Nagy McDoom - Mfesh 3al 2rd Mlayka -مافيش عل ارض ملايكه

Nagy Mousa _ Narcotic (ELModmen)_ (ناركوتيك (المدمن

لو قلب البحر اتكلم كان هيحكي ياما وعود
بس الحقيقه ان الوعد صاحبه مش موجود
اتقالي كتير واقفين ف ضهرك واحنا معاك ف الموت
وقت اما اتشد بيا الضيق مكنش ليكو وجود

هميل لمين يا حيط مالاقي غيرك ..
ف ضلك نمت و ياما ليك شكيت فا كتر الف خيرك
اعذرني و اعذر ضعف نفسي بس انا ساير نفس سيرك
سامعك يا حيط بتقولي ليه الحب يهد حيلك

يا قلب توب.. اديك جربت وشوفت الحال مقلوب
هانقول للشمس تيجي ازاي و الوقت وقت غروب
يا نعيش ف وسط الهم يا نقضي عشانا هروب
يا قلب توب..ده قربك منهم نار وذنوب

الشط شاهد..  اني اتكربجت لوحدي 
ملقتش فيكو شناب و ناعم حد يسد جمبي
بس انا مش ذنبي عادي يعني مش هخبي
المر ف بعد الشهد الزايف اكرملي و احسنلي
 

يا دنيا خفي انيابك عضك كتر .. وانا جلدي اكتفي
شبعت منك ظلم واكتفيت عطش و جفا
مش عارف اظهر ليكي الحزن ولا احزن ف الخفا
كل اما اخد قرار اثق ف حد اتاخد قفا

مش عارف ليه مصر اكرر غلطي
مش عارف ليه مصر احب غيري حب ساذج مرضي
مش عارف احب نفسي الاول لجل ماحب الباقي
ملعون يا وهم عل شربك عل حامل عل ساقي

عل داقك..  وسابني اجرب و مقاليش خد بالك
انا دوقت الوهم قبلك حاسب لاتدمر حياتك
بس انا ملقتش .. قصاد جراحي غير معلش
فا بقيت مضطر اعمل فرحان والبس للكل وش

اضحك ف وسط الناس وانا جوه مني بيغلي
اقرب خطوه للي باعني وروحي منه بتجري
يا دنيا هاسيبك وانتي مسيرك هتشوفي وتفتكري
ان انا هفضل عامل مبسوط ف وسط الناس لاني
....

Nagy Mousa- بَرَاح

وبرغم كل الاقدار اللي مكتوبالي
يوم مافرحت بانك قدري روحت رامي ف.حضنك حالي
وبرغم اني مؤمن ان الفرحه مش بتدوم مجاش ف بالي
انك انتي فرحه تانيه مش دايمالي

لأول مره كنت احس ان انا مبسوط
كنتي ف.عز فرحي رق و.كنتي كمانجه وانا مخنوق
كنت اما.اتوه اكلمك عشان بشوفني بيكي
كنت اتحط ف كوم هموم واداري كل وجعي فيكي

كنتي انا .. كنتي احلي صوت بحب أسمعه
مكنش عندك.فكر عشان اضايقه فين.يوجعه
كنتي شايله معايا شيله ومش مضطره انك.تشيلي
حتي لو دورك ف الشيله انك.تدعيلي و تسمعيلي

كنتي نور .. يوم ما ضاقت بيا وضلمت
كنتي كل اصوات العشق اللي ف ضلوعي اتكلمت
وقالت اسمك .. وكانت بتسقفلي اما بتبتسمي
كنت دايما افكرك ان انتي بنتي وحته مني

ايام بتلف بينا واحنا روحنا تايهه اصلا مش معانا
واللي اختارنا حبيبنا اختار يكمل الطريق من غير هوانا
واللي فات عايشين عليه 
يارب هون الفراق


كنتي الحقيقه لما كنت عايش جوا الوهم
كنتي سند .. بتخلي كل صعب يعدي سهل
كنت دايما بتقويني لما احس ان انا بتهد
كنتي القمص ف الهزار و كنتي الضحك وقت الجد

كنتي متسبنيش ف تحدي الا لما اغلب و افوز
كنتي بتلزقيلي روحي لما بتتكسر و تبوظ
معاكي فهمت ان السعاده مش ف.مال و كنوز
ممكن تبقي ف نومه وانتي بصوتك بتغني لفيروز

