1- المؤمِن الأمين يفرح فرح ثمين
والخاطي يظل حزين لما يسوع ييجي
والخاطي يظل حزين لما ييجي

2- يسوع قال أنا جاي والمؤمن آخده معاي
تعمل يا خاطي إزاي لما يسوع ييجي
تعمل يا خاطي إزاي لما ييجي

3- يا خاطي توب وارجع ولصوت يسوع اسمع
تندم ولا ينفع لما يسوع ييجي
تندم ولا ينفع لما ييجي

4- لا ينفعك المال كلا ولا الجمال
تتغير الأحوال لما يسوع ييجي
تتغير الأحوال لما ييجي

5-  يسوع علي الأبواب افرحوا يا أحباب
سنُخطَف ع السحاب لما يسوع ييجي
سنُخطَف ع السحاب لما ييجي

6- يسوع على المينا واقف مستنينا
نُملُك كراسينا لما يسوع ييجي
نُملُك كراسينا لما ييجي

ترنيمة المؤمن الأمين - نوستالجيا - كورال ني منراتي

أمنا يا عدرا يا أم المسيح
ياللي فيكِ دايماً بيَحلو المديح

1- قلوبنا بتحبك حب مالوش مثيل
عايزين نفضل جنبك ونقول تراتيل

2- بتسدي إحتياجاتنا وتفيضي كمان
وفي زحمة حياتنا تدينا الأمان

3- يا جمال مشاعرِك حب حنان رعاية
يا هنانا بأمومتك يا فخر البرايا

4- بابنك زاد إيماننا بزيارتك بيوتنا
مين يوفي جمايلِك يا قمرة فى حياتنا

5- فرحتي قلوبنا لما شوفنا نورِك
يلا يا عدرا هلّي دا وحشنا ظهورك

ترنيمة امنا يا عدرا - نوستالجيا - كورال ني منراتي

1- أنا ماشي ونورك قدامي 
وكلامك نوري في أيامي 
إبليس إن كان يتحداني 
راح أدوسه بدم اللي فداني 

قرار: 
أنا ماشي وحبك ليَّ منار 
وصليبك عداني من النار 

2- أنا ماشي مادام أنت معايا 
والهدف أهو واضح جوايا 
في طريقي براجع خطواتي 
وبتابع صوتك في حياتي 

3- انا ماشي ودايس علي ألمي 
وصليبك فوقي صَبَح عَلَمي 
في طريقي أنا لازم أتألم 
توهبني آلامك أتعلم

4- أنا ماشي مسافر ياهنايا 
وهاسيب العالم دا ورايا 
اليوم الرايح مش راجع 
برية ومليانة مواجع

ترنيمة أنا ماشي ونورك وقدامي - نوستالجيا - كورال ني منراتي

تَطَلَّع إلي الغِربان وتأمَّلها يا إنسان
هل سَمِعتَ طول عمرك واحد منها مات جوعان

القرار:
خطية إنك تهتم خطية وتعول الهَم
خطية يسوع تنساه وفى ضيقك تُطلُب سِواه

2- تَطَلَّع إلي العصافير وانظر إلي كل صغير
الكبير فيها شبعان والصغير فيها رَويان

3- تَطَلَّع إلي الأسماك وهي سابحة في الأعماق
يسوع وَعَد يرعاها كَيفَ أنتَ لا يرعاك

4- تعالَي لا الفرصة تفوت ، أُجرة الخطية موت
إن رجعت وتُبت الآن الرب يُعطيك غُفران

ترنيمة تطلع إلي الغربان - نوستالجيا - كورال ني منراتي

فِي ظِلِّ حَبِيبِي اشْتَهَيْتُ الْجُلُوس
مُرِيحُ التَّعَابَى مُعَزِّي النُّفُوس
عَرِيسٌ لِقَلْبِي فَإِنِّي الْعَرُوس

أَنَا لِحَبِيبِي وَحَبِيبِي لِي

قَلْبٌ يَحِنُّ بِرُوحٍ عَطُوف
قَلْبٌ لِشَخْصٍ قَرِيبٍ رَؤُوف
قَلْبُ صِدِيقِ حَبِيبٍ أَلِيف

شَخْصٌ الْحَبِيب يَسُوعُ الْمَسِيح
فِيهِ دَوَاءٌ لِكُلِّ جَرِيح
فِيهِ احْتِوَاء لِكُلِّ طَرِيح

تَرَانِي عِنْدَ أَقْدَامِ الْمَسِيح
سَعِيدًاً كَأَنِّي بِقَصْرٍ فَسِيح
فَأُصْغِي لِصَوْتِه كَيْ أَسْتَرِيح

ترنيمة في ظل حبيبي - نوستالجيا - كورال ني منراتي

وسط البحر الهايج وأنا ساير
تضربني أمواجه تجعلني حاير
ويسوع باين تركني
ولا عُدت أشوفه من ضعف إيماني

يسوع لما رآني أسرع إليَّ
في يأسي وظلامي نـوَّر عينيَّ
لما شفته صرخت ارحمني
جه أنقذني واتحنن عليَّ

صوت الرياح مُخيف يُزعِج آذاني
هَوْل الليل وظلامه هدد سلامي
والدموع لا تَترك عيني
والنُّعاس الهادي قد فارق أجفاني

