ترنيمة بارفض وبإصرار - ريمون وليم

ترنيمة يسوع انت هنا - ماهر فايز

ترنيمة قلبه حنين ماهر فايز - ناصف صبحي - هاني روماني

ترنيمة فتح الانجيل عنيا المرنم باسم وصفي

شاكرينك أيها الآب
لأنك نقلتنا من سلطان الظلمة
إلى ملكوت الله
ملكوت ابن محبتك

شاكرينك أيها الآب لأنك أهلتنا
لشركة ميراث القديسين
في النور في المسيح يسوع ربنا

شاكرينك أيها الآب
لأنك باركتنا بكل بركة روحية
في السماويات
في المسيح الكل لنا

شاكرينك أيها الآب لأنك اخترتنا
قبل تأسيس العالم
لنكون قديسين
في المحبوب أمامك

شاكرينك أيها الآب
لأنك عيَّنتنا
للتبني لنفسك كمسرتك
بيسوع المسيح ربنا

شاكرينك أيها الآب
لأنك عرَّفتنا
سر مشيئتك ومقاصدك لأجلنا
في المسيح رجاؤنا

شاكرينك أيها الآب
لأنك أعطيتنا
من لا يُعَبَّرعنه أبداً كعطية
شخص الفادي مخلصنا

شاكرينك ايها الاب ديفيد جاد

1- قبل ما أروح أصلى قلبى سبقنى إليك
ولقيت الروح بتصلى والنفس بتهرب ليك
متاخد أيوه أنا منى برضاىَّ عشان فى رضاك
متفرق عنى لكنى متجمع عند نداك

2- لبيت الندا صليت وفوجئت وأنا فى رجوعى
إنى نسيت قلبى وجيت ورجعت وأنا من غيرى
ولأنى مقدرش أعيش شىء من الحياة بدونى
والماضى والجاى مفيش طول ما أنا غايب عن كونى

3- قررت أنى أرجع وأسلمك باقيتى
وعشان أكون أوقع إنقل لى عندك بيتى
إنده علىَّ كلى وإجمعنى ليك وأسكننى
أصبح بدون ضلى وجهى لوجه الله

قبل ما اروح اصلي ديفيد جاد

جوعني ليك وأشبعني بيك
أشبعني ربي بفيض غناك
فلا أحتاج فى ضيق
ان أبحث عن سواك

أملا عيني بجمال يسوع
وأغسل خيالي بجروح يسوع
فلا أحتاج في جوع
ان أشبع من سواك

أمسح دموعي أبرئ جروحي
انت شفائي عزاء روحي
نشيد قلبي هتاف عمري
إلهي ليس سواك

جوعني ليك ديفيد جاد

إروي الأعماق المشتاقة لمياه النعمة الإلهية
في حجال الحب بتتلاقى أشواقي بشوقك يا فادي
بشعاع الحب النوراني أغمر أعماقي ووجداني
وضياء الحب يعود يشعل جوايا سجود
والقى النفس تدوب في جمال المحبوب
وأسبح في ربوع الأمجاد وأسمع صوتك يهمس لي
بشوق ومحبة ونور وحياة وألقاك
تروي الأعماق المشتاقة لمياه النعمة الإلهية
في حجال الحب بتتلاقى أشواقي بشوقك يا فادي
بالنعمة اظهر لي وجهك وبرحمتك ارني مجدك
فاعاينه بالروح مجد الحمل المذبوح
وفي لهج الاسرار تشتعل فيا النار
اتكلم بلسان الروح واتفرس في جمالك ربي 
ساجدا لجلالك القدوس
إروي الأعماق المشتاقة لمياه النعمة الإلهية
في حجال الحب بتتلاقى أشواقي بشوقك يا فادي

إروي الأعماق المشتاقة ديفيد جاد

( بدون حبك أنا تايه أنا تايه ماليش عنوان ماليش مكان
بدون روحك أنا ميت أنا ميت بلا أكفان بلا إنسان)2
(لكن جايلك وحبة خردل إتزرعت من الإيمان)2
( حركت قلب الجبل قام إتنقل نواحي النور
هيئت قلبي إتبدل فرحي إكتمل وانا مسرور )2

