ರಂಗ ಒಲಿದ ದಾಸರಾಯ 
ರಚನೆ : ಶ್ರೀ ಶ್ಯಾಮಸುಂದರವಿಠಲದಾಸರು

""""""""""""""""""""""""""""""""""""""""""""" 
ಜಲಜೇಷ್ಠ ನಿಭಾಕಾರಂ ಜಗದೀಶಪದಾಶ್ರಯಂ 
ಜಗತೀತಲ ವಿಖ್ಯಾತಂ ಜಗನ್ನಾಥ ಗುರುಂ ಭಜೆ || 
"""""""""""""""""""""""""""""""""""""""""""""

ರಂಗ ಒಲಿದ ದಾಸರಾಯ
ಗುರು ರಂಗ ಒಲಿದ ದಾಸರಾಯ 
ಸಾಧು ಸಂಘವಿಡಿಸಿ 
ಕರುಣದಿ ಪಿಡಿಕೈಯ್ಯ ||ಪ|| 
ದಾಸರಾಯಾ ದಾಸರಾಯಾ ದಾಸರಾಯ

ಕುಂಭಿಣಿ ಸುರನಾದ ನಂಬಿದೆ ನಿನ್ನ ಪಾದ 
ಬೆಂಬಿಡದೆಲೆ ಕಾಯೊ 
ಸ್ತಂಭ ಮಂದಿರ ಕಂಬು ಕಂದರ 
ಭಕ್ತ ಮಂದಾರ ಭಕ್ತ ಮಂದಾರ ||೧|| 
ದಾಸರಾಯಾ ದಾಸರಾಯಾ ದಾಸರಾಯ

ಹರಿಕಥೆ ಸುಧೆ ಸಾರ 
ಸುರಸ ಗ್ರಂಥವ ಜಗದಿ 
ವಿರಚಿಸಿರುವ ನಿನ್ನ 
ವರ ಉಪಕಾರ ವರ್ಣಿಸಲಪಾರ 
ಪರಮೋದ್ಧಾರ ಪರಮೋದ್ಧಾರ ||೨|| 
ದಾಸರಾಯಾ ದಾಸರಾಯಾ ದಾಸರಾಯ ||

ಸಾಮಗಾನ ವಿಲೋಲಾ 
ಶ್ಯಾಮಸುಂದರವಿಠಲನ ಸ್ವಾಮಿಯ ಭಕುತ || 
ನಿಸ್ಸೀಮ ಪ್ರಹ್ಲಾದ ಅನುಜ ಸಹ್ಲಾದ 
ನೀಡೆಮಗಹ್ಲಾದ ನೀಡೆಮಗಹ್ಲಾದ ||೩|| 
ದಾಸರಾಯಾ ದಾಸರಾಯಾ ದಾಸರಾಯ ||

ರಂಗ ಒಲಿದ ದಾಸರಾಯ  ರಚನೆ : ಶ್ರೀ ಶ್ಯಾಮಸುಂದರವಿಠಲದಾಸರು :: RANGA OLIDA DASARAYA - Shamasundaravithaladasaru

