Name: قصيدة همسة عتاب +18 | الشاعر صلاح عبد الله by Nazem NourEldean in أشعار
Duration: 2 min 45 s
Description: قصيدة جنسية نادرة للشاعر صلاح عبد الله +18

😅😅😅😅😅😅😅😅😅😅😅😅

أشعار

حلّو المراكب - نادر - الشيخ إمام يبكى بعد وفاة نجيب سرور

البنّ
			
القهوه تحبّ كنكه
والكنكه تحبّ كنبه
والكنبه تحبّ قعده
مبسوطه مربّعه
و كنّا أربعه
أنا و انتِ و انا و انتِ

و كنّا عيون كتير
و طبليّه و زير
ولا بنحبّ نبكى
ولا بنعرف نطير
أنا و انتِ و انا و انتِ

سبنا البوسطه ورانا
فى الترماى اللى داير
العتبه للإمام
كان ريقك جنبى ساكت
حبّيتك من زمان
أنا و انتِ و انا و انتِ

شمّيت لادن سعيد
شمّيته من بعيد
شمّيته من قريّب
خمس سنين حاغيّب
على الشمّاعه خايف
و باخاف على الدولاب
و بادوب على البلاط
و باحسّ الظلّه تقلت
و باسمع الوابور
و باحسّ الميّه تقلب
أنا و انتِ و انا و انتِ

الظُهر الشمس تلحس
الظلّه فى الليمان
والظُهر الشمس تعمل
سيبرتايه دهب
بصّينا لبعض فيها
و مشينا لبعض نبكى
و قعدنا من التعب
أنا و انتِ و انا و انتِ

باقول لك إيه باقول لك
حاجيب حاجات قديمه
قلبى كوره شراب
نلعب والاّ ما نلعب
فرحت لنا المدينه
و امبارح فى التراب
أنا و انتِ و انا و انتِ

و بنفرش ضيّنا 
على ظلّة بعضنا
و احنا بنبرد هناك
علشان ندفا هنا
والقهوه تقول لنا
على بال النار ما تلسع
بتبقى حنيّنه
أنا و انتِ و انا و انتِ

