راب

في المظاهرة ..
كنتي اجمل بنت ظاهرة ..
كنتي زهرة ..
قلبي شافك..
نبضي عاشق صوت هتافك ..
الهتاف كان ضد عسكر..
خلي طعم الدنيا سكر..
كنت بهتف نفسي يوصل صوتي ليكي..
عمري ماعشقت السياسة الا بيكي ..
قالوا صوتك نبضه عورة ..
وانتي فيكي 1000 ثورة..
الصمود في عينيكي ثورة ..
والتحدي اجمل ما فيكي..
كنت لامحك.
هي هي نفسها دايما ملامحك ..
الرصاص لو مهما جرحك ..
لسة بيزيد الحماس ..
ابتدي صوت الرصاص ..
والصمود في عينيكي كان هو الخلاص..
م العساكر..
واللي عاشقين البيادة ..
زاد في روحك الحماس..
وابتدي يتلم ناس ..
ابتدي يزيد  الحصار ..
وانتي رافضة الانكسار..
ضيقوا الدايرة عليكي وبردو حاسة بانتصار ..
انتي ثورة ..
مش مؤامرة ..
انتي زهرة ..
مش مجاملة ..
كنت بهرب جوا ضعفي ..
لما اشوفك اقوي مني ..
اللي قال انك ضعيفه ..
صوته اضعف من سكوتك..
اللي قالك الف مرة..
ان صوتك انتي عورة ..
ده انتي صوتك صحي ثورة ..
من ثباتك من صمودك ..
ابتدي يزيد الحصار..
ضرب نار ..
وابتدي صوتك يروح ..
هما عاشقين البيادة ..
وانتي عاشقة للشهادة..
المظاهرة لو بدونك تبقي سادة ..
وانتي سكرها الزيادة..
انتي سيبتي 100 علامة ..
للرجولة والشهامة ..
واللي غاويين الندامة ..
رغم ضرب النار في روحك ..
لسة مرسومة ابتسامة ..
وانتهي صوت الهتاف ..
والجبان م الدم خاف ..
توهتي فيا ..
والتقيت الحزن ساكت بين ضلوعي ..
والجسد رافض رجوعي ..
والوريد م الدم فاضي ..
اخرجي يا روحي مني ..
الوجع واصل منتهاه..
قلبي ميت ..
بس تايه في الحياه ..
علمي الاجيال صمود ..
انتي ام .. 
انتي اخت..
انتي بنت ..
انتي اجمل حد عايش في الوجود..
انتي اجمل حد عايش في الوجود..

لـ احمد عبدالله

في المظاهرة

خرجت في عز الليل من الظلم الي شيفاه .. سابت البيت وراحت تاهت في الحياه 

خرجت مش عارفه فين هاتروح وفين هتنام .. اهم حاجه تهرب من الظلم اللي عيشاه 

كانت معزوره "ومحدش بيرحم انسان .. جنينه مهجوره "" نامت فيها والسلام 

وتاني يوم صحيت ماشيه تكمل الرحله .. وعيون الناس بتقتل فيهاوالنظره مش سهله 

من سوء حظها الدنيا كانت ليل والبرد في جسمها .. الناس بتستخبي في البيوت هيا لوحدها  

تاهت في الحياه واليأس كان رفيق .. مالهاش مكان تروحو اسود في عنيها الطريق

تسع شهور عاشتهم جوة ملجئ الحياه .. وفي لحظه بقت ام وفي اديها ابنها شيلاها

كل ماتبص في شو بيفكرها بماضي قديم .. زي دلوقتي من تسع شهور شافت جحيم
ـــــــــــــــــــــــــــــــــــــــــــــــــــــــــــــ
هربت وكل يوم بيفوت. احساس بيموت

في الحياه تاهت مش لاقيه دنيا

ومهما تصرخ اعلي صوت . بيبقي سكوت

كل الدنيا بالنسبالها فانيه 
ـــــــــــــــــــــــــــــــــــــــــــــــــــــــــــ
مش لاقيه متر في متر ليها ولأبنها في الكون .. ماشيه رحاله بتغتصبها نظرات العيون