مكنش عندي مانع اني لاجل عنيكي اعااافر
مكنش عندي احلي من اني اخدك واسااافر
ونطلع الجبل و منكملش لحد الاخر
وتسيبي ارض الله وتيجي جمبي تقولي اتاخر

كنت اما اشوفك ببقي كاني.باصص في المرايه
كنتي وانتي بعيده عني برضو فضهري وواقفه معايا
كنتي حكايه .. كنتي صوت مزيكا ونور سهرايه
كنتي دوايا .. كنتي ف جمالك صوره كنتي ايه 


ايام بتلف بينا واحنا روحنا تايهه اصلا مش معانا
واللي اختارنا حبيبنا اختار يكمل الطريق من غير هوانا
واللي فات عايشين عليه 
يارب هون الفراق


كنتي اخر حد اتوقع منه اي غدر
كنا واحنا متخانقين بليل بنتصالح ف الفجر
كنا اهل .. بس انتي بيعتي وكان عليكي سهل
انك تمشي وتسيبيني بأي حجه و اي شكل

انتي صدمه .. مختار مصدقهاش واديكي اعذار
وقت الجنه كنتي حوا بس جريتي وقت النار
وانا هختار .. اصدق انك معذوره في قرار
انك سيبتي لما لقيتي انك مش قد الانتظار

Nagy Mousa _ قَدَري

ساعات كتير نموت من البرد لما نبعد عن دفانا..
ساعات نشيل الحمل بدون ما حد مايشيل معانا ..
ونجوب بلاد الله ونلف كتير وندور ياما..
علي اللي سابنا واحنا اصلا سيبنا قلوب بتستانا..

احنا كده .. دماغنا دايما متاكسده..
يوم ما نعشق النجوم بيكون عشان بعيد عننا ..
و احنا ف غني .. عن بعيد جميل .. خلينا في اللي هنا..
مثلا زي الاكسجين .. مبيلاغيش غير بس الرئه..

واحنا اللي مش بنرضي طول مافينا الروح..
لما نحط دماغنا عل مخده كتير ف زمان بنروح..
ونعيد ف شريط سخيف مابيفتحش غير ف جروح..
ولما ننسي نعيده تاني .. جرح جديد يتساب مفتوح..

هبل خام. .. لا بيهدي ساعه ولا بينام
بيخلينا نلوم الدنيا ونفضل نعتب عل ايام..
انت شيخ؟ انت حاخام؟ انت فعل اوكلام؟ 
ماطرح مابترسي ندقلها ومطرح ما هنفرش ... هننام


بنعيش اوهام .. و بنسجن روحنا بإيدينا 
واحزان .. بتعيش والتمن احنا دفعناه
يوم واتنيين .. ( هيعدو لو قبلنا او لو حتي مقبلناش)
يا نعيش يانموت ( ليه بنختار نسيب الذكري توجع فينا ليه بنختار نفكر فيها ومننساش)

ولما نبص علي مش ف ايدينا نحزن
ونخبط كل باب ونخش بدون ما حد يإذن
ونحسد الديوك عشان بتعرف تصحي تدن
... بنحب نحس اننا ضحايا الحرب جدا

بندور عل اماكن اللي بتفكرنا
ان احنا يوم حبينا حد اختار انه يخسرنا
ونقول ياريته اختارنا .. وننسي اننا من الاول
عيشنا معاهم مهتمين و في النهايه كتير قصرنا

مش دايما احنا الصح محنا برضو عادي بنغلط
ساعات نكون ظالمين و جوه عيون ناس غيرنا نسقط
ساعات منبصش عل حقيقه كامله ..
عشان شكلنا قدامنا يفضل جوه فريم بروازنا

مش دايما احنا مظلومين .. مش دايما احنا ظلمه
ساعات بنجبر ناس حبيتنا انها تمشي وتخسرنا
ساعات بيجبرونا ان احنا نخسرهم عشان ف يوم 
لما اتحبينا احنا اللي ادينالهم كف عظمه


بنعيش اوهام .. و بنسجن روحنا بإيدينا 
واحزان .. بتعيش والتمن احنا دفعناه
يوم واتنيين .. ( هيعدو لو قبلنا او لو حتي مقبلناش)
يا نعيش يانموت ( ليه بنختار نسيب الذكري توجع فينا ليه بنختار نفكر فيها ومننساش)

Nagy Mousa _ كَف عَظَمَه

منذ الطفوله واحنا بنطلع غير مخيرين بالمره
اسم دين موطن لون نوع وشكل هلم جره
عن نفسي انا متخيرتش اطلع اسمي ابن مين
ولا بلدي هتبقي مصر او من قريه ف شرق الصين

