Lyrics & Music : G Nisikanth
Singer : Gireesh Surya Narayanan
BG : Febin Lazer
Studio : Amen
Year : 2015

നിശാഗന്ധികൾ പൂക്കും ചൊടികൾ
ഉഷാരാജികൾ നീന്തും മിഴികൾ
പരാഗങ്ങൾ തൂകും കവിൾപ്പൂക്കൾ പോലെ
ഒരേകാന്ത സന്ധ്യാംബരം... ദൂരേ....

വലംവച്ചു നിന്നെ മടങ്ങുന്നു കാലം
വയൽക്കിളിച്ചുണ്ടിൽ നിൻ ഗാനാമൃതം
ഒഴുകിയൊഴുകിവന്നതീ ആത്മാവിലേക്കു നീ
ഓമലേ....ഓർമ്മകൾക്കോണമായ് നീ വരൂ

തുളുമ്പുന്ന മാറിൽ ശരല്പൂക്കളങ്ങൾ
തുടിക്കുന്ന മെയ്യിൽ പൂത്തുമ്പികൾ
പ്രണയകവിത പാടി ഞാൻ
കാത്തു നിൽക്കയായിതാ
വീണ്ടുമാ.. ശ്രാവണം ഓമനേ നീ തരൂ...

Nishagandhikal Nisi-Giri-Febin

ജനനം : മാർച്ച് 28,1928
മരണം :  ഇല്ല..!

രചന & ആലാപനം : ജി. നിശീകാന്ത്

നിനക്കു മരണമില്ലാ........!!!

1

നീലസാഗരത്തിന്റെ കരയിൽ തരിമണൽ
തീരത്തുമാനം നോക്കിക്കിടക്കും നേരം, ദൂരെ-
നിന്നൊരാളരികിൽ വന്നൊന്നുസൂക്ഷിച്ചുനോക്കി-
പ്പുഞ്ചിരിച്ചാരാ,“ഞ്ഞെന്നെക്കണ്ടതായോർക്കുന്നുവോ?”
സങ്കല്പ്പ ശൂന്യാകാശയാനവും മുറി, ഞ്ഞാത്മ-
രോഷത്തൊടുള്ളിൽ കേട്ടവാക്കുകൾ തിരയവേ
വിസ്മയിച്ചതേ ശബ്ദം!, ഗാംഭീര്യ!, മതേഭാവം!
വിസ്മൃതിച്ചെളിക്കുണ്ടിലമ്മുത്തു തിരഞ്ഞു ഞാൻ
കാലങ്ങൾ പിന്നോട്ടോടിച്ചെന്നു ഞാൻ വയലാറിൻ
കല്ലുമാടത്തിന്മുൻപിൽ വന്നെത്തിക്കിതയ്ക്കവേ
സ്തബ്ദ്ധിച്ചുപോയി!!, വിശ്വസിക്കുവാനാകാതാത്മ
ഹർഷത്താൽ പുണ്യം ചെയ്ത കണ്ണുകൾ തുളുമ്പിപ്പോയ്!! 

2

മാറ്റൊലിക്കൊള്ളുകയാണിന്നു മാനസം
മാറോടു പുല്കിയോരാഗാനവീചികൾ
നാവേറ്റുപാടുകയാണിന്ദ്രിയങ്ങളിൽ
നിസ്തുല രോമാഞ്ച ഹർഷാർദ്ര ശീലുകൾ
മായാതെ, മായ്ക്കുവാനാകാതെയിന്നുമീ
മണ്ണിൽ തെളിഞ്ഞീടുമപ്പാദമുദ്രകൾ
നീണ്ടുപോകുന്നൂ ഹിമാദ്രിക്കുമപ്പുറം
വിന്ധ്യശൈലത്തിന്റെ താഴ്വരയ്ക്കപ്പുറം
സാമ്യമകന്നൊരുദ്യാനത്തിനപ്പുറം
ദ്രാവിഡ സംസ്കാര സീമയ്ക്കുമപ്പുറം
നഗ്നയാം ഭൂമിക്കുമപ്പുറം, ഈശ്വരൻ
നിദ്രകൊള്ളും പാല്ക്കടലിന്നുമപ്പുറം
തീരാത്ത ദുഃഖത്തിൻ തീരത്തിനപ്പുറം
ചന്ദ്രനുദിക്കുന്ന ദിക്കിന്നുമപ്പുറം
ആകാശഗംഗയ്ക്കുമപ്പുറം, കണ്ണുതു-
റക്കാത്ത ദൈവരാജ്യങ്ങൾക്കുമപ്പുറം... 

