نجوم الساحة و فرحة "الخواجة" الجزء التانى
أداء : أبو بدر - المشاغب - حميدو
كلمات : أبو بدر - حميدو

و ان شاء الله اللى جى احلى ♥
كل سنة و انتم طيبين و عيد سعيد عليكم :)

نجوم الساحة و فرحة الخواجة الجزء التانى

نـجوم السـاحة و فـرحــة القـاضى

أداء : أبو بدر - المشاغب - حميدو
كلمات : الترجمان "حميدو" 

لينك تحميل مباشر : http://www.mediafire.com/download/b66r36yw3jf4ycb/%D9%86%D8%AC%D9%88%D9%85_%D8%A7%D9%84%D8%B3%D8%A7%D8%AD%D8%A9_%D9%88_%D9%81%D8%B1%D8%AD%D8%A9_%D8%A7%D9%84%D9%82%D8%A7%D8%B6%D9%89_MaTb3aa.CoM.mp3

و ان شاء الله اللى جى احلى :) ♥

نجوم الساحة و فرحة القاضى

نـجوم السـاحة و فـرحة "أبـو مـلك" ♥
اداء : أبو بدر - المشاغب - حميدو - أبو ملك
كلمات : حميدو - أبو بدر
توزيع : أبو بدر

و ان شاء الله اللى جى احسن :) 
♥

نجوم الساحة و فرحة ابو ملك

إحنا رجعنا كله إستماع ,, و الحسودى لازم هيخاف
نـجوم الساحة أعلن حضوره ,, كله يمضى الإنصراف
--------------------
رجعنا من تانى :)
نـجوم السـاحة و فـرحة " ولـيد سـعـودى " و عقبال الجميع :)

تـوزيع : أبـو بـدر
كلمـات : أبـو بـدر و حـميدو
أداء : المـشاغب - حـميدو - أبـو بـدر

و يارب الشغل يعجبكم و انتظروا الجديد ♥ :)

نجوم الساحة و فرحة وليد سعودى

مهرجان "نجوم الساحة و محمود سيف" ,, ♥
------------
كلمات : أبو بدر و حميدو
أداء : المشاغب - حميدو - أبو بدر
توزيع : أبو بدر

و عقبال الجميع ان شاء الله :) 
و اللى جى احلى

نجوم الساحة و محمود سيف

مهرجان "نجوم الساحة و فرحة الجنرال" ,,
---------------
كلمات : حميدو - أبو بدر
أداء : المشاغب - أبو بدر - حميدو - الجنرال


أسفين ع التأخير :)
و ان شاء الله الجى أشد ;)

نجوم الساحة و فرحة الجنرال

أغنية : أرض النفاق
غناء و كلمات و هندسة
احمد بدر " أبو بدر " 

و كل سنة و انتم طيبين <3 :)

الكلمات 
--------------
--------
العين نزيفها مطر دموع
و الدنيا حية بين الضلوع
و فقرى وحش نابه دامى
بنهشه فيا يسد جوع
--------
من صغرى باصص فى اتجاه
و ممشى كل الناس جواه
حاطط ع الجنب علامة صح
و فاكر ان دى الحياة
--------
لكن السن خد بايدى
و سابنى واقف ع الحروف
احط نقطى فوق جديدى
لكن قديمى كان متلوف
--------
بانت قدامى كتير سكك
و اتجاهى بات مهجور
بحاول المح ع الدكك
حد عليها اكتبه حضور
--------
لما شوفت توهت فوقت
دوقت طعم مر الواقع
عرفت انه جه الوقت
اشوف الدنيا ف لونها الفاقع
--------
فجأة المال صبح عبادة
و الفقير متداس يا سادة
و القوى سيد البشر
و م القاموس شالوا السعادة
--------
فيه شخصيات حاولت تعدينى و تنقل فيا نفس الميكروب
ما بينى و بينها الف صراع لكن بقائى دايما مكتوب
فى بحر فايض بالذنوب و وشوش كدابة فيها تدوب
ف ارض النفاق صعب الهروب يا تعيشها عاصى ياما تتوب
--------
هم الدنيا مص دمى
و برده عليه صابر مستنى
راضى اعيش فى ارض النفاق
و قبل ما اكل منها اسمى
--------
اتعلم اضحك ع السخيف
و فوت ع الحق كأنه طيف
دارى وشك م الحقيقة
قول ع الصح دا تحريف
--------
سهل تخدع ناس بتسمع
سهل تقنع قشة تلمع
سهل ترجع صعب تطلع
سهل تخشع صعب تمنع
--------
كل شق بان فى حيطانى
الناس بتتريق عليه
لو بصوا لشقوقهم ثوانى
يلقونى سبب كنت فيه
--------
طول ما الشدة قاطمة وسطك
تبان الدنيا اكتر و اكتر
و طول ما الضربة طايلة ضهرك
معادن البشر هتظهر
--------
لو قالوك مرة جمبك
و احنا ساعتها هنسندوك
و لما الشدة خلاص تهدك
يبقوا اول ناس باعوك
--------
ابدا مش كل المدفونين
لازم يكون موتهم عيا
ناس كتير عليها عايشين
و مدفونين فيها بالحيا
--------
كل شعرة بارزة ف دقنك
تنفض تراب تحكى هم
و كل جرح فى حرب يأسك
جواه جروح م الصعب تلم
--------
سنة راحت سنة جت
قولى ايه انت استفدت
لسه اهو على نفس الارض
و سط الكدب و النكد
--------
ليه للحب خلاص نسينا
وليه الكره ده يبقى داء
ليه يا دنيا تهدى فينا
انا جبت اخرى م النفاق
--------
كتبت اسمى يوم على حيطة
و فات زمن مشوفتهوش
بعد سنين لقيتها بيضة
و كتبوا عليها متكتبوش
و جنب منها الرسم زيطة
و اسامى كتير ميتعدوش
ساعتها عرفت الناس عنيدة 
من غيره يقفوا ولا يمشوش
--------
فيه شخصيات حاولت تعدينى و تنقل فيا نفس الميكروب
ما بينى و بينها الف صراع لكن بقائى دايما مكتوب
فى بحر فايض بالذنوب و وشوش كدابة فيها تدوب
ف ارض النفاق صعب الهروب يا تعيشها عاصى ياما تتوب
--------
دنيا تايهه مـ الدمار
فيكى الخير اصبح محال
صدقينى احسن قرار
فيكى هو الانعزال
--------

