poetry ❤️

قصيده وزنك دهب (قصيده جديده )للشاعر عبد الله حسن
https://www.facebook.com/Abdallahhassanfans

قصيده وزنك دهب (قصيده جديده )للشاعر عبد الله حسن

جديد __ قصيدة علشان إنتى مصر - عبد الله حسن

الشاعر عبد الله حسن 27/ 9/ 2013 وقصيدة جديدة 
قصيدة حـــدوته

الشاعر عبد الله حسن - قصيدة حدوته

قصيدة ضيف ع الدنيا للشاعر عبد الله حسن

قصيدة أملكينى للشاعر عبدالله حسن

قصيدة نفسى ابقى ظابط  للشاعرعبدالله حسن

الهويس ... هشام الجخ
مشهد رأسى من ميدان التحرير
خبئ قصائدك القديمه كلها 

هشام الجخ - مشهد رأسي من ميدان التحرير


    #مفيش_مشكلة_خالص | أغنية حادي بادي - الشاعر عبدالله حسن
  

مفيش_مشكلة_خالص | أغنية حادي بادي - الشاعر عبدالله حسن

نظرة عنيكي ليا اثناء الوفاه
كانت كفيله ل عوده الروح للحياه
ونسيان المرض
ساعتها القلب دق فوق حدود المفترض
مكنتش دقه و السلام
ده كان ايقاع
يشبه ل موسيقي ال jazz و ال rock
"دوم دوم تك"
اجمل ايقاع ف الدنيا ممكن تسمعه
البكاه مقدرش حتي يمنعه
الجسم ميت و الروح بترقص
فرحانه بيكي يا طيبه
و السما بتمطر اغانيا
و الشمس تشوف المشهد تتضحك
معرفش عليكي ولا عليا
و ازاي اصلا شمس بتتضحك
و ازاي صوتك بقي زي انغام
رغم انه نشاز
حب ايقاع ال jazz ف احلو
الجو البرد ف حضنك كان اجمل جو
و النور المرسل م الشمس لعينيك
انعاكسه جه ف قلبي زود الدقات
تاه وسط لغبطه المشاعر
مش مصدق انه مات
الجو برّد في الشتا
والرصيف عريان محتاج جثث
محتاج غطا
الشتا محتاج نهار شمسك
طلي عليا ب ضحكتك
خليني ادوق شهدك
انعكاس روحك ف روحي
خلي طعم الفرقه اكتر من وجع
ازاي روحين يتفارقو و هما اصلا روح
ازاي يا دنيا بتخدي فينا الجدع
و بتحدفينا ل الف سكه و 100 طريق
و احنا اللي فاكرينك براح
و انتي مقبره الجثث بتحاربي ف الارواح
من غير سلاح
 الضحكه مِن مَن عشقو الرصيف
ساكنين ف حضنه  هتوجعك
و الحلم ف عيون الغلابه هيمنعك
اسمعي مَن عاش حياته يسمعك
انا واحد عاش ميت بالوحده
و مفيش ف العالم ولا وحده
بتحب وحيد ف الوحده تزيد
و مفيش الاها اللي خدتني من دنيا الهم
شوفت ف عينها بواقي الحلم
شوفت ازاي ف ملاك ع الارض
بيحول العاشقين ل كمنجات
كل كلامهم بينو سكات
صوتها يرقص روحي و روح كل الاموات
روحها الطاهره ف اخر السهره
غنت مووايل و اغاني
لساني يا بنت القلب شاركي
اياكي تعيطي علشاني
بخاف منك و من دمعك
بخاف اقولك بحبك يزيد الحب عن حده 
و اغرق جوه بحرك و انا اصلا منيش قده 
بخاف ضحكتها توجعني ف اموت خايف لتنساني 
ولما تشوفني متكفن تموت هي فاموت تاني

محمد عبد الفتاح "بخاف"