... انا اتولدت و اتربيت برؤية المجتمع
..فا بسمع الكلام و بمشي اردد اللي اتسمع
نشأت علي مبدأ احرمه هيعشق اللي اتمنع
و شده و قفل بيبان و اخلاق ودين وياريته نفع

.. انا اتعلمت من طفولتي ان الغلط بحساب
.. و ان العقاب مقبول والضرب عادي لو بحزام
واني بدون نقاش او اعتراض لازم اسمع الكلام
و ان الخوف فعال اكتر منالاحترام فا كنت بخاف

بخاف لما اغلط اعترف بالغلطه عشان متهانش
.. مع انهم قالولي عادي اعترف متخافش
.. ولما قولت عل اللي غلطه و بايدي اعترفت
اتاكدلي خوفي جدا لما فعلا اتضربت


ليكو كل الشكر .. بدعي ليكو بطولت العمر
زي ماكنتو ليا ضهر وعازيني بعيد عن اللي يضر
بس الايام لما بتمر .. وخيط التحكم يفضل يكر
ببقي حاسس ان القفص مش سايع اني ابقي ف قلبه حر

كتر القسوه ربالي عنف ... كتر القفله خلاني ثورت
كتر الصمت خلاني قولت .. كتر ال لأه خلاني كنت
اتمنيت مكنتش ابقي ف وسطيكم والاحزان دي فيا
اتربيت علي اني ابقي تابع فجأه بقيت معدوم الشخصيه


....... فا قولت من ساعتها عندا فيكو هغلط
... هتقولو لا عل لعبه عادي عندا فيكو هشبط
بدأ يتربي جمب الخوف غل وغضب وتمرد
.. بدأت اكون زي السبحه المقطوعه بسرعه بفرط

........ بقيت مش فاهم ليه ممنوعلي اني اختار
ابقي صاحب الشأن وهما لازم ياخدولي القرار
.. كأني لو قررت مثلا هبقي جبت العار
.. كأني لازم اقبل ان كل شئ اجبار

.. اصبحت من النوع اللي بيكره كل شئ مفروض
.. و ادور عل ممنوع عشان زهقت من الموجود
.. كرهت العالم اللي بيترسملي جوه حدود
والمطلوب اعيش ف شكل بالنسبالي كان مرفوض

.. لحد ما الظروف خلتني اعيش خلتني اشوف
خلتلي روف .. معديهوش .. خلتلي شكل محبتوش
حسيت ب شئ .. مفهمتهوش .. و ف كل شئ معجبتكوش
فا اضطريت .. البس وشوش .. فا اضطريت اني ماشوفكوش

ليكو كل الشكر .. بدعي ليكو بطولت العمر
زي ماكنتو ليا ضهر وعازيني بعيد عن اللي يضر
بس الايام لما بتمر .. وخيط التحكم يفضل يكر
ببقي حاسس ان القفص مش سايع اني ابقي ف قلبه حر

كتر القسوه ربالي عنف ... كتر القفله خلاني ثورت
كتر الصمت خلاني قولت .. كتر القسوه خلاني كنت
اتمنيت مكنتش ابقي ف وسطيكم هلهوله و طبليه
اتربيت علي اني ابقي تابع فجأه بقيت معدوم الشخصيه


انا عن نفسي لما كنت صغير مختارتش محلمتش
..اُجبرت ان الاكشن ف ايديكو و ف ايديكو الفركش
قولتولي احنا ادري بمصلحتك فا متكلمتش
قولتولي هتفهم لما تكبرت و كبرت و مفهمتش

.. انا مستحيل انسي تقليدي ليكو كان بالشف
سواء كان  صح او غلط مهم او كان سف
ابويا بيضربني علشان بشرب سجاير زييه
 فا مخي لف من التناقض او من صدمة اول كف
 

ساعات الحب بيطلع منكو فشكل حبسه ف بيت
... فالبتالي الطبيعي اني حزنت اني اتحبيت
كل حاجه كان نفسي فيها يا كانت حرام يا كانت عيب
.. عرفتو منين انها مش صح عرفتو منين الغيب


عرفتو ازاي ان انا مصلحتي ف اني عافيه ادرس
اديني حرقت سنين بدرس ف هالك اديني بلبس
فكرتو ان انا قعدتي ف البيت و شيلت الرسيفر
هتخليني اذاكر و اجتهد وانجح واطلع مهندس؟