ارض النفاق

قصيدة " دا يكفيكى " ,,
كلمات و إلقاء : محمد بيطح
هندسة صوتية : أبو بدر

و شكر خاص : لــ محمد رمزى <3 :)

دى القناة بتاعته اللى هيرفع عليها شغله بعد كده ان شاء الله للى عاوز يتابعه :)

https://soundcloud.com/mohamed-beitah
....
الكلمات
====

دا يكفيكـى ..؟

والله لغازل حتى التراب إللى بيقع من كعب رجليكـى
وأشـرب من سحر شـلال الهـوى إللى بتحدفــه عنيكـى
وأسهـر أعـد نجـوم وأكتـب قصـايد فيكــى
وفى عـز سمـر الليـل شعرى يسليكـى
وأطـول بإيـدى النجـوم لو دا يكفيكـى
وتغيـر نفسـى من قلبـى لو دايب فيكـى
وإن دار علينا الزمـن أنا إللى هحميكـى
وفى عز برد الشتا حضنـى يدفيكــى
مانا مش غريب عليكـى . . . دانا إللى بدوب فيكـى
قطعـت من لحمى نسايـر عشان بس يرضيكـى
وحبك نحـل جسمـى .. مش شايفـه حواليكـى ؟!!
حملت قلبى عذاب .. ودا برده ما يكفيـش
وحاربت هم الدنيـا عشـان ما قولـش مافيـش
وإن جيـت أطلب حنـان ببسـاطـه كده مالاقيـش
دانا إللى عاشقك موت إزاى ما بحبكيـش ..؟!!

جاوبى على سؤالى
ردى .. ما تسكتيش

عايش حياتى ضعيف
ما باخدش غير تلطيش
نسيتى خلاص أفضالى
وبرده منفضالى
وسايقه فى التطنيش

صارحينى بمشاعرك يمى
يا مركبى ويمى
يا أم الدنيا
يا أمى
إنتى لحمى ودمى

أنا طفلك وبترمى فى احضانك
فين عطفك .. حنانك ؟

ياعظيمه طول عمرك بإنجيلك وقرآنك

عارفك .. زعلتى ..
أنا كتفى سنادك لو جيتى يوم ميلتى
مانا برده كنت أيام بشيلك شيلتى

أنا أسف ..
ما كانش قصدى أجرحك
لو عشت قد عمرى اتنين هاعيش عشان أفرحك
ولو دوقت منك ويل برده فى كلامى أمدحك

بحبك .. علشان ماليش غيرك
أنساكى إزاى وأنا لحم كتافى من خيرك ؟!!

أنا عمرى ماكون بايعك
وهعيش طول عمرى شاريكى يا بيعانى
بالخير دايما أفتكرك ولو حتى إنتى نسيانى

وهعيش طول عمرى خدامك
وهعملك بخدى مداس
وأحلى بالفرحه أيامك
وفى سكتك هكون نبراس

أنا صالح ومش طالح
أنا ورد فى جناينك طارح
أنا قتيلك محمد بيطح

أنا شوقك لأحبابك
أنا عاشق على بابك
أنا مداحك يا أحلى صبيه
أنا قمرك فى ليله بهيه
ياست الحسن
ياهمزة وصل
يا دعوه فى ركعتين العصر
أنا رايتك وأنا ناسك
أنا رافعك .. دوسى عليا بمداسك
ولو وقعتى ماتخافى .. أنا ماسك

