'দৈনন্দিন'

উৰুঙা ধুলি সাৱটি উভতি যায় দিন
সৰাপাতত টুকুৰিয়াই নামে বিষণ্ণ এন্ধাৰ 
সোঁৱৰণি বাংময়তাৰ বৰষুণ যেন লাগে 
এটি তুলিকাৰ ভাঁজত তোমাক হেৰুৱাও 
গধূলিৰ নিভাঁজ প্ৰাথৰ্নাত
ৰিণিকি চিফুঙৰ অচিনাকি সুৰত
অভিমানী কবিতাৰ শেষত
অথবা এমুঠি কঠিণ শোকৰ আৰম্ভণিত
এশ এটা কাৰণ তোমাক হেৰুওৱাৰ 
ছাঁ যেন লাগে, 
অথচ চুই দিলেই ছাঁই হয়
প্ৰেমৰ শীৰ্ণ অবয়ব 
ৰাতিৰ পৰা দিনলৈ কিয় সেই একেটাই বাট! 


নন্দিতা খাখলাৰী 


Nandita Khakhlary

Popular tracks