وكل الناس بتشوفها . بتفكر ده بمزاجها .. وكله عايز يدفع حق اللحم اللي في جسدها

دلوقتي وقفت علي اول طريق يحكموا ابليس..واي شئ بتمن يبقي شئ سهل ورخيص

ميت خصاره " لما اتعرفت علي واحده كانت .. زيها قبلها وباعت نفسها واتهانت 

خدتها لمجلئ ابليس مش بالاجبار .. واقفه ع الباب بتقنع نفسها الدنيا اختبار

اصلها مابقتش بطولها .وفي رقبتها ابنها ... مش لاقيه حاجه تديهالوا غير اللبن الي في صدرها

ومهما بتصرخ بردوا الدنيا بتلتزم السكوت .. مفيش وسيله رحمه عايزة تموت تروح تموت 

لو هاتبيع نفسها .. الشارع يدفعلها ... ومش غريبه القصه منها كتير واقع مفروض
ــــــــــــــــــــــــــــــــــــــــــــــــ
هربت وكل يوم بيفوت. احساس بيموت

في الحياه تاهت مش لاقيه دنيا

ومهما تصرخ اعلي صوت . بيبقي سكوت

كل الدنيا بالنسبالها فانيه
ــــــــــــــــــــــــــــــــــــــــــ
عقارب الساعه بتعدي وبيزيد الويل .. وزي ماهوة الانكسار هادد الحيل

العمر بيجري وقلبها بيرجع ذليل .. ياتري كام بنت زيها ظلمهم الليل

العالم كله حواليكي كارهـ اخلاقك .. محدش حس ان قلبك عايش في سلك شائك

الارض والحياه والوجود والايام والمستقبل والتاريخ والبنأدمين طالبين بعادك

اصرخي فيهم عرفيهم محدش بيحس .. عرفيهم ان الطريق مشي بيكي عكس

عرفيهم انك توهتي في الحواري والدروب .. عرفيهم انك انسانه مظلومه وكسرها الهروب 

عرفيهم ان عندك باب مفتوح لرب البشر .. عرفيهم ان اللي انتي فيه قضاء وقدر

عرفيهم انك بعتي حياتك لاجل حياه الولد . وانك كرهتي الوطن لما باعوكي كل عيون البلد
ــــــــــــــــــــــــــــــــــــــــــــــــ
هربت وكل يوم بيفوت. احساس بيموت

في الحياه تاهت مش لاقيه دنيا

ومهما تصرخ اعلي صوت . بيبقي سكوت

كل الدنيا بالنسبالها فانيه
ــــــــــــــــــــــــــــــــــــــــــ

ANA ELSULTAN

YOUSEF JOKER-KSRHA ELHOROB

كلمات : علا الشيخ
هندسة صوت : عبدالله حنوت
_______________________
نص " تَسَمُم حمل " 

وَترين كمانجا إتكلموا سِكت البشر 
مستنين يسمعوا - إعتراف الوتر -
لجل إن يقول الآه و يقر بـ إن البنَية العازفة ع الأحلام
غِرقت ف قلب البحر , 
و عزفت وجعها و حزنها على اوتار الكمانجا 
و جوا بيوت الشعر 
- اية السبب ؟
جايز يكون القدر ..
جايز يكون رمشين عيون إتكلموا و قرروا 
إن البنية تعيش وحيدة ف قصة محفوفة بـ شىء مـ الخطر .

--------------------

مشهد بنية بتفقد أمها بنزف الحنين و الأنين و الألم 
و عجز بيّن من عيون الأم 
- كيف بإيدها تعيش ل بنيتها  
وهى للمرة التالتة 
مُصابة بمرض قاتل يُدعى ب تسمم حمل ..
مش عزف عازف الى ممكن يحيي 
حرفين دبلوا جوا قوليب الهم 
و مش شرط نحيا مقتولين ب الوجع
لو بإدينا نكمل القصة بحبة وهم ..

يا أيتها الأم .. 
صراخ قوليبك جوا الحزاين جايز يسمعه الساذج على هيئة نغم .. 
بنتك عايشة و ماسكة ف الأحلام 
و بتوهم روحها بكدبة كارهة للألم 
بالعجز يمكن ، او بالألم 
بنتك مهيش شايفة 
إن فى جزء بيّن قد فُقد
من كونها بنت ناجحة وسط العلم
جُزء صامت كـ الأصم
جُزء رغاى كـ مثل صوت الناى 
و كـ العَدَم ..

