MGA DAMDAMIN NG PAMAMANGLAW
-Music nd Lyrics: Nonilon V. Queano/2October2015/NYC

Mga damdamin ng pamamanglaw
Bakit tila muling dumadalaw
No’ng isang araw lang tila anong tapang
Kahit man biglang naglaho ang buwan

Ang buong akala ay lilipas
Tulad sa awiting luma na at gasgas
Ngunit bakit tila naghahanap
At muli’y dindaluyong ang dagat 

Nakasanayan na rin naman ang mag-isa
Maghalungkat sa kaban ng mga alaala
Ang tumula-tula’t humabi ng kanta
Sa tuwinang may kawalang nadarama

Ganoon lang naman lagi ang paggiliw
Susuungin lahat ng dusa’t hilahil
Pagkaraan’y muli’y paglalayag
Sa gunita, pagsulong, at pangangarap

(All rights reserved.)

MGA DAMDAMIN NG PAMAMANGLAW/NVQUEANO 3/11January2016/NYC

AWIT SA PANDAIGDIGANG ARAW NG KABABAIHAN Music And Lyrics  Nonilon V. Queano 8March2015 NYC

Awit Na Alay Sa Mga Kabataang Martir Ng Rebolusyon

Ang Magsasaka Tancode.com

Ang Pagbabalik ng Musikero Special Release

Pagbabalik ng Musikero Instrumental

Alay Kay Macli-ing Dulag

Noni's song composition for use as theme of Steven de Castro's play, David Fagen. Original melody and lyrics and recorded performance by NONILON V. QUEANO




son

??(??)

DAVID FAGEN/theme for Steven de Castro's play

Awit sa Kasamang Nawalay with Intro for future recording

Awit sa Kasamang Nawalay with Intro missing in the recorded version

Kahit Tumigil Man/In memory of Geraldine Diaz, UPCB student who died in a car accident in the 70s

NGAYONG MULING NAGKITA
(Originally written for my play, “Hawla,” ca. 1975; the play won First Prize, in the Philippine Collegian --U.P. Diliman—Timpalak Panitik Literary Contest for that year.)
-- Original Music and Lyrics: Nonilon V. Queano


Ngayong muling nagkita
Naaalala mo pa ba
Ang lumipas na araw
Ng ating pagsinta

At kahit na dumaan
Ang kay tagal na panahon
Tantuing ikaw sa puso ko’y
Naroroon

Di  ka napawaglit sa akin
Kahit na sandali
Di nalimot
Mga luha mo’t mga ngiti
Ang tuwa’t saya
Pati na ang pighati

Patawad sa nangyari
Sa di naiwasang unos
Ngunit kailan man pag-ibig ko’y 
Di nalagot

At kahit na dumaan
Ang kay tagal na panahon
Tantuing kailan ikaw pa man'y
Naroroon

(All rights reserved.)

NGAYONG MULING NAGKITA/Music and Lyrics: NV Queano/ From 'Hawla,' ca. 1975

SA DAKONG TAG-ARAW SANA’Y KALIWANAGANG LAHAT
- Original music and lyrics:  Nonilon V. Queano/composed 18July2016/NYC

Sa dakong tag-araw sana’y kaliwanagang lahat
Tulad ng panahong sadyang yumayaon’t sukat
Subali’t naroong palagi ring lumilipad
Sa puso’t gunita ng tuwa at pagliyag
Minsan’y nagtatagpo, 
Saglit magyayakap

Ngunit lilisan din’t sukat agad maglalayo
Masang inalipin ang nasa isip at puso
Mga masasama’t imperyalistang baliko
Kailangang lipulin,  hanggang sa maglaho
Upang  maipunla’y
Kariktan’t  pagsuyo 

Sa umagang sisibol ang laya at ang pagsinta
Tulad kung ang lupain’y walang pagmaliw ang ganda
Sa daigdig na liwanag at ligaya’y walang hangga
Wala na ngang paaapi,  ang lahat lalaya  na

Sa dakong tag-raw mapapayapa ang lahat
Sa luntiang parang, sa gubat, bundok, at dagat
Sa lupang adhika walang hindi matitiyak
Palagi na’y awit ng laya’t  pagliyag
At wala nang dayo
Na mangungulimbat

Sa umagang payapa, may araw na sumisikat
Lipunang lilikhain’y mahihitik ng pangarap
Pagsinta’t kalayaan, sa tuwina’y mag-aalpas
Ang pag-asa’t kariktan,y liwanag laging kakalat

Sa dakong tag-ulan, muling mananariwa ang lahat
Pati ang gunita ng dusa at paghihirap
Sa gabi at araw, mga digmaang hinarap
At mga pagyao ng kasamang liyag
Hanggang layang mithi
Matagpuang ganap.
 (All rights reserved.)