ولو عطشانه أرويكى
أنا كوكتيلك أناناسك
أنا زارعك وحصادك
أنا العـود فى عين حسادك
أنا ضهرك أنا عرضك
أنا نيلك وأنا أرضك
أنا الثمره على شجرك
واجب عليكى تروينى
وبلاش القساوه عليا
ماتقطفنيش وترمينى

أنا فى عيد الميلاد شمعه
وإنتى فى إيدك الولعه
ماتعذبنيش يا كاويانى
مجروح بنزل الدمعه
بتحرقنى تهز كيانى
أنا النور إللى فى الضلمه
أنا الكلمه وأنا اللمه
أنا قوتك
أنا عودك
أنا نايك وأنا فلوتك
أنا النبره إللى فى سكوتك
أنا صوتك ..
ياصوت بيئن
يا أم لإبنها بتحن
يا حاجه تجن
يا مشيبانى رغم صغر السن

أنا فارس ناقصنى حصان
أنا مفتاح فى إيد سجان
أنا حق شهيد بيبان
ومش لقمه لقبر جعان

أنا مشروع شهيد بخرطوشك وبرصاصك
ودا إللى مخلينى تايه فيكى
دااااااااااااااايخ فيكى
ردى ربنا يخليكى

دا يكفيكى ..؟

دا يكفيكى

أغنية : نِـية معدنية
كلمات و غناء و هندسة : أبو بدر

تانى اغنية راب ليا

الاغنية الاولى : أرض النفاق
الاستماع : https://soundcloud.com/ngom_elsa7a/ard_elnefa2

يارب تعجبكم :)

شكر خاص ل : Lotfy Gaballah
<3

الكلمات
--------------


تميل الدفة الف لفة
و خطوتى فى مكانها واقفة
دى المراكب صعب تمشى
و تحت منها الماية جافة
------------
ضهر انتنى ف 20 سنة
شال حاجات عنها فى غِنا
الحِمل بانى بينى سور
و بين الحاجة الممكنة
------------
وردة طالعه بين صبار
مكنش ليها الاختيار
تديلهم من رحيق مختوم
و متدوقش منهم غير مرار
-----------
زى اللى عاش بقلب صافى
مبتسم ولا عمره جافى
مهما الناس بتدبح فيه
فى ثانية يبدأ بالتعافى
-----------
بحاول اذكر الخلاصة
و اسيب احساس بين السطور
معدنك محتاج دراسة
عشان تستوعب الامور
-----------
مش مشكلة معدن نفيث
انه اتوجد فى عهد رخيص
لو رميت ف بحره خير
ينكر موجه اصله خسيس
-----------
عايش عمرى بقلب طيب
جرح غيرى فيه بطيّب
و لما ف جرحى بستناهم
رأيى فيهم يا ناس يخيّب
-----------
فجأة بلقى نفسى وحدى
ويا جرحى اخد و بـدى
و اما اقول اقسى عليهم
قلبى يقولى مش بـ يدى
-----------
كل اللى قالوا بيحبوك
طلعوا كانوا بيخدعوك
عيش يا قلبى زى مـ انت
اوعى مرة يغيروك
-----------
مهما كات الدنيا شايله
و الصحاب مكنتش وافيه
مش مهمه اى حاجة
ده المهم النيه صافيه
-----------
ليه يا ناس القسوة ديه
ف قلوبكوا ساكنة متدارية
واللى باين وش صافى
و جوا منكم غابه حيه
-----------
الدنيا دى صعبه و عجيبه
فيها الطيبه تبقى عيبه
و اما تلقى حد طيب
تلقى الناس تقول غريبة !!
-----------
لا يا ناس افهمومها
انتوا ليه عايشين ف توهه
عمر الطيبة ما تبقى عيبة
انتوا اللى بس بتظلموها
-----------
دايما بحس الغربة بينكم
مع ان لونى نفس لونكم
بس الفرق مكنش واضح
اصل العيب نفسه فى معادنكم
----------
كيان بيضم عقل و قلب
صراع شحنات ايجاب و سلب
عين ف نوم تحلم بالجنة
و عين تفوق على صوت الذنب
----------
غرقونى فى قاع الغُلب
بقيت لسفنهم عايش هِلب
مناهم يطول قلبى صدا
بس ازاى و المعدن صلب
----------
نداء و محاولة استغاثة
من ضمير قرب يموت
واخد الصبر بالوراثة
متعلم من اهله السكوت
----------
كالعادة الكل صابه الصمم
بشر على هيئة صنم
عرف الضمير مهما ينادى
ضميرهم ميت و اتدفن
----------
كل اللى قالوا بيحبوك
طلعوا كانوا بيخدعوك
عيش يا قلبى زى مـ انت
اوعى مرة يغيروك
----------
مهما كات الدنيا شايله
و الصحاب مكنتش وافيه
مش مهمه اى حاجة
ده المهم النيه صافيه
----------