من يوم ما رحلتى عنها
سيبتيها وسط هالة من العدم
صعب جدا إن طفلة ب عمر لا يزيد عن ثلاثة أضعاف السنة 
تفهم إن امها الراقدة قدام قلبها
ماتت ..
و رحلت عن دنيا السَقم 
و دموعها تنزل من ألم كونها
مش قادرة تفهم هى عملت اية عشان تخاصيمها و تسكتى او كدة 
وكأنك وَهم !

- " يا أمى اصحى بقى 
     ما بلاش هزار كفاية يعنى كدة " 
كانت جعانة جداً وقتها
مش جعانة لأكل ..
اكتر من كونها جعانة لحضنها 
سابت إيدها و هى طفلة مش مُدركة 
اساسا اية الموت و اية الحياة 
مش مُدركة اصلاً انه مًمكن تُدرك مَعنى الفََقد من بدرى كدة ! 

فاكرة هزارك و النُكت و الأمانى كُلها
و الضحك ويّا اللعب و انتِ بتعلمينى معنى الرضا
فاكرة كلامنا الساعة 2 بليل 
لما اصحى مخضوضة من كابوس إننا مش سوا
فا تهدينى وتحطى ايدى على جُزء من رحمك 
فا اشعر ب جوز ارواح كامنين جوا هذا الخلا 
ونحكّى و اكلمهم
واعد ارغى معاهم بالساعات و الساعات 
وانتِ اصلاً مش فاهمة معنى لـ رَغينا 
امى انتِ لازم كُنتى تسمعى صوتهم 
وهما بيقولولك " اتخلصى مِننا ! "
صدقينى لو كنت عارفة وقتها انهم
هيموتوكى و تُتركينى لوحدى هِنا 
وانهم هيسيبوا روحك تنتهى بإيدهم 
ويموتوا بعدك ب دقيقة مش أكتر 
فا اعيش انا وحدى 
رافضة ادوق السكر
و العيشة طعمها بسرعة جداً يمرر
و الصمت يخيم على روحى 
وانا باينة للـ كُل انى اقوى م القدر 
و م الخطر
و م الموت
و مِنّهم .. 
صدقينى لو كنت عارفة وقتها إنّهم 
هيموتوكى بإيدهم 
انا كًنت خاصمتهم ..
و صرخت فيهم بـ عِلو صوتى الى إنجرح 
سيبوا امى تعيش ليا 
و متسيبونيش وحدى بدون مطرح
متسيبونيش وحيدة وسط البشر ..

وَترين كمانجا إتكلموا .. 
سِكت البشر 
مستنين يسمعوا 
إعتراف الوتر 
لجل إن يقول الآه , و يقر بـ إن البنَية العازفة ع الأحلام
غِرقت ف قلب البحر , 
و عزفت وجعها و حزنها على اوتار الكمانجا 
و جوا بيوت الشعر 
- اية السبب ؟
جايز يكون القدر ..
جايز يكون رمشين عيون إتكلموا و قرروا 
إن البنية تعيش وحيدة ف قصة محفوفة بـ شىء مـ الخطر .

فا م الليلة دى انا هسكت سُكات أبدى 
واسيب نفسى لأوراقى ، و لل حبر .. 
و ل خام الرصاص اللى 
بدونه ما اعرف اكتب سطر 
و ل توهتى الى قتلانى 
و عقلى الى بينمو كُل صدمة ب شبر ..
و كانسر حزنى الـ ملعون 
الى ما ينفعله إلا البتر ..
سواء بالحزن او بالبتر 
هينتشر الوجع جوايا
بدون ما يسيبلى حتى الفرصة 
اترجم وجعى جوا الشطر
لا الشعر عارف يوصف الى ف روحى 
ولا الى ف روحى راضى يتحول ل شعر 
فا م الليلة دى أنا هسكت سكات " أدبى "
و أسيب نفسى لأوراقى ، و لل حبر ..
 
