Aha Ammaga : Kannada Folk Song Translated In Tamil By N. Chokkan, Sung by N. Nangai

ஆஹா அம்மகா,
ஆஹா ஜும்மகா,
ஆஹா அம்மகா ஜும்மகா ஜும்மக என்றே
வந்தாளே ராக்கம்மா!

கைகளிலே வளையலைத்தான் மாட்டிக்கிட்டா ராக்கம்மா,
மாட்டிக்கிட்டா ராக்கம்மா,
அழகா ஆடுது அவ கைதான்!

(ஆஹா அம்மகா

கால்களிலே கொலுசெல்லாம் போட்டுக்கிட்டா ராக்கம்மா,
போட்டுக்கிட்டா ராக்கம்மா,
ஆட்டம் போடுது அவ கால்தான்!

(ஆஹா அம்மகா

கண்களிலே மையெழுதித் தீட்டிப்புட்டா ராக்கம்மா,
தீட்டிப்புட்டா ராக்கம்மா,
மீனாத் திரியிது அவ கண்ணாம்!

(ஆஹா அம்மகா

காதினிலே தோடுகளைத் தொங்கவிட்டா ராக்கம்மா,
தொங்கவிட்டா ராக்கம்மா,
தானாத் துள்ளுது அவ காதும்!

(ஆஹா அம்மகா

இடுப்புலதான் ஒட்டியானம் தவழவிட்டா ராக்கம்மா,
தவழவிட்டா ராக்கம்மா,
காத்தாச் சுத்துது அவ இடுப்பும்!

(ஆஹா அம்மகா

வெரலுலதான் மோதிரத்தை மாட்டிக்கிட்டா ராக்கம்மா,
மாட்டிக்கிட்டா ராக்கம்மா,
வெள்ளரிப் பிஞ்சா அவ வெரலாம்!

(ஆஹா அம்மகா

நகத்துலதான் செவ்வண்ணம் பூசிக்கிட்டா ராக்கம்மா,
பூசிக்கிட்டா ராக்கம்மா,
பூவா மலருது அவ நகமும்!

(ஆஹா அம்மகா

கழுத்தினிலே மணிமாலை சூடிக்கிட்டா ராக்கம்மா,
சூடிக்கிட்டா ராக்கம்மா,
ஷோக்கா மின்னுது அவ கழுத்தும்!

(ஆஹா அம்மகா

கூந்தலிலே பூக்களைத்தான் வெச்சுக்கிட்டா ராக்கம்மா,
வெச்சுக்கிட்டா ராக்கம்மா,
ஊஞ்சல் ஆடுது அவ கூந்தல்!

(ஆஹா அம்மகா

Aha Ammagaa (Tamil)

கம்பன் பாட்காஸ்ட் #45 ( என். சொக்கன் )

தலைப்பு: உதாரண புருஷன்

தொடர்புடைய பாடல்:

'அத்தா! இது கேள்' என ஆரியன் கூறுவான், 'இப்
பித்து ஆய விலங்கின் ஒழுக்கினைப் பேசல் ஆமோ?
எத் தாயர் வயிற்றினும், பின் பிறந்தார்கள் எல்லாம்
ஒத்தால், பரதன் பெரிது உத்தமன் ஆதல் உண்டோ?'

Kamban Podcast #45 (N. Chokkan)

கம்பன் பாட்காஸ்ட் #46 ( என். சொக்கன் )

தலைப்பு: மனத் தவம்

தொடர்புடைய பாடல்:

‘வெம் கனல் முழுகியும், புலன்கள் வீக்கியும்,
நுங்குவ, அருந்துவ நீக்கி நோற்பவர்
எங்கு உளர்? குலத்தில் வந்து, இல்லின் மாண்பு உடை
நங்கையர் மனத் தவம் நவிலற்பாலதோ?’

Kamban Podcast #46 (N. Chokkan)

கம்பன் பாட்காஸ்ட் #47 ( என். சொக்கன் )

தலைப்பு: விழிமட்டும் சிவந்திருக்க

தொடர்புடைய பாடல்கள்:

மை தாழ் கருங் கண்கள் சிவப்பு உற வந்து தோன்ற,
நெய் தாவும் வேலானொடு நெஞ்சு புலந்து நின்றாள்,
எய்தாது நின்ற மலர் நோக்கி, 'எனக்கு இது ஈண்டக்
கொய்து ஈதி' என்று ஓர் குயிலை கரம் கூப்புகின்றாள்.

செய்ய வாய் வெளுப்ப, கண் சிவப்புற,
மெய் அராகம் அழிய, துகில் நெக,
தொய்யில் மா முலை மங்கையர் தோய்தலால்,
பொய்கை காதல் கொழுநரும் போன்றதே!

Kamban Podcast #47 (N. Chokkan)

கம்பன் பாட்காஸ்ட் #48 ( என். சொக்கன் )

தலைப்பு: மைதானமும் பள்ளிக்கூடமும்

தொடர்புடைய பாடல்:

பந்தினை இளையவர் பயில் இடம், மயில் ஊர்
கந்தனை அனையவர் கலை தெரி கழகம்,
சந்தன வனம் அல, சண்பக வனம் ஆம்.
நந்தன வனம் அல, நறை விரி புறவம்.

Kamban Podcast #48 (N. Chokkan)

கம்பன் பாட்காஸ்ட் #49 ( என். சொக்கன் )

தலைப்பு: நாயகன் பணி இது!

தொடர்புடைய பாடல்கள்:

ஆயவன் எழுதலோடும் அரும் பணை மரங்கள் தாமும்
வேய் உயர் குன்றும், வென்றி வேழமும், பிறவும் எல்லாம்
’நாயகன் பணி இது’ என்னா நளிர் கடல் இலங்கை தாமும்
பாய்வன என்ன வானம் படர்ந்தன எழுவ மான!

இசை உடை அண்ணல் சென்ற வேகத்தால் எழுந்த குன்றும்
பசை உடை மரனும் மாவும் பல் உயிர்க் குலமும் வல்லே
திசை உறச் சென்று செறிகடல் இலங்கை சேரும்
விசை இலவாகத் தள்ளி வீழ்ந்தன என்ன வீழ்ந்த!

Kamban Podcast #49 (N. Chokkan)

கம்பன் பாட்காஸ்ட் #50 ( என். சொக்கன் )

தலைப்பு : மதில் வர்ணனை

தொடர்புடைய பாடல்:

’பஞ்சி வான்மதியை ஊட்டியது அனைய படர் உகிர் பங்கயச் செம் கால்,
வஞ்சிபோல் மருங்குல், குரும்பைபோல் கொங்கை, வாங்கு வேய் வைத்த மென் பணைத் தோள்,
அம் சொலார் பயிலும் அயோத்தி மாநகரின் அழகு உடைத்து அன்று’ என அறிவான்
இஞ்சி வான் ஓங்கி இமையவர் உலகம் காணிய எழுந்தது ஒத்து உளதே!

Nchokkan

Popular tracks