3

ഗാനഗന്ധർവ്വ സ്വരധാരയിൽ മുങ്ങി
നിൻ കാവ്യകന്യകൾ നീരാടി നില്ക്കവേ
ദേവസ്സഭാതല ഗായികമാരാത്മ
വേദനയ്ക്കൗഷധമായേറ്റു പാടവേ
ദേവനൊരാളീണമിട്ട ഗാനങ്ങൾ കേ-
ട്ടപ്സരസുന്ദരിമാർ ചോടുവയ്ക്കവേ
മൂഢരാകുന്നു നിൻ വീണതൻ കമ്പി-
വിലയ്ക്കെടുക്കാൻ വന്ന വിശ്വാസവഞ്ചകർ!!
തപ്താന്തരങ്ങളെ ശാന്തമാക്കീടുവാൻ,
താപസികൾക്കു പൂത്താലി തീർത്തീടുവാൻ,
രാത്രിയാം രംഭയ്ക്കു പാവാട ചാർത്തുവാൻ,
രുദ്ധകവാടങ്ങൾ താനേ തുറക്കുവാൻ,
മാംസപുഷ്പങ്ങൾക്കു സൗരഭ്യമേറുവാൻ,
നക്ഷത്രചൂഡാമണിമാലകോർക്കുവാൻ,
അഞ്ജനക്കുന്നിൽ തിരിപെറുക്കാൻ, കയ്യിൽ-
മുന്തിരിക്കിണ്ണവുമായ് കാലമെത്തുമ്പോൾ
ആരും തുറക്കാത്ത പൂമുഖവാതിലിൽ
അഷ്ടമംഗല്യത്തളികയുമായ് വരാൻ,
പാരിജാതങ്ങൾ മിഴിതുറക്കാൻ, കോടി
മാനസപദ്മതീർഥങ്ങളുണരുവാൻ,
ആദ്യത്തെ രാത്രികൾക്കാവേശമേറുമ്പോൾ
ആയിരം പാദസരങ്ങൾ കിലുങ്ങുവാൻ,
ഇന്നും മുഴങ്ങുന്നു ഗാനപ്രപഞ്ചത്തി-
ലങ്ങോളമിങ്ങോളമാസാമഗീതികൾ 