لا والله .. اديني مدمن لابس حلو ومنضف
... اديني اهو قدامكو يعتبر حرامي مثقف
.. وادي ابن خالتي اللي هريته ودني بيه حكاوي
مرمي هو و الشهاده بتاعته مجوز عل قهاوي

صدقوني .. مش دايما صح ان انتو بتقارنوني
..عشان انا اصلا عشت عيشتكو و برضو بتهاجموني
... انت اتربيتو بشكل فا بنفسه اختارته تربوني
كل وقت و ليه أدان فا كنت اتمني تفهموني

انا الشارع حبيته عشان ف الشارع بيلموني
.. انا فضفت مع تانيين عشان بيسمعوني
محدش فيهم قالي انه مش فاضي لجنوني
ومحدش بيشاورلي علي حد احسن و يعايروني

وبرغم كل ده انتو اللي ف الاخر باقينلي..
.. كل الحكايه خوفكم الزياده بيخوفني ..
كل الحكايه ان الناس التانيه بتتحسني
اني شخص وليا كيان فا بلجأ للي بده يعاملني

معلش بعتذر عن ان كلامي شويه رخم 
بس انا واثق اني عشان بتكلم من قلبي هتفهم
انتو كل شئ كان ليه الفضل ف اني ابقي انا
.. انتو بعد اللي خالقني خلاني اعيش 24 سنه

Nagy Mousa _ غَصب يارب

Nagy Mousa Ft Sara Saleh _ لَعله خير

كان يا ما كان كنت نفسي اعيش إنسان
(مبسوط )
سارح ف الملكوت جوايا رغبه ف اني اعيش 
(او اموت)
زاهد الحياه .. فاقد الإحساس و الرغبه
شاهد علي ضياع .. خدت الف ضربه قاضيه


شايفك نفسك فين بعد خمس سنين من دلوقت
ايه عملت ايه بنيت ايه حصدت ايه حققت
.. في العشرينات غالبا؟ بتحب الكوره شكلك
علاقتك ايه بقرايبك او علاقتك ايه ب اهلك

شغال؟ يمكن .. بتدخن ولا لآا؟
بتحب الاكل طبعا ولا اكتر بتحب القهوه
بتعمل ايه لربنا .. مش قصدي صوم و صلا
مثلا بتدعي او بتناجي او بترضي بقضا

اصلي شبهك .. ماليش انجاز اتحقق الي الان
.. بشغل الاغاني و بطفي دايما عل اذان
ماليش ف قصة اني اقوم اصلي الفرض بفرضه
اروح برجلي لموتي و ارجع اندب تاني برضه

.. تعالي نحسب .. خسرنا اد ايه
العمر عمال يجري واحنا زي المسمار ليه
مجاش عليك ساعات وقولت اشطه منا تمام
بلبس حلو باكل حلو شغال حلو بخسر ليه؟

.. خربنا الدنيا جدا .. عملنا كل حاجه
عايشين الحرب دايره واحنا دماغنا ف التلاجه
اقولك حاجه .. انا مش عاوز اي مسؤوليه
عاوز كاس واخد صاحبتي نعيش ف جزيره انا و هي

بس صعب .. الحياه مش ممكن تبقي
انبساط و بس لازم فيها الصعب ياخد حته
.. بالذات اننا اوغاد و اترمينا ف دوله وسخه
ولا قادرين علي الحرام ولا قادرين نسرح بسبحه

يوم ما نتحاكم بالعدل مش هنلقي حد يشيلنا ..
... فا لحد الان الستر رحمه تنجي وتثبتنا ..
 كم المواقف اللي كان الموت محتوم  وعيشنا ..
الحقيقه انه مش شطاره وفكر وفطنه و حكمه

الحقيقه كان ده الستر ... الحقيقه كان اجر
قطه يوم سقيتها وانت ماشي ف ايدك جوب الفجر
ليك رصيد يشيل بلاء .. ليك دماغ وفيك ذكاء
بص فوق وانت تعرف مين خالقنا احرار سواء..
________________________
كان يا ما كان كنت نفسي اعيش إنسان
(مبسوط )
سارح ف الملكوت جوايا رغبه ف اني اعيش 
(او اموت)
زاهد الحياه .. فاقد الإحساس و الرغبه
شاهد علي ضياع .. خدت الف ضربه قاضيه