#تسمم_حمل
#علا_الشيخ

تسمُّم حمل - علا الشيخ

Title: Tahet 
Written by: Mamdoh hamed
Music: ( Free Beat )
Vocals: Mamdoh hamed
Master and mix by: (ahmed khiry)
© 2016 
Official Profile
www.facebook.com/Mamdooh.hamed
-------- الكلـمات - Lyrics --------
لو ينفع ترجعى تانى كنت هقولك استناكى 
مش ينفع تبقى ليا بس انا عايز ابقى معاكى
شوفتى صدفه تجمعنا لكن القدر عايز غير كدا 
هتروح تعيشى مع غيرى لكن انتى مكانك هنا
مكانك فى القلب اميره واقول عليكى اميرتى
والناس كلها تسمعى وانا بقول ان انتى بنتى
حولت كتير معرفتش ابطل كتابه ليكى
حولت كتير انساكى بفشل ديما انى القيكى
لو ينفع ارجع بزمن اوعدك انا هبعد عنك
اصل القرار قرارى لما غبت ولما سبتك
قالوا عليا مجنون بزرع ورده فى ارض بور
محدش عاش معاكى انا كنت فى الضلمه وانتى فى النور
انا كنت معاكى ايوب واستنيتك مرجعتيش
وكل حرف بمعنى فى كلام مبينتهيش 
املى الكلام ينتهى واكتفى من التفكير فيكى
لو بكتب تفسير للمعنى فاانتى هتفهمى بـ انى شريكى

اللى يقرب ليكى بيعاه واللى يبيعك تجرى وراه 
اكيد دلوقتى فهمتى بس ردك مش فهماه
مش فهما اوضح ليكى لما عوزتك ملقتكيش
اول واحد دق بابك قولتى سلام انا راحه عيش 
ويمر الوقت معاكى والقيكى رجعالى ندمانه
وقلبى يحنى ليكى واقول ان انتى احسن انسانه
لكن انا قلبى ضعيف وبيامن لكل الناس 
مش بفتح كتاب قديم لكن انا بكتب احساس
احساسى وانتى بعيده وانا بقولك بكره هترجع
قولتى انك عيزانى لكن انا ليكى مكونتش بسمع
لانى افتكرت الوحش بنسا كل حاجه حلوه 
فهوا دا الطبيعى تنتهى العلاقه بنا

تاهت كلماتى فى كتابك وانا لسه بعاتب سطورى
بتقولى العمر عدا هسمعك طب يلا قولى
عجبك حالنا فى زمانا ولا نرجع زى زمان
خلاص الوقت فات كفيانا ع الماضى كلام

العمر ايوا فات حبك ليا برضوا مات
انك عيزانى ليكى اخر سطر فى الكتاب
فهمانى .. ولا توهتى فى المعانى
عايزانى .. ولا فى قلبك حد تاانى
فاقد الشئ ديما محتاجه انتى لسه معرفتيش
انى ممكن اموت من غيرك لكن ربى كتبلى اعيش
حلوه الموسيقى عارف بعزف عليها كلامك
عقلك مش مستوعب انى عمرى ما كنت هالك
حبيتك محبتيش
احتاجتك ملقتكيش
سمعتك مسمعتيش 
انى فى بعدك مش هعيش
ازاى بعدتى عنى ازاى مرجعتش ليكى
ازاى انتى بعتى واحده خسر الناس لانه شاريكى
عجزتى عن التفسير ولا حبه تسمعينى 
هفسر كلامى ليكى ما انتى عمرك ما فهمتينى 
بتقولى العمر فات مين اللى ساب و مين اللى مات
مين اللى عاش و مين اللى حب مين اللى راح حياته هلاك
بتدريج نبعد عن بعض واللى بنا يبقى بعد
بعد مكونت انتى بنتى تبقى زى اقل حد
مش هقولك كنت بحبك حبك لساه موجود
مكونتش حابب اقول لكن انا خايف العمر يفوت

Tahet | تاهت

Artist : farez walid 

Title : Nsitk ll نسيتك

Music : jurrivh

Art works : farez walid

Rec. & Master & Mix : X_Music

Follow me on instgram : 
https://instagram.com/thefarezwaliid


Follow me on facebook : 
https://www.facebook.com/faris.waleed


All copy rights are save at FarezMusic®

Lyrics : 