4

കാലങ്ങൾ കടന്നു പോയ് ഗാനനന്ദിനിമാർക്കു
കാതിലോലയും കാപ്പും ചാർത്തുവാനെത്തീ പലർ
ആ നവസൗന്ദര്യത്തിനർദ്ധനഗ്നാംഗാവേശ
മായയിലാഴ്ന്നൂ ജനരാശിതൻ മനസ്സുകൾ
പക്ഷേ, നിൻ വികാരാർദ്ര സ്പർശനം കാണില്ലതിൽ
ആഴവും സംഗീതവും ഭാവനാ ഭാവങ്ങളും
നിൻ പ്രേമ വിഷാദങ്ങളാരിലുമുണ്ടാകില്ല
നീ കണ്ടകിനാവുകളൊട്ടു കാണുകയില്ല
ഭക്തിതന്നുത്തുംഗ സോപാനമേറുകയില്ല
ദ്രാവിഡകുമാരിമാർ ഇനിയും ജനിക്കില്ല
കാഞ്ഞിരക്കൊമ്പിൽ കിളി കുശലം ചോദിക്കില്ല
വയലാറിലെ വാരിക്കുന്തങ്ങൾ തുടിയ്ക്കില്ല
നീതെളിച്ചീടും സ്വപ്ന രാജവീഥിയിലൂടെ
കാവ്യകന്യക പുഷ്പ കമ്പളം വിരിയ്ക്കുമ്പോൾ
വല്ക്കലം മാറ്റിത്തപസ്വിനികൾ ചിലങ്കകൾ
ചാർത്തിനിൻ പദങ്ങൾക്കു ലാസ്യമാടുവാൻ വരും
സർഗ്ഗ വല്മീകം തകർത്തീയലായ് ചിറകാർന്നു
ചിന്തയാം ചിതലുകളാകാശമതിരാക്കും
ഋതുകന്യകൾ തങ്കത്താലമേന്തീടും, ഓരോ
മലരും നിൻ ഗാനംകേട്ടുണരും, ഉറങ്ങീടും
സൗരയൂഥത്തിൽ മഴവിൽച്ചാലുതീർത്താസ്വനം
കാലത്തിൽ നിന്നും കാലാതീതമായ് മുഴങ്ങീടും
അസ്ഥികൾ പൂക്കും വയലാറിന്റെയാകാശത്തിൽ
മറ്റൊരു ധ്രുവതാരരശ്മി നീ തെളിഞ്ഞീടും
ഏകാന്തസഞ്ചാരികളാവഴി ലക്ഷ്യം വച്ചു
നേരായദിശകണ്ടു ദേശാന്തരങ്ങൾ താണ്ടും
കൈരളിമകനെയോർത്തഭിമനാവേശത്താൽ
അറിയാതഭംഗുരമമ്മാറു ചുരന്നീടും
കൺകളിൽ നീലശ്ശംഖുപുഷ്പങ്ങൾ വിരിയിച്ചു
കണ്വനന്ദിനി മലർമാലയിട്ടെതിരേല്ക്കും
ഈ വിശ്വമാകെ, സ്വർണ്ണപ്പേനയാൽ കുറിച്ചിട്ടോ-
രീരടിയെന്നും മുഗ്ദ്ധമന്ദാരമലർ നീർത്തും……… 

5

രാത്രിപകലിനോടെന്നപോൽ നീ തുലാ
വർഷകാലം യാത്രചോദിച്ചകന്നനാൾ
ഞെട്ടിത്തരിച്ചുപോയ് ലോകം, അകാലവി-
യോഗത്തിൽ സ്തബ്ധിച്ചുപോയ് മലയാചലം
ഇന്ദ്രധനുസ്സിന്റെ തൂവൽ കൊഴിയുമീ
തീരത്തിനിയൊരു ജന്മമെന്തേ
നീ കടം ചോദിച്ചു? ഗായകാ..., ഞങ്ങൾതൻ
നെഞ്ചിൽ “നിനക്കു മരണമില്ല…!”

Ninakku Maranamilla-Nisi

LYRICS : G NISIKANTH, MUSIC : BAHUVREEHI, SINGER : GIREESH SURYANARAYANAN, GUITAR : ALEX MATHEW

STUDIO : PATTUPETTY CNGR & AMEN ALA

നീ......... ഒരു മൗന രതി ബിംബമോ
ഞാൻ....... അതിലൂറും ഹിമ ബിന്ദുവോ...
നിത്യ ലാവണ്യമാം നീല നയനങ്ങളിൽ
നിശാഗന്ധിതൻ മന്ദഹാസങ്ങളിൽ
താനേയലിയുന്ന നിമിഷങ്ങളായ്....

