يعني ايه سوشيال ميديا ماركتنيج؟

لمدراء التوظيف والمبيعات : يعني ايه تسويق سوشيال ميديا

أهلا بيكم في الحلقة التانية من سلسلة سوشيال ميديا بالمصري، اتكلمنا في الحلقة الأولى عن يعني ايه سوشيال ميديا ماركتينج وح نتكلم النهاردة عن أشهر 4 أخطاء للشركات ولمدراء التوظيف و
recruitment

في مصر لما بيجوا يختاروا موظف سوشيال ميديا.
الخطأ الأولاني هو تجاهل حقيقة إن الكفاءات و المواهب في مجال السوشيال ميديا في مصر نادرين، أيوة: الشطار في المجال ده مش كتير، صحيح فيه آلاف يمكن بيقولوا إنّهم سوشيال ميديا على الفيسبوك ولنكدإن بس فعليا الشطار اللي محققين نتايج إيجابية و فاهمين الصورة الكبيرة للبيزنيس و تخصصاتهم الدراسية ليها علاقة بالتكنولوجيا أو التسويق أو بي آر الشطار دول يتعدوا على الصوابع فعلا بدون مبالغة.

الخطأ التاني هو غياب تقييم علمي لاحتياجات الشركة في الديجيتال ماركتنج. وعشان كده جزء من خدماتنا في شركة New Egypt Consulting هو مساعدة الشركات و إدارات التوظيف والتسويق على تحديد سوشيال ميديا ستراتيجي والـdigital presence assessment هل محتاج أكتر إس إي أو وللا سوشيال ميديا مع ايميلات وللا أصلا الموقع نفسه محتاج يتغير - والتقييم ده ده الحقيقة ROI بتاعه عالي جدا وبيوفر وقت و مجهود الشركات.
مع إحدى البراندات اشتغلنا مع مدراء الفروع و إدارة اللوجستيات علشان نقدر نزود المبيعات عشر أضعاف على موقعهم الالكتروني إي كوميرس - من غير إعلانات حتى، وبالإعلانات لأكثر من تلاتاشر ألف في المائة (أيوة تلاتاشر ألف المائة).

فالخطأ التاني ده اللي هو عدم الاستعانة بالمتخصصين بيؤدي مباشرة للخطأ التالت وهو ضعف القدرة على تقييم المتقدمين للوظيفة نتيجة ببساطة إن مفيش حد متخصص في الشركة يقول رأيه في السيفي أو في أداء الcandidatesخلال المقابلات الشخصية أو حتى في دقة الوصف الوظيفي المكتوب للوظيفة.

الخطأ الرابع هو غياب التنسيق مع إدارة التسويق أو الإعلام خلال عملية التوظيف و التعيين وده مش بس بيؤدي لأوفيس بوليتيكس خصوصا لو موظف أو مسؤول السوشيال ميديا معندوش مهارات تواصل أو ليدرشيب سكلز عالية، ولكن بيؤدي لعرقلة تحقيق أهداف الشركة أو المنظمة سواء في البيع أو التواصل أو الbrand awareness لأن بطبيعة التطور التكنولوجي دلوقتي الديجيتال ميديا بتكون ليها في أحيان كتيرة اليد العليا في زيادة المبيعات و تحسين التدفقات النقدية للشركات أو توصيل الرسالة الإعلامية للبراند أو public figure مثلا.

تابعونا على صفحتنا الرسمية على فيسبوك NewEgyptConsulting أو تابعوني أنا شخصيا على تويتر MoeTalebEgypt وانتظروا الحلقة الجاية يوم الخميس.

Social Media Hiring Mistakes

New Egypt Consulting is a social media, digital marketing, e-commerce SEO, and online advertising company based in Cairo since 2011.
Simply, our clients enjoy maximum ROI e.g. 13000% growth in sales :)

New Egypt Consulting

Popular tracks