Catching Up With Nomio /  Номиотой Ярилцъя

САЙН CV БИЧИХ 10 ЗѲВЛѲГѲѲ

📍 Номиотой ярилцъя подкаст маань хэсэг хугацаанд түр завсарлаад эмэгтэйчүүдийн баярын энэ сайхан ѳдѳр тусгай дугаараараа уулзаж байна.  Энэ дугаарын зочноор Lean In Power Circle гишүүн Б.Бөрт- Үжин,Б.Дөлгөөн болон Б.Туяа нар оролцож байна.

Ѳнѳѳдрийн дугаартаа эмэгтэйчүүдийн жендэрийн эрх тэгш байдал, манлайлал, карьерт саад болдог зуршил, үлгэр дуурайлал авдаг хүн, ажил амьдралын тэнцвэрт байдал гээд л олон сонирхолтой сэдвийн хүрээнд нээлттэйгээр ярилцлаа. Ялангуяа дѳнгѳж карьераа эхэлж буй залуучуудад хэрэгтэй олон зѳвлѳгѳѳ багтсан байгаа.

🙏 Подкастаа сонсоод ѳѳрт тѳрсѳн сэтгэгдлээ хуваалцахаа мартваа. Мѳн дараагийн дугаарт санал болгох сэдэв байвал доор коммент хэсэгт үлдээгээрэй.

Зочинтой ярилцлага : Б.Бөрт-Үжин, Б.Дөлгөөн, Б.Туяа

Энэ удаагийн дугаар миний хувьд их онцгой,  үнэ цэнэтэй, урам зориг ѳгсѳн дугаар байлаа. Ѳѳрийн хүндэлж үлгэр дуурайлал авдаг хүнтэйгээ илэн далангүй нээлттэй ярилцах боломж олдож мѳн  дээрээс нь та бүхэнтэйгээ тэрхүү яриагаа хуваалцах болсондоо маш их баяртай байна. Энэ хүн бол "Рио Тинто” компанийн эрчим хүч, эрдсийн группын гүйцэтгэх захирал Б. Болд.  Болд ахын олон ярилцлагыг уншиж байсан ч  яг хувь хүн талаас нь харуулсан яриаг тэр болгон олж сонсож байгаагүй. Энэ дугаараараа түүний ажлын арга барил, карьерийн сонголт, айдас, залуучуудад ѳгѳх зѳвлѳгѳѳ, амьдралдаа баримталдаг зарчим гэх мэт олон сэдвийн хүрээнд нээлттэйгээр ярилцахыг хичээлээ. Ярилцаад сууж байхад подкаст хийж байгаагаа мартаад шинэ санаа, ѳгсѳн зѳвлѳгѳѳ бүрийг нь амьдралдаа хэрэгжүүлнээ гэж бодож суулаа. Яг л надад урам зориг ѳгсѳн шиг сонсогчдод маань ч бас олон зүйлийг бодуулах байхаа гэдэгт огт эргэлзэхгүй байна. 

Болд ахын ажлын туршлагын хувьд ШУТИС-ийн КТМС -ийг 1994 онд Бизнесийн Удирдлагын мэргэжлээр тѳгсѳѳд 1994 онд Азийн Хѳгжлийн Банкнаас ажлын гараагаа эхэлсэн. 1999 онд АНУ -ын Бриджпортын Их Сургуульд Биснесийн удирдлагын Магистрын цол хамгаалсан. 1999 -2009 онд АНУ-ын хѳрѳнгѳ оруулалтын JPMorgan банкны Нью -Йорк, Лондон, Гонконг зэрэг дэлхийнн санхүүгийн тѳвүүд дэх салбаруудад ажиллаж, хѳрѳнгѳ оруулалтын мэргэжилтнээс албаны захирал хүртэл тушаал хашиж байсан. JPMorgan банкинд 10 гаруй жил ажиллахдаа компаниудын анхдагч хувьцаа гаргах (IPO) компанийн хѳрѳнгийн үнэлгээ, хувьцааны болон зээлийн санхүүжилтийн хѳрѳнгѳ босгох, компаниуд нийлэх, нэгдэх хэлцлүүдийн (M & A) чиглэлээр мэргэшиж ажиллаж байсан туршлагатай. Мѳн Ньюком Группын гүйцэтгэх захиралаар ажиллаж байсан.2013 оноос хойш Рио Тинто” компанид ажиллаж эхэлсэн бөгөөд, 2013 онд Зэсийн группын Олон улсын үйл ажиллагаа хариуцсан Ерөнхийлөгчөөр, 2014 онд Төмрийн хүдрийн группын далайн тээвэр хариуцдаг “Рио Тинто Марине” компанийн захирлаар, 2015 онд Төмрийн хүдрийн группын Маркетинг, борлуулалт хариуцсан захирлаар ажиллаж байгаад 2016 оноос хойш Рио Тинто” компанын эрчим хүч, эрдсийн группын гүйцэтгэх захиралаар ажиллаж байна.

Яг одоо доорх линкээр сонсоорой. Сонсож байгаа платформ дээрээ subscribe хийж сэтгэгдэлээ үлдээгээрэй. Найз нөхөд болон бусад хэрэгтэй хүмүүст нь шэйр хийж олон хүмүүст хүргээрэй

Nomin Jargalsaikhan

Popular tracks