نية معدنية

مولد الحظ ,, و كله هيرقص :D
توزيع و عزف اورج : أبو بدر
بالمشاركة مع النجم صدام مجنون أحمد شيبة :D
و حياة النبى السقفة لأسيادانا :D

و احلى مسا عليكم :D

مولد الحظ

من تانى ، نجوم الساحة و الخراب
فرحة أبو ملك الجزء التانى

كلمات و هندسة صوتية : أبو بدر
أداء : المشاغب ، أبو بدر
توزيع : يحيى التونسى

و يارب اللى جى يعجبكم :) <3

نجوم الساحة و الخراب - فرحة أبو ملك الجزء 2

مصحة
كلمات و غناء : أبو بدر

الكلمات
--------------
عين بتِغفل رافضة تصحى
مفيش عقول كاملة صِحة
نور يبات ميت و يرحل
و تفضل ضلمة المصحة
مش مريض بالجنون
ده بس عنيا فتحت
بشر صابهم الطاعون
و لسه العدوى ما انتهت
عالم جوه عالم
بره و جوه بقوا شقين
محبوس جوا المسالم
متساب برا يعيش مجانين
شوف كام واحد حبك
بعد ما فارق اللحم الضُفر
انزع قلبك بيدك
و اعصره هيقولك صفر
بدلة بيضا مش حكاية
احسن من بدلة البشوات
عقل اتولد م البداية
بعيد عن ازمة الفساد
رضيت بوضع وضعى
و القبول سيطر عليا
كل مادا يكبر صدعى
رافض اكون شِبه الضحية
النمط فى الحياة
انحصر ف الامبالاه
عمق الفكرة طاف ع السطح
مدى الرؤية احنا نسناه
كله موارب فتح الشيش
يادوب النور يزور عنيه
المشهد كله ميعديش
الا الكادر اللى انت فيه
مين فينا المريض
مين فينا محتاج مصحة
الشك فى الوريد
عنيك بتنام بنص فتحة
جرب حقنة مهدء
او جلسة كهربا
ساعتها يمكن تِفرق
و تحب التجربة
معزول عزلة تامة
جُرعة وحدة شديدة سامة
بحسبلها بالفينتوثانية
اعصابى بتسقط م القمة
ب بُص للحيطان
اللى ب لونها شاربه هم
ريحة المكان
فيها موت خالى من الدم
بفتكر لما ضحكت
بلاقى نفسى اتشنجت
عقلى رافض يعيش
وسط غش و سط كدب
حية بتجيب حية
مش استعارة تصريحية
مواطن الجمال
م الخيال بقت حقيقية
ودن طين و تانية عجين
و كون مريض مقسوم اتنين
يتعالجوه م الانفصام
يتسبوه طايح يهيم
مكانك ع السرير
تنام على فرشة مش حرير
غطاك بيكون البرد
قرصته العن م الدبابير
مش سامع الا نفسى
وقت كلامى مع السكوت
قلقى مش ف حبسى
لكن بخاف بكره يموت
للجانب المظلم متداريش
كده كده عمره ما يتقرا
استحالة انك تعيش 
على كوكب المشترى
مين فينا المريض
مين فينا محتاج مصحة
الشك فى الوريد
عنيك بتنام بنص فتحة
جرب حقنة مهدء
او جلسة كهربا
ساعتها يمكن تِفرق
و تحب التجربة
اربط تُقل همك
مكان الحجر و ف بحر نط
الانتحار بغرقك
طلع سهل مخدش وقت
استسلم بلاش مقاومة
هتكون احسن ف الضلمة
على سرير فى مصحة
ورا الشيش هتخف الصدمة
مين فينا المريض
مين فينا محتاج مصحة
الشك فى الوريد
عنيك بتنام بنص فتحة
جرب حقنة مهدء
او جلسة كهربا
ساعتها يمكن تِفرق
و تحب التجربة


مصحة

أغنية : أنا مش معاهم

كلمات و غناء : أبو بدر

الكلمات
------------------------
ماشية هبل لبس بدل
و ابو جلابية ملوش امل
نظام حِلل صابه الشلل
امته حالنا يتعدل
ناس بتهرى فى السياسة
و ناس همها تطلع فى شاشة
و ناس املاكها فقر و تعاسة
ولا يوم حلو بالبغاشة
حبة خواجات معرضينها
مكانهم بس ف البرواز
فاكرينها لعبة مقضينها
و الفقير بينهم متداس
ياخى احدف
عليكوا تراب يمكن تحسوا
ولا احلف
ده الفقير تعب من كتر لحسوا
ملهاش حل الأحجية
ممسوحه ليه همزة الوصل
مرشح ياخدها تزيكة
هى انتخابات رئيس الفصل
انتوا اكيد بتهزروا
دى فقرة م الكاميرا الخفية
فضلتوا برده تصوروا
و المشهد فيه سقوط ضحية
الدم ع الارض ليها زينة
و الخمور لسه ف باترينة
قول يا سيييييييدى