قصيدة البن بصوت فؤاد حدّاد

خلي بالْك معايا ما تسوقش الهبل
بهلوانْ ؟ مش بهلوانْ ، فار ؟ أيوه فار
واللبن فار
وكان زمانْ الجماد له في الحبل
وتمخض الجبل
فولدني!
حد قال يا فار انت طالع منينْ ؟
يا فار أبوك الجبل ثابت وجبت منينْ الوسوسة
تكفر حبه أكفر حبتين
تاخذ خطوه قدام آخذ خطوه كسكسة
تشوح لي أشوَّح لك
سنّ بسنّ وعين بعين
وفْن بفن أصل الفنّ أوله نسنسة
توِّجني مَلِكْ
بارك للأرض وبارك لي
الحشرات سبع تاشرات تحت رجلي
انا من فصيلة أصيله
أخويا الوطواط أعجوبه : حيوانْ وطير
واخويا القنفد أعجوبة : حيوانْ ونباتْ شوكي
وانا اللي مش أعجوبه لكن انا اللي فيهم
انا المشتهرْ المنتشر وكل الدنيا جيراني
انا   فار فيراني
في قلبي كلاكيع لغم ونغم
والاَّ بلاشْ
خلينا في الوصف البراني
انا عيني اللي يمين يمين
وعيني اللي شمالْ شمالْ
والحول حواليَّا
حنختلف في دي ما نختلفش في رجليا
قول أربعه
انا الفار الفيراني اللي جلدي حرير
وفْروى قشعرير
وأسناني مسرسعه
بتشق من بوز
ما تقولش لما يبوسْ
إبرة الدبوسْ
وداني مطرطقة من غير حموريهّ
انا مش بسيط زى ما تظن
انا جحرى مش خن
انا لي ناب مملوك وناب انْكشاري
استني
الوصف لسه ما خلصشي
نسيت ديلي اللي طوله خمسة اعشاري
يعني نُصِّى
ويادنيا بصىّ
حارقص وارقـَّص
وخيالي متقصقص
على الحيطانْ
****
والليله دي بنت عرسه يا ابن آوى
شوفْ دلعها حضن صدّ وحضن آوى
رايحْــه جـايه لعب ميهّ في حوض نقاوة
بــسّ قــــولــــوا يــا دراوشــــــــــــــــهْ
رقصـــى إسمــــــــه دوشــــــــــة روشة
أو منــــاوشــــــــــــه أو شــ ..  أوشــ ..
أو شقاوهْ
اللــــــيه دي القــط بايـــــــت ع البلاطهْ
احْــــــنا كــــــنا أتىن وجـــا تالت تلاته
قــــال له ضد الموتْ ما تنفع الاستماتهْ
بــــــس قـــــولــــــوا يــــــــــــادراوشهْ
رقصـــــى إسمـــــه دوشــــــــــه روشهْ
أو مناوشهْ
 أو شــ ..  أوشــ ..
أو شماتهْ
ســاقطه قدامي ومن غير غشّ اراها
دنــــيا تفـــاحَه زباله مقشراها
مــــن شراها باعها من باعها شراها
بــسّ قـــــولـــــوا يـــــــــــــادراوشهْ
رقصــــى إســـــــمه دوشـــــه روشهْ
أو مناوشه
 أو شــ ..  أوشــ ..
أو شراههْ
تنـــكمش م البرد تغطس في العطارهْ
وأمــــا تدألــــج بتدألـــــــــــــج بَطارهْ
يـــا بـــني آدم ولــــك برضه الصدارهْ
بــــسّ قولــــــــــــــــوا يادراوشـــــــهْ
رقصـــــى إسمـــــــــه دوشــــه روشهْ
أو مناوشه
 أو شــ ..  أوشــ ..
أو شطاره
قلـــت إيــــــه الساعه واحدَه إلا ساعه
قلــــت صـــــاحب كرش بيحب اللكاعه
قلــــــت نـــص الليلْ لفرسانْ المجاعه
بـــــس قــولــــــــوا يــا دراوشــــــــة
رقصـــــى إسـمــــه دوشــــــــه روشه
أو مناوشه
 أو شــ ..  أوشــ ..
أو شجاعه
***
ولا حد يفهم في الشجاعة
زى الطاحْونة الجعجاعة
قال انت أول خلق بتسيب السفينْة
خاين؟ ..لأ
خايب؟.. لأ
خايف؟ .. آه
يا بنت يا نعناعة
أما مش طالع أبيع جرانينْ بالْليلْ
انا طالع آكل أقرض انتش انتشي
واضرب الأخماس في الأسداس
أضرب الحماس في الاحْداث
الحركه بركه
سكرانْ؟ يمكن سكرانْ، خايف؟ أيوه خايف
وسلام على الخوفْ مَلِكْ الاحْساس
سلام عليه متراس
وسلام عليه فرّاس
سلام على الفار اللي بيلْعب في عب الفار اللي
بيلْعب في عبّ الناسْ

رقصة الفار- بصوت فؤاد حداد

قصيدة جنسية نادرة للشاعر صلاح عبد الله +18

قصيدة همسة عتاب +18 | الشاعر صلاح عبد الله

قصيدة الحلزونة - فؤاد حداد 
صوت : رامي وفا 
حسابي على الفيسبوك
www.facebook.com/ramywafapoet/
حسابي على الانستجرام
www.instagram.com/ramywafapoet/
حسابي على التيكتوك
tiktok.com/@ramy.wafa

الحلزونة - فؤاد حداد

مرسال لحبيبتي

حَبِيبْتِي ..

حبيبتي شرطه مايله فراغ 
وهكتب ليه حروف إسمك ؟

ما هو إنتي في قلبي .. ساكنه القلب عارفه بقصتي وحالي
ومين غيرك في قلبي أكتبله مرسالي

.. أما بعد

مانيش عارف ده جوابي الكام
ماعنتش بحسب الصفحات ماعنتيش بحسب الأقلام
ماعنتش بحسب اللي ضاع من الأوهام 

كفايه إني بحبك بس
وقلبك لو بقلبي حس
أو شاف حاله في بعادك
لصلي ربه وإستغفر لذنبه وصام

قوليلي ازاي احبك حب يرضيكي ..؟
أنا تايه ونفسي اوصل اراضيكي
ده لو كان الهواه بالزهد ... انا سيده
ولو قولتي ان حبك صوم ...  انا عيده
ولو حبك فداه قلبي .. اقطع قلبي ميت مرة واقدملك عناقيده