ഈ..... വിളക്കുകകൾ തെളിയും
രജനയിലാപ്പൂവിരൽ...
എൻ..... കവിളിലിൽ തലോടുന്ന
സുഖമിന്നറിയുന്നു ഞാൻ
മുഖപടമഴിയും നീല നിലാവിൽ
ഒരു നിഴലായ് നീ പടരും കിനാവിൽ
ഓർമ്മകൾ നൽകി വീണ്ടും നീ അണയുന്നുവോ....?!!

ആ............. കവിളിൽ വിടർന്നു..
ശാരദ സന്ധ്യാംബരം.....
തേൻ...........കണമുതിരും നിൻ
ചൊടികളിൽ നീർമാതളം
കനവുകളെല്ലാം കവിതകളായി
കവിളുകൾ കണ്ണീർ കടലുകളായി
മോഹശലഭങ്ങളായ് ജന്മം അലയുന്നുവോ

NEEORU_NISI-BAHU-GIRI

Cover Version Rendered by : G Nisikanth
Lyrics : Sri Sreekumaran Thampy
Music : Sri Raveendran Master
Singer : Sri K J Yesudas

പൂക്കളം കാണുന്ന പൂമരം പോലെ നീ 
പൂമുഖത്തിണ്ണയില്‍ നിന്നു... 
വീതിക്കസവുള്ള വീരാളിപ്പട്ടില്‍ നിൻ 
പൂമേനി പൊന്നായി മിന്നി.. നിൻറെ 
പൂമേനി പൊന്നായി മിന്നി..

പൂവണി പൂവണിയോരോന്നും, പിന്നെ നിൻ
തൂമുഖഭാവവും കണ്ടും 
നിൻറെ കയ്യില്‍നിന്നും പണ്ടു ഞാൻ നേടിയ 
പൂവടതൻ രുചിയോര്‍ത്തും
മുറ്റത്തു നിന്നു ഞാൻ തമ്പുരാട്ടീ 
മുഗ്ദ്ധമീക്കാഴ്ച തന്നേയൊരോണം..
കാലത്തിൻ കോലത്താല്‍ വേര്‍പിരിഞ്ഞോര്‍ നമ്മൾ 
കാണുകയായിതാ വീണ്ടും...

ആമന്ദമാമന്ദമോമനക്കാല്‍വച്ചു 
താളത്തിലെന്നടുത്തെത്തി 
പൂമിഴികൊണ്ടു തലോടിയെന്നുള്ളിൻറെ 
പൂമുഖവാതില്‍ തുറന്നു 
ഒന്നും മറന്നിട്ടില്ലിന്നോളം നീയെന്നാ 
കണ്ണീര്‍പ്പൊടിപ്പുകൾ ചൊല്ലി
ആദ്യത്തെ ചുംബനം പൂശിയ നാണമൊ-
ന്നാമുഖത്താളിമറഞ്ഞു...

Pookkalamkaanunna_Nisi_Cover

രചന & സംഗീതം : ജി. നിശീകാന്ത്
പശ്ചാത്തലസംഗീതം : എസ്. നവീൻ
ആലാപനം : ജി. വേണുഗോപാൽ
വിരുത്തം : വി. ജി. സജികുമാർ
ആൽബം : ഓർമ്മകൾ
വർഷം : 2015
നിർമ്മാണം : എംത്രീഡിബി & വേണുഗോപാൽ ഫാൻസ് ക്ലബ്

ശീവേലി തുടങ്ങിയ നേരം
ശ്രീദേവിയെഴുന്നള്ളും നേരം 
ആനക്കൊട്ടിലിൻ അരികത്തു പൂവിട്ടൊ-
രജ്ഞാത സൗന്ദര്യ പുഷ്പമേ….
ആ ഗന്ധമാദ്യം ഞാൻ നുകർന്നോട്ടേ…