هأ هأ
انا قربت اصدق
هنسبق
نلحق لأ لأ 
دى المركب بتغرق
عاوز حتة بالكريمة
ولا حتة بندق
متنفعهاش قِسمة بسكينة
دى مش طورتة بروح امك
بتمصوا ف دم الغلابة
ديابة بتحرس القطيع
نشرتوا من تانى الحِرابة
و الحق بقى لازم يضيع
مش بنتمى لحزب لسياسى
انا مع حزب الشقيانين
ذنبهم ايه فى لعبة كراسى
يطلعوا من بينكم ميتين
بيحفوا عشان لقمة عيش
مش عشان اخوان و جيش
اتهرسوا تحت الرجول
اكبر احلامه لبكره يعيش
مسمعتش من تانى اقول
ياما دقت ع الراس طبول
شعب شرب المر الوان
سهل ينهى قصة غول
زى اللى قابلك ما اتهلك
مجاش معانا سكة و سلك
شطرنج فيه 16 قطعة
قصاد شعب يكِش الملك


انا مش معاهم

مهرجان " فرحة حميدو " توزيع جديد :)

توزيع : أبو بدر
أداء : حميدو - المشاغب - أبو بدر
كلمات : فايكو

ده المهرجان القديم : https://soundcloud.com/ngom_elsa7a/farhet_hamido

فرحة حميدو توزيع جديد

حصريا : أغنية البقاء للأعقل

غناء : احمد القاضى - محمد كشحت - أبو بدر
كلمات : لطفى جاب الله - أبو بدر
الكلمات الانجليزى : محمد كشحت

الكلمات
--------------
من امته العيشة دى بتقف
على حد تاه ولا فارق
اللمبة من غير النجف
معروف دورها برده ثابت
دايرة حياة عمالة تضيق
كل ما يطول الطريق
و دعوة ام لابنها
قشاية بتعلق غريق
كفة حبايبك عتقِت
و طبت كفة الخيانة
مفيش مغارب شرقت
و ف بوصلة قلبك حصلت ياما
عندك عادى
بالكل انت راضى
مش عيب جواك
انك تكون طيب و هادى
رغم سوء الحظ
بيقتلنى التفاؤل
بعد كل وقوع نفس
و ضحكة تكسر التشاؤم
خلى السعادة عادة
فى كل لحظة فى الزيادة
مهما اليأس اتمادا
تحطم صخره بالإرادة
امحى اى زكرى عايشة
و لسه برده بتقتلك
زى فى ماية ورقة بايشة
و مع الوقت بتتهلك
وسط العتمة خليك نور
متصعبش اى امور
العقل ليه كل الدور
مع الايمان بيكملك
مدى فهمك اسلوب كلامى
و استيعابك للموضوع
ترفض تعيش انانى
ولا تقبل بالخضوع
متقلبش فى الدفاتر
عشان تشوف حساب قديم
لما تعفى و انت قادر
يبقى فيك عقل و سليم

--------

ليه يا ناس دايما بلاقى
بينى وبينكوا 1000 حائل
بنفس المبدا هبقى باقى
والبقاء للى عاقل
هقولك توضيح سهل
ينفع قول من غير فعل ؟
تصبح معادلة ناقصة
زى القوة من غير عقل
المهم و الخلاصة
ان العقل هو وزنك
والذكاء مش بالدراسة
الذكاء من عند ربك
ليه تأخد قرار سريع
من غير ماتحسب النهاية
فكر ثانية بلاش تضيع
هيا دى كل الحكاية
ليه تعيشها بالدراع
ناسى ان العقل زينه
دنيا فيها الحق ضاع
دنيا بت 100 لذينه
ليه يا ناس عايشين ف سوق
بنبيع ف بعض ازاى وليه
طب امتى بس راح نفوق
دا كل واحد عقله فيه
عقلك فيك هو خلاصك
يبقى ليه ماشى ف هوجه
اعقلها مرة براسك
و متشميش مع اى موجه
اشغل انت بس بالك
اوعى تمل مـ التفكير
ربك اللى عالم بحالك
عنده هتلاقى التدبير

