أفلام

-انا كنت فاكرة إنك سافرت
 -ما قدرتش أسافر من غير ما أشوفك.. لسه مخصماني ؟!.. ما هو لازم حاجة من اتنين ، يا مخصماني يا خايفة مني ! 
- وهخاف من إيه ؟ 
-سؤال وجيه .. الواحد بيخاف من شخص تاني ليه ؟! إما إن الشخص ده مؤذي أو .. خايف يحبه ! 
-أنا عمري ما هاحب حد ! 
-متأكدة ؟! 
-طبعا متأكدة ! 
-أنا شخصيا مش متأكد ! 
-قصدك إيه ؟ 
- قصدي إن إنتِ حتحبيني ..حتحبيني أنا .. حتصبحي في يوم من الصبح وتكتشفي إنك بتحبيني .. بتضحكي على إيه؟! 
-ياريت يكون عندي ثقة في نفسي زيك كده يا حسين ! 
-مش فاهم حاجة ! 
-إيه اللي بيخليك متأكد بالشكل ده زي ما أكون أنا شخصياً قلتلك إني .. إني بحبك ! -الحاجات دي الواحد ما بيقولهاش بلسانه قد ما بيقولها بعينيه 
-وعينيا قالتلك إيه بقى ؟ 
-كفاية إنها ما بتلمعش إلا ليا أنا بس .. كفاية إن وشك ما بتنوروش الابتسامة إلا ليا أنا بس - انت بتتخيل حاجات وهمية .. حاجات ما حصلتش أبداً ! 
-خديني على قد عقلي .. 
- أنا آسفة يا حسين 
-لا أرجوكي أنا عايز أشوف وشك منور النهاردة زي ما شفته أول مرة .. عايزة صحيح تسعديني قبل ما أسافر ؟ .. طب خلينا نحلم مع بعض .. نفرض مثلاً إنك صحيتي يوم الصبح واكتشفتي إنك بتحبيني ! 
- وبعدين ؟!
 - وبعدين حتروحي على مكتب التلغراف وتبعتيلي تلغراف على عنواني في ألمانيا 
- أقول فيه إيه ؟ 
-قم بالترتيبات اللازمة لعقد زواجنا .. سأخبرك في البرقية التالية بموعد الوصول - وبعدين ؟ - تركبي المركب وتيجي
 - كل السكة دي لوحدي !!! 
- دي السكة اللي ضروري تمشيها لوحدك !
 - طب افرض إن البحر كان هايج والموج عالي ؟!
 - عشان نوصل للبر ضروري نواجه الموج والبحر 
- وعالبر ألاقي إيه ؟.. قهوة مدلوقة ؟!.. ما تضيعش وقتك ..أنا مفيش فايدة مني ! 
- ليلى ..عارفة حتلاقي عالبر إيه ؟! حتلاقي حاجة أهم مني.. أهم من أي إنسان تاني .. حتلاقي نفسك .. ليلى الحقيقية !

الباب المفتوح:صالح سليم_فاتن حمامه....نفرض مثلا انك صحيتى الصبح و اكتشافتى انك بتحبينى

"مشهد "بنتين من مصر ..

- طب والأولاد ؟
- انتي بتقولي أولاد !
- آه الأولاد
- يعني مش كفاية احنا واخدين خازوق الحياة فـ البلد دي , نقوم نجيب أطفال يّفاجئوا يا عينى إن هما طلعوا فى المجتمع المعفن ده .

- انا نفسي أوي يبقا عندى أولاد .
- انا كان نفسى أكتر منك .. بس ماهو كل حاجة كان نفسنا فيها ماحصلتش ..

بس انت هتقدر تعييش حياتك كلها لوحدك ؟
- اديني بحاول , بس المشكلة اللى صعبة اوى فعلا لامؤخذاه يعني - موضوع الجنس

- وقادر تستحمل ؟
- لا طبعا هتجنن . بس زي مابقولك وضعي في الاخره شاغلني .

- يااااه , ماكُنتش متصورة إن فى حد عايش نفس حرماني
- لا , اطمني .. العفن أنتج ملايين يشاركوكي نفس الحرمان

فيلم بنتين من مصر- اللامنتمي للوطن!  صبا مبارك وجمال

مصطفي ابراهيم رفيق عدلي
Vo and Lyrics By Mostafa Ibrahim 
Music By Rafik Adly

ما عملش حاجة تستحق الذكر (بموسيقى) - مصطفى إبراهيم

Www.Facebook.com/UltrasAhmedHelmy
Www.twitter.com/UltrasAhmedHelmy

اسف علي الازعاج : مش عايز ابقا لوحدي

  .... طــب ظــهرت ليه لو هيا نـاويـه تخـتفــــى 

‪Wa7ed Sa7e7   واحد صحيح _كنده علوش _هانى سلامه ‬‏


- انا ليه ماتجوزتش ؟؟
كان ممكن يكون عندي اولاد و اكيد الاولاد كانو هيغيروا حياتي ...
طبعا هتقولي لي ما انا كنت قدامك بس تقولي ايه بقى لقلة العقل ...
كريستين انا خوفت اتجوزك و اخونك بعدها .. انا ضعيف قدام اي نزوة و ساعتها كنتي هتكرهيني و دي الحاجة الوحيدة اللي ماقدرش استحملها

