كلمات واداء صوتى :  الشاعر محمود عبد الوهاب
https://www.facebook.com/hoda.king.357?fref=ufi

اوقات بتحس ان انت جبان
وتشوف الوانك بهتانه
وتبص علي ملامحك دايما
فـ تحس بعجز وبـ اهانه
فـ تصبر نفسك بالكلمات
وتقول ولله هتتعدل
ده مسيرها ياواد بكره تزهزه
وزمانك يمكن يتبدل
ما مفيش انسان بيعيش مكسور
لازم هيجيلك يوم الدور
وتخش فـ منظومة الفرحه
والدنيا قصادك تتلون
وحبيبتك تلبسلك طرحه
وتعيش وياها تبات ونبات
وتخلف ياما ولاد وبنات
وتشوفهم قدامك طولك
وفـ عز ما تبقي للحظه مريض
تلاقيهم هما بيدعولك
فـ ساعتها هتضحك علي نفسك
وتقول ازاي انا كنت عبيط
عايش ميت مهموم وحزين
والضحكه مكنتش بلمحها
غير فـ المسكات جوه الفتارين
فـ تفوق من حلمك وانت سعيد
وتشوف الدنيا بعين جارحه
فـ تلاقي ان انت محلك سر
مدخلتش منظومة الفرحه

#منظومة_الفرحه

Nädä Raslan