"WE" are the change!
आपण बदल घडवूया!
" नदी"
प्रत्येक नदीने आपल्याला आपण राहतो ते शहर दिले आहे. आज वेळ आली आहे की आपण त्या प्रत्येक नदीची काळजी घ्यायला सुरुवात केली पाहिजे. 
हृषिकेश आणि काशी मधे संपूर्ण जनसमुदाय गंगेचे पावित्र्य राखण्यासाठी पुढे सरसावला आहे.  गंगेचे घाट स्वच्छ होत आहेत. गंगा आरती होत आहे. हीच परंपरा आत्मसात करून आपण ही आपली नदी स्वच्छ करूया. तिच्या पावित्र्याचे प्रतीक म्हणून 
WE
WE Punekar
WE Punekar’s  90s
Jagruti Group Pune
सादर करीत आहे मुळा मुठा मातेची आरती. 
संकल्पना : श्री पराग मते
गीतकार : श्री जयंत भिडे 
गायक : श्री जितेंद्र भुरुक
स्टूडियो : गायत्री

मुळा मुठा ही माय माऊली, प्रेमळ आमुची आई
प्रदूषण मुक्ति तुझी करुनी होऊ या उतराई ।।धृ।।

पुण्यनगरी ही वसली आहे, तुझ्याच तीरावरती
आम्ही करंटे तुझ्या वैभवा लवीली ओहोटी
सोसलेस अन्याय किती तू बोललीस का नाही।।१।।
मुळा मुठा.....
आम्ही काळजी नाही घेतली, खंत वाटते आई
सोनेरी इतिहास गातो महती तुझी ग माई
स्वच्छ निर्मळ केल्याविण तुज, चैन जिवाला नाही ।।२।।
गतवैभव जे गेले ते ते परत मिळवूनी देऊ
प्रदूषण मुक्तीच्या कामाला, जुंपुन आम्ही घेऊ
तुझ्या सारखी आई लाभली, लक्ष जन्म पुण्याई ।।३।।
मुळा मुठा......

WeApplication