وحشتني بجد جداً - محمد هشام رجب

حته من انساك ام كلثوم #بصوتي ☺

 
مبقاش فيه كلام يوصف حالتي 
 والشعر خلاص مبقاش قادر 
 يستحمل واحد ف كئابتي 
 انا كل ما ابص ف كوم ورقي 
 اتضايق من حزن كتابتي 
معرفش انا ليه 
 عايش اجواء مش اجوائي 
 انا يمكن اه بحزن اوقات 
 واتفلسف على كل اصحابي 
 ان الاحزان مش بإردتي 
 والعمر بيقتل براءتنا
 وكلام معرفش انا جبته منين 
 لكن ف الاخر ببقى طبيعي 
 وباضحك واتريق والش 
 اتصاحب على شلة مجانين 
 وانزل ع القهوة وبشرب وعادي عصير مانجة 
 والعب دومنة
 واكتشف ان انا جاهل بالعمق 
 مش بشرب قهوة كتير جداً 
 ولا بسمع فيروز غير نادر 
 ومليش ف الطاولة و ف الشطرنج 
 ولا بقرا ف شعر فؤاد حداد 
 ولا عارف حكايات الاجداد 
 ولا عمري قريت لنجيب محفوظ 
 انا عيشتي هلاوس ف هلاس 
 مش بسمع مزيكا كذلك 
 ولا برقص حافي على الاسفلت 
 ف ايديا ايدين بنت جميلة 
 والمطرة بتغسل ملامحنا 
 اقصد
 انا عمري ما كنت ف يوم انسان حالم 
 ولا شخص جريء 
 وكمان انا برضه مليش اصحاب
 علشان بقى عندي قصاد منهم 
 ييجي الف صدق ..
عمري ما حبيت 
 والبنت ف عيني
 مرايا لاختي اللي معايا 
 دايما ف البيت .. 
والعزلة ف عيني مهيش دنيا 
 ولا حاجة جميلة وشيء ممتع 
 واما بحس اني خلاص هبدأ 
 باتفرج على افلام انمي 
 واضحك من قلبي وباستمتع 
 وباخش المطخ طول اليوم 
 افضل قدام التلاجة 
 مؤمن بشعار ( تقليب رزقي ) 
وسعات بقلق مخصوص م النوم 
 وبروح تاني 
 مش يمكن حد اضاف حاجة 
 او كل حاجة 
 كنت مخبيها بعيد ف الركن .. 
عارفين 
 انا فعلا باستغرب حالتي 
 والحزن الدايم ف كتابتي 
 لكن م الممكن اكون عايز 
 حد يشوفها 
 ف يقول مالك ؟ 
 ف احلف له مفيش 
 ف يقول لي: 
ازاي .. يا بني ما تحكي
 ف احكيله حاجات عني عادية 
 وهيا الاحداث الطبيعية 
 اسأله عن حاله واخباره
 يتكلم / اسمع / ف اتكلم
 ونخلص / نقفل بابتسامات ..
انا كل ما ابص ف اشعاري 
 بنتابني شعور ان انا فعلاً 
 انسان قد مات 

للمعلومة .. بعض الاجزاء في هذا النص 
 لازم تتقص 
 علشان مش ملك اللي كتبها 
 مش ضمن حياته اللي عايشها 
 يمكن بتخص بشر تانيين 
 كان نفسه يكون يشبه ليهم 
 لكن معرفش 
 ف اختار يكتب امانيه ف سطور 
 لكن مع ذلك اقدر اقول 
 ان الكاتب كان صادق جدا ف كتابته 
 علشان ماكدبش

كلمات و آداء حمدي الدالي 
https://www.facebook.com/hamdy.eldaly.98
music : Dreaming waves
https://soundcloud.com/oriensi/dreaming-waves-oud-instrumental-music