- لا كنت هسامحك

- بيتهيألك .. انا مشكلتي ان كان في حاجات مهمة جدا قدام عينيا و ماعرفتش اشوفها او شوفتها بعد فوات الآوان .. أنا همشي

- هوصلك 

- أنا عمري ما أذيت حد .. انا مأذتش غير نفسي .. كل الستات اللي عرفتهم عرفتهم برضاهم .. كانو يدخلوا عندي و يخرجوا مبسوطين آخر إنبساط .. عشان كده ربنا هيحاسبني برحمة كبيرة .. هيعملي أعلى نسبة خصم .. عشرين في المية .. تلاتين .. خمسين في المية .. ماتخليهم مية في المية .. إنت غفور و رحيم

علاء الأسواني ـ وحيد حامد.
مروان حامد.

(source: youtube)

عادل إمام ـ يسرا .. أنا ضعيف ـ عمارة يعقوبيان

لو بس كنت ساعتها عارف....
إن دي المره الاخيره....
.....ميه ميه
كات حتفرق ف الوداع..
كنت هحضن سندس اللي ف تانيه تالت ع المشاع...
واحنا طالعين م اللجان...
بعد اخر امتحان...
و اسألها لو بتشوف فلان 
طب فاهمه مادة ميس ايمان؟
طب ينفع ابقي اجيلكوا عادي ؟
قصدي يعني البيت يساع؟ 
لو بس كنت ساعتها عارف....
إن دي المره الاخيره....
.....ميه ميه
كات حتفرق ف الوداع....
كنت يومها أكيد حبيّت...
عند جدي ف شقته...
نلعب ورق....
نسهر سوا....
ومش حسيبه عشان ينام ليلتها من بعد الدوا...
أو يرد الشيش عشان ضهره بيتعب م الهوا....
واقوله يعني بذمتك....
اخر نفس ساقع اخدته ف صحتك....
بقي مايساويش حبة وجع ؟
بطل دلع …
جدي اللي مات دفيان ليلتها بـاللحاف …
لو كان عرف....
إن الليلادي وداع لانفاس الهوا....
مكنش رد الشيش ف اخر ليله له....
ومكنش خاف …
كل الشوارع والمباني...
اللي مش حدخلها تاني …
والاغاني...
اللي لما سمعتها...دندنتها...
من مره واحده بالسماع …
ميه ميه...
كات حتفرق ف الوداع....
يا كل حاجه كسبتها ...
أو سبتها....
و ملحقتش اشبع منّها …
اكمنّها...
قالت “حنروح من بعض فين؟ "
يا ناس يا عبط يا عشمانين...
ف فرصه تانيه للقا...
بطلوا اوهام بقي....
وكفايه أحلام واسمعوا....
عيشوا بذمه و ودعوا...
كل حاجة بتعملوها...
وكل حد بتشوفوه...
وكل كلمه بتقولوها...
وكل لحن بتسمعوه...
عيشوا المشاهد... كل مشهد....
زي مايكون الأخير...
واشبعوا ساعة الوداع ….
واحضنوا الحاجه بـضمير....
دا اللي فاضل مش كتير ….
اللي فاضل....
مش كتير

قصيدة كانت هاتفرق في الوداع - مصطفى إبراهيم

“وحدي أنا العاجز عن النوم. 
أقضي الأيام والأعوام في تلفيق صلح مع نفسي لا يعيش طويلاً. 
أيـن هي بــراءة العــمــر الأول ..؟؟!....عـنـدما كـانت الأشيــاء سهــلة وبسيـطة....وطمأنينــة النفــس تأتــي دون تـعـب ولا تعقيــد...!!

اين هي براءه العمر الاولى  - واحة الغروب

من غير مناهده - مصطفى ابراهيم

مقاطع صوتية من أفلام
في شقة مصر الجديدة
اذاعة حب
الباب المفتوح

الموسيقى الـمصاحبة ..

Havana - Kenny G
موسيقى الهروب - ياسر عبد الرحمن 
 موسيقى فيلم في شقة مصر الجديدة 
Ibrahim Maalouf - All the Beautiful Things 
Kenny G - Sentimental

انتاج مشترك بيني وبين أحمد حمدي
المادة الخام ليا  
 واعادة التوزيع واضافة الموسيقي وكل حاجة تانية تقريباً لأحمد :D

Ahmed Hamdy Account

https://soundcloud.com/ahmed-hamdy-2-1



I don't own the copyrights of the song or the music

"مشهد "بنتين من مصر ..

Nahla El-FeQi

Recent comments

هاشم

user524684548

Martina Maged 1

Mohamed Eddeeb

Related tracks