و الكلام الانجليزى هينزل قريب
كلمات : محمد كشحت

البقاء للأعقل

أغنية  - خادم السراب - :)
كلمات و غناء : أبو بدر

الكلمات 
----------------
مهما حاولت تدارى عينك
الجريمة لازم تتم
قبل ما تحصل كنت فينك ؟
اعمى هينصح الأصم
اعمق عمق بتغرقوا فيه
بالنسبالى هو السطح
لسه النور بيوصل ليه
قسمتكوا جمع ضربى طرح
توضيح بس للي قال
للعدالة وجوه كثيرة
دي الاقنعه عكس المثال
و الجريمة كملت مسيرة
الواقع مبينتحرش
و الانسان عليه مصبرش
ما طول ما بنسبق الاحداث
هنكون وجبة ف فك القرش
إفراغ من مخزون الكبت
حروفى نتيجة بفعل الضغط
فك ربط عليا شد
لعلى هقدر اهد السد
زى السبرتو اوام يطير
المنوم مكنش حل
وجودى نايم ع السرير
كان تمثيل مش اقل
كان اضعف حدودى الصبر
و اضعف ايمانكم الفجر
تلت سنين و شهر
و بقى اضعف وعيى السُكر
رجوعى للتدخين
كان اضطراب فى الدوبامين
زود كفة ب نيكوتين
أصل ميزان العقل مايل
احرق هم ف نفس
يمكن يقل يتنقص
قبل الزفير يتعاد حدث
يقطع نفسى بالمقص
مقارنة بنفسى من سنة
يستحيل اكون انا
انعدام وجه المقارنة
دى نوستالجيا للى فنا
الانعزال قصة ملوك
مش تطرف فى السلوك
هتعيش خادم للسراب
ف وحل العدم يغرقوك
بداية الذل تبقى شكوى
المجتمع مرض و عدوى
تبقى حفرة تصبح فجوة
مش باللمة تبقى اقوى
رفضت نرجع لما قالت
مكُنتش ب ردى مقتنع
الرد كان من حد تالت
عمره ما حس بالوجع
مفكرتش تعرف حالى
بعد البعد ما منى خدها
شكل الحب كان تسالى
و هى كملت حياتها
لو مرة جت قدامى
جايز بعقلى أحسها
لكن رجوع من تانى
اسف قلبى صابه العمى
مش ف الروشتة كان دوا
انكم تبقوا سوا
الحاجة الوحيدة ف رحلة عُزلة
كانت ضلمة و حبة هوا
صدقنى كُره شخص
لحد مرض بأشد نقص
وجودك او غيابك
مش هيغير حالة الطقس
مذنب من غير جريمة
بس عندى ادلة ضدى
لو افارق نفسى دقيقة
ساعتها هكسب التحدى
فى الدنيا باقية قاعدة
لو مِرضت مفيش مساعدة
و اللى وعدوا احنا ما هنسيبك
دول اول ناس مِباعدة
تتحول خادم للسراب
شخص عاش دلوقتى غاب
عكرتوا قلب ابيض نقى
اتحمله منه الحساب
الانعزال قصة ملوك
مش تطرف فى السلوك
هتعيش خادم للسراب
ف وحل العدم يغرقوك
بداية الذل تبقى شكوى
المجتمع مرض و عدوى
تبقى حفرة تصبح فجوة
مش باللمة تبقى اقوى
مش عايز حد جنبى
اصل السعادة دورها انتهى
لما لقيت نفسى لوحدى
عرفت ان الشدة ده وقتها
كنت قادر لوحدى انجو
لما عاصفة العتمة هبت
لبر النور وصلتكوا
انقذتكوا و روحى غرقت
كنت بقول أمنيتى قبر
كله مثل الزعل
لما اترميت لوحدى شهر
مين اهتم مين سئل
كفاية مش هماطل
اصل حقى عليكوا باطل
كلتوا منى قلبى بقشره
سيبونى اكمل باللى فاضل


خادم السراب

تراك " مزيج صوفى "
ابتهال " قصدت باب الرجا "

الشيخ : حسن مرعب
توزيع و عزف : أبو بدر


الكلمات
----------------

قصدت باب الرجا والناس قد رقدوا
وبت أشكوا إلى مولاي ما أجد

اشكوا إليك أمورا أنت تعلمها
مالي على حملها صبراً ولاجلد

وقد مددت يدي بالذل مفتقرا
إليك يا خير من مدت إليه يد

وقد مددت يدي بالذل مفتقرا
إليك يا خير من مدت إليه يد

فلا تردنها يارب خائبة
فـ بحر جودك يروي كل من يَرِدُ

كلمات أبو بكر الشيرازي


مزيج صوفى

بعد غياب فترة . 
تراك جديد " أول ما حُرفَ مأ العُزلة " ;)

كلمات و غناء : أبو بدر

يارب تعجبكم <3 :)