انسان قد مات - حمدي الدالي

بسم اللي خلق الصورة من غير أصل
بسم اللي خلق القلب وصل و فصل
ثم ابتلانا بعيشة في الدنيا 
الدنيا أصلاً لهو وياه هزل 
إني أوصيتُكِ .. فاستَوصي
بالله عليكي .. لا تنسي 
اقري آيات الكتاب 
ثم اذكريني 
ثم دعوة عند فتح الباب
و اذكري لهو الشباب
و اذكري حبة عتاب 
كانوا بيننا ..
اذكريني ..
و ادعي ليا أكون في جنة 
بعد ما سيبتيني ليهم 
أمشي فيهم 
ناسي أنّ
الدنيا دي مش دايمة لينا 
و احنا فيها دايرين نطوف 
اذكريني عندَ مَوتي 
و طمني بالك الشغوف 
اذكريني لما هبقى في حضن غيرك
و انتي بردو شايفة غيري 
مش خيانة .. كأني طيرك
اذكريني بحسن سيري 
و قلة الحيلة اللي فيا
اذكريني بدعوة ليا
اذكريني عندما أنسى
أنسى ؟ّ!
أنسى إيه ؟!
و انتي ساكنة في قلبي لسه 
أقول لك إيه ؟!
فرقة و بكا ..
حظ انتهى أو أوشَكَ
أو أوشَكَت ..
جميع حكاياتي اتحكت 
جوه قلبك حافظة كل حكاية بيننا 
جوه سجدة حفرت إسمك 
تشهد صلاة الفرض و السنة
حتى تشهد كل سهرة
حتى يشهد ليا بردي فـ وقت مطرة
حتى تشهد ليا رعشة جوه جسمي
حتى يشهد ليا إسمك .. 
اللي بيرافق دعايا قبل إسمي 
اذكريني ..
بحق من خلقك فـ سوى النور على جسدك
بدال الطين ..
فـ سواكي كما الملكين ..
إنتي نور 
كل حاجة فيكي نور 
بشوف في عنيكي الجنة و ما فيها 
يا بنت يغيروا منها الحور ..
اذكريني ..
عندما تنجح الثورة 
و تفوت سنين غبرة 
و تعيشي حرة ..
و انتي حرة ..
اذكريني عندما ..
تكوني إنتي .. زي ما حلمتي 
مش زي حلمي اللي كنت بشوفه ليكي
اذكريني عندما تدمع عنيكي ..
بعد موتي .. 
لو فـ يوم فكرتي فيا 
اذكريني و سيبي ليا 
رسالة عند الله في بيته 
أنا عارف انك نفسك في زيارة 
حتى يعني بالأمارة
الصورة اياها 
اذكريني عندما تكوني فـ متاهة 
مش لاقية غيري تحكي ليه 
اذكريني بأي شئ .. لو حتى إيه ..
اذكريني عندما ..
تنزل دموعي من السما ..
على هيئة المطرة اللي إنتي بتعشقيها 
ادعي ليا في ليلة فيها ..
و اذكريني ..
في كل طريق بيأدي لطريق غيره 
بيأدي لغيره و غيره و غيره 
اذكريني عند تسبيح الصباح
عندما يسبح له طيره
بعد صلواتك و بعد أي عبادة
عندما تكوني فـ سعادة
اذكريني بعد شربك قهوتك سادة 
بعد ما ودعت قلبك 
كل اللي نفسي تعرفيه 
فـ وقت ذكري و تشوفيه 
إني حبيبتي برغم بعدي 
لسه عايش ليكي .. و بحبك 
و هتفضلي إنتي .. 
وحشاني و معايا 
يا جنّة نفسي فـ حُضنها 
إسمك في كل دُعايا ..!

قصيدة " اذكريني " لـ علي حسن " Ezkorini " Ali Hassan

"فينا شبه"
دخلت حياتك
عارفت تعلقك بيها 
خطفت ليها قلبك
عداد عمرك واقف
دي ملاك روحي لي عنيها
كنت مش حساس اي شئ من نحياتها
لحد لمه جت خدنا صورة كان سعتها 
مشاعري بارده من علاقات فسده 
وحب الناس لنفسها مكنتش قدره
صعبان عليه الواد 
من دنيا فاجره 
دي دموعوه شاهده
من كان مع كتير ضاله الطريق
مكنش في اخ مكنش في صديق
عارف لمه حد يجي يخطفك 
من حيات وكل اللي ليك
نفسك تكمل مع كل احلامك 
هو اخوك هو اوختك 
اللي هاتمشي مع طول الطريق
في شبه منك كل ملاحمك
علي طول زي ضالك
________________Vers Two__________________
وصلت لي قلبي
قالت لي عقلي
فينا شبه من بعض
قلبي قال لي عقلي
جرب مره تانيه ! ممكن تبقا شهبي ؟
اكتشفت
اني لقتها عارفني اكتر مني
وانا زيها عارفها كأننا اتولدنا فوق روس بعض
شخصياتين روح واحده اسلوب واحد مافيش اي فرق
مافيش اي فرق
هي الكون............
لاني شوفت في عيونها 
لمه 
طفله نفسها تضحك تلعب تجري 
شافت ملامحها فيا
وانا قلبي ليها يغني 
مشغول امتي هترجع يا اللى بعيد
دا انا لو حكايت مش هخلص هفضل 
اقول واعيد
ايه الجديد
مستني اشوفك تاني.احضنك بيعوني
دا حبك بقا جوا في دمي بيجري في الوريد
كلمات والحان : Asser Amgad
هندسه صوتيه - Ali Agnbe
Music Prod by : Tuna beatz

Asser Amgad - Fena SHaBh | آسر أمجد - فينا شبه

تطور التاريخي في مصر الفرعونيه والاديان السماويه وعصور حديثه

#هو_ليس_لي#قصص#روايات#مقتطفات#بصوتي#نرمين_علي#حب#

#الوحيدون_جداً#بصوتي#نرمين_علي#قصص#روايات#نثر#مقتطفات#الكاتب_محمد_طارق#كل_الطرق_لا_تؤدي_إلى_روما#حب#فراق#إكتئاب#حزن#

#الفراق#بصوتي#نرمين_علي#قصص#روايات#نثر#مقتطفات#حب#حزن#

#نرمين_علي#بقلمي#اكتب_إليك_يا_أنا#بصوتي#قصص#مقتطفات#نثر#حب#حزن#روايات#strangers_ in the_ night#

#سبيل_الغارق#بصوتي#نرمين_علي#حسن_الشيخ_الزمزمي#قصص#روايات#مسموعة#حب#غرق#هالأسمر_اللون#نثر#شوق#لهفة#عشق#

#الفراق#بصوتي#نرمين_علي#قصص#روايات#نثر#مقتطفات#حب#حزن#

Nir Mina

Recent comments

ميمي عزت

Related tracks