Durga Suladi by Sheshgiri Das

Sri Raghavendra Swamy TOOGIRE RAYARA

Ninnane Nambideno

Janaki Jeevana Raam

ರಚನೆ ಶ್ರೀ ಹುಲಗಿ ಶ್ರಿಯಃಪತ್ಯಾಚಾರ್ಯರು
ಗಾಯನ ವೇಣುಗೋಪಾಲ ಕೆ

Jaya Kolhapura - Nilaye

TUNGATIRAVIRAAJAM

ಹ್ಯಾಂಗೆ ಬರೆದಿತ್ತು ಪ್ರಾಚೀನದಲ್ಲಿ
ರಚನೆ: ಶ್ರೀ ಪುರಂದರದಾಸರು

ಹ್ಯಾಂಗೆ ಬರೆದಿತ್ತು ಪ್ರಾಚೀನದಲ್ಲಿ |
ಹಾಂಗೆ ಇರಬೇಕು ಸಂಸಾರದಲ್ಲಿ |

ಪಕ್ಷಿ ಅಂಗಳದಲ್ಲಿ ಬಂದು ಕುಂತಂತೆ |
ಆ ಕ್ಷಣದಲ್ಲಿ ಹಾರಿಹೋದಂತೆ  |

ನಾನಾ ಪರಿಯಲ್ಲಿ ಸಂತೆ ನೆರೆದಂತೆ  |
ನಾನಾ ಪಂಥವ ಹಿಡಿದು ಹೋದಂತೆ |

ಮಕ್ಕಳಾಡಿ ಮನೆ ಕಟ್ಟಿದಂತೆ |
ಆಟ ಸಾಕೆಂದು ಅಳಿಸಿಪೋದಂತೆ |

ವಸತಿಕಾರನು (ದಾರಿಹೋಕನು)  ವಸತಿ ಕಂಡಂತೆ |
ಹೊತ್ತಾರೆದ್ದು ಹೊರಟು ಹೋದಂತೆ |

ಸಂಸಾರ ಪಾಶವ ನೀನೆ ಬಿಡಿಸಿಯ್ಯ |
ಸಂಸಾರಿ ಪುರಂದರವಿಠಲರಾಯ ||

ಹ್ಯಾಂಗೆ ಬರೆದಿತ್ತು ಪ್ರಾಚೀನದಲ್ಲಿ ರಚನೆ: ಶ್ರೀಪುರಂದರದಾಸರು HENGE BAREDITTU PRACHINADALLI - PURANDARADASARU

Listen "Sundara Guru Raghavendrarenthembo"... a composition of Sri Guru Indiresharu and excellent singing by Sri Raichur Sheshagiridasaru.

