Artist ا Nadeem
Mix & Mastering: Seif Leo
Special Thanks To :Mahmoud Wageh

FB;https://www.facebook.com/nadeem.mostafa

Lyrics
Verse 1
مش عايز منكوا حاجة بشر اصناف تلج
عشان المادة انصاف كلب.. والجيب مش ادراج بنك
حياتي ما ادراك انت كلامكوا زي مخاط انف 
كلامي زي طاقات الف.. ثلاثي البعد رصاص م الخلف
مفيش حب هنا المغزي واضح ف تشكيل جسمك
في ترتيب لبسك.. يسهر الليل في ترتيل اسمك
كتلة الجيوب بتحدد ف الصالون سعرك
امسك ف الايد الاموال و لكل للقلوب املك
مش عايز اعرفهم فبعتت لنفسي طلب صداقة
مش عبد للنسوان مش دايما محتل الصدارة
مش طايق الهموم بس البوء من غير سجارة
حجزت تذاكر للسماء بودعكوا من سطح العمارة
اصوات الحياة مزعجه عشان كده بنسمع اغاني
ميتين مشاكلك علي ميتين الاجرة والسواق و الباقي
بس للاظلم بادي والباشا عالي و الغلبان مش لاقي
وكل ده عادي ذماغي انفجرت اصل فيها جهادي

Chorus
اقفل ابواب الذكري
 مفيش ماضي ومفيش بكره
 ابن ادم ملتوي
ميوت للعالم انا منطوي




Verse 2

بتخانق بالعيون منطوي بحافظ ع الروتين
الدنيا لحظة التوتر ببن حقيقة او تخمين
فوبيا البشر عينيكوا ف كل حته ف ببص بعيد
وطول مانا لسه نفسي مش مهم اكون مريض
بلعت برشامة الامل خرجتها من شريط حياتي
و ع الطريق بنادي بس الاحساس اصبح قديم بدائي
فأتعودت اقطع لساني واقول للناس بلاها
اتهموني بالكأبة حكمت عليهم بالتفاهه
الناس حواديت ما قبل النوم
براب حواديت ما قبل الموت
الراب كوابيس بسرعة صوت
قتلت الهم بدون ديث نوت
قافل بيبان دماغي وحاطط الأزاز ع السور 
وعشان متوهش برا مش هغير تاني ف الدستور
مفيش اصوات غير صوتي جوا كأني راوي الفيلم
غرقتكوا ف كدبة ماتريكس الواقع مش حلم
مستسلمتش للخيال قاومت وسبتلكم الماده دي
هبني  الواقع بتاعي واقفل عليكوا الفانتازي

منطوي _النديم_ Introvert_ El Nadeem

سواد من قلبكوا ودهب من جوايا
براهن نفسي واكسب شتاء الغربة وانتي مش معايا
كله كان هيمشي بس انا اللي مكنتش ناوي
حوت وحيد وقلب كبير ولوني ازرق سماوي
Verse 1
حبوني لكن مكروه عشان محبتنيش
مهتمتيش ف حسيتني مجرد حته ف نيش
 حقيقي مكانش البيت كامل بدات اخسر كل الفيش
وكله يضيع كان فيلم حلو لكن مطلعتش عالافيش
لكن مفيش شغل يجيب علي السرير مخدة ريش
فايق و بتألم اكتر بس لو بموت متخدرونيش
الدنيا فيها رعب كافي بالفلوس متخضونيش
الاخضر لو يجيب سعادة بسمة امي متساويش
ملتوي ايوا ابن ادم ملتوي 
لو قلت الحق. هنا تبقا شخص لاسع غير سوي

ازرق سماوي بارد وثلج ابيض ف السما
ياقوتة ف ايد خليلة والسمك بيطير ف الهوا
وحوت بيعزف سيمفونية فضاء للقلوب دوا
ونور شمس المغربية علي سطح الوشوش سوا
وضحكة الخليلة وانا ف بحر الدنيا سوا
تسع سنين من العشق وعمر القلب ما ارتوي

Vesre 2 
كله هاين بالنسبالي في سبيل جناحين ملايكة
جنيا ليه واين النهاية منين اتينا
الخطيئة لافة الكوكب ابلة فضيلة نايمة
 ده زمن مادة  فبنخبي مشاعرنا الباينة
خلقنا لاجل الجنة وكل اطراف الارض دمار
ولدت عشان تكون بشر مش تكون بشار
دمشق فلسطين بغداد صمتنا اكيد يشفي
خفوا العروبة لا توجد  مسكنات تكفي
الدنيا لونها بمبي شايل سواد ف مش هتشوفني
اشتريت ابيض واسود سبت العمي لسعاد حسني
اجرحوني  بنزف دهب ف ساعات حزني
الوضع ساء بكره نفسي عندي اكتئاب خدني
ويستمر العرض يزق الموج ف ملح البحر
حوت يشيل رسالة رب الاكسجين ع البر
مش داكن اللون فاتح القلب للي غاوي
والقلب معادش ابيض ده بقا ازرق سماوي

El Nadeem |النديم

Popular tracks