كلمات / سهيلة جبر
الحــان / طاهر حسن
فريق ذوي القدرات والهمم بقصر ثقافة كفر الشيخ
جمهورية مصر العربية  

مش احنا الاعاقات الخاصة 
احنا أصحاب القدرات
ليك قيراط وانا ليا قيراط ربك بيعوض نعمه
احنا يا سيدى أسود ونمور بإراده هانعدي السور
إحنا مكاننا علي الكرسي مركب ع البر بترسي 
مش زعلانين ولا محتاجين ولا حتي شفقة ولا غيره
ولا نظره ف عيونكم تآسي
ما احنا اصحاب القدرات
وانا شايف الدنيا بقلبي دايما متوكل علي ربي
أنا بمشي عادي ف اي طريق ودي ميزة يا ناس وماهوش ذنبي
وعصايتي هي أحلي صديق
باتضايق م الشفقة يا مخاليق
وانا راضي ومبسوط بنصيبي 
عايش ف الدنيا حر طليق
مش احنا الاعاقات الخاصة احنا اصحاب القدرات 
تحياتي / طاهر حسن

Taher Hassn