Manal Abdelbaky's poem<3 =D at ZohourClub

إحنا مش بنخاف من صوت الرعد..إحنا بس خايفين نموت منه
إحنا مش بنخاف من الدوشة و الزحمة..إحنا خايفين لا منتسمعش
ممكن نكون بنخاف من السكوت و الصمت مع حد معين أو في موقف..بس خايفين أكتر لا منتفهمش
مش خايفين نموت كفرة..بس خايفين من عذاب القبر
مش خايفين من يوم القيامة..بس خايفين من جهنم
إنت مش بتخاف من المرتفعات..خايف بس تقع وتموت
مش خايف من كلام الناس..بس خايف لا فكرتك تموت
مش خايف من جواك..بس كل اللي مبينه خوف
خوف من فكرة الفشل..خوف من الموت..خوف من تكون إنت الفكرة..خوف من الصمود
أكيد مقتنعين مش بنخاف من الموت..بس مصيرنا في يوم..نخاف و نموت
بستخبى من صوت جوايا..في ركن في خيالي
يمكن يكون ضميري بيندهلي..بس أنا برضه مش فاهم هو عايز إيه
بيلعب على وتر من أوتاري وأنا ولا فاهم ولا داري باللي بيحصل
روحت ألعب معاه..لغاية ما كل وتر فيا اتقطع
...ليه يا ضميري مش بتقنعني وانت بتحكيلي
ده أصلا لو في يوم كلمتني

Noha Gamaldeen

Popular tracks