Malcolm Borg

Any moment our brothers and sisters can drown, Don Mattia Ferrari, a young Italian priest and the Chaplain of Mediterranea Saving Humans said in his comments to Newsbook.com.mt on Saturday.

Don Mattia Ferrari On 270 People Stranded In Maltese Search And Rescue Region

Drenaġġ mhux imsaffi jispiċċa fil-baħar

L-ewwel xita fuq il-Gżejjer Maltin mistennija tagħmel tul l-ewwel ġimgħa ta’ Settembru qabel il-festa tal-Vitorja.

Skont il-bassara tat-temp Maltese Islands Weather mapep aġġornati li jagħtu previżjoni fit-tul qed jindikaw il-possibbiltà tal-ewwel ħalbiet tax-xita għal bejn it-30 ta’ Awissu u s-6 ta’ Settembru.  Jidher illi l-ebda mappa mhi turi l-possibbiltà ta’ xi xita sinifikanti qabel dakinhar.  

Skont il-bassara, mapep kmieni bħal dawn għandhom tendenza biss li jagħtu indikazzjoni reġjonali.  Din il-mappa tfisser li se jkun hemm instabbiltà madwar il-Mediterran ċentrali.  

Qalu li għalkemm dan jista’ ‘jidher’ ‘il bogħod ħafna, indikazzjonijiet bħal dawn rarament marru żmerċ tul dawn l-aħħar disa’ snin.

L-ewwel xita mistennija qabel il-Vitorja

L-Avukat Ġenerali ressaq l-atti tal-akkużi dalgħodu fil-Qorti fil-konfront ta’ Yorgen Fenech u qed jitlob li Fenech jeħel għomru l-ħabs.

Għall-akkuża ta’ kompliċità fl-assassinju tal-ġurnalista Daphne Caruana Galizia, li seħħ fis-16 t’Ottubru tal-2017, qed tintalab piena ta’ għomor il-ħabs.

L-atti jikkonċernaw ukoll l-akkuża ta’ assoċjazzjoni ma’ persuna jew persuni bil-għan li jagħmlu delitt. Għal dan l-AĠ qed jitlob li Fenech jeħel piena ta’ bejn 20 u 30 sena priġunerija.

B’hekk Fenech huwa mistenni jgħaddi ġuri.

L - AĠ Jitlob Li Yorgen Fenech Jeħel Għomru L - Ħabs

Wara l-istejjer li ħarġu fl-aħħar ġimgħa dwar id-depożiti li tħallew għand in-Nutar Ivan Barbara, li miet fl-Indja bil-Covid-19, Newsbook.com.mt tkellem kemm ma’ avukat li jaħdem fil-Qorti kif ukoll ma’ nies li nsterqu minn nutara differenti.

“Diversi każi jaslu l-Qorti”
“Huwa ta’ għajb u diqa li hawn diversi nutara li għandhom il-fama li jabbużaw mill-klijenti iżda għadhom jaħdmu ta’ nutara”. Hekk qal ma’ dan is-sit avukat li jaħdem il-Qorti u li pprefera ma jurix ismu, u li jaf b’dawn il-każi. Huwa kompla jgħid li minn żmien għall-ieħor ikun hemm diversi każi l-Qorti u anke kundanni, li madanakollu rari jiġu rrappurtati fil-midja.

Mir-riċerka li għamel Newsbook.com.mt sab li mill-anqas żewġ nutara weħlu l-ħabs u ieħor weħel sentenza sospiża.  

“Huwa traġiku li persuni li suppost iħarsu lill-klijenti tagħhom jispiċċaw biex jabbużaw minnhom”, kompla jgħid l-istess avukat.

”Diversi Nutara Li Jabbużaw Għadhom Jaħdmu Ta’ Nutara”

Il-vaċċin Covid-19 b’żewġ dożi ta’ Pfizer irċieva approvazzjoni sħiħa mill-Amministrazzjoni tal-Ikel u d-Droga tal-Istati Uniti (FDA).

Il-vaċċin tal-Pfizer inizjalment ingħata awtorizzazzjoni għall-użu ta’ emerġenza. Iż-żewġ dozi tiegħu, tliet ġimgħat bogħod minn xulxin, issa huma kompletament approvati għal dawk li għandhom 16-il sena jew aktar fl-Istati Uniti.

L-approvazzjoni hija mistennija sserraħħ moħħ diversi Amerikani s’issa kienu xettiċi dwar it-teħid tal-vaċċin. 

Fi stqarrija, l-FDA qalet li r-reviżjoni tagħha għall-approvazzjoni kienet tinkludi data minn madwar 44,000 persuna. Il-vaċċin, li issa se joħroġ fis-suq Amerikan,  instab li kien 91% effettiv fil-prevenzjoni tal-Covid-19.

L-aġent Kummissarju tal-FDA Janet Woodcock qalet li l-pubbliku “jista’ jkun kunfidenti ħafna” li l-vaċċin jissodisfa standards għoljin ta’ sigurtà, effettività u kwalità tal-manifattura.