كنت غرقان ويائس وأملي مقطوع
جيت ليسوع حبيبي أذرف له الدموع
لما رآني عَطَف عليَّ
مد إيده الحلوة ومسح لي عينيَّ

ترنيمة وسط البحر الهايج - نوستالجيا - كورال ني منراتي

يا مَن تَخيَّرَ مَوتَ الصليبِ ، حُبَّاً لِيَعتِقَ أسْرَي الذُنوبِ
ها قد حَملتُ إليكَ طُيُوبي ، وبالحُنوطِ مَلأتُ جيوبي

يا قبرُ مَن دَحرجَ (الصخرَ) عنكَ ، وأينَ ربي تَسائلتُ مِنكَ
وأينَ يُرثَي حبيبي ويُبكَي ، ساخَت عيوني سُهاداً وضَنكاً

يا بنتُ قولي علي مَن بُكاكِ ، وأيُّ خَطبٍ جَليلٍ دَهاكِ
إن كُنتِ تَبكينَ مَن قد فَداكِ ، رُدِّي (دُمُوعَكِ) حَيٌ فتاكِ

يا سائِراً في شِعابِ الدُروبِ ، رِفقاً بِضَعفي وقلبي الكَئيبِ
إن كُنتَ أنتَ أخذتَ حبيبي ، قُلْ لي وَضعتَهُ في أيِّ صَوبِ

يا مريمُ التَفِتِي وانظُرينِي ، قِفِي بَعيداً ولا تَلمِسِينِي
قُولي لإخوَتي أن يَسبِقونِي ، إلي الجَليلِ هُناكَ يَرُوني

هل تَطلُبينَ رئيسَ الحياةِ ، بَينَ القُبورِ في دُنيا المَماتِ
قد قامَ لكن سريعاً سَيَأتِي ، فَتَفرحينَ بِهِ يا فَتاتِي

ترنيمة يا من تخير موت الصليب - نوستالجيا - كورال ني منراتي

1- ياربُّ أنتَ وحدَك فيكَ عزاء قلبي
ما مِن مرة طلبتك إلا وتنجيني

القرار: قلبك كله حنان يارب يا حنَّان
إن نسيت الأم رضيعها أنتَ لا تنساه

2- إن وقعت في ضيقة والأعداء حواليا
ألاقيك ربي حبيبي ماسك في إيديا

3- إن إبليس أتاني وقعني في خطية
تيجي انت يا ربي تمنحني الحرية

ترنيمة يارب أنت وحدك - نوستالجيا - كورال ني منراتي

ترنيمة كنيستي روح وحياة
تأليف : جورج عماد 2020م
تلحين وتوزيع : مينا ميلاد
أداء فردي : فيولا محسن
تسجيل ومكساج : اميل فوزي . مايكل نان
تايبوجرافي - تصميم : توماس خلف

كلمات الترنيمة : 

قرار : كنيستي روح وحياة
مرسى وبر نجاة
تشهدلها تواريخ
سير اباء ورعاة

1. دم الشهداء تعليم اباء
كنيسة قايمة على التسليم
اسرار سبعة كنيسة جامعة
ارثوذوكسي ايمان قويم

2. بنعيش حياة فيها صوم وصلاة
وكتابنا هيكون لينا دليل
ملح ونور  ريحة بخور
مهما ان كان العالم ليل

ترنيمة كنيستي روح وحياة - كورال ني منراتي

HDترنيمة لو حسيت بالضيق

 كيبورد د.هاني ميلاد
جيتار جيمي
اداء مينا القمص قرياقص- القس كيرياكوس كرياكوس

Mina Kuriakos | Live | Esma3 Sora5'y | مينا قرياقص | اسمع صراخى يا سيدى

كورال ني منراتي بكاتدرائية القديس العظيم الانبا شنوده  رئيس المتوحدين للأقباط الأرثوذكس بساحل طهطا - سوهاج.
هو كورال كنسي هدفه الترنيم والتسبيح لإسم المسيح، يَسعي لإحياء التراث المسيحي الكنسي الأصيل لكنيستنا القبطية، ونَفض الغُبار عن كنوز الماضي العتيق، عن طريق تقديم الترانيم التراثية القديمة بشكل فني مُحترف مُعاصِر ، بالإضافة إلي تقديم العديد من الترانيم المؤلَّفة الجديدة التي تُخاطِب جميع الفئات العمرية ومنها ترانيم الأطفال ، من خلال فروع الكورال المتعددة، وكلمة "ني منراتي" هي كلمة قبطية تعني "الأحباء"، وبهذا الحُب نسعي لتقديم ذبيحة تسبيح وتمجيد مقبولة ولائقة أمام إلهنا الصالح، تفوح وتنتشر كرائحة الطيب النازل علي لحية المسيح، ويَضُم الكورال العشرات من الأطفال والفتيان والفتيات والشباب والشابات والاباء والامهات الذين ألَفهُم الروح القدس معاً مثل قيثارة مُسَبِّحين الله كُل حين، بمزامير وتسابيح وترانيم روحية، بقلبٍ لا يَفتُر.

ترنيمة وسط البحر الهايج - نوستالجيا - كورال ني منراتي

كورال ني منراتي - NeMenraty Choir

Related tracks