«ខ្ទមចាំស្នេហា»  
និពន្ធ និង ច្រៀងកំសាន្ដ ដោយ នភ ហង្សផលា
១. ឱ!     ខ្ទមស្រែ ខ្ទមស្នេហ៍និស្ស័យ ទីធ្លាប់ប្រលោមរូបស្រី     ខ្ទមភក្ដី នៃគូសង្សារ 
ខ្ទម ដួងចិត្ត     ផ្ដិតអនុស្សា ឱ! ខ្ទម   វាសនា យើងសន្យា រួមរស់នឹងគ្នា។
២. ចំណងចងចិត្ត គិតឥតរសាយ នឹកពៅដែលនៅសែនឆ្ងាយ  ឆោមឆាយ បងរែងរងា ខ្ទមទួញសោក    ហៅម្ចាស់ទ័យា ខ្ទមអើយ កំព្រា ចាំគ្រា ជួបគ្នាជាថ្មី។
R. ឱ! ខ្ទម  ទឹកភ្នែក យំយែករាល់ថ្ងៃ ទន្ទឹងចរណៃ  ចាំពៅវិលវៃ........ រួមក្ដី    ស្នេហា...
៣. សាយណ្ហទន់ទេរ មិនរេប្រែចិត្ត សង្ឃឹមថាបាននែបនិត្យ វរមិត្រនៅក្នុងហត្ថា វាល   ល្វឹងល្វើយ វាលភ័ព្វវាសនា វាលខ្ទម អនុស្សា ចាំជួបជីវ៉ា... ជាថ្មី។

Ktorm - Jamm - Sneha by Nop Hang Phalla

«កុលាបកោះកែវ» បកស្រាយដោយ កវី នភ ហង្សផលា

បទដើម ច្រៀងដោយលោក អ៊ិន យ៉េង

Kolab Koh Keo

«បារាយនិស្ស័យស្នេហ៍» និពន្ធដោយអ្នកស្រី កែវ ច័ន្ទបូណ៌

ច្រៀងនិងទាត់ហ្គីតា ដោយ កវី នភ ហង្សផលា 

http://chanbokeo.com/music.php?gcm=6516&gcti=1002&gimi=35005

Baraiy Nisaiy Snaeh

«សម្រស់វង់ភក្ដ្រ» 
និពន្ធបទភ្លេង ទំនុកច្រៀង និង ច្រៀងដោយ នភ ហង្សផលា

១. ភក្រ្តអូនញញឹម   ផ្តល់ក្តីសង្ឃឹមក្នុងជីវិតបង
ញញឹម ៗ ស្រស់បំព្រង  រំភើបកន្លងក្នុងចិន្តា  ហឺ  ហឺ ហឺ...។              
២. ភក្ត្រាស្រទន់  អោយរៀមគយគន់គួចចិត្តស្នេហា
ថ្ងៃយប់សុបិន្តតែកនិដ្ឋា  ដួងចិត្តប្រាថ្នាជួបជាគូ។
៣. កេសាស្រស់ស្រីខ្មៅរលោង  នេត្រាថ្លាយង់ ចិញ្ជើមខ្វង់ដូចឥន្ទនូ  
ភក្រ្តាញញឹមស្រស់ប៉ប្រិមដូចគំនូ		ផែនថ្ពាល់ទាំងគូ
គន់មើលយូររៀមរឹតស្នេហា  ហឺ  ហឺ  ហឺ។
៤.  ឧិ!  ភក្រ្តសែនស្រស់  បងលង់សម្រស់ក្រពុំបុប្ផា
ផ្សងបីត្រកងក្នុងវង់ហត្ថា  ប្រលោមស្នេហារាងរាល់រាត្រី  ហឺ ហឺ  ហឺ  ៕


Somross Vongpheak

«បាត់មុខមិនបាន»
និពន្ធបទភ្លេង ទំនុកច្រៀង និង ច្រៀងដោយ នភ ហង្សផលា

Bat Muk Min Ban

សំនៀងកវី  នភ ហង្សផលា
(បទដើម បកស្រាយដោយ លោក ស៊ីន ស៊ីសាមុត)

