
إمسك جامد في اللي سابوك.. 
و احُضن فيهم لو نسيوك.. 
و اشرَب كُل دموع وحدتهم.. 
و اوعي تسيبهم لو هَجروك..
علشان يمكن يبقوا في ضِيقه.. 
او جواهم حاجه غَريبه
بتخليهم يبقوا في عُزله
فتسيب فيهم حاجة مُريبة
عندك مثلا انا و حبيبي
قالي في يوم انا عايش بيكي
بس ادعي ان يكونلي نصيب
فيكي يا احلي بنات الدنيا 
ياللي في عِينك بَلقي طريق
فـ حضنته وانا جسمي بيرعش
وعروقي بتنشف و تسيب..
و في قلبي بصرخ و بقوله ..
 اسحب مني الخوف براحه ..
و اسكن فيا عشان بصراحه ..
كل عروقي بتنبض بيك..
و دموعي بتنزل تواسيك.. 
و بترقص و تحايل فيك..
و ان شافت حزن علي عيونك..
بتسبني و بتجري عليك
علشان تاخد من اوجاعك 
ترميها و تمسك في اديك
بس ياريت اوعي انت تسبني 
و مهما بعدت..
خليك محواطني..
و اوعي في يوم لو شفتني صدفه 
و كنت نسيتك
تنسي ان انا عيزاك تحضني..
واني في يوم خفت و حبيتك..

شعر و اداء صوتي : نادين حاتم
https://www.facebook.com/nadenh2

Nadeen hatem

Popular tracks