وبتقولي بحبك ليه 
وهو القلب متعذب كده بأيدك .. بحبك

حتى لو باب القبول اتسد 
وهاتخيل صدى صوتي بياخد كلمتي ويرجع معاه الرد 
ولو قولتيلي ميت مرة انا عمري ما حبيت حد
هازيد الكلمة ميت مرة .. دي نقطة مايّه مـ المطرة إذا فاضت .. تهد السد

وحتى لو فارقتيني هاحبك في الفراق برضه
هواكي في قلبي لو شوفتيه .. نوافله وسنته وفرضه
وحبك برضه لو تنسيه حينسى ازاي حنين ارضه

وياما في نفسي .. ياما ياما ياما ياما يامـــــــا

في نفسي .. تيجي لقلبي وتحني
ولازم تعرفي إني لا أنا عفريت ولا جني

بحبك بس إيدي أقصر كتير مني .. فمش هقدر أجيبلك من الدهب كفه
وأجيبلك من الياقوت كفة .. ومش هقدر أجيب الوالي في الزفة
ومش هقدر أجيبلك بيت يموت القطر لو لف في حماه لفه

كفايه إني بحبك موت .. وحب الناس ندامه وعار وحبي عكسهم عفة

و لو ترضي فـ عندي شروط?
أنا طبعاً بحبك موت .. ولكن برضه ليا شروط

أنا عايزك تكوني في الوريد دمه .. وتبقي في عقلي أنا همه
و تبقي ورد جوا القلب غيري يشوفوا يتحسر ولا يشمه

وعايزك تفهميني لو كلامي طل من رمشي
وعايز رمشك الجارح .. سراط يجرح فؤاد غيري مايرحمشي وأنا أجيلك
أعدي فوق سراط رمشك ولا أخافشي
وحتي لو وقعت في يوم من الخضة
أقع في عنيكي و أتوضي .. وأصلي ركعتين لله
وأبوس نن العنين وأمشي
لا أنا طماع ولا في طبعي الأنانية 

وباعتلك ويا مرسال الجديد احلام
بلاش ترميها كالعادة من اعلى البرج
وخايف يبقى مرسالي نهايته زي اجداده نهايته في قلب الدرج الدرج


جناين قلبي راح تفضل .. ولو طال البعاد فاتحه
بحبِـــــــــــك قولتها بالكسرة .. نفسي أسمعها بقي بالفَـتــحــَة

يا من هواه أعزه وأذلني & مرسال لحبيبتي كاملة - علي الهلباوي

دينا الوديدي - السيرة الهلالية

قد خاب عبد لا يصلى على النبى نبى عربى مالى شفيع سواه
نبى الهدى لولاه ما نعرف الهدى قطع العدا طه بحد قناه
أشكو لمن رفع السماء بلا عمد إلهى تعالى مقتدر فى علاه
على ما جرالى يا ويح قلبى لما جرالى صابر على حكم الكريم مولاى
وياليل يا ليل يا ليل يا عينى على آآآه
استغفر الله العظيم من الخطأ إلهى تعالى واحد لا سواه

فلما فَرِغ الزناتي من الأشعار و سَمِعت عُمومِ الرجال الهلايل
قال اللي يبيع العمرِ مش عار إنما علي شيئ يحفظ مقامه
انا الزناتي انا جمل المحاميل زعيم الغروب و الرجال يعرفوني
و عُمري عن الحدود انا ما حَاميل و للمرجلة جدَموني
لازم انزل الحرب بكرة طبول البلاوي حزينة ولا خلي ولا بنت بِكرة الا اما تِشلي حزينة
اه ياعين يا عين يا عين اه ياعين يا عين يا عين الا اما تِشلي حزينة
انا الزناتي اسد الغروب هاتوا الرِجال الهلايل او حامت النسر و غَروب وهصَّبح الحمل مايل
و بكرة لهايدور حربي بني هلال اشعطت نياهم
يا يرحلوا مِن غربي يا بالسيف اقطع رجاهم
و ضربت طبول المَيدان و ركبت ولاد الأمارة اقال الفتى يظهر يبان حلت شعورها العذارا
و ركبت عرايب بني حَنِير متقلَدة بالقضايب و طِير النَيا فوق حَنِير زادت نيران اللهايب
الولد جابته الخدادى و طلعت ولاد الأمارة ماشيين خلف الأمير فاتحين باب الخسارة
جدامهم طوّى حسّى و قال البلاد دى بلادى
بقى صحن الصبر وىّ سيف ادموع تنزل علالى خليفة هز المُبتر اتخبَّلَت العَمايم
صرخ و قال الله اكبر
اِدموع تنزل عمايم دخل النجوع الأمير قال نوم الليالي معاديني
.زعل الزعيم الكَبير اين المُقاتل يَجِيني...... لما نِصَلي على النبي