( وده سروري إن انا إنسان بعيش الصورة من تاني على صورتك
وده وجودي في وضوح الأن وبتحرك بإيماني في حمى دمك )2
( تحت رايتك أنا راجع تخبيني في ثوب برك
تحت رايتك أنا خاضع وده جبيني عليه إسمك )2
أنا في المسيح إذن أنا موجود
أنا في المسيح أذن أنا إنسان
أنا في المسيح ( إذن أنا إنسان )3

ترنيمة بدون حبك أنا تايه ديفيد جاد

ق: لولا النعمة ما كنت أشوفك ولا كان لي مكان في سماك
أنا مديون لك ربي بعمري يا اللي فديتني بسفك دماك
1- ما انساش أصلي كنت أنا عاصي طول أيامي وكلي معاصي
كلي خطية ف كل كياني من رجلي لهامة رأسي
2- يا ما حاولت وكنت باحاول أجد الراحة ما كنتش طايل
عشت ف وهم سنين خدعتني شهوة عيني ف عالم زايل
3- نعمة غنية اتجهت لىَّ فكت نفسي من العبودية
لما ناداني يسوع ودعاني حالا قلبي اتغير فىَّ
4- نعمة تكفي طول الرحلة من بدايتها لحد لقاك
ماشية معايا بكل عناية لحد ما تيجي تأخذني معاك

ترنيمة لولا النعمة ديفيد جاد

يسوع أنت هنا يا ملاذ أرواحنا يا شفاء نفوسنا
1- يا مقيم الساقطين الغرقى في طين الأثام
يا رجاء البائسين المنطويين في الحطام
يا ميناء التائهين اليوم في عصف الريح
يا معين اللاجئيين فوحدك الباب المتاح
2- يا مجيب الصارخيين اليك يا باب النجاة
يا خلاص الهالكين يا من صلبت عن الخطاة
يا مقوم الإنحناء يا من يحل المأسورين
يا يسوع أنت عزاء كل صغير القلب حزين

ترنيمة يسوع انت هنا ديفيد جاد

( ربي إجعل في صلاتي حياة وكل حياتي صلاة
أصلي بروحك وإشبع روحي بصوتك يابن الله )2
( لما باكون جوه الروح بحيا السمويات
قلبي يفيض بالتسبيح واشكر ع البركات )2
( بركات الدم اللي بندخل بيه الأقداس
والنعمة اللي تقوينا وإيمان الخلاص )2

( علمني ازاي أقدم جسدي ذبيحة بكل خضوع
أعبد شخصك رافع إسمك ساجد لك بخشوع )2
( خلي سجودي يكون لجلالك صمت وحب وشوق
واما اتكلم ألقى جمالك يسبى القلب لفوق )2
(والإسم الغالي علي يكون في لساني صلاة
والوقت إن مر علي يفوت كاللحظة معاه )2

ترنيمة ربي اجعل في صلاتي حياة ديفيد جاد

1 
( لو كان غيرك سيدي 
لو غيرك امتلك الكيان 
من اين كنت ساعرف 
تلك المحبة والحنان ) 2 

القرار 
يسوع، لمن سواك أذهب 
ومن سواك ينفع 
النفس ليست تهدأ
( ما لم اليك ترجع ) 2 

2 
( لو كان غيرك سيدي 
لو كان بي يتحكم 
من اين كنت سأُرحم 
فانت وحدك ترحم) 2 

3 
( لو كان غيرك سيدي 
لو كنت منه أُقيم 
من اين كنت سأُرفع 
وبذا المقام أُكرم ) 2 

4 
( لو كان غيرك سيدي 
وانا أهيم مشردًا
بين الدروب بحيرة 
من بي يسافر مرشدًا ) 2

5
( لو كان غيرك سيدي
وسط الذئاب والاضطرام 
من كنت فيه سأحتمي 
أحيا بامنه والسلام ) 2 