بغني ليكي مش عشان اشوف دموعك 
انا عايش ليكي انا هفضل عايش بين ضلوعك
و مش غريبه ان احنا نكون في يوم بعاد 
بعدنا و سبنا بعد بس ليه قبل المعاد 
حبيت كلامك بس نسيت كل الي فات 
حبيت عنيكي رغم ان انتي ماضي و فات
دي ذكريات ... بفتكرها و بنسي نفسي 
كنت بنسي نفسي في حضنك اصل ليا بنتي
و بستناكي ... و افضل سارح في القمر 
انا مش زعلان اصل ايوه ده القدر
حبيتي غيري بس انا اكتر حد حبك 
في ناس كتير معايا اه محبتش حد زيك
من صغيري شيفك بس كنتي بعيده عني
و بعد سنين بقيتي انتي كل حبي 
انا مش زعلان من الفراق 
انا خايف بس عليكي لتقولي مش مشتاق
مش ناسي شكلك و لا حتي جمال عيونك
مش ناسي ملمحك و لا ناسي رئت صوتك 
مش ناسي صوتك و انتي بتقوليلي اسمي
انا ناسي زعلك بس و انتي جوه حضني
انا بس نفسي فيكي تاني 
انا نفسي انام حضنك بس لو حتي لثواني
انا مش اناني انا بس بقيت وحيد 
انا حاسس اني لوحدي او لسه في حب جديد
موتي فيا كل حاجه 
انا كنت بخاف علي زعلك بس ليه كنتي كدابه
كدبتي عليا و كدبتي حبي ليكي 
كدبت عليكي و قولت انا مش نسيكي 
كرهت اليل بس بقيت احب نهاري 
هقول نسيتك اصل خلاص بقيتي ماضي
كرهت اليل بس بقيت احب نهاري 
هقول نسيتك اصل خلاص بقيتي ماضي

Nsitk ll نسيتك

Tiltle : Matar I مطر
Music : Free Beat 
Rec & master & Mix : X MUZiC 
((iF you Like it , share it))

( Follow us )

Facebook : m.facebook.com/profile.php?re...

Instagram : www.instagram.com/mohamed.alaa1607

Soundcloud : @MohamedAlaax

____________________________________

‎الكلمات :
فـ ليلة و الدُنيا بتمطر كنا فـ عز الشتا
قاعد مع نفسي بفتكر زمان و كدا
فـ نفس الوقت جيتي فـ بالي و حسيت
بـ لمسة ايدك و عيونك اللي كانوا بيت
لكنك هجرتي و غدرتي بالوعود
 شوفتك بتتغيري كل ما الوقت بيفوت
مبقتيش الشخص اللي حبيته فـ البدايات
زي ما كان ناقصني كان ناقصك كتير حاجات
و اتفقنا نكمل للنهاية و نكمل بعضنا
ننسى الدُنيا و ننسى الناس و نركز مع نفسنا
مطلبتش منك مُستحيل ولا نجمة مـ السما
 من حقي عليكي اغير و تكوني بس ليا انا
طلبت منك تحترميني سواء فـ وجودي او فـ غيابي
فشلتي، و فـ كُل مرة اقول هتتغير عشاني..
بس الغريب انا لسه فـ بالك و انتي فاهمة
رن التليفون بـ أسمك بعد ما خلصت القهوة


كتير نتغرب فالدُنيا و بينعيشها
 نسيب قلوبنا عند بعض الشوق يلمسنا
 حبة ايام حلوة عيشناها بترجعنا
 و فـ كُل مرة كرامتنا بتمنعنا 


مشيت وراك مكنتش عارفة رايحة لـ فين
قولتلك العلاقة بتكمل بين اتنين لو فضلوا للنهاية اتنين
بس انت سيبت و انا مكنتش عايزة اسيب
مليش انا غيرك اخ صاحب او حبيب
شبعت منك ياما كلام و ياما وعود 
وقت الزعل بتبان حقيقة ان الوعد مش موجود
كل ما نخرج من طريق بنلاقي تاني طريق مسدود
و كُل ما الوقت بيفوت الحُب جوانا بيموت
زي ما فيا عيوب فيك انت كمان عيوب
مفيش شئ بيتنفذ الا لو منك مطلوب
على فكرة ولا انت الشخص اللي حبيته فالبدايات
اللي كان دايماً يهتم و كان فـ كل وقت معايا
ازعل يمسح بكايا كان املي و كان منايا
مش زي دلوقتي بايع اصلاً الحكاية
معلش مش بـ مزاجك فـ لحظة اكون معاكي
عايزة تسيبيني فـ الطريق و افضل بردوا استناكي


كتير نتغرب فالدُنيا و بينعيشها
نسيب قلوبنا عند بعض الشوق يلمسنا
حبة ايام حلوة عيشناها بترجعنا 
و فـ كُل مرة كرامتنا بتمنعنا 


