خودی کا سرِ نہاں   لا الہٰ الا اللہ
خودی ہے تیغِ فساں  لا الہٰ الا اللہ

یہ دَور اپنے براہیم کی تلاش میں ہے
صنم کدہ ہے جہاں  لا الہٰ الا اللہ

کیا ہے تو نے متاعِ غرور کا سودا
فریبِ سودوزیاں لا الہٰ الا اللہ

یہ مال و دولت دنیا یہ رشتہ و پیوند
بُتانِ وَہم و گماں لا الہٰ الا اللہ

خرد ہوئی ہے زمان و مکاں کی زناری
نہ ہے زماں نہ مکاں لا الہٰ الا اللہ

یہ نغمہ فصلِ گل ولالہ کا نہیں پابند
بہار ہو کہ خزاں لا الہٰ الا اللہ

اگرچہ بُت ہیں جماعت کی آستینوں میں
مجھے ہے حکم اذاں لا الہٰ الا اللہ

علامہ ا قبال

Comments

zavia

Sameen

Sadaf Rashid

FAKHRA Shah

Fida Hussain Nayani

Aadii Ali

Wasif Kazmi

Kamran shaikh

Raja Raheel

Anees warraich