ആരും കൊതിക്കുമാ ചുണ്ടിലെ തേൻകണം
ആരോമലേ ഞാൻ നുകർന്നെടുക്കും
നിന്നിലൊതുങ്ങാത്ത താരുണ്യ മുകുളങ്ങൾ
ഇന്നെന്റെ മാറൊടു ചേർത്തു പുൽകും
ഒരു നിമിഷം സഖീ ഒരു നിമിഷം…നിൻ
അടുത്തു വരാനെന്നെ അനുവദിക്കൂ…

അണിവയറിടുപ്പിലെ അരഞ്ഞാണക്കൊളുത്തിലെ
അരമണി വിരൽതൊട്ടു ഞാനുണർത്തും
അതുവരെയറിയാത്തോരനുഭൂതിതൻ ഈറൻ
നിമിഷങ്ങളിൽ നിന്നെ കൊണ്ടുപോകും
ഒരു നിമിഷം സഖീ ഒരു നിമിഷം… നിൻ
അകത്തു വരാനെന്നെ അനുവദിക്കൂ...

SEEVELI GVENUGOPAL NISI NAVEEN

Lyrics : Nisikanth Gopi
Music & Singing : Rajesh Raman
Background Score : S Naveen

പണ്ട് വെറുതേ എഴുതി രാജേഷിനയച്ചുകൊടുത്ത വരികൾ രാജേഷ് ഫോണിലൂടെ പാടിത്തന്നതോർക്കുന്നു... അന്ന് വെറുതേ പിയാനോ ബായ്ക്കിങ്ങ് ചെയ്തയച്ചു തന്നത് എംത്രീയിൽ പബ്ലീഷ് ചെയ്ത് ഒരുപാടാളുകൾ കേട്ടിരുന്നു... കഴിഞ്ഞ വർഷം "ഓർമ്മകൾ" എന്ന ജി. വേണുഗോപാൽ ഓൺലൈൻ ആൽബത്തിൽ നവീന്റെ മനോഹരമായ പശ്ചാത്തല സംഗീതം കൂടി ഉൾപ്പെടുത്തി ഒന്ന് പരിഷ്കരിച്ചതാണിത്.... ആദ്യമായി സൗണ്ട്ക്ലൗഡിൽ ഈ ഗാനം നിങ്ങൾക്കായി സമർപ്പിക്കുന്നു.... ഞാനും ലണ്ടനിലുള്ള രാജേഷും തമ്മിലുള്ള ആ കെമിസ്ട്രി ഞാൻ ആഫ്രിക്ക വിട്ടതോടെ ഏതാണ്ട് നഷ്ടമായി... ജോലിയുള്ളതിനേക്കാൾ തിരക്കും ഓട്ടവുമാണ് എനിക്കിപ്പോൾ പണിയൊന്നുമില്ലാതെ വീട്ടിലിരിക്കുമ്പോൾ.....!!! അല്ലെങ്കിൽ ഞങ്ങൾക്കു മാത്രം കേൾക്കാൻ വേണ്ടിയെങ്കിലും എത്ര പാട്ടുകൾ ഉണ്ടാകേണ്ടതായിരുന്നു....!

പ്രണയം ഒഴുകിയൊഴുകിയണയും…
നിമിഷം…. ഇതാ…
ഹൃദയം അതിലൊരലയിലുലയും
നിമിഷം.. ഇതാ…
മഴയായ്……….. പൊഴിയും
കുളിരായ്………..തഴുകും…..
മൌനമായ് പുണരുമെന്നിൽ നിൻ

നിൻ മുഖമോർമ്മയിലുണരുമ്പോൾ
പൌർണ്ണമിതൻ പനിമതിയുതിരും
നിൻ ചൊടിയിതളുകൾ വിടരുമ്പോൾ
കുങ്കുമസന്ധ്യകളതിലലിയും
വരൂ സഖീ ആത്മ നിർവൃതിതൻ
മധുരം, നുകരാൻ….
പ്രണയം ഒഴുകിയൊഴുകിയണയും…
നിമിഷം…. ഇതാ…

നിൻ വിരൽ പടരും ലഹരികളിൽ
കവിതകളായിരമിതളണിയും
നിൻ ചുടു നിശ്വാസങ്ങളിലെൻ
നൊമ്പരമൊരു കഥയായ് മറയും
തരൂ യുഗം പ്രിയേ നിൻ മനസ്സിൽ
പടരാൻ, പകരാൻ…
പ്രണയം ഒഴുകിയൊഴുകിയണയും…
നിമിഷം…. ഇതാ…....

