رعى الله الأحبة حيث حلو | محمد سكيك

تأليف : عبدالله عبدالكريمـ
أداء و غناء : عمرو مندور
..............................
إلى زوجتي ..

علقيني ع الحيطه صوره
بروزيني فِـ لوح ازاز
ضحكته مكسوره
وبصي ليها كل يوم
ولما يجي وقت النوم
اكتبيها و اكتبيني

اكتبيني جمب إسمك
وانطقيني ويا همسك
وارسميني جوا منك
وخبيني وسط رسمك
شخبطيني ع الحيطان
واشطبيني م الأحزان
و لوِّنيني ريشه
ماسكاها عليها ألوان

اندهيلي لما أشوفك
واشتاقيلي في حروفك
واستني وانتي جمبي
وسيبي جوايا خوفك


وافتحي مصحفي
واقريني في كل آيه
وادعيلي بيها دعوه
واكتبي حروفي روايه

وامشيني جوا حضنك
وسمعيني صوتي منك
ويوم ما أنسى يوم ميلادي
فكريني إنه نفس سنك

وابقي زوريني في كل منام 
و دوّبيني فيكي فِـ بحور الكلام
و إن غبتي عني يومـ ..
متنسيش ترميلي السلامـ

بصي عليا ف السحابه
هتلاقيني ف دموع الغلابه
واحلميني عيل تايه
خايف بيجري م الديابه

دوبي روحي جوا كاسك
وزخرفي بيا تاجك
وإن سألوكي عني
قولي إني أهلك وناسك
جاي يطوفك
جاي يشوفك
وبقى أقرب حراسك

واحكيني حدوته للعيال
وقوليلهم إني عاشق
وقوليلهم إني ليكي
و عشان عنيكي
أموت
بس تدفِّيني
جوا وريد إيديكي
..................
نوّروني هنا ,,
https://www.facebook.com/fantastic.memories

أغنية : إلى زوجتي

كلمات وألحان وأداء: د. محمد الشيخ، هندسة صوتية: م.محمد الجيار
تابعونا على الصفحة الرسمية لفريق أحلى شباب:
https://www.facebook.com/27lashabab
انتظرونا في برنامج "أحلى شباب" على قناة الندى الفضائية تردد 11430 رأسي
كل يوم اثنين الساعة 8.45م إن شاء الله

كلمات النشيد:
أحلى شباب
شباب زي الورد
أحلى شباب
فاهم دينه بجد
أحلى شباب
مفيش لنجاحه حد
أحلى شباب
في الخيرمالهوش أد

مابيهمناش
صيف ولاشتاولابرد
مابيهمناش
صحرا وجبل ولاسد
مابيهمناش
في الشدة تلاقي أسد

قلبي جديد
وفي وقت الشدة حديد
وإيماني في قلبي يزيد
في صلاتي دموعي تفيض

ببقي سعيد
لوزرت مسن مريض
أوجبت أنالبس جديد
لطفل يتيم في العيد

حبي لبلادي شديد
وفداها أنا دمي يفيض
ولومت ياأمي أكيد
أتمنى ان ابقى شهيد

نغمة نشيد أحلى شباب  د. محمد الشيخ

أدعوك يا الله بصوت المنشد   محمد عباس

شيطانى رجع من تانى

بارك الله لهما عمار (بدون موسيقي )

>>..  يـَا رفيقِـي أىّ دَرب تَبتَـغي مـن بـعد دَربــي ؟؟  .. <<

انا اسف لمصطفى عاطف بدون موسيقى

مشارى راشد - شغلتنى الحياه - البوم قلبى محمد

نغمة بالقرآن أهتديت 3 , حمود الخضر

مقطع من روحى فداك - مسعود كرتس- بدون موسيقى

شيطانى رجع من تانى

Ẵnĝhãm Sộlặimằn

Related tracks