لو كان غيرك سيدي ديفيد جاد

القرار
(يسوع هو الطريق يسوع أعظم صديق)2
(يسوع هو البداية يسوع هو النهاية)2
(يسوع هو الحياة )2

1- (بتدور ع الطريق في زمان مليان بضيق)2
(مسجون في الهم ليه ما تقوم اصرخ اليه)2

2- (هربان ولحد فين حيران جوه الأنين)2
(بينادي عليك تعود بحنان من غير حدود)2

3- (هاتعيش م السن كام في سنين من غير سلام)2
(لا المال يديك أمان ولا صاحب ليك ضمان)2

4- (هاتعيش مليون طريق محتار بينهم غريق)2
(وتعود مليان جراح تبكي على عمر راح)2

5- (دي جروحك راح تطيب في رجوعك للصليب)2
(في الفرح هناك تعيش أبدية ماتنتهيش)2

ترنيمة يسوع هو الطريق ديفيد جاد

كذبوا...
من قالوا أني وحيد في الأرض دون سنيد
من هزأوا من إيماني بربي المجيد
كذبوا...
من زيفوا الكلمات واستسلموا للذات
وأشاعوا أن الله بعيدًا بعيدًا كما السماوات
كذبوا...
فالله يرعاني كما يرعى الأب الأطفال
والله يحميني إذا ساءت بيَّ الأحوال
والهي في قربي يشبعني بالحب
وبنير لي دربي ويحقق الآمال
كذبوا...

ترنيمة كذبوا ديفيد جاد

هاتوا العود هنرنم ليه هاتوا قلوبكم تفرح بيه
كل لغات الأرض بحالها كل حروفها و بأنغامها
كل آلاتها و بأوتارها وبأغانيها ما توفيه
إحنا الشعب اللى تبعناه سيبنا الدنيا و رحنا وراه
لا بينسانا ولا بننساه جوه آتون النار نلاقيه
هو الحب اللى بنحياه شفنا حنانه و لمسناه
هو يسوعنا و عرفناه لما بحب جذبنا اليه
هو هنانا فى كل صلاه كل دقيقه بنستناه
حتى ان فات العمر معاه هيجمعنا هناك حواليه
(وبقيثارات هنرنم ليه كل قلوبنا هتفرح بيه)

ترنيمة هاتوا العود هانرنم ليه ديفيد جاد

* أنا حى بك يا شمس الحياة متكون من تراب وروحى فى الاله
يامن صنعتنى وسكنت في (آه) وشىء بيشدنى من أرضى للسماء
وياه محلاه تسبيح إنسان سابح لله
وفى مرآه شايف ، واخد ، رايح لله
وشىء جواه بيزيد ويفيض ويقول الله
ياالله
* شهيقى وزفيرى مرهون بنسمتك وتكونينى ومصيرى موجود بكلمتك
قوللى أنا بحبك هالاقينى كلى عندك وأما ترجعنى لىّ هارجع واشتاق لقربك

* فى الحضرة أسالنى فينى آلاقينى فى إتجاه وجهك وآلاقى عينى مفتوحه للصلاه
مطرح ماالقلب ساكن بأسكن على رجاء تتغير الأماكن وألبس سكن السماء

* ويسافر بىّ نورك وأدوق فى الرحلة شىء من الحق فى حضورك يشبعنى فى الطريق
واهيم وأنا بغنى فى دواير من ضياء يرقص قلبى وكأنى طفل ف أيدين باباه

* حبك عملنى كائن بيعيش عالحب فيك ويتدفى المهابة ويروح بمخافة ليك
جمراتك تحمى قلب العابد من اى موت لما يريدك ويقبل يموت حب فى سكوت