الكلمات
--------------

ميت بقالى فترة
و من التحلل بتمنع
ف جوابى بعد الشرطة
الحبر من قلمى اتقطع
بحب ابعد
بخاف احساسى يفلت
الدم يجمد
ما الميت نبضه ابرد
مش شاعر ولا متنبى
حبرى عصارة قلبى
طبعى حبة سلبى
عمرى ما كنت مهدى
عليكوا احساسى راح
مفضلش شوية احس بنفسى
ايه اخرة الكفاح
الجندى المجهول دوره منسى
نهاية بتقدير جيد
عشت لوحدى شهور و عدت
من قلب ملوش حياة
اخرج الحى من الميت
إنعاش بصدمة إغريقية
لقلب نبضه صفر
بعد محاولة استثنائية
مات الخير و عاش الشر
فوق راسى هالة ملايكة
ف ايدى رمح سنونة شايكة
شوفنى زى مانت عايز
أنا العكس فى لوحة غامقة
رفض الارتباط
مش سبب لكونى مُعقد
لو ماشية ع الصراط
برده قرارى دايم مشدد
لو من سابع سما
ع الارض مش مميز
اتنفس بواقى الهوا
ده الاكسجين بيخلص
هتفضل ليه مستنى
و انا جنبك هفضل ابنى
متبكيش و غنى
قلبك موته فادنى
الكسرة رمتنى بذرة
جوا منك تربة صالحة
كشفنا كارت القُدرة
اخر طريقنا كان مصحة
من كاس معرفتش اسكر
حاسس بألمى و انا متخدر
شخصين بعقل واحد
بس الملعون مسيطر
حُب تعذيب النفس
و التلذذ بالسادية
مطلعش وراها مس
دى اعراض حالة نفسية
كفاية ف الناس تكدب
انك برئ لا انت مذنب
بتمشى و انت نايم ؟
لا انت صاحى لكن مُغيب
عصر فيه العمق طفرة
بس عدلوا البوهيميا
افلاطون على ارض كافرة
اخره اتخيل اليوتوبيا
استمر ف انتظارك
محلك سر ده اختيارك
جواك شخص تانى
لازم يكمل رغم فرارك
شد فوق الجرعة ضِعف
لازم شريط عقلك يسف
الذكريات سكينة باردة
دمك عليها مش بيجف
متكلمنيش ع الضمير
امره بس ف علم الغيب
اخوات يوسف رموه ف البير
و رجعوا لابوهم اتهموا الديب
لو من سابع سما
ع الارض مش مميز
اتنفس بواقى الهوا
ده الاكسجين بيخلص
هتفضل ليه مستنى
و انا جنبك هفضل ابنى
متبكيش و غنى
قلبك موته فادنى
لو اللى بيتكلم مختل
يبقى اللى فهمنى شخص مريض
متساويين اصل اللى يفل
الحديد الا الحديد
من حياتى اخدت هدنة
لاجتناب اساليب مبتذلة
سبت نفسى لقلمى كتبنا
اول ما حُرِفَ م العزلة
بعد نهاية كل جلسة
يفكروا بداية تحسُن
انا مش ابليس مطرود م الجنة
انتوا و عقلى مفيش تأقلم
ذكرياتى و انا اجتماعى
حرقتها ملهاش داعى
ايه الجميل انى افتكر
ناس ف يوم عشقت خداعى

أول ما حُرف م العزلة

تراك " الساحر " :)

كلمات و غناء : أبو بدر

و الف شكر للناس اللى بتقولى استمر <3 :*

الكلمات
-------------

فقرة الساحر يا حضور
عروضها تخلى الدم يفور
ابو بدر شوكة تسد الزور
العرض هيبدأ طفوا النور
كفاية ويلا كِن
ريحة الخوف تفتح شهيتى
اخرك عضة سِن
الناب كبير عليك يا متنى
قطمه احسن من نحته
انا اللى فوق و الكل تحته
بيان عاجل كتبته
ركزوا لو سمحتوا
مش بغنى راب
بقدم فكرة من إسكتشى
مرض الحك والالتهاب
علاجه مرهم Anti محشى
مش بعمل جمهور
بس فيه ناس حبت كلامى
انتوا بعد شهور
فتحتوا باب مقفول قدامى
بعد ربنا ليكوا الفضل
ان حروفى تكون سطر
بوجه تحية للى سمعنى
و اللى تابعنى و حب الامر
ضرب نار للشباب
مش دورى اكون فانديتا
هطلع ورد م الجراب
تقديرى ليكوا يا اسطا
فيه بيسمعنى و هو كارهنى
عمرى ما اقبل تبقى خصمى
قطعت عنك المصروف
اشتكينى لماما يا ابنى
سجلت فترة شعبى
عليت و شغلى كسر
كيد النسا يا صحبى
على رجولتك مأثر
فقرة الساحر يا حضور
عروضها تخلى الدم يفور
ابو بدر شوكة تسد الزور
العرض هيبدأ طفوا النور

الساحر

تراك جديد " ماضى فوبيا " :)

غناء : حسن الصياد - أبو بدر
كلمات : أبو بدر

الكلمات 
------------
لو علاجك الرماد
بدون تردد احرقينى
يوم منسوب سعادتك زاد
كان موسم لقلبى عاش اروينى
فـ حبك دوبت اغرق
الموت فيكى اخدته مبدأ
يا افروديت ف عالم موازى
يا حد خلى الصفحة كاملة
اديتك مطلق الحرية
تختارى ليكى انسب طريقة
لتنفيذ مطالبى الاجبارية
ديموكتاتورى دى الحقيقة
عمر ما كان ليكى مطالب
عشان كده فترتنا طالت
ياما الشيطان جمعنا فاكرة
قولتلك هانت نفارق
كلامى عنك فى التراك
قولته غصب صدقينى
منسوب سعادتك كان هلاك
طوفان على قلبى غرقتينى
محدش شاركنى دور بطولة
فى روايتى انا العبيد و السيد
ركزى كويس ف المقولة
انا العابد و العربيد