Il - Vaċċin Tal - Pfizer Approvat Mill - FDA Fl - Istati Uniti

Żagħżugħ Ingliż li kien qed jivjaġġa minn Gatwick lejn Malta ġie mmultat €500 wara li ffalsifika ċ-ċertifikat tal-vaċċin tal-COVID-19 ta’ ommu. Hu pprova jgħaddi mill-ajruport biċ-ċertifikat taparsi tiegħu.

Iż-żagħżugħ li twieled u jgħix l-Ingilterra kien għadu kemm niżel minn fuq l-ajruplan meta uffiċjali fl-ajruport internazzjonali ta’ Malta ssuspettaw li hemm xi ħaġa ħażina biċ-ċertifikat tiegħu.

Hu ġie arrestat mill-Pulizija u ammetta li ffalsifika ċ-ċertifikat. Hu qal li kien ħa biss l-ewwel doża tal-vaċċin kontra l-COVID-19.

Further checks confirmed that the document was false, explained Inspector Karl Roberts who handled the prosecution on Thursday.

L-Ingliż tressaq il-Qorti quddiem il-Maġistrat Gabriella Vella li mmultatu €500.

L-avukat tal-għajnuna legali, Daniel Attard, deher għall-akkużat.

Passiġġier Ingliż Immultat €500 Talli Ffalsifika Ċertifikat Tal - Vaċċin

45 persuna mietu f’xita qawwija u maltemp ikkawżati mill-uragan Ida li seħħew fil-Grigal tal-Istati Uniti.

L-uragan, li laqat l-istat ta’ Louisiana l-Ħadd li għadda, ikkawża ħsarat fil-belt ta’ New Orleans, kif ukoll imwiet f’numru ta’ stati fl-Istati Uniti.

Il-gvernatur ta’ New Jersey, Phil Murphy, irrapporta li minn tal-inqas 23 persuna tilfu ħajjithom minħabba l-uragan.

“Ħafna minn dawn l-imwiet kienu nies li nqabdu fil-vetturi tagħhom minħabba l-għargħar. Nitolbu għall-familji tagħhom”, Murphy qal.

Fi New York City, il-Pulizija qalet li minn tal-anqas 13-il persuna tilfu ħajjithom. Fost dawn kien hemm persuna li nqabdet fil-karozza tagħha, u 11 li mietu mgħarrqa f’appartamenti taħt l-art.

Uffiċjali minn Pennsylvania qalu li minn tal-anqas ħames persuni mietu, fosthom persuna li mietet wara li ntlaqtet minn siġra li waqgħet fuqha.

Intant, f’diskors fil-White House f’Washington il-President tal-Istati Uniti Joe Biden qal, “dawn il-maltempati estremi, u l-kriżi fil-klima, qegħdin hawn. Għandna bżonn inkunu ppreparati aħjar u rridu naġixxu”.

Ilbieraħ, l-awtoritajiet fi New York ħabbru stat ta’ emerġenza minħabba dan l-uragan. Is-Sindku ta’ New York, Bill de Blasio, qal li t-temp li esperjenzat din il-belt huwa wieħed storiku, hekk kif qatt ma seħħ maltemp bħal dan. Is-sindku spjega wkoll li t-temp ikrah huwa kkaratterizzat minn “għargħar brutali”.

L - Uragan Ida Joqtol Aktar Minn 40 Persuna Fl - Istati Uniti

Mara tilfet ħajjitha wara li ttajret minn mutur fil-Gżira l-lejl li għadda.

Il-Pulizija ġiet infurmata fis-2.15am li kien hemm inċident fi Triq ix-Xatt.

Mutur misjuq minn raġel ta’ 43 sena minn Ħaż-Żebbuġ tajjar lil mara li l-identità tagħha għadha mhix magħrufa.

Hija ngħatat għajuna medika fuq il-post u ttieħdet l-Isptar Mater Dei b’ambulanza, imma ġiet iċċertifikata mejta ftit tal-ħin wara.

Membri mid-Dipartiment tal-Protezzjoni Ċivili kienu wkoll fuq il-post sabiex jassistu.

Il-Maġistrat tal-Għassa Dr Astrid May Grima ħatret inkjesta fuq il-każ.

Mara Tmut Wara Li Ttajret Minn Mutur Fil - Gżira

Il-prattika li sseħħ fil-Faċilità Korrettiva ta’ Kordin f’każ ta’ priġuniera bi problema tad-droga – li taqta’ d-droga ħesrem – ġiet ikkritikata mit-tabib tas-Sedqa Gianluca Bezzina, li stqarr li hu qatt ma seta’ jirrakkomanda dat-tip ta’ trattament.

Il-prattika ‘cold turkey’ m’għandhiex tkun imposta fil-ħabs

newsbook.com.mt

Popular tracks