محمد عبد الفتاح - انا امي مش طيبه

زي الساحر … محمد عبد الفتاح


بقيت بهرب كتير منكم عشان البعد طعمة الذ 
عشان كل اما بحضنكم بحس بعرش قلبي اتهز
عشان الحضن ميطمنش غير عشمان فضمه بجد 
 حضنت كتير لقيت العزله اجدع حد 
و اكتر حضن بيطمن ف وقت الجد
بقيت استني طيف انسان يلملم روحي بوجوده
كان الكون صبح شبرين و انا عايش علي حدوده 
بخاف م القرب و اتمني اعيش وحدي
يا اما اقدر افصل كون يكون قدي
او ارسم لوحة فنيه و اعيش فيها
و لما ازهق من اللوحة ارميها
و انط في لوحة من تاني
و انسي الناس و تنساني 
و اعيش تمثال ف قلب بزار
اشوف الناس بعين تانيه
انا المعزول و خدت قرار 
افرغ همي في الدنيا
فهعلن حرب ع العالم
هكّون جيش من المظاليم
نحارب حزننا بغنوة 
نوزع ضحك ع المعازيم
و نتالم في اخر الليل 
فنملي الكون سواد كاتم
يموت مقهور من التفاصيل 
تعيش محبوسه في الخاتم
نبص بحزن للميت نقول ارتاح
ده كاتم جوه قلبه كتير 
ما بالك يعني لو كان باح