مش هنبقي احسن لما نعيش بصوت دماغنا ..
ادينا الحزن فينا و حالف انهة لايدغدغنا..
عادي مش هتفرق لو حزنا ف يوم ما احنا ..
لما نزعل لازم ييجي يوم ونقول فرحنا..
شااااهد يا طريقي اني عايش كالجماد ..
ربي لو سامعني زيح الحزن من الفؤاد ..
شاااهد اني برجع لما دايما ابقي وحدي ..
دايما بلقي نورك بلقي ايدك لامسه قلبي .
__________________________



 .... مش هتغلب لما تفكر ليه ده حالك
ليه مستحمل المعلش وليه بتكتم رد مالك
اسرق ازني اضرب اعمل ما بدالك..
بس خلي بالك .. استعد لما الفقر والخرا يدقو بابك

.. هتعيش مبسوط ؟ .. بنين ومال و قوت؟
هتاخد ايه من كل الوهم دوت لما تموت؟
فكر ف الدنيا و ايه سبب وجودها عادي 
مش هتلحد لو وجهت فكرك يسرح ف النحيادي

فكرك يعني هنفضل كده?  .. عايشين ككبش فدا؟
لشيطان ونفس اماره ودماغ مش متركبه ..
...تعالي نجرب نبدا الطريق انا وانت و هنا 
يمكن كل شئ يتحل لما نقرب من ربنا..

الحزن مسيره رايح .. و الفرح مسيره رايح 
....انازيي زيك برضه بكره النصايح
بس انا مش واعظ ولا ملاك ولا حتي نبي
انا حد بعد سنين بهدله اكتشف انه غبي

Nagy Mousa _ عشريناتي

... سيبنا كل اللي بيإلمنا ياخد راحته...
..  عاتبنا صاحب الحق ولومنا فيه صراحته
.. مشينا ف كل سكه اتحذرنا منها
واحنا سيبنا الناس تهيننا و روحنا لناس تانيين نهينها

علي قد ايدنا كل من ضمنا وجوده
زودنا و اتمادينا ف كل من ضمنا سكوته
.. وسيبنا ناس تانيين علي قد أيديهم احنا
يهمشو ف صورتنا و ف النهايه نقول عادي سامحنا

سامحنا ايه وسامحنا مين و وليه اتنازلنا
.. لما اتوجعنا ليه قعدنا وليه سكتنا
و ليه بنزعل لما بيركبونا و يدلدلو 
و ليه بنشوط ف غيرهم واستنينا يتحملو

.. من الاخر احنا اوسخ حد عشنا معاه
.. بنشوط بالرجل ف اي حد نضيف نلقاه
اخرنا نبكي عللي راحو عشان هما اللي سابه
ولما نلقي حد شارينا احنا اللي بنختار ننساه


احنا اللي بنختار
شكل طريق المشوار
احنا اللي ادينا الناس 
روحنا بروحنا 

كنت فاكر ان عملك مش هيصيبك
وانك هترضي ب اللي ف ايدك لو مش من نصيبك
كنت فاكر ان البنت اللي انت ضحكت عليها
ب اسم الحب عشان تستنزف منها مش هتيجي غيرها تهينك

.. لا هتشوف ده قطر وداير ف اتجاهنا
مش عشان هنركب فيه لا ده هيفرم اللي جابنا
تعالي نطلع من دور الضحيه شويه عشان
افعالنا مسيرها تشوفها رده فينا بتلف و جايه جايه

فكك من شكل ياعيني عليا وعلي اللي جابني
اهلي قسيو قريبي نسيو حبيبتي مشيت صاحبي سابني
... ما احنا و عهد الله نستاهل كل شر 
... مافيش رجوع مافيش ملف مافيش مفر

امتهنا كسر النفس واحترفنا حرق القلب
احنا كلنا ف قصة حياتهم عالم اولاد كلب
.. كسرنا قلبه او استنزفناه بجد
حقيقي كل اللي احنا فيه ده ذنب حد



احنا اللي بنختار
شكل طريق المشوار
احنا اللي ادينا الناس 
روحنا بروحنا

Nagy Mousa _ قطر

Nagy Mousa _ طاعون

Nagy Mousa _ حفله و حرب

انا لسانكو .. اسمعوني ❤

Nagy Mousa _ طاعون

Nagy Mousa | ناجي موسي

Recent comments

Mohamed G3OD

Eslam Badawy

Ahmed Maher El Bahraowy

Karim Cazanova

Related tracks