SA DAKONG TAG ARAW SANA'Y KALIWANAGANG LAHAT/NVQueano/composed 19July2016/NYC

PASKO  SA PINAS
- Music and Lyrics: Nonilon V. Queano/19December2015/NYC

1.
Doon sa Pinas Pasko’y kay saya
Lahat ng tao parang may pera
Boom bo boom boom boom boom bo boom boom boom
Mano po Ninang, mano po Ninong
Pasko na naman ang babait lahat
Kahit barya lang, kahit na barat
Bam ba bam bam bam bam ba bam bam bam
Mano po Ninong , mano po Ninang

2.
Iniisip ko lang no’ng tayo’y magkakilala
Sulyap sulyap tingin saka biglang bira
Tayo’y batang paslit,  pisngi’y namumula
At ang ating laro’y tibig at estukada

Kapag Disyembre na, tambol kawaya’t lata
Hindi baleng boses nati’y bara bara
Mga bahay-bahay ating hinaharana
Ng Pasko na naman, pahingi pong pera

(All rights reserved.)

PASKO SA PINAS Nonilon V. Queano 19December2015 NYC (360p)

PASKO NA, PASKO NA
(Composed in 1975, for the GAT - Galian sa Arte at Tula - carolling event that year.)
Original Music and Lyrics:  Nonilon V. Queano


Pasko na, Pasko na
Mukha'y masasaya
May ningning ang mga mata
Pasko na

Ang lahat, ang lahat
Lubha nang abalang
Gastusin ang konting pera
Pasko na

Ngunit sa maliit na sabsabang bahay
Ang batang gusgusin'y magutom mauhaw
Sa kanya ay anong alay
Pasko ba

Saang hinaharap ka mahahantong
Bayang sinisiil ng dayuhang poon
Sisikat ba ang tala mong magluluwal
Sa layang napaburol

Pasko na, Pasko na
Maging sa pabrika
Makina ay kumakanta
Pasko  na

May tuwa ang bulsa ng kapitalista
Kislapan lang ng bombilya
Pasko na

At sa inalipi't dukhang manggagawa
Walang aginaldo kahit munting laya
Sa kanya ay anong halaga
Pasko ba

Saang hinaharap ka mahahantong
Bayang sinisiil ng dayuhang poon
Sisikat ba ang tala  mong magluluwal
Sa layang napaburol  (2x)

(All rights reserved.)

PASKO NA, PASKO NA/Original music and Lyrics: Nonilon V. Queano/recorded 25Dec.2015 in NYC

PAGKATAPOS NG PASKO
Words and music: Nonilon V. Queano
(Composed on 25-26 December 2011)

Pagkatapos ng pasko
Sana'y di lilipad ang alaala
Ng katuwaa't pagsasama
At kumustahan ng nagkita

Sa muling paglalayo
Patuloy ba yaong pagsuyo
O ang lahat ay lilimutin
Ililipad lamang ng hangin

Pagkalipas ng araw
Ng mga awit at ng pagdiriwang
Ng aginaldo't pamaskuhan
Mga handaan at inuman

Sa muling pagkawala
Mapapalis ang alaala
Ang sandali ng pagkikita
Mapapawi rin sa umaga

Dahil patuloy ang pag-ikot ng mundo
Ang nagbalik ngayon bukas ay lalayo
Mawawala kayang lahat ito
Ngayong Bagong taon man o pasko.

(All rights reserved.)

Pagkatapos ng Pasko.MOV/Words and music: Nonilon V. Queano/composed on 25-26Dec.2011

AWIT SA ISANG KASAMANG NAWALAY
- Original music and lyrics: Nonilon V. Queano/2011/All rights reserved
- Arrangement & instrumentation: Karl Ramirez; Vocals: Mine

Naisip mo ba ang mga panahong
Dagling nagkita ang kahapo't ngayon
Dilag na unos at hanging dumaan
Nagtatampisaw sa gitna ng ulan

Nasasalamin sa malayong pook
Kagandahan mong hinangaang lubos
Saan mang dako ihatid ng landas
Laging tandaang minahal kang wagas

Dumaan man ang sanlibong taon
Maglaho man ang lahat ng ngayon
Patuloy din ang pakikilaban
Hanggang sa paglaya
Lagi kang nariyan
Tulad ng liwanag ng araw
Ng buwan
Bituin
Tula
Awitin
Kailan pa man

Naalala ba ang mga sandaling
Ang sambayanan'y napuspos ng ngiti
Tulad ng awit sa umagang mithi
Saliw ay agung at mga kudyapi

Nasasalamin sa malayong pook
Kagandahan mong hinangaang lubos
Sa pagbabalik sa malayang bukas
Lalong titimyas ang mga pagliyag

(All rights reserved.)

Awit sa Kasamang Nawalay PPROD0 (Vocals Unmixed)

Professor of English, Comparative Literature, and Creative Writing; multi-award winning (Palanca, CCP, etc.) poet, playwright, fiction writer; songwriter; kulintang musician of our New York-based Filipino/Filipino-American Cultural Heritage/Dance Performing Troupe, Kinding Sindaw.

Nonilon V. Queano

Popular tracks