Sundara Guru Raghavendra

ಸ್ಮರಿಸಿ ಬದುಕಿರೋ ದಿವ್ಯಚರಣಕೆರಗಿರೊ
ರಚನೆ : ಶ್ರೀ ವ್ಯಾಸವಿಠ್ಠಲ

ಸ್ಮರಿಸಿ ಬದುಕಿರೋ ದಿವ್ಯಚರಣಕೆರಗಿರೊ
ದುರಿತ ತರಿದು ಪೊರೆವ ವಿಜಯಗುರುಗಳೆಂಬರ || ಪ ||

ದಾಸರಾಯನ ದಯವ ಸೂಸಿಪಡೆದನ
ದೋಷರಹಿತನ ಸಂತೋಷಭರಿತನ || ೧ ||

ಜ್ಞಾನವಂತನ ಬಲುನಿಧಾನಿ ಶಾಂತನ
ಮಾನವಂತನ ಬಲುವದಾನ್ಯ ದಾಂತನ || ೨ ||

ಹರಿಯ ಭಜಿಸುವ ನರಹರಿಯ ಯಜಿಸುವ
ದುರಿತ ತ್ಯಜಿಸುವ ಜನಕೆ ಹರುಷಸುರಿಸುವ || ೩ ||

ಮೋದಭರಿತನ ಪಂಚಭೇದವರಿತನ
ಸಾಧುಚರಿತನ ಮನವಿಷಾದಮರೆತನ || ೪ ||

ಇವರ ನಂಬಿದ ಜನಕೆ ಭವವಿದೆಂಬುದು
ಹವಣವಾಗದೋ ನಮ್ಮವರ ಮತವಿದು || ೫ ||

ಪಾಪಕೋಟಿಯ ರಾಶಿ ಲೇಪವಾಗದೊ
ತಾಪಕಳೆವನೋ ಬಲುದಯಾಪಯೋನಿಧಿ || ೬ ||

ಕವನರೂಪದಿ ಹರಿಯ ಸ್ತವನಮಾಡಿದ
ಭುವನ ಬೇಡಿದ ಮಾಧವನ ನೋಡಿದ || ೭ ||

ರಂಗನೆಂದನ ಭವವು ಹಿಂಗಿತೆಂದನ
ಮಂಗಳಾಂಗನ ಅಂತರಂಗವರಿತನ || ೮ ||

ಕಾಶಿನಗರದಲ್ಲಿದ್ದ ವ್ಯಾಸದೇವನ ದಯವ
ಸೂಸಿಪಡೆದನ ಉಲ್ಲಾಸತನದಲಿ || ೯ ||

ಚಿಂತೆ ಬ್ಯಾಡಿರೊ ನಿಶ್ಚಿಂತರಾಗಿರೊ
ಶಾಂತ ಗುರುಗಳ ಪಾದವಂತು ನಂಬಿರೋ || ೧೦ ||

ಖೇದವಾಗದೊ ನಿಮಗೆ ಮೋದವಾಹುದೊ
ಆದಿದೇವನ ಸುಪ್ರಸಾದವಾಹುದೊ || ೧೧ ||

ತಾಪ ತಡೆವನೊ ಬಂದ ಪಾಪ ಕಡಿವನೊ
ಶ್ರೀಪತಿಯಪಾದ ಸಮೀಪವಿಡುವನೋ || ೧೨ ||

ಗಂಗೆ ಮಿಂದರೆ ಮಲವು ಹಿಂಗಿತಲ್ಲದೆ
ರಂಗನೊಲಿಯನೊ ಭಕ್ತಸಂಗದೊರೆಯದೇ || ೧೩ ||

ವೇದ ಓದಲು ಬರಿದೆ ವಾದಮಾಡಲು
ಹಾದಿಯಾಗದೊ ಬುಧರ ಪಾದ ನಂಬದೆ || ೧೪ ||

ಲೆಕ್ಕವಿಲ್ಲದಾ ದೇಶ ತುಕ್ಕಿಬಂದರು
ದುಃಖವಲ್ಲದೆ ಲೇಶ ಭಕುತಿ ದೊರೆಯದೊ || ೧೫ ||

ದಾನ ಮಾಡಲು ದಿವ್ಯಗಾನಪಾಡಲು
ಜ್ಞಾನ ದೊರೆಯದೊ ಇವರ ಅಧೀನವಾಗದೆ || ೧೬ ||

ಇಷ್ಟಿಯಾತಕೆ ಕಂಡ ಕಷ್ಟವ್ಯಾತಕೆ
ದಿಟ್ಟಗುರುಗಳ ಪಾದ ಮುಟ್ಟಿಭಜಿಸಿರೊ || ೧೭ ||

ಪೂಜೆ ಮಾಡಲು ಕಂಡ ಗೋಜುಬೀಳಲು
ಬೀಜಮಾತಿನ ಫಲಸಹಜ ದೊರೆಯದು || ೧೮ ||

ಸುರಸು ಎಲ್ಲರು ಇವರ ಕರವ ಪಿಡಿವರೊ
ತರಳರಂದದಿ ಹಿಂದೆ ತಿರುಗುತಿಪ್ಪರೊ || ೧೯ ||

ಗ್ರಹಗಳೆಲ್ಲವು ಇವರ್ಗೆ ಸಹಾಯ ಮಾಡುತ
ಅಹೋರಾತ್ರಿಲಿ ಸುಖದ ನಿವಹ ಕೊಡುವವೊ || ೨೦ ||

ವ್ಯಾಧಿ ಬಾರದೊ ದೇಹ ಬಾಧೆ ತಟ್ಟದೊ
ಆದಿದೇವನ ಸುಪ್ರಸಾದವಾಹುದೊ || ೨೧ ||

ಪತಿತಪಾಮರ ಮಂದಮತಿಯು ನಾ ಬಲು
ತುತಿಸಲಾಪೆನೆ ಇವರ ಅತಿಶಯಂಗಳ || ೨೨ ||

ಕರುಣದಿಂದಲಿ ಎಮ್ಮ ಪೊರೆವನಲ್ಲದೆ
ದುರಿತಕೋಟಿಯ ಬ್ಯಾಗ ತರಿವ ದಯದಲಿ || ೨೩ ||

ಮಂದಮತಿಗಳು ಇವರ ಚೆಂದವರಿಯದೆ
ನಿಂದೆ ಮಾಡಲು ಭವದಬಂಧ ತಪ್ಪದೊ || ೨೪ ||

ಇಂದಿರಾಪತಿ ಇವರ ಮುಂದೆ ಕುಣಿವನೊ
ಅಂದವಚನವ ನಿಜಕೆ ತಂದು ಕೊಡುವನೊ || ೨೫ ||

ಉದಯ ಕಾಲದಿ ಈ ಪದವ ಪಠಿಸಲು
ಮದಡನಾದರು ಜ್ಞಾನ ಉದಯವಾಹುದೊ || ೨೬ ||

ಸಟೆ ಇದಲ್ಲವೋ ವ್ಯಾಸವಿಠಲ ಬಲ್ಲನೊ
ಪಠಿಸಬಹುದಿದು ಕೇಳಿ ಕುಟಿಲರಹಿತರು || ೨೭ ||

|| ಇತಿ ಶ್ರೀವ್ಯಾಸವಿಠಲ (ಕಲ್ಲೂರು ಸುಬ್ಬಣ್ಣಾಚಾರ್ಯ) ವಿರಚಿತ ವಿಜಯದಾಸರ ಕವಚ ಸಾಮಾಪ್ತವಾಯಿತು ||


ಸ್ಮರಿಸಿ ಬದುಕಿರೋ ದಿವ್ಯ ಚರಣಕೆರಗಿರೊ-ರಾಯಚೂರು ಶೇಷಗಿರಿದಾಸ್:: SMARISI BADUKIRO-Seshagiri Das

Bhagyada Lakshmi Baramma- Music by Puttur Narasimha Nayak

ಹ್ಯಾಂಗೆ ಬರೆದಿತ್ತು ಪ್ರಾಚೀನದಲ್ಲಿ ರಚನೆ: ಶ್ರೀಪುರಂದರದಾಸರು HENGE BAREDITTU PRACHINADALLI - PURANDARADASARU

nagprasad

Related tracks