PRANAYAM_NISI_RAJESH

ഒരു കുന്നി മധുരം പകുത്തു നീട്ടി എന്ന കവിതയുടെ താളം വിശദീകരിച്ചുള്ള പാർട്ട്. താളം ഖണ്ഡ (5/4 or 5/8)

Orukunni Madhuram Rhythm Khanda 5/8

മെഷായർ തോ നഹി - Cover by നിശി

Neelamayil- nisi & Radhika thilak

Lyrics : G Nisikanth
Music : Bahuvreehi
Singer : Rajesh Raman

ആദ്യമായ് കിട്ടിയ കൈനീട്ടം, ഇന്നും
ഓർമ്മതൻ മുറ്റത്തെ കളിയാട്ടം
ഒരുകണിക്കൊന്നപോൽ പുഞ്ചിരിച്ചവളെന്റെ
ഹൃദയത്തിനേകിയ കൺനീട്ടം, ഞാൻ
ഒരിക്കലും മറക്കാത്ത കൈനീട്ടം

തൊട്ടുവിളിച്ചുണ്ണിക്കണ്ണനേക്കാണിച്ചു
മുത്തശ്ശനേകിയ കൈനീട്ടം
മിഴിയൊപ്പിയമ്മയെൻ കൈക്കുമ്പിളിൽ തന്ന
കണ്ണീരിനുപ്പുള്ള കൈനീട്ടം, എന്റെ
കരളിലെ നൊമ്പരക്കൊടിയേറ്റം

ആണ്ടിലൊരിക്കൽ വരാറുള്ളൊരച്ഛന്റെ
വാൽസല്യ ചുംബനക്കൈനീട്ടം
ആയിരം കഥചൊല്ലിത്തന്ന മുത്തശ്ശിതൻ
വെറ്റിലക്കറയുള്ള കൈനീട്ടം, എല്ലാം
ഓർമ്മയാം കാലത്തിൻ കതിരാട്ടം.

Aadyamay-nisi-bahu-rajesh

അർജ്ജുനൻ മാസ്റ്ററിനും ജയേട്ടനുമൊപ്പം ഒരു ഗാനം....

ലജന്റുകൾക്കൊപ്പം 2005 ൽ ഇറങ്ങിയ എന്റെ ആദ്യ ആൽബത്തിൽ നിന്ന്....

Lyrics : G. Nisikanth (നിശി)
Music : M. K. Arjunan Master
Singer : P. jayachandran
Studio : Arabhi, Thiruvananthapuram & Marian Digital, Chennai
Recording Engineer : Ani Arjun


Neeliyennoru malayundu - MK Arjunan, P Jayachandran & Nisi

Lyrics by : G. Nisikanth
Music & Sung by : Rajesh Raman


Pranayam ozhuki - nisi-rajesh

ഒരു ഭൂഖണ്ഡാന്തര ഗാനം..:)))

Lyrics & Music : G. Nisikanth (Africa)
Singers : Thahseen Mohammed (USA) & Akshara Mohan (Oman)
Orchestration, Mixing & Mastering : Naveen S (India)
Track : Rajesh Raman (UK)

ഓർമ്മകൾ പൂക്കുമെന്റെ പൂവനങ്ങളിൽ
നീ വരൂ ചുണ്ടിലോണപ്പൂവുമായ് സഖീ
നെഞ്ചിലെ പാട്ടുതരാം മാറിലെ ചൂടുതരാം
എന്നുമെൻ സ്നേഹമാലകൾ ചാർത്തിടാം
        
