I lift't the harnesh fae ahint the oul doar,
Whur it haes hung fae iver I mine,
The cullar an' hames maybe ouler than me, 
An' a bit o' a  rayvell't oul'  rein,
 
An' oul' bridle an' straps that sa' monies a crap
An' an oul' bit that shines lak' a shillin'
I hae cover't some grun,
Ach! mae best deys be's done, 
I’m wake but mae spirit is willin'
 
But I coont that nae shame
The oul mere's joost the same,
An her oul joints be's startin tae go,
But we're twa o' kine , 
We can read ithers mine ,  
Aw!  I'll admit ye micht notice is' slow
 
Awa doon the bak' rodden an' it naw yit clear,
In the quaiteness a jinglin' chain,
A wee burd joins tae sing, 
For tae welcome the spring, 
Man, it’s nice tae be oot here yer lane,
 
Ye wud think Moather earth wus joost wakenin up',
Efter hir lang wunter sleep,
An' at the rut o' the dake somethin else be’s awake,
For the snowdraps be's joinin' tae peep
 
She stans near the the slap an',
I tigh'en the straps
An' I yok tae the ploo yince again,
The grass is still froze, 
She blows steam fae hir nose,
Man, its nice tae be oot here yer lane,

The rid moul turns o'er
As we lift the furst fur
An’ the sun hunts the mist fae the lan'
The grey ghaists dissappear, 
An' its noo gyely clear,
On the headrig a minit we stan.
 
An' I luk an' I think, 
Sure lifes only a blink,
An’ mae three score an' ten's comin’ shane 
But if ony mare's lent,
It’s oot here that I’ll spen’t, 
Man, it’s nice tae be oot here yer lane'
 
I hae nae notion tae quit, 
For I’m naw joost dane yit,
I can still ploo an acre a day
An' I’m as hearty's a wean, 
But for these dam't oul pains,  
Man, I lake tae be oot here mae lane.,
 
I can weel mine the sale
Whun I first struck the dale,
an' the boy sez ye'll niver regret,
I pye't richt an' dear
For a three year oul mere'
 
But she's walkin in front o’ me yet,
At thirteen I wus hir’t, 
It’s gyely time I retir't, 
sixty years hae's flew by far ower shane,
 
But whut wud I dae
For tae pit in mae day, 
Damn' it I wud miss bein oot here mae lane.
                                     
Charlie Gillen
This recording was funded by the Ulster-Scots Broadcast Fund.

Charlie Gillen - Oot Here Mae Lane

But springtim wull land agin.

Noo greet tha returnin’ sun.

Lift yer heed tae tha’ apen sky.

Mak yersel readie tae sïng. 

This recording was funded by the Ulster-Scots Broadcast Fund.

Anne McMaster - Spring Song

Ah wait on ye here

shinin’ bricht as a new-foun’ light,

catched by joy o’ye

*

Ah bring ye this day

hoult in goold, iverie minit new.

Blossom hir an’ growe. 

This recording was funded by the Ulster-Scots Broadcast Fund.

Anne McMaster - Greeting The Morning As My Love - A Sedoka

It iz a blessin’ tae houl wi’in ma hairt

this fresh new day

this raisin’ sun.

this stoon o’ light

this niver-endin’ tholing blue. 

This recording was funded by the Ulster-Scots Broadcast Fund.

Anne McMaster - A Blessing On A Summer Morning

Ma feither caa’d Wee Tam’s Tha Muin

fur tha eyefu frae tha gutter o thon Deil’s Den,

tha mair, tae a weefla, Iniquity, a stern kirk-wurd,

glamour’t thaim coup’t Deil’s Ain.

Yit, canny, A luk’t up tae Him, tha Lord

That wrocht tha stars, tha muin.

But thon ither god, tha Yankee wan, riz then.

A lairnt new words – “Trajectory”, “Jettison”

And I sloughed off my pleghmy, chagrining “ain” −

Fiftie year on, wised-up, A’m bak tae yirth agane. 

This recording was funded by the Ulster-Scots Broadcast Fund.

Charlie Gillen - Oot Here Mae Lane

Negative Waves

Recent comments

Lenita Castile

Related tracks