ترنيمة انا حي بيك ديفيد جاد

1- ده جميلك على راسي يا واهب لي خلاصي
يا مصلوب عشان تديني معروفك ده فوق جبيني
القرار - يا يسوع أنا ليك أنا ليك يا أبن الله
2- ده جميلك على عيني بدمك وفيت ديوني
ماحي الصك اللي عليَّ وبموتك شلت الخطية
3- ده جميلك ما هانساه ده بموتك نلت الحياة
قمت وقومتني وياك جالس ومجلسني معاك
4- ده جميلك ده بحياتي يا إيماني ويا ثباتي
يا تهليلي ويا أفراحي يا كنزي وكوكب صباحي
5- ده جميلك ده بعمري طوق في رقبتي مزين صدري
أمشي أعلنها بين الناس بيسوع وحد الخلاص

ترنيمة دة جميلك علي راسي ديفيد جاد

هللو ..هللو + يا الهي وحبيبي - ديفيد جاد

1- لا بنتهي ولا بتنتهي عند الآلامات قصتي
وان كَتمت عتمتي على حيرتي حتما تختمها بفرحتي

+ أمتلي تسليم لمشورتك وف تدبيرك بالتقي راحتي
أتعزى وتسندني أمانتك وتثبتني تتم مسيرتي

2- واتلملم تاني وتجبرني واتغير في المختبرات
وآهات بتعدي وتتحول على شفتي وتطرح غنوات

3 - أتاريني في غيبتي عن بيتك كنت بتحملني لسنوات
شيلتني وبعدتني عن شيلتي وحمِّلت حياتي ببركات

4- ترعاني في غربتي وتقود خطواتي حتى النهايات
وان تقلت ضيقتي بشدتها تنشيء تمجيد الأبديات

5- تبتدي تتلألأ كلمات في كتابك تحييني بصوتك
واتلفح تاني بنغمات تملكني أتمَّلى ف ملكوتك

6 - والشتا أهو فات وبتلفت ألتقي مركبتي أهي جت رسيت
والنباتات إللي تلفت أهي رجعت تاني وابتسمت

7 - باختار بإرادتي وبمشيئتي أتقبِّل هبة الآلامات
واتجرَّد واتصلِب ان طلَبت مشيئاتك كما في السموات

لا بنتهي ولا بتنتهي ديفيد جاد

ضفروا الكلام بآيات الإنجيل. صلب ومات وقام وصعد بالتهليل

١- اتولدنا تاني لرجاء حي لما أباد الموت؛ وقلنا: يسوع حي
٢- المولود من آدم حتما هايشوف الموت. لكن الأحياء عايشين جوه الملكوت.
٣- كان الموت عقوبة حولهالنا المصلوب. ياهنياله وطوبى للي قام في المحبوب.
٤- عقوبات الله لا' يرفعها غير الله. شالها عنا يسوع علشان نحيا معاه
٥- قضى على الموت وأنار لنا الحياة ونور الخلود ببشارته المفرحة
٦- واللي مات معاه قال: "فأحيا لا أنا. بل يسوع حبيبي هو يحيا فيا"
٧- من أجل خطايانا مات يسوع البار. وقام ليعطينا حياة الأبرار.
٨- شكرًا لك يا أبانا قومتنا معاه. وأجلستنا في السماويات وياه.
٩- ياللا نقول بإيمان: " إن كنّا متنا معاه. فلا نحيا إلا حياة مربوطة معاه"
١٠ - من لنا في السماء غير المسيح يسوع. وهنا عالأرض لو لينا غيره نضيع.
١١ - اطلبوا ما فوق ياللي قمتم معاه. مكان ما الرب جالس عن يمين الله.
١٢ - واللي مات معاه حياته مُخفاه . في المسيح في الله يا عزُه يا هناه