عزله - محمد عبد الفتاح

عن الوحده - محمد عبدالفتاح

- انا ..
مش واضح 
و مش كامل
ليا جزء فقدته من فترة
فيا ميل للحزن بالفطرة
عندي فوبيا من عدم خوفي
عمري ما استلسمت لظروفي
بس عمري ما كنت بغلِبها
ياما عرّيت نفسي بحروفي
دون ما أفكر صح و أحسبها
لو تجيني عينيكي هحاسبها
بالورق .. و الحبر من عيني
بالفراق والهجر و سنيني
بالدموع و الشوق و تدويني
للحاجات و الذكريات و زمان
و إن قدرتي تواجهي .. واجهيني
طلّعيني المذنب الغلطان
و إني كنت شيطان و كنت هلاك
أما انتي ..
فـ انتي كنتي ملاك
كان ناقصلك بس جوز أجنحة
لو قدرتي تحاربي .. حاربيني
هبقى أعزل و أوهبك أسلحة
إقتليني .. أو متفلتنيش
لو فلتّي ..
يبقى أموت .. مصلحة
لو قدرتي تعاندي .. عانديني
إدي نفسك فرصة و إفديني
وِدّي نفسك .. قصدي وِدّيني
إفدي نفسك مرة و إديني
فرصة أسلّم نفسي أو أسلّم
فرصة أغمض عيني و أتكلّم
فرصة أعيط لما أتألم
من وقوفي فـ سِلّم المعاناة
فرصة أشوفك لو هعيش بكرة
بس .. لا مش ه‍قدر أستناه
لو قدرتي تفارقي .. ما قدرتي!
و الفراق عمال يعِد سنين
كنتي بنتي يا (.....) و كبرتي
سيبتي ايدي لجل ناس تانيين
مش براقبك .. بس بتحسّر
مش هعودلك .. بس متأثر
قلبي زي إزاز و متكسّر
خايف أحلم .. حلمي يتفسّر
كيف ما قال لي مفسر الاحلام
قال لي : لو شوفت الحبيب ..
 هيغيب
قال لي : لو مَاسكك 
أكيد هيسيب 
خوفت أنام 
أو خوفت من قسوتك
من ساعتها يا (......) مَحْلِمتش
لما بانلك ضعفي
جَت قوّتك
لما جيتلك سِلْمي 
مَسْلِمتش
عدّى ليلة اتنين ولا نمتش
نمت تالت ليل "يا مين قدّي"
فُوقت أول مـ النهار شقشق
زارني طيفك سرقة على خدّي
زارني سيفك .. صدري مترشّق
كنت جايلك لجل ما استنشق
من هواكي يردّلي روحي
فاكرة ؟
كنتي بتيجي و تبوحي
و تقوليلي مستحيل أمشي !
قايمة نايمة فـ قلبي و بكيفك
لما جاتني الضربة موقعتش
مُت لما لقيتها من سيفك
لو قدرتي  .. دافعي عن نفسك
و أوعدك بـ براءة و أظلمني
و أعتبرني إني انا الجاني
و أرفض إني دفاعي يترافع
نفسي أبص فـ عينك ألقاني
نفسي نرجع .. بس مش نافع !
مش باقيلك شيئ .. ولا شافع
إني طول المدة دي لـ حالي
مش مصدق وضعنا الحالي
مش مكدب إن أنا بدونك
لو غيابك مرة أوحالي
إني أخونك .. عِند فـ ظنونك
أه بخونك .. بس مع شالِك
لما أنام ملفوف على رقَبتي
مش بلومك لما يوم سيبتي
بس يوم سَبتي شبه حدّي
بصحى ناسي فـ أي يوم إحنا
لو قابلتك قصد هتمدّي
لو قابلتك صدفة .. تمنحنا
نظرة أولى قبل ما تصدّي
عدّي جنبي .. نفسي ادوق ريحتك
نفسي ألمِس صوتك الدافي
أعذريني حواسّي بتهنّج
بس هـ أمسك نفسي .. لا تخافي
شكلي كان سكران و متبنّج
جيّ جري على الجراح حافي
دمي سايل .. بس ميهمّش
المهم الصدفة تجمعنا
فاكرة ؟
لما فـ مرة دمّعنا
لما سمّعتك #وحشتيني
الكتابة .. مهما كات لعنة
بس ألعن إني أقولهالك
شوفتي بعدك كام سنة هالك ؟
رغم ذلك بدّعي القوّة
الوحيدة شافتني من جوّة
رغم جوة مفيش حاجات غيرك
و الوحيد .. اللي إلتزم سيرك
رغم سيرك عكس مجرايا
فيه حاجات .. ناسياها جوّايا
لو سمحتي .. لمّي أشيائك
ولّا هي رواية و هوَاية 
إني طول العمر أشتاقك
و انتي طول العمر تقريلي
لو قدرتي تجيلي ..  لا تجيلي
مستحيل تستحملي ليلي
أو تشاركي الكون في تحويلي
من إزاز مكسور لـ زُهريّة
من عنب معصور لـ كاس ميّة
من حاجات بالفعل لـ النيّة
من ضمير بيموت لـ مهنيّة
مستحيل الليل هيقبلنا
أو يساعد مرة فـ لقانا
كنت ليكي مقام .. بقيت حانة
للي رايح جيّ يطّوّح
و اللي يرمي همومه و يروّح
 و اللي جاي و فاكرني مستشفى
و إن انا اللي هعالجه بسهولة
مش هلومك .. لستِ مسؤولة
مش بلومك .. لا بفضفضلِك
لو قابلتك مرة من فضلِك
خبّي عني عينيكي .. غمّيها
فيه مابينّا حاجات بسمّيها
"لعنة المشتاق" بتدبحني
فضّي فيا الحزن لو فاض لِك
فاضلي بينه و بيني و انا محني
و إختاريه .. لجلِنّ لا تميلي
و إرسميلي حدود كتير بينّا
والله لو حضنك يكون جنة
مش داخلها فـ يوم ولا عايز
نفسي نرجع أه .. و مش جايز !

#مش_جايز
#لو_قدرتي
#Ahmed_Shabana

لو قدرتي

امى

بسم الحب _ مينا صفوت

محمد عبد الفتاح - أسطورة أنطونيوس

قصيده بحبك يا مصر

لما جيت أكتب عن أمـى
للشاعر عبد الله حسن 
www.facebook.com/Abdallahhassanfans/

لما جيت اكتب عن امى للشاعر عبد الله حسن

قصيده متزعلوش مصر  للشاعر عبد الله حسن 
قصيده جديده https://www.facebook.com/Abdallahhassanfans

poetry ❤️

Nagham