ذكريات عمار الشريعي في رمضان | الحلقة الأولى

عبده داغر - المشربية 1.

#ضيق_تنفس

الأرق بياخدني أحيانا 
يجرني من شعري فوق أرض  المخاوف 
ويلف بيا ع البيبان وبيخبّط  بعنف 

يا ترى
من هيفتح له الساعه دي
‏والبيبان مقفوله اصلا  ع المفيش؟ 

بيتظاهر عليا 
واشعر بثورة عنيفه ف دماغي 
بتراب معارك تندلع  مني لعندي 
أفكار بتنهش حسي 
‏فاتعور وادوخ
‏ ‏وامشي لحد عينيا ما تغمض 
‏ ‏وواستسلم واتوه
‏
بهرب
مايهمنيش على فين 
يغريني ضلي عشان اسابقه او الحقه
‏احصله وما احصلوش 
‏والاقي جسمي ف طور فراشة 
‏ورجلي اتقل م الجبل 

سلالم سلالم 
من عند رجلي للسما 
شهقة
انفلت مني 
اخد بإيدي 
اصعد
وانكمش 
‏ ‏وانتني 
‏ ‏وانفرد 
‏ ‏في السلمة الواحدة 
‏ ‏ والغاية شاهقة 
‏ 
‏وانا 
‏زي مايكون مش  انا
‏ 
‏ ‏افتح عينينا بغير ما افتّح 
‏ ‏وانتفض
‏ ‏ريح تاخدني 
‏ ‏وريح بتلقفني ف مكاني
‏دواير 
‏دواير 
‏تختفي وتظهر قصادي
وغراب واقف لي  ع الشباك
‏بيبوسني من خدي ‏
‏
‏مطر  مطر
‏من سقف اوضتي 
‏ ‏سحاب محمل والبلاط
‏طوفان بيبلع كل شيء 
‏وسريري في الموج مركبة
‏أنده على نفسي..
‏اسمعني  واتجاهل ندايا
‏واسمعني و اتردد
‏ومفيش جبل يعصمني م الموت 
‏والغرق 
‏اصرخ وافلفص م التعب 
‏واغرق ف جوف المركبه 
‏  وارسى معايا

أقوم واسند نفسي م الدوخة
وارفع في توبي ليتوحل مني 
الاقيني فوق أرض العجب
عجبة
‏ ‏وحدي بلا جسمي 
‏ ‏بلا اسمي 
‏من غير عينيا ‏بشاهد المنظر 
‏خضره وجناين والشجر  
‏على  مد شوفي وبعد شوفي  بكل لون
‏النهر مجراه للجبل صاعد لفوق
‏والطير براحته بيمشي ويغني 
‏
‏ما لمحتش الإنسان بيتمشى هنا
‏
اناكنت حريفة السما و الجو
وبطير  مجرد ما افتكر طيران
شفافه كنت 
وكلي منه للهوا 
وف لحظة حسيت بالهبوط 
ولقيتني باتقل وارتبك 
واخشى السقوط
..
يلسعني هوا ساقع
من الشيش  الموارب
فاتفزع واصحى
وجفوني تتوارب 
اتشد تاني 
واتجر  تاني 
لحد اوضتي 
لعند تطبيق الهدوم 
والاقيني قاعده
باعيد في  ترتيب الحياة
‏ يشغلني رص الجرح فوق الجرح 
‏ ‏واتنهد 
‏ ‏تتخض عصافير الونس 
‏ يتفزعوا فيطيروا
‏يتفزعوا  يفترقوا 
تنزل دموع  كل المناشر والغسيل

‏صوت انفجار من بعد 
‏ لا من قرب
‏ ‏فوران غزير حواليا /جوايا 
وشعور بضلمه ف روحي 
-مش قصدي عمايا _
ولقيت بحيرة  دم واصلة لركبتي 
أصرخ..
مايطلعش الصريخ برّايا
ولقيت ايدين عمالة تهبدني 
‏وتهز فيا لحد لما صحيت
‏فتحت عيني لقيتني في  سريري
‏ ‏ وملايتي شربانة النزيف تحتي
‏ 
‏ ‏

ضيق تنفس- شعر وإلقاء صفاء أبوصبيحة

طاحت _ حميد الشاعرى

صياغة جديدة لطقطوقة اية العبارة لسيد درويش وقد اعاد خيرت صياغتها للكورال والاوركسترا 
عزف اوركسترا القاهرة السيمفوني 

طقطوقة اية العبارة -سيد درويش - توزيع اوركسترالي ابوبكر خيرت

من أغاني مسلسل ماتلعبوش بالنّار
ـــــــــــــــــ
ماتخافيش ماتخافيش أبدًا عليَّ ماتخافيش
وأنت جنبي أي شيء، أي شيء مـــايهمنيش

فكري في قلوبنا لكن في الضياع ماتفكريش
 قلبي مش هيسيب مكانك مهما دار بيا الزمان
بس حاولي تبقي جنبي كل لحظه ما تبعديش 
وماتخافيش


ماتخافيش أبدًا - علي الحجّار

تقاسيم  للأستاذ عمار الشريعي مع العملاق عبده داغر

تقاسيم للأستاذ عمار الشريعي مع العملاق عبده داغر

Nehad El Sayed

Related tracks