ضفروا الكلام ديفيد جاد

الكلمات::::
مالم تراه عيون
ولاسمعت بيه آذان
ولاأبدا خطر
على قلوب البشر

يبدأ نوره ضعيف
في القلب كأنه ضيف
نفتح يفتح ويضيف
لما نطيعه إن أمر

ذكرنا فذكرناه
وداومنا ع الصلاة
ودي منحة م الإله
تيجي إن العابد صبر

العزة والجلال
والرحمة والجمال
في الحضرة والوصال
داقه اللي عدى ونظر

ما احلى عيون الإيمان
شايفاه بدون عيان
ما القلب له عرفان
وبصيره غير البصر

ينظر لنا الحنون
يسبي منا العيون
سره عند اللي يصون
ونوره لعيون السهر

والساهر له أصيل
يعلى نوره بالليل
بالفرح والتهليل
تغنيه لو ليك افتقر

عرف روحي بالروح
تسكن تفرح وتروح
وياك الكل يروح
وان شبع القلب انتصر

شفناك في محبيك
وشفنا بيهم ماليك
ومعاهم روحنا ليك
لما النور فيهم ظهر

النور جوه الكتاب
شايفاه عين اللي تاب
يصبح قلبه كتاب
نورك في سطوره اتبدر

حررتنا من القيد
نسجد لك أعظم سيد
وجهك نطلب ونريد
مجدك وانت المنتظر

مالناش هنا في المنظور
ومالهاش فينا لما تدور
بيننا وما بينها سور
مش بيننا وبين البشر

ياسيد الأسياد
يا مطلوب العباد
مالنا راحة في بلاد
إليك انت السفر

ما لم تراه عيون - ديفيد جاد

الكلمات
هاعدي هاعدي
في الجبال اللي واقفه ضدي
هاعدي هاعدي
بايماني اللي مالي يدي

هاعدي وهاتعدي الاماتي وكل ضيقه انا عشتها
هاعدي وهاتعدي نكباتى انا اقوى بيك منها
وهتمر صور المر قدام عيني كذكريات
والسر ان انت حي وقمت من بين الاموات
امنتك وامنك على كل ما عندي
واماني وايماني في الوعد يا سندي

هاعدي وهاتعدي لحظات الحيره والشك وظلامي
هاعدي وهاتعدي نبرات الحزن وكابه كلامي)
واديني فارد ايديني مصلوب وغالب كما المسيح
وفي القبر مستني فجر وقيامتي جاياني بتسبيح
وثباتي في الاتي بعهدك مش بعهدي
والنصره والقوة في ايديك وانا معدي

هاعدي وهاتعدي بثواني الراحة في ساعات الغريب
هاعدي وهاتعدي بحلاوتها وجمالها ولو للمشيب
وهينتهي كل ده في لحظه ما هيجيني واراه
وبجسم جديد روحاني مجيد هشوفه واعيش معاه
وهقضي في المجد حياه في نور ابدي
وهرنم وانا بخدم في بيت الاب سيدي
هللويا هللويا حياه في نور ابدي
هللويا هللويا في بيت الاب سيدي

هاعدي - ديفيد جاد

رافع راية بالاناشيد + هاتوا العود هانرنم ليه - ديفيد جاد

طال انتظارنا والشوق مالينا - ديفيد جاد

سديت الشبابيك - عالي لفوق - تسبيح للرب يعلي وتعلي معاه الفرحة - ديفيد جاد

جمرة سماوية ماسة شفتي
نازعة معاصي ساترة الخطية
(من صليب فاديَّ)2 (من غنى الإله)2

فتح الإنجيل عيني وكلمني ع العطية
وإزاي وجدت لي نعمة في عين الإله
وأنا ميت بالخطية فتح السما علي
وف لمحة أبدية دبت ف الحياة

ياللنعمة القوية شدتني بإيد عفية
من بين أنياب الحية (وداويتني بالحياة)2
والدم غطى فيَّ وغسلني م اللي فيَّ
وبيه كمان صار لي (دخول قدام الله)2

ياللنعمة الغنية رفعت راسي المحنية
حلت ربط الخطية (وربطتني بالسما)2
الحلة ملوكية والخاتم في إيدي
والمايدة سماوية (والفرح ابتديناه)2

بالنعمة هي هي وبروحه الساكن في
وبيده المعزية (الغربة تهون معاه)2
هايكملني يسوعي ويثبتني شفيعي
ويقويني في طلوعي (م البرية لسماه)2

