الاختبار صعب عليا اوي يارب..

يارب قويني على اللي انا فيه..

انا عارف أنه اختبار وعارف انك لا يمكن تحمل حد فوق طاقته "

يا رب، أنا آسف إن أنا تأخرت في الكلام معاك، أنا آسف إني شيلت جوايا كتير ومطلعتش مع إني عارف ومتأكد إني مليش غيرك أتكلم معاه، بس أنت عارف أنا بنسى.

أنا خبيت على ناس كتير كل إللي أنا فيه، وكل إللي أنا حاسس بيه، بس لا يمكن أخبي عليك حاجه، لأنك الوحيد اللي فاحص القلوب ومفيش حاجه تستخبى عنك أبدًا.

أنا ضعيف يا رب ومش عارف أعمل أيه، أنا تايه وخايف، خايف جدًا.

مش بطلب منك غير طلب واحد بس، إنك تهديني للإختيار الصواب. يا رب لو عايز تزيح عنّي التجربه دي زيحها ولو عايز تكملها كملها.

أنا عارف إنه اختبار عارف، وعارف إنك لا يمكن تحمل حد فوق طاقته، بس الاختبار صعب عليا أوي يا رب. بس أنا راضي أنا راضي وعزتك وجلالك أنا راضي باي حاجة.

لو اردتلي إن أنا اموت، عندي طلب واحد و رجاء واحد، تاخد بالك من سارة، سارة دي بتاعتك قبل ما تكون بتاعتي. سارة دي هديتك ليا وانت لو مكنتش رايد انك تعرفني بيها. مكنتش خلتني الاقيها ولا كنت خلتني احبها الحب ده كله.

لو مت خد بالك منها، خفف عنها كسرة القلب، خليها تنسى زعلها عليا بسرعة، طبطب على قلبها، سارة صغيرة متستحملش، هون عليها اللحظة دي يارب، متوجعهاش بيا.

يارب، قويني على اللي أنا فيه، عني يارب، الحمد لله والشكر لله، الحمد لله والشكر لله، الحمد لله والشكر لله.

یا رب (ماجد الكدواني - مسلسل موضوع عائلي - الجزء التاني)

مزج بين الخيال والواقع

Comments

نون

Karrar Kadhim

Zizi Abutahra

ŢáMÍm..🍂

نُــ

نُــ

نُــ