១. ភ្លៀង ធ្លាក់ភ្លាមរៀមរែងរងារ ញាក់អស់អង្គារ ដូចសត្វកំព្រា មេបា
ផុតសង្ឃឹមថានឹងមានវាសនា បានស្រីមេត្តាខ្ញុំឡើយ។
២. ស្រាប់ តែអូនខ្ចីផាហ៊ុម ក្លិនអូនសណ្ដំ ខាបយកអារម្មណ៍រៀមហើយ
រៀមទទួលឱបយកមកកៀកកើយ គ្មានស្បើយពីក្ដីទុក្ខា។
R. ពេលដែលស្រង់ក្លិន ផាហ៊ុមឆោមឆាយ ទ្រូងរៀមខ្វល់ខ្វាយចង់បានកាយាមកថ្នមអង្វរ លុនតួសួរថា តើអូនមេត្តា បងទេ?
៣. សូមផាហ៊ុមទៅយំប្រាប់ស្រី ថារៀមសព្វថ្ងៃកើតទុក្ខរីងរៃ គ្មានល្ហែ
ព្រោះខ្ញុំបានចងចិត្តគួចលួចស្នេហ៍ អោយគេបានដឹងខ្លួនផង។


ផាហ៊ុមស្នេហ៍

«សូមផ្ការីកជាថ្មី» 
និពន្ធ និង បកស្រាយ៖ កវី នភ ហង្សផលា  
១. បុប្ផាអើយ! រីកពេលព្រឹកព្រលឹម    ផ្ដល់ក្ដីសង្ឃឹម សង្ឃឹម  អោយខ្ញុំញញឹមជាថ្មី។
២. ឱ! បុប្ផា សាយក្លិនក្រអូបក្រៃ   រីកស្រស់ប្រិមប្រិយ ប្រិមប្រិយ    អោយហឫទ័យរមនា។ 
R. បុប្ផារីកស្រស់ក្រពុំ ចោលលំអងស្នេហ៍គាប់ទ័យា
ខ្ញុំសូមថ្នមថើប ស្រង់គន្ធា គ្រប់វេលា មិនអោយឃ្លាត។
៣. ក្លិនផ្កាអើយ! ក្លិនពិដោរធម្មជាតិ ស្អែករីកម្ដងទៀត ម្ដងទៀត អោយខ្ញុំញញឹមជាថ្មី…



សូមផ្ការីកជាថ្មី

«ដឹងចិត្តបងទេ?»
និពន្ធនិងបកស្រាយ៖ កវី នភ ហង្សផលា

១. ដឹងចិត្តបងទេ ថាបងស្នេហ៍ស្រីមួយ
អូនជាត្រួយ ជាត្រួយ សង្ខារ បងហើយ
ជឿចិត្តបងចុះ ណា៎ស្រស់ត្រាណត្រើយ 
ភ្លៅអូនជាខ្នើយ បងសូមកើយរាល់រាត្រី។

២. អូនល្អម្លេះទេ អោយបងស្នេហ៍វរលក្ខណ៍
ចិត្តរៀមស្ម័គ្រ រៀមស្ម័គ្រ   លើពៅពិសី
ល្អទាំងឫកពារ ចរិយាមាយាទសម្ដី
នៅនាលោកីយ រស់មានន័យព្រោះរូបអូន។

R. ដឹងចិត្តបងទេ? ដឹងឬទេ?...ម្ចាស់ស្នេហ៍បងអើយ
បើបងស្នេហ៍ហើយ បងស្នេហ៍លុះសូន្យ
ស្នេហ៍មានសង្ឃឹម មានសង្ឃឹម ក្រាបផ្ទឹមនឹងស្ងួន
រួមរស់ជួបជួន លុះថ្ងៃសូន្យជាគូរៀងអើយ...