ഓർമ്മകൾ പൂക്കുമെന്റെ പൂവനങ്ങളിൽ
നീ വരൂ ചുണ്ടിലോണപ്പൂവുമായ് സഖീ

ആവണിപ്പൂന്തൊടിയിൽ ആതിരതൻ പാൽക്കടവിൽ
ആയിരം ജന്മമായ് ഞാൻ കാത്തുനിൽക്കയായ്
കേട്ടില്ല നിൻ കൊലുസിൻ കൊഞ്ചലെങ്ങും ഈ വഴിയിൽ
പെയ്തെന്റെ നൊമ്പരത്തിൻ നീർപ്പളുങ്കുകൾ…

ഓർമ്മകൾ പൂക്കുമെന്റെ പൂവനങ്ങളിൽ
നീ വരൂ ചുണ്ടിലോണപ്പൂവുമായ് സഖീ …

ആ… ആ…. ആ… ആ…….
ഈവർണ്ണപ്പൂക്കളവും ഈയോമൽ പൂവിളിയും
നാം പണ്ടുകണ്ടുമുട്ടും ഉത്രാടസന്ധ്യകളും
എങ്ങനെ ഞാൻ മറക്കും? ജീവിതത്തിൻ നീർച്ചുഴിയിൽ
മുങ്ങുന്നു നമ്മൾ തൻ കടലാസുതോണികൾ

ഓർമ്മകൾ പൂക്കുമെന്റെ പൂവനങ്ങളിൽ
നീ വരൂ ചുണ്ടിലോണപ്പൂവുമായ് സഖീ
നെഞ്ചിലെ പാട്ടുതരാം മാറിലെ ചൂടുതരാം
എന്നുമെൻ സ്നേഹമാലകൾ ചാർത്തിടാം

ഓർമ്മകൾ പൂക്കുമെന്റെ…..
പൂവനങ്ങളിൽ…….
നീ വരൂ……. ചുണ്ടിലോണ
പൂവുമായ് സഖീ……

Ormakal pookkumente - Nisi- Thahseen-Akshara-Naveen

Lyrics & Music : G Nisikanth
Singer : Rajesh Raman
Orchestration : Surya Narayanan

Violin : Bhavya Lakshmi
Mrudangam : B. Kammath
Flute : Jossy
Veena : Saunder Rajan
Thabla : Ustad Moh. Husaain
Keyboard : Robin

Mixing & Mastering : Saji Nair, Chethana, Thrissur 

Adithottu-Nisi-Rajesh-Surya

വിപ്ലവം വിളഞ്ഞ മണ്ണിലായുയർന്നിടുന്ന ചെങ്കൊടിക്കിതാ....
ജനങ്ങൾതൻ മനസ്സുതൊട്ടു നൽകിടുന്നൊരായിരം സലാം....
ലാൽ സലാം... ലാൽ സലാം... ലാൽ സലാം...

Lyrics, Music & Orchestration : G Nisikanth
Singers : Rajesh Raman & Subha

Ore Swaram- Nisi-Rajesh-Subha

Thamburane parane (തമ്പുരാനേ പരനേ…)
ഞാൻ ആദ്യമായി സംഗീതസംവിധാനം നിർവ്വഹിച്ച ഗാനം…:) വർഷം : 2005

Lyrics & Music by G Nisikanth (ജി. നിശീകാന്ത്)
Rendition, Orchestration, Mixing & Mastering by S Naveen (എസ്. നവീൻ)

Thamburane parane-Nisi & Naveen

ഞാനും രാജേഷ് രാമനും ആദ്യമായി ഈണത്തിന്റെ പ്രഥമസംരംഭമായ www.eenam.com ൽ ഒന്നിച്ചപ്പോൾ

