنيمة سنه جديده .. ريمون ملاك
كلمات وألحان... ريمون ملاك
توزيع موسيقي... سبرجن إسحق

دي الكلمات

سنه جديده ٢ ....    سنه سعيده ٢.... 


كل اللي فات انت باركت يارب فيه
واللي جاي انت وعدت يارب بيه
 ومهما كان انا عندي اللي اشكر عليه
وحياتي تشهد وتحكي واقولك ايه 

كل اللي فات انت حميت من الشرور 
واللي جاي انت هتملاه بالسرور 
وان جاني خوف او ضلمة يملاني نور
ده ملاكه حال حوالي وحمايته سور

انا بصلي أتملي بروحه وحبه 
وكل مافي يقدر موته وصلبه
وليوم مجيئه مستني مع مل شعبه 
وفي ميلاد يسوعي يهديني قلبه

ترنيمة سنه جديده ... ريمون ملاك.mp3

ترنيمة هي لحظة مش اكتر 
كلمات وألحان وتوزيع.. ريمون ملاك 
عزف درامز .. جون منير

لان الحياة غالية بس قصيرة ممكن تخلص في لحظة
ده وقت التوبة والرجوع للرب والسهر والصلاة
اسمع الترنيمة وصلي بيها واملا الدنيا صلاة وغنا وتسبيح للرب 
ودي الكلمات


هي لحظة مش اكتر وتنتهي الحياة 
مين اللي فينا يقدر نعمة الإله 
كل وقت بيعدي فرصة 
ننسي كل ضياع ونتوب 
كل حزن هيبقي فرحة لما يسوع يملأ القلوب 

تعالوا نصحي ونسهر وتكون حياتنا صلاه 
ونعترف ونقدر أد ايه رحمنا 
ليه يا مؤمن تنسي مكانك
وانت مدعو للسباق 
اجري خبر كل اخواتك ليه تروح وحدك لسماه

نفسي أسبح واشكر وأملا الدنيا غنا 
لساني يعلن يذكر رحمته وغناه 
ده الملك هو اللي فداني 
ازاي ارد حبه الكبير 
ده الخزف وسط الاواني مش مقام اله قدير 

ترنيمة هي لحظة .. ريمون ملاك .mp3

 ترنيمة مش هاسكت .. ريمون ملاك
كلمات وألحان وتوزيع .. ريمون ملاك
عزف جيتار... روماريو عزوز

ترنيمة جديده ( مش هاسكت)

ايه اللي ممكن تقوله لاله قدم نفسه لاجلك 
اله غير محدود اشبع بيه بجد لانه مفيش حد تاني ممكن يشبعك زيه 
اوعي تسكت ....  اسمع الترنيمة وصلي واهتف ورنم وأشكره علي حبه العظيم العجيب ....

ودي الكلمات

يسوعي أنا مش هاسكت 
أنا موجود عشان أعبد 
كل كياني بيسجد.. وهرنم للأبد 
عينيا عليك هثبت 
أبدا مش هتشتت
همسك فيك وهتبت.. هرنم للأبد

عظيم .. حبك ليا عظيم 
بدمك الكريم .. اشتريتني
عجيب..  عملك ليا عجيب 
بموتك عالصليب.. انت فديتني 

عشانه أنا مش هاشفق 
علي أي شىء وده مبدأ 
حبه كان الأسبق .. قدم إبنه الوحيد 
هقدم كل أحلامي 
مش هخلي شىء قدامي 
هو كل اهتمامي.. وتسبيحي ليه هيزيد 

يسوعي أنا مش هشبع
من غيرك وأنت المنبع 
أنا هفرح بيك واتمتع .. ده الأب بيك مسرور 
أنا هفضل هنا في حجالك 
اتفرس في جمالك 
واعاين مجد جلالك .. اهتفلك بسرور 

Popular tracks by مذبح اونلاين- mzb7 online