فتح الانجيل عنيا - جمرة سماوية- ديفيد جاد

ايه في الدنيا يفرح
عبدك ويعزيه؟
غير الوقفه أمامك
وتكون راضي عليه

وأبقى ف كلمة وصلوة
مَسبي ف عالم تاني
فيه الصورة الحلوة
والحق الرباني

(يا)7 يسوع

متعزي ومتشدد بيك
هادي
وف بريتي سندي عليك
هادي

حتى ان كان صوت الريح
مش هادي
هَ أدِّي وداني لصوتك واعبر
هادي

(يا)7 يسوع

إيه في الدنيا يفرَّح
عبدك ويعزيه؟
غير الوقفه أمامك،
وتكون راضي عليه

وأبقى ف كلمة وصلوة
مَسبي ف عالم تاني
فيه الصورة الحلوة
والحق الرباني

(يا)7 يسوع

حالة تسود على قلبي العابد
سيدي
لما بتإسرني بمراحمك
سيدي

وما أقولها لمخلوق
على الأرض: سيدي!
تاج راسي وعزي
إن ”يسوع“ ده سيدي

(يا)7 يسوع

إيه في الدنيا يفرَّح
عبدك ويعزيه؟
غير الوقفه أمامك،
وتكون راضي عليه

وأبقى ف كلمة وصلوة
مَسبي ف عالم تاني
فيه الصورة الحلوة
والحق الرباني

(يا)7 يسوع

اية في الدنيا يفرح - ديفيد جاد

1. راحتي يا رب حقًا 
واثق لا أُنسى منك

 

أن لي فيك مكان
مهما ضاق بي الزمان

* يا مسيحي يا حياتي
كلما خارت قواي

 

يا شفيعي كل آن
منك عوني و الأمان

 2. ثابت قلبي يا ربي
رافع عيني إليك

 

ثابت يا صخرتي
منك تأتي قوتي

 3. قوة في الضعف فاضت
يا رجائي أنت تشفي

 

منك يا ربي الحبيب
حينما القلب يخيب

راحتي يارب حقا - ديفيد جاد

الهنا عظيم الهنا أمين ... وحافظ عهده سنين وسنين 
بيطعم شعبه في بريه ... ويطلق أسرى ومسبين 

إله دانيال ورب داوود ... بنؤمن انه ما زال موجود 
ينجي عبيده حسب وعده ... من سيف جليات وجب أسود 

يا الهنا الصالح شكرا ليك مهما بنشكر مش هنوفيك 
دي مراحمك جيل ورا جيل وامانتك ثابته وما بتزول 
أعمالك تشهد لك وتقول يارب ملكش مثيل 

في قلب السجن ووسط النار ... بتيجي بقوة يا اوفى صديق 
وان وقف البحر قصاد شعبك ... تشقه وتعمل منه طريق 

ما في أبواب ولا اسوار ........ أمامك تقوى يا جبار 
وان اضطهدوا في مرة ولادك ....... نشوفك وسط أتون النار 

يا الهنا الصالح شكرا ليك مهما بنشكر مش هنوفيك 
دي مراحمك جيل ورا جيل وامانتك ثابتة وما بتزول 
أعمالك تشهد لك وتقول يارب ملكش مثيل 

إله أبائنا وأجدادنا ..... عهودك لينا ولولادنا 
يا فادي من الحفرة حياتنا .... وعدتنا لسما هتاخدنا 

بنعلن أن ايمانا اكيد .... من يوم انكرنا وصاح الديك 
بنظرة حب ادوبنا .... ونرجع تاني بتوبة إليك 

يا الهنا الصالح شكرا ليك مهما بنشكر مش هنوفيك 
دي مراحمك جيل ورا جيل وامانتك ثابته وما بتزول 
أعمالك تشهد لك وتقول يارب ملكش مثيل

الهنا عظيم الهنا امين - ديفيد جاد

الاكونت التاني : 
Check out nabil nashaat on #SoundCloud
https://soundcloud.com/nabil-nashaat-469885475?ref=clipboard&p=a&c=0&si=cc75ccc3769c41b2895297ee7b2c0114&utm_source=clipboard&utm_medium=text&utm_campaign=social_sharing

Popular tracks by Nabil Nashaat