УИХ-аас Хүний эрх хамгаалагчийн эрх зүйн байдлын тухай хуулийг 2021 оны 04 дүгээр сарын 02-ны өдөр баталж, 2021 оны 07 дугаар сарын 01-ний өдрөөс эхлэн дагаж мөрдөж эхэлснээр Монгол Улсад хүний эрх хамгаалагчийг хамгаалах үндэсний тогтолцоо бий болсон. Тус подкастын үндсэн зорилго нь хүний эрх хамгаалагчидтай хүний эрх хамгаалагчдын өнөөгийн нөхцөл байдал, тулгамдаж буй асуудлууд, хүний эрх хамгаалагчийн эрх, үүрэг, хариуцлага, хүний эрх хамгаалагчийн үйл ажиллагааны тухай олон нийтэд мэдээ, мэдээлэл хүргэх зорилготой юм. 
Мөн Хүний эрхийн Үндэсний Комиссын тухай, Хүний эрх хамгаалагчийн эрх зүйн байдлын тухай хуульд Комиссын хүлээсэн эрх, үүрэг, гомдол, мэдээллийг хүлээн авах, шийдвэрлэхэд шаардлагатай үндсэн мэдээ, мэдээллийг хүргэх юм.

Хүний эрх хамгаалагч

Байгаль орчин ба Хүний эрх

ХЭҮК-ын Хүний эрх хамгаалагчийн хэлтэс ээлжит нэгэн подкастаа та бүхэнд хүргэж байна. Энэ удаагийн зочноор хүний эрх хамгаалагч Д.Сүхгэрэл оролцлоо. 
Хүний эрх хамгаалагч Д.Сүхгэрэл:
НҮБ-ын гэрээний хороод ба тусгай процедурын туршлага:        
Анх 2008 оны 7-р сарын 1-ний үйл явдлуудтай холбоотой НҮБ-ын ХЭЗ-ийн тусгай процедур ба гэрээний хороодод сонгуульд нэр дэвшигчид баривчлагдаж хориход өлсгөлөн зарласан, жагсагчдын хоморголон баривчлах, эрүү шүүлтийн нөхцөлд хорьж, олон зуун хүн баривчлагдсанаас гадна сураггүй алга болсон хүний тоо баримт зөрчилтэй болон сонгох ба сонгогдох эрхийн хэрэгжилтийн тухай мэдээллүүдийг журмын дагуу хүргүүлэхээс эхэлсэн. 
Түүнээс хойш 2009 оноос уул уурхай, эрчим хүч ба дэд бүтцийн салбарын бодлогууд НҮБ-ын болон олон улсын хүний эрх ба байгаль орчин, уур амьсгалын өөрчлөлтийн талаарх үүрэг амлалтад хяналт тавьж хэрэгжилтийг тайлагнах ажил хийсэн. 2010 оноос UPR, EPR, CEDAW зэрэгт тайлан илгээсэн. Илтгэлүүдэд байгаль орчны эрх зөрчигдсөнөөр эдийн засаг, нийгэм, соёлын эрхийн хэрэгжилтийг хангах бодлого дутмаг байгааг баримтжуулан бодлогын шинэчлэл, эрх зүйн зохицуулалтын зөвлөмж  авахад чиглүүлж ирсэн.
Шүүхийн бус гомдол барагдуулах механизм ашигласан туршлага: 
2011 оноос олон талт хөгжлийн банкнуудын байгаль орчин ба хүний эрхийн эрх зүй ба стандартад нийцүүлж байгаа эсэхэд нийцлийн хяналт тавих чиглэлээр ажиллаж ирсэн. 
2012 оноос хөгжлийн банкнуудын байгаль орчин ба нийгмийн хамгааллын бодлогын зөрчлийн судлах, баримтжуулах болон банкны хариуцлагын эсвэл гомдол барагдуулах механизм (олон улсын хариуцлагын механизмууд гэдэг)-ыг ашиглан зөрчигдсөн эрхийг сэргээн эдлүүлэхэд чиглэсэн үйл ажиллагааг 2012 оноос өнөөг хүртэл эрхэлж байна. 
Оюу Толгойн алт-зэс-мөнгөний уурхайн газар чөлөөлтийн бодлогын зөрчил, тухайлбал нүүдэлч малчдын эрх зөрчигдсөн тухай гомдлыг 2012 онд ОУСК-ийн Омбудсманы газар гаргаж 2015 онд гомдол хэллэлцэх Гурван талт зөвлөл байгуулагдаж 2017 онд Малчдын гомдол барагдуулах гэрээ байгуулагдсан. 
2012 – 2021 оны хооронд ОУСК, Дэлхийн банк, ЕСБХБ, АХБ-ны хариуцлагын механизмуудад төслийн газар чөлөөлөлтийн сөрөг нөлөөнд өртсөн олон зуун хүний нүүлгэлтийн нөхцөлийг сайжруулах, нөхөн олговор олгуулах шийдвэрүүд гарсан.

Б.Бадрал 
Эрх зүйч мэргэжилтэй. Монголын Эмнести Интернэшнлийн удирдах зөвлөлийн гишүүн.  Удирдах зөвлөлийн гишүүний хувьд бодлогын түвшинд залуусын дуу хоолойг хүргэх, залуу гишүүдэд чиглэсэн бодлого санаачлан ажиллаж байна. 

Б.Буянзаяа 

Монголын Эмнести Интернэшнлийн  сурагчдын бүлгийн гишүүн, идэвхтэн.
Сурагчдын бүлгийн ахлагчийн хувьд гишүүдийг идэвхжүүлэх болоод сошиал медиа дээрх мэдээлэл түгээлт дээр ажилаж байна.

Монголын Эмнести Интернэшнлийн залуусын төлөөлөлтэй ярилцлаа.

Энэ удаагийн подкастын зочноор "Түгээмэл хөгжил" бие даан амьдрах төвийн дэд бүтцийн хүртээмж хариуцсан мэргэжилтэн Б.Ням-Очир, нийгмийн ажилтан/туслах ажилтан хариуцсан мэргэжилтэн О.Мөнхзаяа нар оролцлоо.

Хөгжлийн бэрхшээл ба хүний эрх хамгаалагч

Энэ удаагийн зочноор Хүний эрхийн Үндэсний Комиссын дэргэдэх орон тооны бус Хүний эрх хамгаалагчийн хорооны гишүүн Э.Сундуй оролцлоо. Э.Сундуй нь улс төр судлаач мэргэжилтэй, "Төв тусгал" ТББ-ын гүйцэтгэх захирлаар 2015 оноос хойш тасралтгүй ажиллаж ирсэн бөгөөд 2023 оны 03 дугаар сарын 09-ний өдрөөс Хүний эрх хамгаалагчийн хорооны гишүүнээр ажиллаж байна.

Nhrcmdefenders