المشكلة مش فى انك تبعد المشكلة انك حبيت
مهما يحصل بتعدي حتى لو جوا منك ما نسيت
بس المرة دي حاسسها غير كُل مرة
جوايا عايز افضل بس دا غير اللي برا
لما اليأس اتملك قلبك حبيت تكون لوحدك
و بـ نفسك تعالج نفسك من احساسك كُل يوم بـ عجزك
حاجة غريبة لما حد يكون سبب سعادتك
يستغل ضعفك و يكون سبب فـ قتلك
عينك فـ عيني بس مبقيتش لاقي حلول
بحبك اه بحبك لكن صعب تاني اقول
متقلبيش عليَّ الآية عن البعاد انا مش مسئول
كنت عنك مشغول علشان ليكي بس انول
مش بقول انك شيطان و اني مثلاً بعيش ملاك
و فـ وسط الكلام تضحكي فـ اشوفك فعلاً ملاك
اتفقنا عـ البعاد و لسه هتمشي خلاص و تفوتني
نزل المطر و فجأة لاقيتني بشدك جوا حُضني

Matar I مطر

NEW TRACK : کُنا بنحلـَم | We Were Dreaming
Artist  : Mohamed Radwan | Sniper
Lyrics : Mohamed Radwan | Sniper
Rec, Mix & Master : L- SaMaT-Y Studio
Beat Prod By : L- SaMaT-Y 
Poster By : Karim Hany 

Follow Me ..
 Facebook :  https://www.facebook.com/mohamed.rdwan.5811
 Instgram : https://www.instagram.com/mohamed.radwan4
 ‏My Numper : 01120872378
–Listen & Share–❤

- LYRICS - 
#V1
 ببات بفكر فـ اللي سابني عايش بلعن بختي 
مين فيهم جمبي ! اتظلمت وقالولي قدري 
كرهت كلمة وعد اتعلقت بـ حبل دايب واتسوحت
حبيت ف حرباية بتتلون صعبت عليها بجد ! :")
---
الدنيا مبترحمش انا متقدمتش لسه 
 - العُمر بينقص 
القلب عاش اتكسر
البحر غريق بلا مرسيَ. -
انا بتمنالك خير ويارب تلاقي اللي يمليَ عينك 
مش هعرف احب غيرك انا بسأل نفسي فينك :")
---
ده كان عتاب محبه مش قصدي اني مش عاوزك 
بس انتي لما صدقتي روحي ودوري علي اللي شبهك
انا منفعشي لاني مش بعرف امثل زيك 
وادعي المحبة واقول قصايد فـ عشقك مع اني كارهك 
---
اطلب مني مسُتحيل ومتعملش عشاني المُمكن :")
لا مش ممكن.. دخان بيجيب دخان لحد ماهبقي مُدمن :")
دارت الساقية واللي باعني اتباع وافتكرني *-*
لما سابني وخاني وباعني بـ اقل تمن وكسر بـ خاطري :") 
  ‏---
  ‏ (C)
  ‏بکتب کلام عـ الورق وانا بغرقوا بـ دموع عيوني 
  ‏مستني دوري عايش بتمني وقت موتي 
مجابش فايدة العتاب   ‏قفل عـ الكلام 
وابعد وعيش لوحدك حتي لو مش هتكون تمام :")
كُنا بنحلم نطير ف السما ونحقق احلامنا  
تعبنا.. عافرنا لاجل نوصل واحلامنا ضاعت قُدامنا.
سلام علي اللي قال هفضل جمبك وسابك لوحدك 
اتكسرت ومعدتش نافع فـ انا عايزكوا تنسوا محمد :")
 ---
#V2
يارب خُدني.... الدنيا مش عايزاني اصلاً 
 بتقطع من جوايا وابان بضحك من برا
 ‏كُل شئ انتهي مش باقي غير بهدلة 
مش باقي غير عياط وانا مستني الكفن.
---
انا اتعميت مـ الدخان انا غرقت فـ التوهان 
انا كنت بقول تمام وانا اكتر واحد فيهم تعبان
حسدوني علي ضحكة كانت طالعة بـ كُل هَم 
انا عيشت فـ وهم انا حياتي كانت غم × غم 
---
حكولي ان اللي حصلي كان قدري ونصيبي
مسحت دموعي بـ ايدي ضحكت وكان الغُلب ماليني
 الليل زهق من حكاوينا والله ماكان بـ ايدنا
 ‏حالنا صعب عـ الكافر  ‏الفرحة مكنتش لينا :")
---
الاكتئاب احتل حياتك وانت لسه بتحاول بردوا
زي فُلسطيني عايش بيعافر لاجل ينول ارضهُ
انا شوفت احلامي قدامي بطير مع هويَ الدنيا
حبينا فـ وشوش كدابة لحد ما ادغدغت قُلوبنا
MUCH LOVE FOR LISTENING ❤

