Excerpts From PL's Speech On Zenduchi Fule

Paahili Dolyaat Saare

Shewati Jo

कवडसा

पौर्णिमा ती ओळखे पाहून साधा कवडसा
काय सांगू मी तिला माझ्या मनाची लालसा

वाटतो ना एरवी मत्सर कुणाचाही मला
खाजगी मोठा तिचा तो मात्र सलतो आरसा

सोडते मागे न काही भेटते जाते घरी
मात्र छळतो रात्रभर माझ्या मनावरचा ठसा

टाळुनी गेलीस माझा प्रश्न साधा कालचा
मोगरा गजऱ्यातला बघ बोलला आता कसा

हासते नजरेतुनी ,मी बोलतो इतका जरी
बोलते नजरेतुनी अन् मी च होतो स्तब्धसा

काय ती आश्वासने देते जरी दररोज ती
वेळ ती ना पाळते अन् वाट मी बघतो असा

ठेवुनी विश्वास येते मोहरूनी जवळ ती
काय देऊ मी अशाने 'पंडिता'चा भरवसा

- निलेश पंडित
१ जून २०१४

Nilesh Pandit

Popular tracks