(ច្រៀងពីរដង)


ដឹងចិត្តបងទេ

«ឆ្នាំថ្មីលង់ស្នេហ៍» 
ច្រៀង និងប្រគំបទភ្លេង ដោយកវី នភ ហង្សផលា
និពន្ធដោយ អ្នកស្រី កែវ ច័ន្ទបូណ៍ 

១- ថ្ងៃនេះថ្ងៃសួគ៌សិរី បុណ្យចូលឆ្នាំថ្មី ជួបស្រីស្រស់ ធិតា (ពីរដង) 
រូបស្អាតអើយ នែ៎កអស្ចារ្យ រំភើបចិន្តា គួចស្នេហាតែក្នុងចិត្ត
  រំភើបចិន្តា    គួចស្នេហាតែក្នុងចិត្ត។ 
២- អីយ៉ា អូនចោលកន្ទុយភ្នែក អោយបងអល់អែក កាន់តែចង់អើយ នែបនិត្យ (ពីរដង) 
ចង់ស្ទុះអើយ នែ៎កទៅជិត សូមជាគូស្និទ្ធ ផ្តិតកម្រងអនុស្សា 
សូមជាគូស្និទ្ធ ផ្តិតកម្រងអនុស្សា។ 
៣- មើលហ្ន៎ក អូនញញឹមសែនស្រស់ គន់សមទាំងអស់ គ្មានទាស់អើយ ត្រង់ណា (ពីរដង) 
តើមុំកូនចៅលោកណា ដឹងទេរៀមរ៉ា ប្រាថ្នាចិត្តអើយ លើស្រី 
ដឹងទេរៀមរ៉ា   ប្រាថ្នាចិត្តលើស្រស់ស្រី។ 
៤- លួចសម្លឹងតែម្នាក់ឯង ញាប់ញ័រចំបែង រំជើបអើយ ហឬទ័យ (ពីរដង) 
ស្អែកអោយម៉ែពុកចូលស្តី ដណ្តឹងពិសី សូមជាគូអើយ បងហើយ 
ដណ្តឹងពិសី សូមជាគូបងហើយ។

(ពោល៖ ឱ! កូនចៅលោកណាហ្ន៎! ល្អអើយ ល្អម្លេះទេ! 
ពេលនាងញញឹម អោយខ្ញុំជាប់ចិត្តស្នេហ៍... ចង់តែនែបនិត្យក្បែរស្រស់នួនល្អង
ពេលនាងណាញញឹមមកម្ដងៗ... រងារអស់ហើយឆ្អឹងខ្នង... អោយខ្ញុំសូមផ្សងជួបជាគូ...)

(ច្រៀងវគ្គទី ៣ និង ៤ ម្ដងទៀត ចប់)

(ជូនពរ៖ សូមជូនពរឆ្នាំថ្មី ដល់ញាតិមិត្តប្រុសស្រីទាំងអស់ គ្រប់ទិសទី 
សូមជួបប្រទះ តែនឹងសេចក្ដីសុខ សេចក្ដីចម្រើន គ្រប់វេលា រៀងរហូត តទៅ។)

កែវ ច័ន្ទបូណ៍


ឆ្នាំថ្មីលង់ស្នេហ៍

Somrorng Jungkal Song Cover

ចម្រៀងស្នេហ៍រមនា
១. សុរិយា រះភ្លឺថ្លា ចិន្តាសែនរីករាយ
ឃើញវង់ភ័ក្ត្រអូនស្រស់ពព្រាយ ដូចផ្ការីកព្រឹកព្រលឹម។ 
២. ជំនោររំភើយពីឆ្ងាយ ផាត់ផាយនាំក្ដីសង្ឃឹម
បានជួបបុប្ផាស្រស់ប៉ប្រឹម ញញឹមសុខុមទ័យា។
 R. មើលន៎ បក្សាបក្សី ត្រសង ឆ្លើយឆ្លងគូវា ដូចបងនិងស្រស់ពំងា
រមនាក្នុងចិត្ត ម្ល៉េះណា។
៣. មេឃខៀវស្រឡះល្អ សាទរក្ដីស្នេហា
ចងដៃយើងពីរកាយា សុខារៀងរហូតអើយ!!!
នភហង្សផលា
១៨ កក្កដា ២០១២

nhphalla

Popular tracks