Sniper | كُنا بنحلم  We Were Dreaming

اخر تراك من البوم #صعب_انساك
اغنيه بعنوان #خلل
#ADel_Ninja_Ft_Aya_OsMan
#عادل_نينچا  #أيه_عُثمان
هندسه صوتيه: #طعيمه_ساوند_استديو
كتــابة وتأليــف وغنــاء: 
                                 #عادل_نينچاADel_Ninja
مع الفنانه القادمه: #أيه_عُثمان
.....
الكلمـــااااات
👇
....
بتوه وسط العتمه
بندور ع حلمنا
بنخاف تصحا بكره
نلاقي الدُنيا مش قادنا
....
لساااك بتحلم بتشوفني
لسااني بردو بكابر. وبحلم
مشوار بعد ما تستسلم
اخر جندي مات عشان يوصل لقلبك

انا ليلي بيطول ع فكره
انتي قمر بينور ف صلمه
هتحاااارب و توصل
لاخر نقطة دم هتنزل وهكسب

بشفها بتكلم بكلم
بتشوفني بتجنن تتجنن
سمحني مش قادره اني اكمل
انا مكمل وهكمل ومكمل
...
 كان كُنت  طفل وبحول
رجع رجعت نفس  للاول
شبعت سهر سُكر و بدهول
شفتك ف مريتي قلب بيتلون
...
انا حزني زاد بعد ولدي
نينچا  يا ايه مش بيخبي
مين طبطب بعد موته قبلي
ولدي راح وروحه  ساكنه قلبي
..
دورتي ع الي بنا
لاسف انا قلبي متكركب
طب سألتي قلبك ليه حبه
اصلو اطيب قلب ف بتنا سندني
..
مش عارف انام والنوم بيعكسني
الخوف بيكتفني.
لسعه برد اخر الليل
كان حُضنه لحافي  بيونسني

زاد البرد بيكسر عضمي
ماتت امي كسرت قلبي
زاد المخدر دمر عصبي
ف صوره العيله كونت لوحدي

كان اجمل ضحكه وكلمه بنتي
كان سند لامي واختي وضلي
يا ريتو كان فاضلي
بس الموت مش بيسيب حد حاببني

متخفيش انا فاضلك
  انت جمبك اختك وامك
طبيعي الدُنيا مش هتدوملك
دامت لمين ما راحت امي

انا ذيه ذي يمكن اكتر كمان
جوايا الف علامه استفهام
العيب من اهلي ولا الدُنيا
ولا ابويا اني هاجرني من صغري

بندور ونتوه ف متاهه
بنقول  كابوس وهننسا
معقول  الي راح  بيرجع
طبيعي صعب ننساااا
...
 بتوه ف كفوف ايديه
 بشوف خيوط بتدبح
فرق بين اب مات بنشتاقلو
و اب ناسي بايع ابن م صُلبو
.....
#ADel_Ninja_عادل_نينچا
مغـني راب &كــاتـب شعـر &مؤلـف قصص قصيـره
السـن:23سـنه
دار السـلام💔
اعمل فولو واشتراك ف القناه اليوتيوب وشكرآ
لو عايز تسمع الاغنيه صوت بسMp3 من هنا👇
https://soundcloud.com/ninjarap

لو عايز تتابع كل جديد وتشوف الاغنيه فديو صوت وصورهMp4من 👇
https://www.youtube.com/channel/UC0woPMVsijaVOowou6l0DnQ

اعمل #فولو_للبيدج دي👇و #شير اغاني #راب وافكار جديده وحفلات #كلر 
اتشرف بكل شخص يشرفني ف #الصفحه 👇🌸⁦❤️⁩🙏
https://www.facebook.com/AdelNinja1/
للمتابعه ع الانستا من هنا👇
Www.instagram.com/Adel.ninja
للمتابعه ع #واتس_اب اتشرف بيك ع الرقم دا👇🤙🙏
Mob&watsup:01113636143

راب

Mï Lena