دينا الوديدي - السيرة الهلالية

أدعولــي فى الحـــرم

تتر مسلسل شارع عبد العزيز

أدعولي في الحرم , أحمد سعد

كسميات نجيب سرور مع موسيقى

قل للمليحة في الخمار الاسود .ماذا فعلت بناسك متعبد
قد كان شمر للصلاة ردائة ..حتى وقفتي له بباب المسجد
فسلبت منه دينه وبقينه وتركتيه فى حيره لا يهتدي
ردي عليه صلاته وصيامه لا تقتليه بحق دين محمد
قالوا تسلي عن المحبوب .. قلت بمن ؟؟
كيف التسلي؟؟؟ وفي الأحشاء نيرانِ..
إن التسلي حراام في مذاهبنا ... وكيف أرضي بكفر بعد إيمانِ
فشارب الخمر يصحو بعد سكرته ...وشارب الحب طول العمر سكرااان
أي شئ في العيد أهديه إليكي يا ملاكي ..
وكل شئ لديك أسوارا .. أسوارا ..
أم خمورا..!
وليس في الأرض خمرا كالتي تسكبين من عينيكي ..
أم ورودا ..!
والورد أجمله عندي الذي قد نشقت من خديكي..
أم عقيقا..!
كمهجتي يتلظي والعقيق الثمين في شفتيكي.
ليس عندي أعز من الروح ...وروحي مرهونة في يديكي
بلغوها .. 
بلغوها إذا أتيتم حماها ..أنني مت في الغرام فداها..
وأذكروني لها بكل جميل عساها أن تحن عليا عساها ..
وأصحبوها لتربتي ...فإن عظامي تشتاق ان تدوسها قدماها ....
--------------------------------------------------------------

قصة قصيدة قل للمليحة فى الخمار الأسود

في العصر الأموي الأول
عاش ( الدارمي ) وهو أحد الشعراء والمغنين الظرفاء في الحجاز
وكان يتشبب ( يتغزل ) بالنساء الجميلات، إلا أنه عندما تقدم به العمر ترك نظم الشعر والغناء وتنسك وأصبح متنقلاً بين مكة والمدينة للعبادة ..
وفى إحدى زياراته للمدينة التقى بأحد أصدقائه وهو من أهل الكوفة بالعراق يعمل تاجراً ، وكان قدومه إلى المدينة للتجارة ويحمل من ضمن تجارته (خمر عراقية)

فباع التاجر العراقي جميع الألوان من تلك الخمر ما عدى اللون الأسود،
فشكا التاجر لصديقه الشاعر ( الدارمي ) عن عدم بيعه اللون الأسود
ولعله غير مرغوب فيه عند نساء أهل المدينة فقال له: ( الدارمي ) لا تهتم بذلك فإني سأنفقها لك حتى تبيعها أجمع،
ثم نظم ( الدارمي ) بيتين من الشعر و تغنى بهما كما طلب من مغنيين بالمدينة وهما (سريح وسنان) أن يتغنوا بالبيتين الذي قال فيهما 
قل للمليحة فى الخمار الأسود ** ماذا فعـلت بـناســك مـتعبـــد
قد كان شـمر للصلاة ثــيابــه ** حتى وقفـت له بباب المسجـد
و أضاف إليها أحدهم بيتين آخرين هما:
فسـلبت منه دينــه ويقـيـنــــه ** وتركتـه فى حــيرة لايهتــدي