---
قلبى دايماً يتخدع
مش جديد ابداً عليا
صانك القلب الجدع
خسرتينى انتى الضحية
يا نوة برد ف عز صيف
حصلت زى ما بتحصلش
ف كوابيسك انا مش ضيف
انا الفارس ف صورة وحش

الغاية تمنع الوسيلة
حبك ليا كان تحدى
عاوزه بينهم تكونى الاميرة
اللى فازت بالكرسى جنبى
قصاد كل قولة بحبَك
ردى كان و انا مش بكرهك
صعب ردى يبقى زيك
لو قولتها اكون منافق
قدمتى فروض الثقة !
و تنسيقك محصلهاش
توصيل ولائك بـ البُكا !
خطة فشلة محبتهاش
مفيش مشاعر ثابتة
ده الكون نفسه بيتغير
اشتقلك يوم و التانى لاءه
يوم فى ضِلك يوم اتبخر
من غيرك حالى افضل
لوحدى نفسى افضل
منطقة الامان
معدومة عندى كله يرحل
ف دمك لسه اسمى
حقنت حروفى ف الوريد
انسى انك تحاولى تنسى
هو ده بيت القصيد

---
كل ثانية بنا عدت
سرقت من حساب عمرى
و كل لحظة بينا جمعت
على كتفى الشمال ترسى
كان اولى حد تانى اهم
انى احبه و يكون لى فرض
خمس سنين حفظانى صم
قتلها خسوفى بموجة مد

عايزة بسحر تربطينى
شعرى معاكى فى المنديل
الجن هو اللى يخاوينى
مانا ف عالمهم عزازيل
قابلت شخص غلط
بيحتضر فاكره سند
طمعه المستبد خيله
انى فى حبه عبد
فوقى الكارت اتحرق
علنى المشهد ع الملئ
ميزة ف عقول الشباب
مناكلش البواقى ف الطبق
مذكرتش كلمة الخيانة
بعلاقة قبلى ولا بعدى
مع الشيطان اذنبنا ياما
نرجع نتوب و نقول ياربى
انا الماضى فوبيا
بطاردك كل ثانية
مهما وقت فراقنا عدا
الذكرى بتعزف نوتة هادية
هتقابلى مهما تقابلى
مفيش بعدى هيبقى قبلى
هفضل اقدم قلب فيكى
اداكى درس حب ازلى

---
انا الماضى فوبيا
بطاردك كل ثانية
مهما وقت فراقنا عدا
الذكرى بتعزف نوتة هادية
هتقابلى مهما تقابلى
مفيش بعدى هيبقى قبلى
هفضل اقدم قلب فيكى
اداكى درس حب ازلى

ماضى فوبيا

ملوك البحراويه _ ع الدنيا السلانكاتيه
غناء وكلمات : حوده موته " الشاعر معلم "
توزيع والحان : ابو بدر " الساحـر "
يااااارب يعجبكوا واللي جاي هيكون احسن متنسوش الشير والريبوست
ملوك البحراويه

01273067133

ملوك البحراويه - ع الدنيا السلانكاتيه

نحوم الساحة و فرحة حميدو
توزيع و هندسة : أبو بدر

مايكات : المشاغب - أبو بدر - حميدو

لينك تحميل مباشر : http://www.mediafire.com/?fgxvn6lwnc9r6s4

و انتظرونا فى فرحة ايسو قريبا :)
للتواصل معنا على الايميل ده
prinseesoo@yahoo.com

نجوم الساحة و فرحة حميدو

فرحة ايسو من نجوم الساحة

دى بدل اللينك اللى اتمسح بالغلط

تحميل مباشر : http://www.mediafire.com/?21mwbnz7mmzase2
 
مايكات : المشاغب - ابو بدر - حميدو
و انتظرونا فى اللى جى

فرحة ايسو من نجوم الساحة

و رجعنا تانى و اسفين للتأخير
نــجوم الــساحة و الاربـــع اعــــلام ( تـوبة جُـحا ) الجزء الاول

تميل مبااشر : http://www.mediafire.com/?h5zjtkhul83lof0

مايكات : المشاغب - حميدو - ابو بدر - ميدو
كلمات : قاموس الشعبى "فايكو"
توزيع و هندسة : أبو بدر

و اللى جى احسن ان شاء الله


نجوم الساحة و الاربع اعلام ( توبة جحا )

نجوم الســاحة - (قــــرار إزالــة) - 2013
مايكات : أبو بدر - المشاغب - حميدو
كلمات : فايكو "قلم الشعبى"
توزيع : أبو بدر

شكر خاص لساحر المزيكا : Dj Yahia ♥

و انتظروا اللى جى ,, و اسفين على التأخير بسبب الامتحانات ^_^
♥ ♥ ♥

Popular tracks by الساحر | Magician