Lyrics : G Nisikanth
Composing & Singing : Rajesh Raman
Album : EENAM

Hrudayam Aliyum Nadam - Nisi & Rajesh

Lyrics : G Nisikanth
Music : Sai Surya
Singer : Durga Viswanath

Sapthaswarangalal - Nisi-Surya-Durga

A cover version by the talented n gifted singer Rajesh Raman from UK

Lyrics : ONV Kurup
Music : Raveendran
Original Singer : KJ Yesudas

PuzhayorazhakullaPennu-RajeshRaman

Tune by Vijesh Gopal for the Song "Nadunarnnu" written by G Nisikanth

Nadunarnnu - Tune by Vijesh

Lyrics & BGM Direction : Nisikant Gopi

Music Direction : Bahuvreaahi

Singers: Gayathri Asokan & Rajesh Raman

http://onam.eenam.com/ml/node/168


Poove poli-Gayathri-Rajesh-Nisi-Bahu

Lyrics & Orchestration : Nisikanth Gopi
Music : Rajesh Raman
Singer : Vijesh Gopal

തത്തക്കിളിച്ചുണ്ടൻ തത്തിക്കളിക്കണ പുന്നമടക്കടവിൽ, ഒരു
കൊച്ചുകൊതുമ്പു തുഴഞ്ഞു നടക്കണ ചിന്തൂരപ്പൊട്ടുകാരീ
എന്നെയും കൂട്ടാമോ എന്നോടിഷ്ടം കൂടാമോ
മുട്ടിയിരിക്കാമോ ഒന്ന് കെട്ടിപ്പിടിക്കാമോ
മൂവന്തി മുത്തിച്ചുവന്നൊരച്ചുണ്ടിലെ
മുന്തിരിച്ചാറുണ്ണാൻ സമ്മതം മൂളുമോ

ഓണവില്ലിൽ ഞാണും കെട്ടി, ഓരിലപ്പൂത്താലിചാർത്തി
ഓമനേ നിന്നെ ഞാനെൻ കൂടെക്കൂട്ടാലോ
ഇല്ലം നിറ വല്ലം നിറ ചൊല്ലിക്കതിരാടും ചെറു
ചെല്ലക്കിളിപാടുന്നൊരു പൂന്തൊടിയിൽ
ഒന്നിച്ചിരുന്നത്തപ്പൂവൊരുക്കാം
ഒന്നെന്റെ മാറോടു ചേർത്തു നിർത്താം
അക്കണ്ണിലിക്കണ്ണിൽ നോക്കിയിരുന്നിടാം

വാസനച്ചുണ്ണാമ്പു തേച്ച്, വെറ്റിലയിൽ പാക്കും വച്ച്
നീ മുറുക്കിത്തുപ്പിയതോ മൂവന്തിച്ചോപ്പ്?
കള്ളക്കളി കണ്ണിൽ ചിരിചുണ്ടിൽ കുളിരുള്ളിൽ കന-
വെണ്ണും തിരുവുത്രാടപ്പൂനിലാവിൽ
നീ ചിരിച്ചപ്പോൾ പൊഴിഞ്ഞതാണോ
നിൻ മെയ് വിയർപ്പു പൊടിഞ്ഞതാണോ
മാനത്തെ മിന്നുന്ന നക്ഷത്രത്തുള്ളികൾ?


Thathakkilichundan-Nisi-Vijesh-Rajesh

Anjanakkannezhuthi-dilbu singing

I am working in Africa currently as a progress controller and analyst for the Gas To Liquid Project of Chevron Texaco and I am originally from Chengannur, Alappuzha Dist, Kerala State, India

I am basically a Malayalam lyricist and aso have composed some tunes as well.

For the details plz visit below links, which will guide you thru my profile. Thanks for your great visit

http://m3db.com/node/23559
http://eenam.com
http://onam.eenam.com 
http://m3db.com/nadham

My facebook page : http://facebook.com/Nisikanth

Contact : gnkant(AT)gmail.com


Nisikanth Malayalam 1

Popular tracks