ردي عليه صلاتـه وصيــامــه ** لاتقـتـليـه بحـق دين محمــــد 
فشاع الخبر فى المدينة بأن الشاعر ( الدارمي ) رجع عن تنسكه و زهده
وعشق صاحبة الخمار الأسود، فلم تبق مليحة إلا اشترت من التاجر خمارا أسوداً لها. فلما تيقن ( الدارمي ) أن جميع الخمر السوداء قد نفذت من عند صديقه ترك الغناء
و رجع إلى زهده وتنسكه ولزم المسجد

قل للمليحة في الخمار الاسود & ابعتلى جواب على الهلباوي

ممدوح مداح - قل اعوذ من الشيطان | من فيلم حين ميسرة

شارموفرز جمال الوجود


 قل للمليحة فى الخمار الأسود ماذا فعـلت بـناســك مـتعبـــدِ
قد كان شـمر للصلاة ثــيابــه حتى وقفـت له بباب المسجـد
ردي عليه صلاتـه وصيــامــه لا تقـتـليـه بحـق دين محمــــد

قالوا تسلى عن المحبوب قلتُ بمن كيف التسلي و في الأحشاء نيران
إن التسلي حرامٌ في مذاهبنــا و كيف أرضى بكفر بعد إيمــانِ
فشاربُ الخمر يصحو بعد سكرته و شاربُ الحب طول العمر سكران

أي شيء في العيد أهدي إليك يا ملاكي و كل شيء لديك؟
أساور؟
أم خموراً؟وليس في الأرض خمرً كالتي تسكبين من عينيكِ

أم ورداً؟والورد أجمله عندي الذي قد نشقت من خديكِ
أم عقيقاً كمهجتي يتلظى؟ والعقيق الثمين في شفتيكِ
ليس عندي شيء أعز من الروح وروحي مرهونةٌ في يديكِ

بلغـوها إذا أتــيـتم حـمـاهـــا أنني مُت في الــغـرام فــداهــا
وأذكروني لهــا بــكل جـمـيــلٍ فعساها تـــحـن علي عساهـا
واصحبوهــا لتربـتي ، فإن عظـــامي تشـتاق أن تدوســها قـدمــاهـا


قل للمليحة في الخمار الاسود - علي الهلباوي

بقرة حاحا - أحمد سعد

تراث مصري بيبه .. من فيلم عرق البلح

بيبا .. عرق البلح

ناظم نور الدين 
 شاعر وكاتب وصحفي مصري.. 
مواليد محافظة بني سويف في 11 سبتمبر 1981..
 تخرج في كلية الآداب قسم اللغة العربية عام 2002 من جامعة القاهرة.. 
شاعر عامية مصري بدأ الكتابة منذ أن كان عمره ثمان سنوات، 
وبدأ ظهوره في نهاية تسعينيات القرن الماضي، له خمس مخطوطات شعرية بين التفعيلة وقصيدة النثر وهم " ممكن نسميه الإحباط- غنا الناس الغلابة- ليل داخلي.. نهار داخلك- عيل بيلعب بخيوط الشمس- سفر النبوة"... 
يستعد حاليا لطباعة أول دواوينه " سفر النبوة" وهو آخرهم من حيث تاريخ الكتابة والمشروع الشعري.
يعمل بالصحافة والإعلام منذ قرابة العشر سنوات في عدد من القنوات الفضائية والجرائد والمواقع الإلكترونية المعروفة.
يعمل في مشروعه للكتابة بين الشعر والرواية والمسرح والسيناريو بشكل متواز.. شارك بالتأليف وكتابة معالجات درامية وأشعار العديد من العروض المسرحية بين المسرح الجامعي ومسرح الثقافة الجماهيرية والبيت الفني للمسرح.. آخرها مسرحية "أبجد هوز" مسرحية للأطفال من تأليفه وأشعاره لمسرح "متروبول".. 
له العديد من السيناريوهات المكتوبة للسينما كأفلام روائية طويلة قيد التنفيذ حاليا..
له تجربة وحيدة في الرواية لم تنته "الريس تاج"..
حصل على العديد من الجوائز في الشعر والمسرح..
وقع مؤخرا عقدا لتحويل ديوان "غنا الناس الغلابة" لديوان مسموع مع مشروع "اسمع كتاب"



قصيدة همسة عتاب +18 | الشاعر صلاح عبد الله

Nazem NourEldean

Recent comments

Mohamed Magdy

wagdy elabsy

Abdullah

AhMed WaHeed

Related tracks