بوابة عاشور

حزن الرباب

يابو عيون الشهل ماتسمع الصوت
عله اذنك ما يمر صوت الجحافل

ياخوية عداك ولّوا والفجر لاح
وغسل مآي الصبح وجه السنابل

ورجع خيط الشمس لف الشبابيچ
وردّن عالغصن كل البلابل

عليك الدنيا تسأل وانته ماجيت
شأكلهم بعده عالساتر يقاتل

مثل مجنونة ادوّر بين الوجوه
اريد اتباهى بيك ويه المراجل

ياخوية امك تتاني مگابلة الباب
وعليها تصب دمع حته المنازل

مشت ويه الاذان تجيب جكليت
وگد جرح الوطن حضرت هلاهل

عله البيبان تفتر تنثر نذور
وصواني شموع ودّت للعوائل

ابنها اليوم عرسه بيوم يمشون
عرس اول بطل ضدهم يقاتل

غرفتك هي هي وحته الهدوم
بعد منك عطر بيهن يغازل
*
وبعد كل ذكرياتك عايشة وياي
بس اصفن گبل عالبال مريت

اموتن الف موتة بعتبة الدار
لان كل ذكرياتك ساكنة البيت

مرة هنا كعدنا هناك مرات
مرة هنا نمت وهنا تعشيت

هناا اول نقاش بينا يدور
عن قصة عشك وشلون حبيت

ومرة هنا لمحتك تكتب سطور
شعر شعبي باديك ابيات خطيت

وبيت من الشعر بي اذكر تگول
عراق انطيت روحي وبيك منطيت
*
يامن راسم بدمك لوحة ابداع
مو لوحة جبن لوحة بسالة

نص اللوحة راسم واحد يموت
ويم راسه ظرف يحمل رسالة

مضمون الرسالة بداخله يگول
مات وما لثم چف احتلاله

مات بكل كرامة وصعد ليفوك
وسواهن درج روس العمالة

وليد الخشماني – الشهيد

غصةَ العمرِ

جرح علي | ملا مسلم الوائلي

التَّسجيل والهندسة الصوتيَّة 
مأتم السَّنابس 
مملكة البحرين
1445 -2024

نعي طيبة | الرَّادود مهدي الخاطر | ليلة ذكرى استشهاد الإمام علي الهادي"ع" | 1445هـ | 2024مـ

ماعندي موعد / محمد الشامي

سليمة مراد - نوبة مخمرة ونوبة مغشاية

اجيك بحلم _ غسان الشامي ، شعر : علي رشم

جعفر القشعمي قصيدة عصائب اهل الحق

اجيك بحلم _ غسان الشامي ، شعر : علي رشم

NassimAlb7r

Related tracks